المقالات
السياسة
طرح عطاء ادارة جمهورية السودان
طرح عطاء ادارة جمهورية السودان
10-09-2013 11:51 AM




ان الوضع الان اشبه بحال أرملة جميلة فقدت كل معيل ومعين وصراخ أطفالها من حولها يكاد يدفعها الى الجنون فهم جوعى واحدهم مريض يحتاج للدواء ليتشبث بالحياة الا انه لم يعد لديها اية نقود او حلي او مقتنيات يمكنها ان تبيعها لتحصل علي مال بل ان قريبها الذي استامنته علي نفسها وأطفالها راودها منتزعا منها اخر واعز ما تملك و استمرا الامر فهاهو ينهش جسدها لايزعجه بكاء الاطفال ولا تحرجه حركتهم من حوله ولايري برود الموت في عينيها وهو يجثم فوقها متلذذا بروعة الخدمة ومجانيتها

نحن سنواصل كفاحنا معك نسب هذا الفاسد وننعته بابشع النعوت ونملا الدنيا هتافا ضده بل سنشجب وندين أفعاله الإجرامية اما انت فعليك ان تصبري وتتحملى حتى تشرق شمس الفجر الابلج . انتبهى : ممنوع ثم ممنوع ثم ممنوع عليك وعار ثم عار ثم عار عليك وحرام ثم حرام ثم حرام عليك ان تبيعي جسدك لشخص اخر لكي تحصلى علي مايسد رمقكم اياك ان تستلى خنجرا او تمسكى فاسا لتهوي به علي مغتصبك حذارى ثم حذاري لان هذا أجرام وانت يجب ان تتمسكى بالسلمية شعارا ومبدا . . . اتركى أطفالك يواصلون إزعاجه حرضيهم عليه ليتظاهروا ضده حتى لو مات احدهم او نصفهم لايهزك الامر فان الغد ات لا محالة فلا تفرطى فى معركتك ووطنك ارض الأجداد والإباء . . . خليكى معاي بس شوية يابت العم اخت لى سفة وارجع ليك هى دى زاتا اخر سفة عندى . . وغايتو ما الحال من بعضو

ان من يسرق قوت اهله ليعيش فى رغد بينما اهل بيته يصارعون الجوع والمرض فهو فاسق لا آسفا علي موته
ان من يسرق قوت اهله ليعيش فى رغد بينما اهل بيته يصارعون الجوع والمرض وكمان ماعنده دم وعاوز يشارك فى حكمهم فهذا ود حرام افرموه طوالى حالا
ان المحللين والمثقفين وأهل العلم والخبرة والكتاب والأدباء والشعراء والساسة والدبلوماسيون ورجال القانون والقضاء والنشطاء وكل الوطنيين انتوا الله يرضى عليكم تعالو لى بيجاى
ان كل من تظاهروا فى الشوارع من اي دين او حزب او لون وسقط الشهداء من بينهم كما يخرج الماء من بين الأصابع اسمحوا لي ان اقول لكم ان من خاننا وسرق أموالنا واغتصب نسائنا هم للأسف ليسوا مستعمرين وليسوا مخلوقات اخري بل هم اهلنا دمنا ولحمنا سواء من الحكومة او متحالفين معاها او من المعارضة وكلهم اكرر وأؤكد كل من من هذه الشاكلة لا ولن يسمعوا غير اصواتهم فهم لايسمحون بالديمقراطية او تداول السلطة حتى فى بيوتهم ولن يعترفوا بسلطة الا وهم علي ظهرها وممكن علشان خاطر السلطة يتحاوروا و يتفاكروا ويتناصحوا ويتوالوا ويتناكفوا ويتحاربوا خمسمية وعشرين سنة اخري وانتوا قدر ما تنتفضوا وتقعوا تلقوهم ياهم زاتم نفس الوشوش والأسماء فى الحكومة والمعارضة لذلك انتم امام تحدى سهل وممتنع واسمحوا لي استفز فيكم روح التحدى
معقول ياشباب مع كل التكنولوجيا وتقنيات الاتصال ما قادرين تعملوا لجنة تنسيق بينكم فى أنحاء السودان؟
معقول لغاية حسه مافى ولا موقع يعمل استطلاعات للراي وإحصاءات نستفيد منها فى حراكنا ونحكم بيها التحليل والقراءه وتساعدنا على التخطيط لمستفبل الثورة؟
معقول نحن لغاية الان ماعندنا حتي تصور لأسماء نا س ووجوه جديدة يتسلموا تصريف وادارة شئون البلاد بعد ذهاب الانقاذ ؟ يعني لو صحوا الناس الصباح ولقوا الجماعة ديل كلهم كده هربوا فى الليل نبقى عايشين فى فراغ بدون حكومة ولا نخش فى الحلقة البعد الاخيرة من نفس المسلسل بتاع الديناصورات؟ لازم تكون الناس جاهزة بأسماء معروفة وكل منصب يكون فيهو اتنين او تلاته حتى لو لا قدر الله واحد فيهم اصابه مكروه يبقى التانى يستلم والخايف على روحو يبقى ما زول المرحلة فأحسن يستريح
هل فى توثيق للجرائم وحفظ جيد للأدلة ولا تبقى فينا زي قصة جيرانا وأخواتنا في مصر طيروا حسنى ولما جو يحاكموه ما لقوا عليه أدلة كافية فطلع براءة وبالديمقراطية ممكن يكون حزب يدخل بيهو انتخابات ويرجع القصر
يجب علي كل من عنده اي معلومة او قصة فساد ان يكتبها او يسجلها حتى لا ينسي ويشوف معاه واحد او اتنين يكون بيثق فيهم ويطلعهم علي قصته ومستنداته او يخلي معاهم صور منها المسالة دى مهمة جداً جداً
يجب ان يقوم العارفين بأسر المفسدين بعمل سجل لكل اسرة بدءا من الاب والزوجات والأبناء مرورا بالجدود والحبوبات والأعمام والخيلان وركزوا على الخيلان دى بالله لغاية السواقين والعمال مع مواقع بيوتهم وأرقام عربياتهم

ولا اقول ليكم

طرح عطاء استثمار وادارة جمهورية السودان
للدول الغنية والمتقدمة و الشركات العالمية العملاقة ( يعنى زي ما شفنا كيف قامت شركة السيارات الصينية جيلى بامتلاك عملاق السيارات فولفو وكيف اشترت مايكروسوفت العملاقة نوكيا وكيف اجرت اثيوبيا اراضيها http://www.elbashayer.com/news-31025.html وعدة دول اخري )

نطرح لكم عطاء استثمار وادارة موارد وثروات جمهورية السودان ومرافقه وشركاته وقطاعه العام بالاضافة الى الخدمة المدتية

هاهو الشعب السودانى يلفظ حكامه اللذين خانوا الامانة وأفسدوا ايما فساد فقتلوا الانسان وأهلكوا الحرث والنسل وبما انه بنهاية هذه الحكومة يكون الشعب قد أعطى فرصة لكل ألوان الطيف السياسي بلا استثناء فاخفقت و فشلت فشلا ذريعا فى حكم وإدارة امر البلاد والحفاظ علي وحدته واراضيه فإننا بصدد طرح عطاء ادارة واستثمار جمهورية السودان ومافيها من ثروات هائلة - يعنى لو جابو حمار ومسكوه البلد دي فترة ال58 سنة الفاتت كان عمل منها بلد محترم ما تقول لى الشعب كسلان ولا زفت الشعب انسان بنى ادم اذا حكمته حكومة رشيده وفرت ليهو متطلبات الحياة الاساسية لكفى ووفى وزرع وصنع وابدع الله يلعنكم حرامية لكن الشعب برضوا فاشل لانوا لسه ماعاوزيفكر بعقله فهو اذا احب واحد جعله منزها من الخطأ وناطقاعن وحى السماء واذا اختلف مع اخر جعله الد الأعداء وأحمر الحمير ونسف اصله وفصله

نرجع للعطاء
فعلي الراغبين منكم الاطلاع علي كراسة الشروط ثم تقديم مظاريفهم فى فترة أقصاها . . طيب ممكن يا شعب نحدد شروط العطاء؟


اللهم ارحم شهدائنا
اللهم ارحم شعبنا

اكرم محمد زكى

[email protected]


تعليقات 2 | إهداء 0 | زيارات 1252

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#796143 [أبو الكدس]
5.00/5 (1 صوت)

10-09-2013 03:55 PM
قسما بالله الفكرة دي ليها فترة مخمرة في راسي وبيني وبينك ده الحل الوحيد وأقول ليك حاجة خلي البلد الحتجي تدير شؤون السودان يشيلو 90% من موارد البلد ويفرقو الـ 10% الباقية علينا بالعدل في شكل خدمات وبنية تحتية وصدقني حنعيش في سعادة ونعيم


#796083 [الكردفاني العدييييييييييييل]
0.00/5 (0 صوت)

10-09-2013 03:01 PM
جيبوا اقرب امي بدوي...... يستطيع ان يدير الدولة احسن من هؤلاء الرعاع......

كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........
كلم صاحبك ...كلم جارك ....وصي ولدك .....البلد بلدك...... لا ترضى بالذل والمهانة...........


اكرم محمد زكى
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة