المقالات
السياسة
يا بوليس ارجع ثكناتك (قصيدة)
يا بوليس ارجع ثكناتك (قصيدة)
10-07-2013 06:47 PM

نحن مرقنا مرقنا مرقنا
ضد الناس السرقوا عرقنا
***
يا بوليس ارجع ثكناتك
وزيل الخجل الكسى وجناتك
ضاقوا الذل والجوع فلذاتك
لِمْ بُمْبَانك ... لا تشرقنا
***
نحن مرقنا مرقنا مرقنا
ضد الناس السرقوا عرقنا
***
وينو أمامكم يا الأنصار ؟
وكنتو الشعلة التوقد نار
حليل تاريخكم بقى تذكار
وقوفكم تحت الضللة حرقنا
***
نحن مرقنا مرقنا مرقنا
ضد الناس السرقوا عرقنا
***
وحلم أبوي في حزب الأمّة
كان بيقول (إتْ) أمل الأمّة
مناهو الضاع فد يوم ما تمّ
وولدك وسط السرقوا عرقنا
***
نحن مرقنا مرقنا مرقنا
ضد الناس السرقوا عرقنا
***
أما الميرغني خرّف وودّر
لملم عفشه وشتت وبدّر
في بريطانيا هناك إتحّكر
ما همّاو .. والدم غرّقنا
***
نحن مرقنا مرقنا مرقنا
ضد الناس السرقوا عرقنا
***
مالي بشوف الشارع نائم
لا شابّات لا شباب لا بهائم
غير عربات الأمن الحائم
جايّة عواصف ورعد وبرِقنا
***
نحن مرقنا مرقنا مرقنا
ضد الناس السرقوا عرقنا
***
كيف بنوم والدم مازال
في شوارعنا يسيل هطّال
ليه نستسلم مع ها الحال
هيّا لننقذ نحن بلدنا
***
نحن مرقنا مرقنا مرقنا
ضد الناس السرقوا عرقنا
***
قول يا هاشم وصوتك صادع
ضد الظلم الشبّ موانع
كنا حشود واسود بتصارع
الاّ فترنا وزغنا لبدنا
***
نحن همدنا غمدنا لبدنا
وخفنا الهمج السرقوا بلدنا
***
بدينا خطانا مشينا الأولى
هبّوا لنمشي الخطوة التانية
اهدروا وارعدوا مافي تراجع
واقنعوا من الدنيا الفانية
فإما نصرٌ واما شهادة
لنسكن جنة قطوفها دانية
***
واهتفوا نحن مرقنا مرقنا
ضد الهمج السرقوا عرقنا



(أبو سارة)

[email protected]



تعليقات 5 | إهداء 0 | زيارات 1375

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#794135 [mohd]
4.07/5 (5 صوت)

10-08-2013 03:29 AM
قصيدة رائعة

اين هو المعتصم الذي سير جيشا الى عمورية من اجل انقاذ امرأة قالت وا معتصماه ليرى نقيضه الذي يعذب حرائر السودان بالجلد تارة وعن طريق كلابه الامنجية الاف المرات

الرجالة والشهامة والمرءة والغيرة اقسام لم ينل منها الرقاص الجعاع شيئا

ولكنه لقي حظوظا في الكذب والنفاق والرقص والسرقة والتعذيب واسوأ الخصال التي لا تمت الا الى الرباطين والشماسة وتربية الشوارع والعمالة والخيانة للبلد والمواطن


#793936 [ذوالفقار]
4.07/5 (5 صوت)

10-07-2013 08:47 PM
مرقنا مرقنا مرقنا
ضد الهمج السرقوا عرقنا


#793931 [ود الفندكوك]
4.07/5 (5 صوت)

10-07-2013 08:36 PM
المستجير بعمر عند كربته كالمستجير من الرمضاء بالنار

قصيدتك جيدة غير انك طلبت العون من اموات الاحياء


ردود على ود الفندكوك
United States [abu sarah] 10-08-2013 02:57 PM
أأنت (ود الفندكوك) الذي أعرف ؟ والله قامت علي حالتي بتاعة الزهايمر ؟ وفي الحالين لك التحية والتقدير ،،،


#793894 [بعشوم]
4.07/5 (5 صوت)

10-07-2013 07:51 PM
يديك العافية ابو سارة


#793856 [Abu Ahmad]
4.07/5 (5 صوت)

10-07-2013 07:10 PM
قصيدة جميله أبو ساره .. بس سكناتك بالثاء (ثكناتك) مع التحية ،،


ردود على Abu Ahmad
United States [abu sarah] 10-08-2013 10:40 AM
جزيل شكري وتقديري Abu Ahmad طلبنا التعديل من الإدارة


عزالدين حسن محجوب
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة