المقالات
السياسة
شعب الكسلانين يريد اسغاط النظام تزعين مرة
شعب الكسلانين يريد اسغاط النظام تزعين مرة
10-11-2013 08:25 PM

فرصة عظيمة هذه الايام لبعض الكتاب والصحفيين العرب للحصول علي بعض او زيادة فى الشهرة ولتتنتشر اسماؤهم عبر الشبكه العنكبوتية و مواقع التواصل الاجتماعى فالموضوع بسيط جدا وسهل فقط اكنب مقال فيه نفس الكلام التاريخى عن الوضع السياسى فى السودان انشاء الله حتى كوبى بيست من اقرب مقال وظبطو شوية ثم اضف اليه التعويذه السرية وهى عبارة عن اية اوصاف او صفات تثير غضب وحفيظة يعض السودانيين لضمان هياجهم فتنهمر ردودهم كالسيول ثم لايلبثوا الا ان يختلف هؤلاء القراء فيما بينهم حتى يصلوا المرحلة الاخيرة فيسبوا بعضهم البعض بينما ينهالوا شكرا وثناء على الكاتب وبلده واهله و و و فتمتد الصفحة مترين لى تحت

ومن اهم ما اكتشفه اخواننا العرب وجعلوه في بروفايل السودانيين هو الكسل ونطق القاف غين والسين زاى وعدم تقبلهم للمزاح وسرعة غضبهم و طريقة وسرعة كلامهم بيتعابير ما انزل الله بها من سلطان مثل (بيتكلم ساكت) فكيف يتكام الانسان وهو ساكت !!؟

لا ننكر ايضا ان هناك متابعات وتغطيات لكتاب كانت جيدة لكن الاجمل في كل هذا الزخم هو التفاعل الذى نامل ان نتعلم منه نحن العرب جميعا ثقافة تقبل الاخر واسرد هذده النكتة حتي كمان يعنى نكون منصفين شوية

يحكى ان احد الاخوة من البدون تحصل اخيرا على الجواز فقرر اول ما قرر السفر الى مصر ام الدنيا علشان يدلع نفسه كده ويعدل مزاجه والمعروف ان اغلب هؤلاء الاخوة ينطقون الضاد ظاء نسبة لاصولهم الفارسية فما ان وصل الرجل الى مطار القاهرة الا وتلقفه احد الفهلوية قاثلا : حبايبنا من الخليج احنا فى خدمتهم وتحت امرهم - فزدء (فزدق) لوز مزاج عال العال فنظر له الرجل بريبة حيث انه حسب ما يشاع ان فى مصر الكثيرين من النصابين والحرامية بتوع التلات ورقات فسال الرجل المصرى بلغته العربية الركيكة :الهين مسرى انت شو يريد؟ فرد عليه المصرى : انا عندى تكسى و كمان هاوديك علي شئة فل الفل فيها كل اللى نفسك فيه فوافق الرجل واستفل التاكسى ولكن لسوء حظ المصري تعطلت السيارة بهم في نص السكة فنزل المصري وهو يسب ويلعن في الميكانيكى اللى دحك عليه وخد فلوسه بدون مايصلح العربية وزادت سخونة الجو من سوء الوضع فبينما كان المصري منحنيا ينظر تحت العربية محاولا اصلاح العطل صرخ الرجل : الهين شو اندك انت يجاس تخت سيارة ؟ فرد عليه المصرى بتهكم وغضب : يعنى حضرتك ما بتميزسش - ما بتشوفش - ما بتفهمش انو العربية باظط ؟ فرد عليه الرجل : اخوى انت ليش فى زألان - ليش كلش كلام مال مصري هدا شكل ماتفهمش ما تركبش ماتشوفش افش افش افش بأدين انت فى جذاب سيارة مايبيظ دياية هو يبيظ

ارفق لكم ايضا رابط عن كيفة اهتمام الصحف الافريقية باخبار ثورتنا

اللهم ارحم شهدائنا
اللهم ارحم شعوبنا

اكرم محمد زكى


http://allafrica.com/view/group/main.../00026734.html

اكرم محمد زكى
[email protected]


تعليقات 11 | إهداء 0 | زيارات 2820

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#799201 [أبومحمد]
0.00/5 (0 صوت)

10-12-2013 05:11 PM
يا ناس انتو بتلوموا الاجانب ليه نحنا السودانيين من عربوا التعليم والرماد كال حماد ما ترجعوا للسبب الاساسي اللي خلانا نكون ملطشة لليسوى والما يسوى عينكم في الفيل تطعنوا في الظل


#798662 [الامدرماني ودامدرمان]
0.00/5 (0 صوت)

10-12-2013 10:25 AM
بتتكلم ساي


#798437 [ود الشرق]
0.00/5 (0 صوت)

10-12-2013 04:12 AM
ايه العبط ال انتا سايقو ده ... شخصيا ما فهمتا انتا عايز ترسل ايه ولى مين


#798360 [الجمبقلى]
1.00/5 (1 صوت)

10-11-2013 11:47 PM
علشان ما تنشهرش اطلب من الجميع عدم التعليق وشكرا


#798338 [بدون اسم]
0.00/5 (0 صوت)

10-11-2013 10:49 PM
يازول خلي ايدك دي واتكلم بخشمك والخشم عند الخليجيين الانف وبالمناسبة واحد سعودي قال والله شيئ غريب السوداني بعد 3شهور يهرج عربي والهندي يجلس 3 سنه وماتفهم منه شيئ


#798333 [هؤلاء ملل واطية ودنيئة وحقيرة]
5.00/5 (1 صوت)

10-11-2013 10:35 PM
معظمهم بفتحوا مشاريع ويجددوا اقامتهم ومرتاحين وراكبين عربات هاي هاي** كلوا بحريمهم مع الكفلاء

كان معنا واحد من جنسية عربية متزوج من واحدة من جنسية عربية وكان الكفيل يقوم بارساله خارج لمشاوير طويلة جدا قد تستمر من الصباح للمساء وكان يخاف من الكفيل موووووت وكان كفيله بيقول ليه ما ترجع إلا لما اتصل عليك.. وكان الكفيل بيذهب بيت مكفوله بستحم ويشرب القهوة ويسوي السبعة وذمتها واخر دلع ودلال.. والغريب انو بعد مرور اربعة سنوات اتى المكفول بابنه في مكان العمل.. فما كان من البنغالي شهيد الرحمن أن صاح صارخاً ومتعجباً وامام ابو الولد بدون قصد[ أها هذا ولد سمسم ابو سعود وكان الولد قطعة من ابوسعود..

ومازال البنغالي إلى الآن منتظر الإجابة ليش هو سمسم ابو سعود وهو يغسل في الكبابي والصحون وينظف في المكاتب** ليش هذا في سمسم ابو سعود ليش هذا في سمسم ابو سعود

يا شيخنا الملل دي في الخليج شغالها بحريمها وبناتها وعيالها.. شعب واطي وخليط


#798332 [mrarty infagat]
5.00/5 (1 صوت)

10-11-2013 10:32 PM
يا أكرم أنت عربي؟ خلاص مبروك عليك ... أيه الدونية دي؟ عايز بالعرب شنو يا عولاق؟ عرب قال... تف تف تف عليكم


ردود على mrarty infagat
European Union [سودانى] 10-12-2013 01:32 PM
خلق الله الانسان فى احسن تقويم فلكل جهاز وظيفة فارجو ان تستخدم مخك للتفكير وتترك القاذورات تخرج من مخرجها


#798307 [مفوت]
1.00/5 (2 صوت)

10-11-2013 09:33 PM
هسي فهمنا شنو ... يعني شنو الجديد في الكلام ده ...( كسلانيين ) ما قاعدين نسمعو كل يوم تقريبا .... والقصة ما ليها علاقة بالعمل لأنو الناس ديل عارفيننا بنشتغل كويس ...لكن هم بنظروا لناس عندهم كم وطاشر مجرى مائي حلو ومن غير تحلية ... وأرض مستوية ومش محتاجة حاجة لتزرع وفااااااااااااضية وأيدي عاملة ... وبعد ده كلو بتفتشو للإغاثة والسلفيات ... يا أخي الموية بس تخلع أي خليجي فما بالك بالأراضي المافيها جبل وسودااااااء ومتشققه من عدم الزراعة وزعلانة .... وهم ما عارفين حاجة عن حكومة بتحارب نفسها ... مافارقه معاها كان حرام كان حلال كان قتل كان سلب ... الليل طال وما باين ليهو نهاية ...واقرأ طواقي الخوف ... وأنت تعرف إننا فعلا نستاهل شافين بلدنا بتدمر ونحن قاعدين ... آآآعدين ليه ... أنت عارف ؟؟؟؟
لارض أمات الحنين
لو نقط الضحاوي البريق
في الحين تبتق شهوتن
تحبل
كما الامات
وتشرق باالوحم
لو تسعة الميلاد بتفرق في السنين
أو دي الشوارع باالبنات متحينة
ترسل تراتيل الخروج في يوم
وتقطع سيرتن
الارض تعريف الهديل
هدل الحمام بشري
وشوق السلام أنسان
باالحيل بيعرف أنتن
والارض شافت
إلا خافت
من عيون الليل
تناجي حبيب
غريب في الليل


#798304 [الشايل المنقة]
5.00/5 (1 صوت)

10-11-2013 09:25 PM
...( ليلة الغدر وما أدراك ما ليلة الغدر..) ديل نحنا...( غير المغظوب عليهم ولا الظالين..)ديل هم,,,لكن اموت واعرف من هو الملعون الذى اشار بتعريب المناهج بعد ان انتهى استغلالنا من الانجليز..؟..لانو دا هو أٌس وأس وأساس كل مصيبة بنحصد فى ثمارها الان..!..لكن هذا كله ,سيرجع الى المزبلة بعد الابتعاد من ما يسمى بالثقافة العربية دة اذا كان عندهم ثقافة من اصلو..بيضحكوا علينا الان من فتور الاحتجاجات والهبة,وبيقولوا الازوال مشوا ناموا وياخدوا راحة للعام القادم وح ينتفضوا تانى ..طيبون..!!!


#798303 [هاجر حمد]
0.00/5 (0 صوت)

10-11-2013 09:25 PM
بعد ان عرض محمد حسنين هيكل حججا قوية في احدي النقاشات كعادته اردف : انه ليس كلاما ساكتا كما يقول السودانيون , لم يكن النقاش عن السودان ولكن هيكل كان قبل ذلك بقليل في السودان والتقط هذا التعبير مستخدما اياه بذكاء معروف عنه . شن جاب لي جاب ؟ يا زول


#798287 [عصام دبلوك]
0.00/5 (0 صوت)

10-11-2013 08:48 PM
يتكلم ساكت تعنى انه يرمي القول علي عواهنه يتكلم بما لايدري يتكلم بما لايعرف يتكلم كلاما ليس فيه فائدة ارجو ان تكون وضحت لكم يااهل الضاد


ردود على عصام دبلوك
European Union [أبوبسملة] 10-12-2013 04:05 AM
هههههه موضوع مخستك جدا بس ياخى السودانيون لاينطقون السين زاى ولاغيرهم ولاحتى العجم لان السين حرف مشترك بين العرب والعجم ولم نسمع احدا نطق السين زاى . معليش الصاد والضاد وكدة وبعدين تعبير (كلام ساكت) من اروع وابلغ التعابير التى تفردنا به نحن السودانيون يقول دا بتكلم ساكت او هذا كلام ساكت يعنى كلام لاروح له ولاقيمة وفى حكم الصامت الساكت ياخى نحن السودانيون شعب رائع رغم الابتلاءات والمحن ورغم انف الكيزان وفعائلهم نحن شعب يمتاز بهوية متفردة عرب افارقة نوبة هوية قائمة بنفسها مزيج فى منتهى الروعة سودانيون وكفى . نفخر باللسان العربى كمانفخر بأصلنا الافريقى تصالحوا مع انفسكم يرحمكم الله واعترفوا بالعجمى الموروثة


اكرم محمد زكى
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة