المقالات
السياسة
الكفار منو ؟
الكفار منو ؟
10-12-2013 02:07 AM




نحن ما كفار و حاشا

ما جعلنا الدين مطية

للتكسب و الإعاشة

ما خدعنا الشعب يوم

بالشعارات الدراشة

ما ضبحنا في السليت

الجعانين العطاشة

لا و لا رحلنا أصلاً

لي بني صهيون فلاشاً

مذبحة رمضان شهيرة

جاري دمها ما تلاشى

أذهلت الشعب كلو

بكل إحساساتو عاشا

الإنقاذ عشناها واقع

ما فيلم معروض في شاشة

و البلد من يوم ما جيتو

لسه ما رفعت فراشا

نحن ما كفار لأنو

بنعرف الإسلام عدالة

للصغير المدرسة

و للمريض الإستبالة

و الرخاء و الكهرباء

و المشاريع للعطالة

ما قوانين للاهانة

تحتقر عزة رجالة

و لا بطاقات مستفزة

للجواسيس الحثالة

مما جيتو بلدنا أصبح

كله معروض في الدلالة

نحن ما كفار و إنتو

كل عهداً بينا خنتو

حتى شيخكم غدرتو

بعتو كارلوس ما خجلتو

بعتو بن لادن ربحتو

بعتو كل الفوق أرضنا

و بعتو حتى الجاري تحتو

بعتو لي أمريكا دينكم

أو رضيتو بس بي تلتو

خضتو في الباطل و عمتو

لا إكتفيتو و لا شبعتو

مافي زاهد بين صفوفكم

راجي أو راضي بي قسمتو

مره واحده أصدقونا

نحن كفار و لى إنتو

نحن كفار و لى إنتو


[email protected]


تعليقات 4 | إهداء 0 | زيارات 1196

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#799301 [ناصر المظلومين بالقلب]
0.00/5 (0 صوت)

10-12-2013 08:15 PM
هم ما كفار هم ظلمة


#799099 [تهانى موسي]
0.00/5 (0 صوت)

10-12-2013 04:38 PM
أكيد نحنا ما كفار.


#798935 [مهاجر]
5.00/5 (1 صوت)

10-12-2013 02:36 PM
نحن كفار والي انتو سؤال محول للدكتور نافع علي نافع .


#798836 [محمد سريف]
5.00/5 (1 صوت)

10-12-2013 01:30 PM
والله برافو عليك قصيدة دموعي جرت لماقريتها .. والله الكفار أنا اشتغلت وعشت معاهم أحسن من ديل
بكثير


ردود على محمد سريف
United States [عبدالله راجى] 10-13-2013 07:07 PM
عزيزى محمد جاء فى الحديث القدسى ياعبادى انى حرمت الظلم على نفسى وجعلته محرما بيتكم فلا تظالموا


زاهر أحمد
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة