المقالات
السياسة
مسدار النصح - قصيدة جديدة
مسدار النصح - قصيدة جديدة
10-25-2013 11:00 PM


قصيدة جديدة للشاعر صديق ضرار

يا عمر البشير غايظنى منك صمتك
وانت بتشوف السوس بينخر تِحْتَك
* * *
يا عمر البشير أنا وانت أولاد دفعة
ولازم أديك كلامَنْ سم يجَرِّى الدمعة
البلد الوقعت دايرالا مننا رفعة
وتنضيف شديد مِنْ مَنْ أشانوا السمعة
• * *
ما يلقِّطوا ليك بعض الغلابة تشوفم
ومن شدة التصفيق زاد الورم فى كفوفم
ديل (تحتِ خَطِّ الفَقْرِ) فُوق لِكتُوفم
بس من عشم فيكا صفُّوا صفوفم
* * *
ياهم حقَّ الفطور بيعانوا منُّو بشدة
وشان ما يوصلوك ب: (يا عم وآخر شحدة)
جايين لى لقاك بى كل حنان ومودة
واسمع صوت هتافم ، يُورِيكَ خالية المِعدة
* * *
ما تسمع لى كلام النَذِلْ البٍضَحِِّّك ْفيكا
يَغَمِّض ليك بى نبش الخراب عينيك
واسمع لى كلامى وكلامى هو بِبَكِّيكا
لكنه بِيَطَهِّرْ روحك وعند الله بيزكيكا
* * *
الغفران منَّ الله مو من البطانة الحولك
البى اعتكافك يجاهروا وبى مغانم فضلك
* * *
ماشفنا منك زينة إلاّ ناسك تبجحوا فينا
دُرْناك للصلاح ؛ يهديكَ ربنا ويهدينا
نرفع شأن البلد إيديك على إيدينا
لكن زى الشِباك حولك مضُوا وبَعَدوُنا
* * *
كيف تعزِل جميع الأمة مجتمعين
شان رؤية حِزِب أفرادو معدودين
كيفن تنضبط الشورى في إيدين
من بالشريعة يغشوا ويتاجروا باسم الدين
* * *
عملا الفساد من حولك بيجمعوا مال
كيفن يستقيم وزارة وتجارة تدخل بال
ديل فى النهب مع البعض فى سجال
ومصرين يكونوا وزراء ورجال أعمال
* * *
جات الإغاثة وناسك في الخلا اتلقوها
فتحوا المخازن الخاصة ومن الثمين عبوها
فرهدت الجيوب ولمليزيا بَوْوْ قدوها
والناس التحت لو مقسومة ما بضوقوها
* * *
ورِّينى واحد فيهم تقول ود ناس
فالحين ف الرَقِيص وفي نَبِيذْ الناس
جايين من زبالة حثالة عفنة خلاص
وكيف يرضيك يا عمر أَنْ أُمَّتك تنْدَاس


[email protected]


تعليقات 1 | إهداء 0 | زيارات 3526

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#810540 [عبدالرحمن الامين]
0.00/5 (0 صوت)

10-26-2013 09:22 PM
نصيحتك خليها عندك ياخى دا 24 سنة ماوعى دايرو يوعى بى بيتين شعر .دا ربنا غضبان عليو عشان كدا زايد عوارتو وظلموا ونشحد ربنا يلاقى فى الدنيا قبل الاخرة.


ردود على عبدالرحمن الامين
United States [سودانى] 10-26-2013 10:31 PM
عبد الرحمن الأمين
إنت خارج الشبكة
وماقادر تفهم الموضوع من سياغ القصيد
دا نصح - وهو تعرية لمساوىء ماهو حاصل
فهمت ؟!


الشاعر صديق ضرار
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة