المقالات
السياسة
حنـنـتـقم حنـنـتـقم
حنـنـتـقم حنـنـتـقم
10-23-2013 07:20 AM


حننتقم حننتقم

من كل مهووس منفصم

عايز يذل شعبنا

و العايزه قطعاً ما بتم

حننتقم حننتقم

سودانا يا سيد الإسم

يا شوكة في حلق الخصم

يا لوحة كاملة من الجمال

رغم التنوع منسجم

حننتقم حننتقم

برغم أخلاق التتر

بي نور قيمنا بنعتصم

عدوك يا سودان خسيس

و الخسة للكيزان وسم

واثقين تمام رغم الخراب

باكر جراحك تلتئم

نجفف أنهار الدماء

الشر يفوت و الخير يعم

قسما بأعداء البشير

و بكل ناشط ملتزم

وحياة مساجين النضال

الجرجروهم في القسم

الموت صحيح موت الضمير

و الله ما موت الجسم


جاك الشباب الما بهاب

فوق كتفو نبراس العلم

إسلامنا دعوة للسلام

ما سلطة في يد النظام

بتكتم الأنفاس كتم

و دعوة للحب و الوئام

ما دعوة للسب و الشتم

حننتقم حننتقم

جيتنا في الليل البهيم

شايل محافير الهدم

و رفعت صوتك يا غشيم

مافي زولاً يقول بغم

جيناك في وضح النهار

شايلين هتافات الحسم

و تأكد إنك يا لئيم

الليلة إنت المنهزم

حننتقم حننتقم

[email protected]


تعليقات 3 | إهداء 0 | زيارات 963

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#809263 [ربش]
0.00/5 (0 صوت)

10-25-2013 10:57 AM
حننتقم ..... أكيييييييييييييييد . صح لسانك ...


#807559 [أنور النور عبدالرحمن]
0.00/5 (0 صوت)

10-23-2013 02:46 PM
نعم ستتم المحاكمات العادلة لنظام الارهاب والبطش والكذب نظام الفتنة والفرقة والشتات والثورة لا محال متقدة - نظام الانقاذ انتهى من مرحلة الغيبوبة ودخل مرحلة موت الدماغ.


#807279 [ثائر]
4.00/5 (3 صوت)

10-23-2013 09:39 AM
قصيدة رائعة...معا لكنس تجار الدين الفاسدين


زاهر أحمد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة