المقالات
السياسة
الخضر يخوف سكان ولايته بفزاعة النيقرز ألعب غيرها قديمه
الخضر يخوف سكان ولايته بفزاعة النيقرز ألعب غيرها قديمه
10-22-2013 12:17 AM

الوالى عبد الرحمن الخضر يخوف سكان ولاية الخرطوم ويقول لهم عصابات النيقرز عادت مرة ثانية
عادت من وين يا الخضر
وهى بتذهب وترجع وأنت كل مال الدولة مسخرة للأمن عشان شنو
عادوا أو تريد أن تطلق كلابك مرة ثانية لو قرر الشعب الخروج على النظام
نحن راهنا على شىء هام وهو أن أتباع البشير أتباع ( الجيب ) وأتباع الترابى أتباع ( فكر الأخوان )
وقلنا لمان البشير يفلس سنفض المولد من حوله
ودا اللى حصل
اليوم 31 فصلوا بقيادة غازى وآخرون وغدا 310 يليها 3100 ولمان الرقم يصل 5000 يفضل البشير براه
يا الخضر ألعب غيرها
إنتم عاوزين تحكموا شعبكم بفزاعة يا نحن أو سنطلق عليكم كلابنا ( النيقرز )التى نحتفظ بها
نؤكلها من مال الشعب وندربها للحرق والسلب والترويع
أتحدى الوالى الخضر يجيب لى صورة نيقرز مقتول داخل طلمبة بتحترق دكان بيسرق
وايه اللى حصل لرجال الأمن اللى حاولوا سرقة صرافة بنك الخرطوم فى شارع الستين وكتبت أسمائهم
ديل برضو من ضمن مخطط إفشال المظاهرات السلمية
عصابات النيقرز لو أنتم خرجتم نحن بنعرف كيف نتخلص منهم
أطلقتموها تنهب وتسرق وتحرق ولم يقتل منهم نيقرز واحد داخل متجر بنك أو طلمبة بنزين تحترق
وقتلتم مايزيد عن 220 شاب غض يهتف سلميا قتل فى قارعة الطريق
ولم يقتل بطلمبة بنزين تحترق أو دكان ينهب
النيقرز ديل بالغباء دى بعدما يحرقوا وينهبوا يشيلوا أداة الجريمة فى يدهم حتى داخل الحراسات ويتم تصوريهم
ضابط البوليس الواقف وراهم أثناء التصوير قبل وشه للخلف عشان ماتشاهد خجلته
مسرحية سيئة الإخراج
الناس كاشفه لعبتكم وبكره الضباط والجنود اللى نفذوا هذا المخطط كل واحد فيهم سيبادر لفضح مؤامراتكم عشان يقول أن برىء
مكشوفة كل الناس عرفت أنكم أنتم من دربت وجهزتم من حرقوا وسرقوا ونهبوا وجابوا ليكم اللى سرقوه ونهبوه وصورتوهم معاكم كصورة تذكارية شالين سواطير وسكاكين جوه الحراسات
نحن عندنا قنابير
فى مجرم بيشيل ساطوره ويدخل بيهو الحراسة دون أن يصادر منه
رافعين ايدهم بدون كلابش
دا جهل شنو
دى افكاركم اللى ودت رئيسكم للجنائية
نحن نهتف ونقول : النيقرز ولا الخضر
طيب النيقرز ديل ليه ماظهروا إلا فى عهدكم
حقيقة العيب من فيكم
العيب فى أولادنا العاملين فى الأمن والشرطة والجيش كيف سمحوا لكم تسخروا بأفضل أمة عرفها التاريخ
وبعدين الناس دى حسابها سيكون عسير أمام شعبها
ألا تخافون الله
ألا تخجلون من هذه الأفعال القبيحة


المهندس سلمان إسماعيل بخيت على
[email protected]


تعليقات 9 | إهداء 0 | زيارات 2087

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#807761 [المهندس سلمان إسماعيل بخيت على]
0.00/5 (0 صوت)

10-23-2013 06:23 PM
يا جماعة عندى كلام عاوز أقوله ليكم بغرض نفيه أو تأكيده والعنده معلومة عن هذا الأمر نأمل أن يعمل مداخلة مفيدة - تعرفون أولاد الشوارع - وديل معظمهم لقطاء أو ايتام ومشردين كانوا بينوموا فى مجارى تصريف مياه الأمطار وإشتهروا بتعاطى مخدرات شعبية زى البنزين من الطلمبات ومادة السلسيون البيرقعوا بيهو اللساتك - ناس الإنقاذ ديل جمعوا هؤلاء وأرسلوهم لمعسكرات تدريب حسبما أذكر شمال غرب أمدرمان فى منطقة نائية
الشباب ديل حصل ليهم شنو
أخشى أن يكون هؤلاء هم النيقرز البيهددنا بيهم الخضر
نرجو من إخوتنا كل من لديه معلومة عن هذه الجماعة يكتب ويوضح لغرض الفائدة على أن ننأ ونبتعد عن عبارت الشب والشتم ونهتم بقضايا وطننا


ردود على المهندس سلمان إسماعيل بخيت على
[المهندس سلمان إسماعيل بخيت على] 10-24-2013 08:10 AM
حقيقة البلد لا تواجه مشكلة بل تواجه مشكلات ومن مشكلات هذه البلد ( بعض أبنائها ) أمثال المدعو (سمير) تخيلو هذا ( العقل الخواء ) لم يفهم خطورة ما أشرت له وأمثال هؤلاء الجهلاء دخلوا عن طريق الخطأ لموقع بمستوى الراكوبة ومهمتنا تكون صعبة فى معالجة كل العقول الخواء
يا سمير لو أن النيقرز مجموعة شباب متفلت نتيجة لظروف إجتماعية خاصة به فهذا أمر هين لايشكل خطورة على البلد
ولكن لو أن هنالك جهة حكومية ما جمعت هؤلاء ( النيقرز ) وهو صغار السن كالذين أشرت لهم وتم تربيتهم وتدريبهم لتحقيق هدف يصب فى مصلحة الجهة التى جمعتهم لتطلقهم متى مارغبت ليقتلوا وينهبوا ويحرقوا
قد يكون من أطلق النار على شهداء سبتمبر من قناصى النيقرز المسيسين الموجهين
ومن أحرق محطات البنزين من مجموعة النيقرز المسيسين الموجهين
ومن نهب المتاجر من مجموعة النيقرز المسيسين الموجهين
ومن نهب البنوك والصرافات من مجموعة النيقرز المسيسين الموجهين
تترك كل ذلك يا ايها الخواء وتتهجم علي ( الظاهر ان السيد بخيت زول (فاضي) ما عنده شغله ) صدقنى ليس لى شغل أو هم سوى الوطن . فماهى إهتماماتك أنت يا الجاهل الحقير ؟
أما إذا سألت من تم ترحيلهم من محلية شرق ( الرياض الطائف أركويت الجريف وسوبا ) الى دار السلام بجبل الأولياء كانوا جميعهم من أبناء الولايات الجنوبية وكل مجموعة كانت تسكن عدد من العمارات والفلل الغير مكتملة ( بعضها لا سقوفات ولا دورات مياه وحتى لا حنفية مياه ) وسط أحياء سكنية يمارسون صناعة الخمور البلدية - يتم إحضار سلطان كل مجموعة بواسطة قاضى النظام العام وترحل المجموعة لسكن مخطط وتم تمليكهم قطع أراضى وأظنك سمعت بانهم حين قرروا الإنفصال باعوها لشماليين ودى عاملة مشكلة اليوم لأن البعض يقول المنفعة بقطعة الأرض تنتهى بقرار الإنفصال ويجب أن تعود القطع السكنية للدولة لتوزع ضمن خطة سكانية
أما من هم غير جنوبيين لم يرحلوا لدار السلام لأنهم ( خفراء ) قانونين جاء بهم مالك العقار وجارى الغربى وإسمه يحي من دارفور يسكن فى عماره تحت التأسيس ليس بها ماء وأنا أمده من بيتى بالماء ويحي يعيش مع زوجته و6 أطفال حتى أكمل اللواء شوقى عبد الحميد ( من دارفور ) عمارته فرحل يحي لعمارة تحت التأسيس والحاس عبدالله جارى الشمالى ( من دارفور ايضا ) مازال يسكن حتى تاريخ اليوم وهؤلاء مسلمون صالحون لايمارسون صناعة الخمور أو يشكلون أى خطورة على الجيران والجميع يعلم ذلك
ومن حقارات ( المدعو سمير ) قوله ( هذه احدى قصـص بطولاتك ايام شبابك زمن كنت (معلم) قهوجي.. شئ عجيب ) وهو يعلم أنها كافتيريا مصنفة من البلدية كفئة ثانية وليس مقهى وأنا فى مكان ما تحدثت عن معرفتى لـ 40 مهنة ولو كان لى مقهى فأفتخر بذلك فكل مهنة شريفة إضافة للرجل وليس خصم
فمن أنت ايها النكرة
افصح عن إسمك الكامل وإلا ستظل نكرة وكل نكرة الى مزبلة التاريخ

[سمير] 10-23-2013 10:13 PM
الظاهر ان السيد بخيت زول (فاضي) ما عنده شغله... واللا اقول ليك يا بخيت امكن ديل اولاد الناس المساكين الكانوا ساكنين عشوائي الذين كنت تطاردهم بالعربيات والمسدسات...
هذه احدى قصـص بطولاتك ايام شبابك زمن كنت (معلم) قهوجي.. شئ عجيب!!!


#807561 [حيدر م]
0.00/5 (0 صوت)

10-23-2013 02:48 PM
الاخ اسماعيل الحكومة معتمدة تماما على سياسة العنصرية وسياسة فرق تسد وكل اليقال اوهام مرة جبهة ثورية مرةدارفور


#806689 [مهاجر]
0.00/5 (0 صوت)

10-22-2013 03:14 PM
بقينا نسمع حكاوي اطفال.


#806622 [المهندس سلمان إسماعيل بخيت على]
0.00/5 (0 صوت)

10-22-2013 02:17 PM
ورد يوم أمس الإثنين 21 إكتوبر على بوابة الإعلانات التى تبث يوميا على قناة أمدرمان الفضائية والتى أحرص على متابعتها ماقاله الدكتور عبد الرحمن الخضر والى الخرطوم عن عودة النيقرز
ياجماعة والى ولايةالخرطوم تعنى حاكم ولاية الخرطوم THE GOVERNOR OF KHARTOUM STATE
وفى أمريكا يسمى حاكم ( حاكم ولاية تكساس مثلا ) ونحن نسميه والى لأن من ولاه هو أمير المؤمنين عمر البشير
بعدما إنفعلت مع الخبر الذى ورد بإعلان أمدرمان الفضائية وأرسلت التعليق عليه للراكوبة
إنفجرت بالضحك الذى يشبه البكاء من الداخل
هذا المدعو عبد الرحمن الخضر الحاكم لولاية الخرطوم هو القائد الأعلى لجهاز الأمن والشرطة بولاية الخرطوم
طيب مادام هو القائد الأعلى لجهاز أمن الولاية وعرف أن هنالك جماعات إرهابية تسمى النيقرز بدأت تظهر فى حدود ولايته محدثنا بيها ليه مايعطى جهاز أمنه فى السر لينقض عليها ويبيدها أو يعتقلها
ياربى الخضر كلمنا عشان نقفل ابواب بيوتنا ومانخرج لا لصلاة ولا لمظاهرة
يا الخضر أنت الدكتوراة دى عملتها فى شنو
أولا لازم تعرف أن أى سودانى اصيل فى دمة نسبة لا تقل عن 50% الى 60% من دم زنجى بحت ومن كان دمهم بنسبة 100% زنج غادروا السودان وأسسوا دولتهم ولم يبق منهم سوى دينكا نوق وديل بكره حينفصلوا
نريد تأكيد من قناة أمدرمان الفضائية عن مصدر حديث الخضر
لو كان الخبر الذى أوردته أمدرمان الفضائية فى إعلاناتها صحيح
على الخضر أن يذهب فورا لمكتب رئيس الجمهورية ويسلمه مفاتيح مكتبه ويقول له : فخامة الرئيس أنا والى فاشل وكل ما أحاول أعمل لعبه تخوف الشعب الشعب يكشف أمرى ويهزئنى
أنا أستقيل والسبب غبائى وكره الناس لى


ردود على المهندس سلمان إسماعيل بخيت على
United States [عماد الغبشاوي] 10-23-2013 04:33 PM
باشمهندس تحياتي لك الرجل ليس لدية دكتوراة هو طبيب بيطري كان لدية صيدليةبيطرية بالابيض في عمارة المحامي والوزير السابق فضل الله خمسين


#806572 [taluba]
0.00/5 (0 صوت)

10-22-2013 01:22 PM
لم اقرا هذا المقال ولا اريد ان اقراؤه وذالك من اجل هذا المصطلح العنصري . واذا اردتم العنصوريه فيالها ،السودان دوله افريقيه وللافارقه فقط ،العروبه طلعت دينا. الجلد الاسود يطلق عليه زنجي .فالزنوج يطلق عليهم النيقرز في كل بقاع العالم. فالسودان ناتج من السواد يعني كلنا زنوج وبالاصح كلنا نيقرز وانا افتخر بذالك لاني نوباوي من جبال النوبه. واريد ان اسرد لك قصه حقيقيه لاحد اوائل السودانيين العرب الذين هاجروا الي امريكا في اوائل الستينات ،حينها كانت التفرقه العنصوريه مشتده بامريكا ،كانت هنالك بصات او حافلات للشعب الابيض يختلفون عن بصات وحافلات السود، وهذا العربي السوداني كان يعجبه لونه، كان اصفر اللون يعني بالسوداني جلابي. لقد تسلق هذا العربي في احدي باصات البيض. فلاحظه احد الامريكان البيض وهو بداخل البص. وإنهال الابيض علي السوداني ضربا مبرحا بالارجل والايادي واصبح السوداني يصرخ بصوت عالي ومدوي انا سوداني...واي...iam sudanes فصرخ الخواجي في وجهه وقال له السودانيين من اردئ انواع الزنوج. انا لست بعنصري ولكن بتصرفات الاعلام والمقالات التي تكتب عبر الصحف الاكترونيه تجعلني اصبح عنصوريا. إذا كانت هنالك مجموعه خارجه عن القانون بسبب الوضع الراهن في السودان فما ذنب باقي النقرز كآمثالنا.


ردود على taluba
United States [عماد الغبشاوي] 10-23-2013 04:36 PM
من الذي دعاك بالنيقز ياخي هذا مسمي وفي المقال ليس المقصود به اللون الاسود انما الفئة المتفلته


#806266 [ممكون وصابر]
5.00/5 (2 صوت)

10-22-2013 09:31 AM
ما يحدث في السودان نتاج طبيعي لشعب يقوده أمثال البشير ونافع وعلي عثمان محمد طه وربيع وقطبي المهدي والخضر ,, هولاء مثال للخواء الفكري وقصور النظر , أين هم من رجال عظماء سطرو اسماءهم بأحرف من نور في تاريخ بلدانهم أمثال مهاتير محمد قائد نهضة ماليزيا أين هم من الزعيم اسماعيل الأزهري , هذه الحكومة شكلتها عصابة دموية لم تسمع بالتنمية والموارد البشرية والمادية ولا بالأفكار الاقتصادية ,, حكومة بعد زوالها لا يصلحافرادها الا للعمل في مكاتب العقار أو الجزارات , لما تخصصوا فيه من سفك الدماء وبيع أراضي السودان .


#806264 [خالد ود الوزير]
5.00/5 (2 صوت)

10-22-2013 09:30 AM
النيقرز هم ميليشيا طلاب الموتمر الوثني


#806163 [مرعوب من دواجن النقرز]
5.00/5 (2 صوت)

10-22-2013 06:54 AM
عصابات النقرز عادت من جديد ما دام انت عارف ما قادر تردعهم وكمان عامل والي للخرطوم اخير عدمك الله يعدمك يا حرامي يا بتع الدواجن انت قعد تربي في النقرز في مزارعك ولا شنو


#806120 [ابو كريم]
5.00/5 (3 صوت)

10-22-2013 02:34 AM
والغريبة كمان ماشفنا قصور وفلل اعضاء الحكومة تتعرض للنهب والتدمير من جماعات النقروز ديل
انما ممتلكات مواطنيين بسطاء من عامة الشعب ؟؟؟؟!!!!!!


م. سلمان إسماعيل بخيت على
م. سلمان إسماعيل بخيت على

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة