المقالات
السياسة
خطاب البشير في كردفان نصا ( بالدارجي )
خطاب البشير في كردفان نصا ( بالدارجي )
10-25-2013 12:22 PM

بسم الله الرحمن الرحيم ..
الاهل والعشيرة .. السلام عليكم .. وحقيقة الواحد شاعر بأنو مقصر معاكم .. لانو دي اول مره نجيكم هنا .. وكان مفروض نجيكم من زمان .. لكن زي ما قالو القدم ليهو رافع .. وداير اقول ليكم .. احن ما جيناكم .. لكن والله متذكرنكم .. ودايما في بالنا .. عشان كده نحن كلفنا اخونا اسامة انو يجي عمل ليكم السد ده .. والسدود التانية .. لانو المويه هي الدبايه يا جماعه .. قالو المويه جات لكن عايزين مويه نضيفة .. لانو قالو الامراض معظما من المويه .. فالاخ اسامة عايزنك تعمل الدراسه .. وتعمل ليهم مويه نقيه صحية نضيفه (.. سير ..سير .. يا بشير ..) ايضا نحن بنجي .. وانتو مع واليكم . اخونا احمد هارون ..احمد هارون ده زول ما داير اشكرو قدامكم .. لكن ده زول نحن بنسد بيهو الفرقات .. المحل الفيهو فرقة ونحن دايرين راجل يسدها كنا بنودي احمد هارون ومحل ما وديناهو سداها وزاد زيادة .. الله اكبر .. وداير اقوليكم سر .. نحن كنا دايرينو لمحله تانيه نسد بيها في الخرطوم هناك .. لكن جو اهلو .. اهلو ناس شمال كردفان جو قالو ياجماعة الزيت كان ماكفى اهل البيت يحرم على الجيران .. ونحن قلنا لازم نكرم ناس شمال كردفان بي احمد هارون .. وزول كراعو خدرا يا جماعة .. وزي السحابه .. محل ما يقع بنفع .. الله اكبر .. نحن لما جينا ديل حركاتم وثوراتم بسموها بي الايام والشهور نوفمبر واكتوبر ونحن ثورتنا سيناها ثورة الانقاذ .. لانو البلد كانت محتاجة الي انقاذ .. الحاجه التانيه العايز اقولا ليكم اهلنا في دارفور ديل دخلم مرض .. دخلم شيطان .. كل ما نعمل صلح الليلة يخربوه .. لانو بيناتم ناس مأجورين .. ناس دافعين ليهم دولارات .. الحاجه التانية اول حاجه .. نحن عايزين نقول ليهم وهسع هم بسمعو في كلامي ده .. اي زول شايل بندقية وبحارب الحكومة وبروع المواطنين .. نحن السنة دي بنقطع دابرو انشاء الله .. كان في جبل جاينو .. كان قاعد في كركور جوه حنمرقو وحنطلعو انشاء الله .. الله اكبر .. لا اله الا الله .. ولا نعبد الا اياه .. مخلصين له الدين ولو كره الكافرون .. في سبيل الله قمنا نبتقى رفع اللواء ... الخ .. سلام عليكم .

[email protected]


تعليقات 29 | إهداء 0 | زيارات 4789

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#810864 [ود الجد]
0.00/5 (0 صوت)

10-27-2013 11:14 AM
كــــــــــــلام الطــــــــــــــــــــــــــــير احــــــــــــــــــــسن


#810279 [ابوالنيل]
5.00/5 (1 صوت)

10-26-2013 02:50 PM
قبل يومين شاهدت فى إحدى القنوات الفضائية السودانية شبه مناظرة فى برنامج يعرض ما ورد فى صحف ذلك اليوم وكانت بين د.أمين حسن عمر و د.البخارى الجعلى ..وقد كانت وجهة نظر د.الجعلى أن تكون خطب رئيس الدولة مكتوبة و بالفصحى فهذا يعطى للدولة هيبتها ...بينما كانت وجهة نظر د. أمين عكس ذلك ويقول أن الرئيس رجل شعبى و بسيط ...أنا أقول : ( خلوهو يخرمج ويجلط ويفلت ..بل ويعرض ويرقص بالدارجى )..إذا كان هذا هو حاله بالدارجى فما بالك بالفصيح ..خلينا نشتمتع ب ( درابو وعوارتو ) محليا على الأقل ويغشنا بكلمة كلمتين يأكل بها رءوس الغشامى والبسطاء ...!!!!


#809850 [انصاري]
5.00/5 (1 صوت)

10-26-2013 12:38 AM
دة عوير أمو الضرب أمو في عظم الشيطان..الأهبل الدعول البوص الخس.. مشروع الكلالة.


#809830 [ود الفاضل]
5.00/5 (2 صوت)

10-26-2013 12:03 AM
ناس كردفان اذا كنتم عايزين تشربوا من موية النيل الابيض او الازرق والمسافة تقريبا لاتزيد عن 300 كلم ، فى امكانكم اجبار هذا الرئيس الرقاص بايصال الماء عبر الانابيب الى الابيض فى ثلاثة شهور . ولكن يلزمكم تكوين خلية شباب اولاد رجال يرفعوا السلاح فى وجه الفسقة الفجرة ، ويتم تهديد خط البترول الناقل للبترول من ارضكم الى خرطوم الفساد ,, اذا اشتعلت النار فى خط الانابيب من المجلد حتى منطقة جبرة عند ذلك سيصحى البشير ويطير عقل ابو الجاز وسيدخل الحبشي وزير الداخلية الى مستشفى المجانين ، . من المسخرة والمهذله ان تظل كردفان تغرق الخرطوم بالبترول وتبخل خرطوم الفساد على الابيض بانبوب ينقل الماء من كوستي وهي على مرمى حجر من الابيض .. ابقوا رجال ووروهم العين الحمراء عند ذلك ستحقق كل المطالب وغير ذلك ستشربوا كدرا وطينا . ويظل البرقاوي احمد هارون يتمخطر فى الابيض وهذه وحدها من علامات الساعة .


#809748 [الجمبقلى]
5.00/5 (1 صوت)

10-25-2013 10:16 PM
هههههههههههههها والله جنس خرمجه .كلام زول مزنوق ساى


#809642 [موجوع وطن]
5.00/5 (1 صوت)

10-25-2013 07:27 PM
نقاط نظام:
1/ بتسد بيه الفرقات التي تقود إلي لاهاي و الإبادة الجماعية و ملحقاتها لإنه هذا الهارون لا يتورع في إرتكاب الفظائع وأي منصب ولي فيه إرتكب بموجبها مئات الجرائم الإنسانية بلا هوادة وهو فعلا يشفي غليل البشير لأنه أفظع مما يتخيل و لأنه بسدها وبزيدها زيادة أو كما قال البشير ولا غرو فقد أصبح بذلك مجرماً دولباً هو و رئيسه و مرؤسييه ..وناس شمال كردفان بالتأكيد فاهمين ما يغني البشير فقد أفدي بهم الخرطوم حسب قوله. تصوروا معي كيف كانت ستخرج مذابح إنتفاضة سبتمبر بالخرطوم علي يدي ذلك السفاح لولا لطف الله.
2/ طبعاً كراعة خضراء بفهم وذي السحابة بفهم وينفغ بنهم. و بإستخدام الكود حقهم معني الخضار و السحابة بتضح بفهم عامة الناس أما النفع طبهاً ما محتاجلو كود لأنه أي زول عارف نافع علي نافع بتاعهم.
3/ أما قوله ناس دارفور ديل دخلهم مرض - دخلهم شيطان فهذه علامات إنقلاب السحر علي الساحر. و يفسر ذلك هرولته من شيطابه طالباً الملاذ بالصلح فيجد أن شيطانه قد سبقه و أفسد عليه الملاذ.
4/ و قول نقطع دابره ونمرقه من كركوره.. فلا تعليق غير أنه يعيد مخيلة الذاكرة إلي قوله قبيل إنتخابات جنوب كردفان بحاضرة الفوله مقتبساً أسلوب رفيقه السفاح القذافي و قاطعاً وعدة ذا الثلاثة أيام ليتنزح كركور كرور... ناسيا أن لمشيئة الله و حكمته شأن عظيم في هذه الجبال و أن الجبابرة يدورون أيضاً في مشيئته تعالي (والأيام كانت دول). ومخيلة الذكرة تربطنا أيضاً بثنائية الإنتهاكات الفظيعة للأنسانية و السفاح هارون و التي صاحبت ما تلي من احداث.


#809586 [واحد كده]
5.00/5 (1 صوت)

10-25-2013 06:16 PM
ههههههههههههه اللهم لا شماته .. ده معانا ولا كبف


#809575 [fadeil]
5.00/5 (1 صوت)

10-25-2013 06:02 PM
كلامك دا يا عمر كلام الطير في الباقير وما ليهوش أية معني ، أنا بقول الزول ده روحو طالعه خلاس ، الشيطان الدل دارفور هو انت وعرمرك الشيتاطين للأن دارفور بلد القران وانت الشيطان ، أعوذ بالله منك .


#809549 [شليل]
5.00/5 (2 صوت)

10-25-2013 05:18 PM
صدق البشير و هو كذوب ، فيما يلي دارفور صحي دخلها شيطان إسمو الإنقاذ و أبالسة المؤتمر الوطني يفرقون بين المرء و أهله و تلك فعلة لم يسبقهم قبلها إنس و لا جان .
ما قاله بأن أحمد هرون يسد الفرقة و زيادة صدق فيها فالرجل كلب صيد جيد ينبح لهفيف الريح شهدناه قاتل بإمتياز و داعية من دعاة ما تجيبو حي ، أما ما تبقى من حديث فهو خج و غثاء ، تعساً لك و قبحك الله أينما وليت وجهك ، و الخزي و العار يلازمان من يستبشر به خيرا و يهتف بإسمه كما شهدنا أمس الخميس و الاعلانات المدفوعة في الجرائد تتحدث عن خطاب حاشد يوم الجمعة بالإستاد فصدق الكاذبون بكذبة أخرى


#809521 [مع العدالة]
5.00/5 (1 صوت)

10-25-2013 04:34 PM
تستاهلوايا الكردافة واحد يكضب عليكم ذى البشير وبستفزكم بانوا (كنتوا بتشربوا من الحفاير وبجيبوا ليكم الموية بالقطر من الرهد وماعندكم شارع زلط وهو العمل ليكم موية بارا وشارع كوستى وتانى باقين لاحمد هارون فى حلقوا دايرين موية وكمان من النيل !!!ودايرين شارع بارا جبرة !! منطق البشير يعنى بالواضح (روحوا بلايخمكم ياوهم..قال شنو موية من النيل بالله !!اسع النيل ده بشبه رمالكم الحمرة دى انتو تستاهلوا يفتحوا فيكم مياه الصرف الصحى وليس مياه النيل) واليوم تخرجوا لمن يراكم اوساخا لاتستحق لتقولوا سير سير يالبشير


#809491 [taluba]
5.00/5 (1 صوت)

10-25-2013 04:00 PM
متخصصين في صرف الكلام هو واحمد هارون ،ربنا انقذ جبال النوبه منه، ندعوا الرب بأن ينقذ جميع الشعب السوداني.


#809480 [Hanabeero]
5.00/5 (1 صوت)

10-25-2013 03:45 PM
لا شيء يستحق التعليق


ردود على Hanabeero
European Union [الغريب] 10-25-2013 05:55 PM
صدقت لا شيء يستحق التعليق


#809458 [سرحان]
5.00/5 (3 صوت)

10-25-2013 03:00 PM
لكم أن تتصوروا باقي الخطاب كالآتي : (يا جماعة نحن لما جيناكم من أول يوم غشيناكم و اتفقنا أنا و الترابي إنو هو يمشي للسجن حبيسا و أنا للقصر رئيسا ، طبعا بعد فترة اديناهو شلوت زي الما حصل شي .. و أنا يا جماعة حلفت في الهنقر بتاع العساكر داك و قلت ليهم : اقسم بالله العظيم ليس لي أي علاقة بالجبهة الإسلامية ... طبعا يا جماعة كنت بغش فيهم ، أها أنا أصلو الجماعة كانوا بيسموني "عمر الكضاب" ... تذكرو أشكالنا كانت كيف ؟ ما كان عندنا كروش يا جماعة ، و كنا ساكنين في بيوت ضيقة ، حتى بالأمارة أنا كنت ساكن في كوبر مع تلات أسر و البيت مساحتو 400 متر و فيهو دبليوسي واحد و حفرة كمان ... هسع يا جماعة الحمد لله اتمكنا و سوينا كروش و سكنا قصور و الكان معرّس واحدة هسع عندو أربعة ، و الحمد لله كتلنا 3 مليون في الجنوب و 300 ألف في دارفور و أنا سبق و قلت " لا أريد أسيرا و لا جريحا" و الحمد لله قبل أيام كتلنا 210 من الوليدات و ملينا قلوب أهلهم بالحسرات و جرحنا و عوقنا آلاف و سجنا حوالي ألفين ... يا جماعة نحن ممكن نكتل التلت عشان التلتين يعيشو كويس ، يعني يخدموا المتمكنين ، و بعدين حكاية اغتصابات دي نحن بنعملها لوجه الله ، أها هسع الغرباوية كان ركبا جعلي ، ده شرف ليها وللا اغتصاب ؟ انتو ما بتفهمو يا جماعة ؟ ... الله أكبر


ردود على سرحان
United States [ود امبعلو] 10-25-2013 09:08 PM
برضوا حيهتفوا سير سير يا بشير


#809436 [جبرين جابر جرقندي]
5.00/5 (1 صوت)

10-25-2013 02:38 PM
كلام انسان مجرم - كلام زول شوارع - كلام انسان جاهل - خسارة والله انو يكون رئيس دولة - كلام خالي من السياسة والحكمة - رئيس دولة يحرض على قتل شعبه ؟ احمد عارون - قال محل ما نوديه بسدها - يسدها بالقتل والترويع - احمد هارون يصرح بقتل الشعب - ( اكسح امسح قشوه ما تجيبوه حي ) دا بالله كلام رؤساء دولة - دا بالله كلام قادة دا كلام انسان مسؤل - والشعب يستاهل !!!!!


#809434 [تمر الفكى]
5.00/5 (1 صوت)

10-25-2013 02:37 PM
المهم بعد الهضربة دى الحاج رقص ولا ما رقص؟


ردود على تمر الفكى
[mabba ashoni] 10-25-2013 05:42 PM
بعد حجة الوداع, رقص في بيتو وبعد ذلك وصل الي شمال كردفان.


#809431 [مرتضى القسم]
5.00/5 (1 صوت)

10-25-2013 02:34 PM
هل هذا خطاب رئيس محترم؟ ارجو ان تكون لغته مضبوطة وان يستقيل من الحكم فورا


#809425 [muss]
5.00/5 (1 صوت)

10-25-2013 02:27 PM
رادل مفلس لدرجه لايمكن ان توصف. بعد 24 سنه في اعلي المواقع التنفيذيه و لسه فارغ يعني الراجل ده قبل الحكم كان كيف


#809422 [الزول الكان سمح]
5.00/5 (1 صوت)

10-25-2013 02:25 PM
والله الأعرج معاهو حق يتبجح كده..مادام الناس الشايلة البنادق ..شيفا السفاح يكتل فى الناس وهم متوسدين بنادقهم


#809420 [الزول الكان سمح]
5.00/5 (1 صوت)

10-25-2013 02:25 PM
والله الأعرج معاهو حق يتبجح كده..مادام الناس الشايلة البنادق ..شيفا السفاح يكتل فى الناس وهم متوسدين بنادقهم


#809419 [إبن السودان البار ***]
5.00/5 (2 صوت)

10-25-2013 02:24 PM
بعد 25 سنة وبعد أن مليت كرشك وكروش عصابتك وأغنيت كل جيش المستثمرين الطفيليين من شوام ومصريين وأتراك وسهلت لهم معاملاتهم بواسطة البنوك الشخصية الفاسدة الممنوعة في كل بلاد العالم إلا في السودان ومصر حيث الفساد ؟؟؟ فكرت الآن في السماح لأهل كردفان الطيبين بشرب مياه نظيفة ؟؟؟ الا تستحي يا فاشل ؟؟؟ إنك لص وقاتل ومجرم دولي أرتكب أكبر جريمة تطهير عرقي في العصر الحديث ومطلوب القبض عليك من محكمة العدل الدولية وشيل شيلتك أنت وعالتك وعصابتك من الحليم إذا غضب ؟؟؟


#809404 [زاهراحمد]
5.00/5 (1 صوت)

10-25-2013 02:10 PM
طبعا لازم تشيد باحمد هرون لانه دفعتك فى الجنائىة فالطيور اشكالها تقع ولله لو كنت تعلم كم نكرهك لكنت صمت ولكنك بلا حياء ولا خلق


#809389 [الساكت]
5.00/5 (1 صوت)

10-25-2013 01:54 PM
(نحن لما جينا ديل حركاتم وثوراتم بسموها بي الايام والشهور نوفمبر واكتوبر ونحن ثورتنا سيناها ثورة الانقاذ .. لانو البلد كانت محتاجة الي انقاذ ..)

البلد الآن محتاجة لإنقاذ منكم إنتو ياالخربتوها ومزقتوها وأهنتوا إنسانا.. الله أكبر عليكم


#809382 [ابو عجاج]
5.00/5 (1 صوت)

10-25-2013 01:41 PM
قاعد اقرا في الكلام زوجتي من غير ما تقرا عنوان المقال قالت لي اكيد كلام العوارة ده حق عمر البشير.


#809380 [الدو لى]
5.00/5 (1 صوت)

10-25-2013 01:37 PM
ده مستهتر بى ناس كردفان ويستاهلو (من سهل يسهل الهون علية )


#809343 [الطيب]
5.00/5 (3 صوت)

10-25-2013 12:50 PM
.
آآآآآآآآآآخ
وبس


#809339 [cour]
5.00/5 (1 صوت)

10-25-2013 12:48 PM
خطاب كارب جدا خالى من الاساءة مبروك بقى يتعلم الخطب


#809337 [أبو مريام]
5.00/5 (1 صوت)

10-25-2013 12:46 PM
لا خيييييييييييييييييييييييييييييييير .
يموت البشير بداء العباطة والصفاقة .


ردود على أبو مريام
[واحد ساى] 10-26-2013 11:11 PM
سير..سير ياخنزير الى حظائر الخنازير . بلا يخمك


صدقي البخيت
صدقي البخيت

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة