المقالات
السياسة
بعد البيتزا والهوت دوغ جابت ليها كنتاكي
بعد البيتزا والهوت دوغ جابت ليها كنتاكي
10-27-2013 07:50 PM

وزير المالية قال الانقاذ عرفتنا بالبيتزا التي انتشرت مطاعمها في الخرطوم والرئيس البشير قال "اتحدي اي زول عرف الهوت دوغ" قبل الانقاذ الآن جاءنا الحاج ساطور من سبأ بنبأ يقين وسار في نفس مشوار الفطاسة الذي سار فيه الرئيس ووزير ماليته وآثر بـأن يكون له من المعرفة بأطايب الطعام والتيك أواي نصيبا فتم الناقصة بكنتاكي فرايد جيكن.
image
ماقلت ليكم الجماعة ديل رايحين ليهم جوعة من زمان بعيد وخلعهم الآن بعد أن أستوزروا وتريسوا بأن يستكثرون علينا البيتزا والهوت دوغ وكنتاكي وفي زمن قديم ونحن شفع يفع كنا بندخل دكان أبو يمن ونلاقي عنده جبنة بيضه وجبنة رومي وجبنة مضفرة ولانشون وكريز وخوخ وعسل الأسد والزيتون الأسمر والأسود وطحنية سعد باللوز وكانت عربات كافوري بتضع لبن القزاز جم باب البيت في زمن اتصف بالأمن والأمان.
يعني ما لاقيت مثل تقوله الا الكنتاكي ما قلت ليكم مخلوعين وفطسين .. ياخي كان ممكن تقول لو انبطحنا لامريكا كان حالنا بقي حال وكانت التكنولوجيا متيسرة وعلاقاتنا مع باقي الدول احسن طالما هي حسنة مع امريكا كان يكون شي مبلوع بدل بلع الكنتاكي.
وبعدين يا سيادة النائب المتهكم علي مظاهرات الشباب وتريدهم بان يقارنوا حالهم الآن وحالهم قبل عشرين سنة يا بلاهتك ياخي .. معظم المتظاهرين بعضهم قبل عشرين سنة لم يولد وبعضهم عمره كان يعد علي اصابع اليد الواحدة .. طيلة ربع قرن والناس اللي عايشين ومعاصرين عصركم وعصركم وعسركم ضاقوا منكم المرارات فأثر بعضهم الهجرة من السودان وآثر البعض الآخر مسايرتكم حتي يعيش وتاه البعض الآخر في مسيرة عمل يومي صباحي ومسائي يعود بعده لبيته منهوكا مهدودا.
خليك شجاع وخلينا نقارن حالنا قبل 30 يونيو 1989 وحالنا طيلة ربع قرن من الزمان مع عهدكم البغيض في كل النواحي والله لو رجعنا لما قبل 30 يونيو المشئوم حيث السودان موحد ولا حروب مستعرة ولا تشريد للمواطنين البسطاء من مناطقهم ولا تشريد للعاملين من وظائفهم للصالح الكيزاني وحيث الدولار يساوي في السوق السوداء 12 جنيه بالقديم .. وحيث النفوس طيبة والناس متدينة بطبيعتها ولا حاجة لها في انبياء ورسل جدد .. نسأل المولي بأن نعود لما قبل 30 يونيو ومن بعدها ننطلق نحلم لغد افضل من 29 يونيو 1989.

عمر الفاروق عبد الله
[email protected]


تعليقات 7 | إهداء 0 | زيارات 4180

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#812067 [ود الجد]
3.13/5 (6 صوت)

10-28-2013 03:49 PM
هل سمعتم بمشروب منعش يسمي الجنجبيرة والذي كانت تنتجه مصلحة المرطبات التابعة لسكك حديد السودان التي اصبحت ماض انا متاكد انو ناس المؤتمر لم يسمعوا به


#811544 [رانيا]
0.00/5 (0 صوت)

10-28-2013 06:22 AM
زمان الصينية لابد ان تحتوى علي اللحم والخضر والناس كانت بتضبح في الفارغة والمليانة سواء لناس البيت او لمناسبة او في اطار مواجبة حسه بنتكلم عن المعاناة في الرغيفة وحجمها


#811439 [مشتهي الويكاب]
5.00/5 (1 صوت)

10-27-2013 11:41 PM
مقاطيع الانقاذ تعلموا الاكل علي كبر .. و لذلك نجدهم يمنون علي شعبهم بما يخرج من بين السبيلين من هوت دوغ و بيتزا و كونتاكي ..


#811384 [الماعاجبو العجب ولا....]
4.00/5 (3 صوت)

10-27-2013 10:24 PM
--دكان أبو يمن ونلاقي عنده جبنة بيضه وجبنة رومي وجبنة مضفرة ولانشون وكريز وخوخ وعسل الأسد والزيتون الأسمر والأسود وطحنية سعد باللوز وكانت عربات كافوري-- ممكن تسمح لى يا د.الفاروق أشيل المقطع دة أتصور معاه فى الأستوديو وأجيبوا راجع!!أنت عندك ذاكرة حديدية، والمسائل البتتكلم عنها دى بالنسبة لكثير من الجالسين على دست الحكم اليوم كما الغول والعنقاء والمارتدلا من الأغريقى شرق جزارة الخرطوم!!!!


#811343 [ابوزول]
5.00/5 (3 صوت)

10-27-2013 09:13 PM
اصلو الجماعة ديل مستجدين نعمه..ما مصدقين انو انتقلوا من ملاح الكول الي البيتزا والكنتاكي الذي اراهن ان الحاج ساطور لم يتذوقه حتي تعينه في الانقاذ ...لا ادري لماذا يصر هولاء علي استفزاز مشاعر الناس الذين اصبحوا بحكم سياساتهماالخرقاء يبحثونععن قطعة الخبز....ارحموا اعزاء قوم زلو


#811336 [صبري فخري]
5.00/5 (2 صوت)

10-27-2013 09:02 PM
ابني يأكل البوش وهو طالب جامعي وأنا عندما كنت في الجامعة أتذكر الغداء الخاص special وكان ذلك يوم الاثنين. دجاج كويتي وأشياء كثيرة طبعا مجان. وأول مرة تعلمت اكل السمك وان أتناول اللبن بعد ذلك. تقول هوت دوق يا بتاع الخطة ب 0123652351


#811319 [فارس]
5.00/5 (3 صوت)

10-27-2013 08:38 PM
المسكين ما زال مخلوعآ من دولابه الملئ بالملابس المستوردة و أكل الكونتاكي .. و هو الذي كان يقتات علي الدامرقا و الكجيك مع بنطلونين فقط قبل يونيو 89 .


عمر الفاروق عبد الله
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة