المقالات
السياسة
وقفة احتجاجية!!
وقفة احتجاجية!!
10-31-2013 06:30 PM


أمس نشرت الصحف خبراً عن صراع جديد بين قبيلتي المسيرية والسلامات.. أرقام جديدة لقتلى جدد.. دائماً بالعشرات وأحياناً بالمئات.. وربما الآلاف..

وقبل هذا الخبر دارت طاحونة الحرب في شرق دارفور بين الرزيقات والمعاليا.. والمحصلة مئات القتلى.. وقبلهم في شمال دارفور حول جبل من الذهب.. عدة آلاف على دفعتين.. كم يبلغ حصاد القتل في دارفور خلال هذا العام وحده؟ عشرات الآلاف.

هذه الأرقام لا علاقة لها بالحرب الدائرة في دارفور.. تلك أرقام أخرى.. تضاف إلى جملة حصائد الموت المجاني في مساحة تكاد تعادل نصف مساحة (ما تبقى) من السودان.

مسؤولية من هذه الأرواح البريئة التي تزهق كل يوم في دارفور.. إسرائيل.. أمريكا.. الماسونية.. أم (أكلهم الدودو)والأشباح.. مسؤولية من؟؟

لدينا مجلس وطني (برلمان).. ومجلس ولايات.. دفعنا في عملية انتخابه مئات الملايين من الدولارات.. لنأتي بنواب يتقاضون رواتب وامتيازات وينعمون برطوبة الحال في الخرطوم.. ألا يرهق ضميرهم أرقام الأرواح التي تلوكها طاحونة الحرب الأهلية القبلية هناك؟

مسوؤلية من الدماء التي تنزف في دارفور.. أم أنها مجرد أرقام لا تجرح خاطر أحد.. ولا يبكيها إلا الأقربون حملة الجينات المتشابهة..

القضية الكبرى هنا في الخرطوم.. التي تشغل بال الإعلام الرسمي والخاص.. الصحف والفضائيات.. (رفع) الدعم و(ارتفاع) الأسعار!! لا أحد يهتم بـ(رفع) الغبن و(ارتفاع) الأرواح لبارئها كل يوم في فيافي دارفور.

صدقوني هذه الدماء في رقابنا جميعاً.. لأننا نصمت.. ونفترض أنها معلقة في رقبة الآخر.. دون تحديد لهوية هذا الآخر.. وربما يكون في خاطرنا أنها مسؤولية الاتحاد الأفريقي أو الأمم المتحدة.. لتحميهم بقوات مثل (اليوناميد).. تحميهم هنا في بلدهم وبين أحضان وطنهم.. من بني وطنهم..

ليتني أسمع بـ(منظمة مجتمع مدني).. أو حزب سياسي.. أو حتى مجموعة مستنيرة.. تعلن عن وقفة احتجاجية أمام البرلمان أو أي مكان آخر.. للفت النظر وجذب الانتباه لطاحونة القتل المجاني اليومي في دارفور.

أضعف الإيمان أن تصمت الخرطوم وتصوم عن أخبارها المملة ولو ليوم واحد.. تتوقف كل الصحف السودانية على يوم تفرده من الصفحة الأولى إلى الأخيرة لقرع الأجراس ولفت النظر لما يجري في دارفور.. هذا واجب الصحافة المستنيرة.. فالصحافة لسان حال الشعب.. لا ينحصر دورها في تدبيج المقالات وبث الأخبار.. لديها رسالة أكبر تجاه المجتمع أن تمارس التحريض الإيجابي.. نريد أن نصرخ بصوت واحد قوي.. حرموا الدماء في دارفور.. أنقذوا دارفور من الانتحار الجماعي الذي يدور على رؤوس الأشهاد.. إن لم تفعل هذا صحافتنا فهي مجرد أوراق تسلية.. أقرب إلى ورق (الكوتشينة)..

دعوة عامة لكل صحفي سوداني.. لوقفة (صحفية).. بالأقلام وليس بالأقدام.. في يوم واحد.. لنقول (لا).. للدماء.. (لا) للتغافل عن ما يدور في دارفور

اليوم التالي


تعليقات 18 | إهداء 0 | زيارات 3743

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#816062 [صبحي حسين]
0.00/5 (0 صوت)

11-02-2013 12:24 PM
والله لقد أسأت إلى ورق (الكوتشينة)..


#815705 [عصمتووف]
0.00/5 (0 صوت)

11-01-2013 11:12 PM
صدقوني هذه الدماء في رقابنا جميعاً.. لأننا نصمت.
نحن براء منها لم نمول دارفوري واحد لا مسيري ولا سلاماتي لاغيره كلواحد يتحمل نتيجة فعلة وتصرفة الطائش ناس بالغون لو الرجل فيهم ممكن يحبل امراة لو تزوجها انت ماد فعلت الوقفات الاحتجاجية عمت العالم الاول ولا حصل شئ برلمان شنوا نقف امامة احتجاجا عاوز تقطع عيشهم البرلمان متجسد في رجل القانون الطاهر هو البرلمان والبرلمان هو امشي له يوم الخميس مساءا ولا تدعة ينوم اصلوا يوم المتزوجين لو ما ضربوك طلقة في ام راسك هاااااااااااك دقني


#815701 [مدحت عروة]
0.00/5 (0 صوت)

11-01-2013 11:05 PM
وطيب مين المسؤول عن هذا الوضع فى السودان؟؟؟؟؟
تكون اسرائيل؟؟؟؟؟
انا اعتقد ان اى سودانى ما حركة اسلاموية يكون خلى بالكم عميل لاسرائيل واعداء الاسلام ناس مجدى محجوب ورفاقه والقبائل البتتقاتل فى غرب السودان والموظفين ومنسوبى القوات النظامية الشالوهم للصالح العام والصحفيين البينتقدوا فى الانقاذ كل هؤلاء عملاء لاسرائيل الا ناس الانقاذ او الحركة الاسلاموية هم الوحيدين الما عملاء لاسرائيل وبيحبوا السودان والاسلام وبافى السودانيين بيكرهوا السودان والاسلام والسبب شنو انا ما عارف بس اظن ان باقى اهل السودان الما حركة اسلاموية بيحبوا العمالة والخيانة!!!!!
واكان ما مصدقنى اسالوا نافع وربيع عبد العاطى والجماعة ديل!!!!!!!!!!!!!!!!!!!!!!
كسرة:ارجو ان لا ياتى معلق ما بيعرف التريقة ويصدق كلامى ده!!!!!!!!!!!!!!!!!!!!!!ما حصل قبل كده!!!
انتو متخيلين ان اسرائيل بتكره الحركة الاسلاموية؟؟؟؟تبقوا غلطانين لانه منو البيخلى ليها السودان فى مثل هذا الوضع المزرى ويديها موطىء قدم فى الجنوب وبالعلنى كده ويخلى جيش السودان بدل ما يكون مصدر خطر عليها مصدر خطر على شعبه ولا انا غلتان والجيش السودانى مورى اسرائيل المكشن بلا بصل؟؟؟؟؟


#815360 [لَتُسْأَلُنْ]
0.00/5 (0 صوت)

11-01-2013 02:19 PM
1- يعترف زعيم العصابة بقتله عشرة ألف من دارفور
2- يعترف في رمضان الماضي بأن يداه ملطختان بدماء أهل دارفور
3- و ما تزال ترسانة الدولة الحربية تطحن أهل دارفور و تعاونها ترسانة الدولة الشادية
4- و تسوق العصابة السودانية جمعا من أبناء دارفور إلي أم جرس الشادية لتتلقي تهديد حاكم شاد لهم بإيقاف الحركات المسلحة في دارفور كأن للمساكين سلطانا عليها
* كل هذا العبث يجري في ظل العصابة العنصرية المتسلطة علي السودان حيث تحمل الضحية وزر الجلاد!
*** يصدق عثمان مرغني لو قال إن كل ذلك و أكثر يحدث لأن دولة التضامن النيلي تهيمن علي السودان بدستور الجهوية و تبيد الآخرين بسيف العنصرية.


#815151 [semba]
3.94/5 (5 صوت)

11-01-2013 09:44 AM
والله فكرة ايجابية لكن حكاية تقف اما برلمان او مكتب نائب عام ما جايه يا اخى ديل كتلوا الطلبة ورموهم فى الترعة .


#815138 [صالح عام]
4.07/5 (5 صوت)

11-01-2013 09:26 AM
يا عثمان دا كله من الحكومه والحركه الاسلاميه بتاعتك المثل بيقول (البنت مشت تجيب ثأر ابوها اتت ليهم حامل بى تيمان )


#815126 [ود الساترة حالا]
4.07/5 (5 صوت)

11-01-2013 09:05 AM
يا عثمان ميرغني عينك في الفيل وتطعن في ضلو....لزوال السموات والأرضين أهون عند الله من قتل مسلم.... يادوبك عرفت إنو في موت في دافور...موت رسمي وموت ما رسمي دا شنو الكلام الفارغ دا....الروح ياها روح....هذا مافعلته حركت الأسلامية بأهل دارفور الكرام....اللهم عليك بالأخوان المسلمين اللهم أرنا فيهم يوماً ك يوم عاد وثمود وفرعون ذي الأوتاد....ياود ميرغني ألعب غيرها.


#815092 [القعقاع الفي القاع]
3.00/5 (5 صوت)

11-01-2013 06:53 AM
و المطالبة بتسليم المتهمين بجرائم دارفور للعدالة كيف معاك يا صحفي يا همام؟؟ دعوة زي دي بتخارج معاك أم حتقوم تكتب و تقول و الله و في الحقيقة و غيره من الكلام الني؟ نريد منك يا عثمان موقفا شجاعا و واضحا


#815006 [ahmed//]
3.44/5 (5 صوت)

11-01-2013 12:59 AM
هو أين البرلمان يا أخى/ عثمان ، حتى نتحدث عن الأحزاب ؟


#814977 [سودانى]
3.94/5 (5 صوت)

11-01-2013 12:05 AM
مسئولية من ؟؟
ولا بد ان نختار ما بين الاحتجاج على الغلاء او الاحتجاج على اراقة الدماء؟
يجب على الجميع مقاومة النظام المتاسلم المتمسك بالسلطة والمسئول عن كل الازمات


#814955 [د/ نادر]
4.07/5 (5 صوت)

10-31-2013 11:10 PM
الاستاذ ميرغني
سبقناك فيما ذهبت اليه اكثر من مرة ولكن من الراكوبة التي لا تصل الي كل السودانيينولا حياة لمن تنادي
وتحدثنا كثيرا عن الاعلام وايضا المساجد وانا اذكر في عامي 3/2004 عندما كانت آلة الموت تحصد الارواح بالمئات في دارفور كانت ائمة المساجد يزرفون الدموع في شخص او اثنين في غزة او الشيشان ولكنهم لم يقولو شيئا عن دارفور
يا استاذ كانت الفيضانات تدمر القري في شمال السودان وكنا نجد الناس في الخرطوم يشاهدون هذه الكوارث امام شاشات التلفزيون كانها كرة قدم او ان الامر يحدث في كوكب اخر رغم ان هذه المنازل ورغم بساطتها فهي مجهود عمر بالنسبة لاصحابها بل شاهدنا كيف اصاب الهستيريا الناس فكيف يكون حال الناس في الحروب
انا اسال لماذا مسئولي التلفزيون لا يستضيفون قادة قبائل دارفور بدلا من دكتور كلود ويسالونهم عما يدور ونسمع وجهة نظرهم
وانا بقتكر جميع الصحف من المفترض ان تطبع من دارفور وعلي الاقل ان يقوموا بتغطية مناطق دارفور بمئات الصحفين واي محطة فضائية سودانية او صحيفة يجب علي الاقل تجنيد نصف كادرها في خدمة اهل دارفور بدلا من تكرار المكرر واللكة والعجين واخبار دواويين الدولة التي لا تثمن من جوع


#814952 [د/ نادر]
3.94/5 (6 صوت)

10-31-2013 11:09 PM
الاستاذ ميرغني
سبقناك فيما ذهبت اليه اكثر من مرة ولكن من الراكوبة التي لا تصل الي كل السودانيينولا حياة لمن تنادي
وتحدثنا كثيرا عن الاعلام وايضا المساجد وانا اذكر في عامي 3/2004 عندما كانت آلة الموت تحصد الارواح بالمئات في دارفور كانت ائمة المساجد يزرفون الدموع في شخص او اثنين في غزة او الشيشان ولكنهم لم يقولو شيئا عن دارفور
يا استاذ كانت الفيضانات تدمر القري في شمال السودان وكنا نجد الناس في الخرطوم يشاهدون هذه الكوارث امام شاشات التلفزيون كانها كرة قدم او ان الامر يحدث في كوكب اخر رغم ان هذه المنازل ورغم بساطتها فهي مجهود عمر بالنسبة لاصحابها بل شاهدنا كيف اصاب الهستيريا الناس فكيف يكون حال الناس في الحروب
انا اسال لماذا مسئولي التلفزيون لا يستضيفون قادة قبائل دارفور بدلا من دكتور كلود ويسالونهم عما يدور ونسمع وجهة نظرهم
وانا بقتكر جميع الصحف من المفترض ان تطبع من دارفور وعلي الاقل ان يقوموا بتغطية مناطق دارفور بمئات الصحفين واي محطة فضائية سودانية او صحيفة يجب علي الاقل تجنيد نصف كادرها في خدمة اهل دارفور بدلا من تكرار المكرر واللكة والعجين واخبار دواويين الدولة التي لا تثمن من جوع


#814929 [كمال ابو القاسم محمد]
3.44/5 (5 صوت)

10-31-2013 10:34 PM
دا إسمو كلام ....يا عثما ن عدس الوالى!!!!
ياخى إنت كرور ولابوم....إنت فعلا زول عواليق....وغاشى نفسك إذا كنت قايل نفسك غاشينا وبتضحك علينا....دائماً ما أقول المتأسلمة...المستلوطين الفكريين المتعهرين كتابياًالأفنديين...السبدراتيين...الترابيين....إلخ قائمة الوسخ الإسلامى الإنقاذى بكل لافتاته وأشياعه وحلفاءه...دائماً ما نراهم منهمكين في عملية تسذيج (الشعب السودانى الدى فضل)....و(الشعب السودانى الذى فصلوه)...يجيك بكل براءة....يقول ليك ناس دارفور البموتو ديل...هم مسئولية منو....يعنى نحنا نجيب نكير نحاكمو...ولا شنو ياناس.... ولا نفتح بلاغ على واحد إسمو الدودو...منتهى السخرية من كوز صعلوك وحقير متعفن...!!!ماهى دارفور دى الولعا وشعللا وطلع (دين) ناسا منو غيركم...هسع دا كلام تقولو يا (عثمان عدس الوالى)...ماسونية...مافيوية...أفيونية....ما يوية...صهيونية....وبعدين (أمريكا دى إنتو ما طلعتو دينا زمان ...مش براها...ومعاها دولة البلاشفة والمناشفة...وفرتقتوها حتة حتة)....غنا ساكت...وعرضة جعليين...(أمريكا روسيا قد دنا عذابها ...على إن لا قيتها ظراطها)...ظراط....طيييييييييييييييييط امريكا روسيا راحت شمار في مرقا...هسع تقول لى دارفور...وتقول لبى أمريكا يا عثمان إنت ماعندك موضوع ولاشنو!!! ...يا (عثمان عدس الوالى) قوم شتت...وحاجات زى كدا....يا خى إنت الحاج المتسرطن..العنين ...المتقطع ..المنبت بشة ود الحاجة هدية...بى عضمة لسانو...ومعاها هزة جعبات لا تليق ب(مشير كضاب...خليك من صِح صِح)...قال نحنا الكتلناهم عشرة آلاف والكلام دا سنة 2003م...أو ما يقارب هذا الرقم (وواصل هز الجعاب) بالزى العسكرى كأن لم يحصل أي شيء !!! يا رجل...يا مثقف...يا صحفي...يا إسلامى العشرة ألف ديل كانو (جِداد) ديل بشر وناس وأمة وأهل وحبايب ومعارف وحاضر ومستقبل ووجع وأسية...و بشة بقول الرقم المهول دا من الضحايا...وحشود جماعتك من أهل التمكين والمشروع الحضاري تلعلع حناجرها مزيد من التهليل والتكبير....وكنت إنت يا سيد (عثمان عدس الوالى) من ضمن الحضور الإعلامى الذي يوثق تهليل وتكبير وهز جعاب المشير العسكري المكجول....(بالله عليكم الله شوفتو ليكم عسكرى مكجول)....يا حليلك يا ابو كدوك...وياحليلك يا عبد الماجد حامد خليل....رئيس جيشكم ...مشير مكجول....دا قبلتو كيف في الكلية من أصلو...!!؟؟و(تقول لي مصنع الرجال....يا بومبيدو!!!)....هسع ياعثمان عدس الوالى إنت الظاهر مواضيعك كملت...وبقيت طاشى....ناسك شابكننا...إنقلاب قوش...محاكمة قوش...براءة قوش...العفو عن قوش...إنتهينا من الموضوع دا فتحتوا ...حركة الإصلاحين وما أدراك...السائحين...وود إبراهيم....غمضنا شوية...شبكتونا الغازى قال...الغازى طلع...الغازى إستقال...الغازى عمل حزب...إنت هسع شابكنا ناس دارفور ديل ياربى الكتلهم منو...!!؟؟ولما المسألة يا (مرطب) ما راقت ليك...طوالى قلت ...(هذه الدماء في رقابنا جميعا)...ياخى والله (بشة ود الحاجة هدية الخالو الطيب دلوكة) ...مايقول جنس كلامك دا...!!؟؟.كدى خلى كلمة (رقابنا جميعاً) دى بعيد...هسع أنا كمال أبوالقاسم محمد الحسن...الأبوهو كان حتة شاويش في بوليس البلد دي والأمو فتحية بت محمد سعيد...والإتولد في ديم سعد جنب سبق الخيل زمن تمر ابونا وشجر المسكيت ولورى عمك حجازى (وبالمناسبة عمك سعد السموعليهو ديم سعد دا أصلو دارفوري أبا عن جد...والديم دا ذاتو ديم برتى وديم تقلي...وديم التعايشة...وديم سلمان...ومحطة الغالي...وعمك فضل...ودكتور علي فضل...أها ديل كلهم بطون دارفورية أصيلة ونبيلة وديامية)...وكلنا ديامة...وأولاد حفرة...ماعرفنا النضم بتاع قضية دارفور وأنها دمائها السايلة إلا في زمنكم دا ياسيد(عثمان عدس الوالى)...أها هسع أنا في رقبتى دى دم دارفوري...ليه..!!؟؟.يا خى إنتو حتى (الله أكبر)...ولا إله إلا الله......وصوم رمضان...وفطور الشارع...وعرس الكورة...ولبس الجلابية البيضا...والشال البسيط الأنيق الأبيض العادي...يا خى حتى قولة (جزاك الله خير)...كرهتونا ليها...سودانيتنا البسيطة الما معقدا (خرمجتوها...بوظتوها)...صادرتو مننا روحنا السودانية الخاصة والسمحة... يا خى البلد وسبناها ليكم بعد ما بشتنتونا وطلعتو (دينا مرة تانية وتالتة)وتجى براحا ياعثمان (ترمى ) كل الدماء...ببساطة علينا كدا...شكيتك علي الله...وإنشا الله ...الله ذاتو ما يسامحك...وما يسامح (ربعك) القعدو فينا من دم ...لى دم...ومن كتِل...لي كتل...ربع قرن....وتجى براحة براحة تعمل ليك وقفة إحتجاجية...وتقول بالصوت العالي...(دماء أهل دارفور في رقابنا جميعاً)....ياراجل دا إسمو كلام.... (حقو تستحى شوية ياولد!!!)آخ من الراكوبة وأدب الراكوبة وطارق الجزولى الما بدينا راحتنا في الكتابة وفي الكلام....!!!


#814919 [radona]
3.57/5 (5 صوت)

10-31-2013 10:16 PM
ياباشمهندس عثمان ميرغني التحية لك ولمبادرتك الانسانية وعليه
ظللنا ننادي بان تكون هنالك فقط 6 اقاليم للحكم بالسودان بعد انفصال الجنوب ولسنا في جاجة لهذا العدد من الولايات التى هي كنتونات قبلية بحيث اصبح لكل قبيلة ولاية ومشروع دولة بالانفصال وتفلرير المصير
الحل يكمن في الاني اعادة هيكلة الحكومة الى اقل من 20 وزارةو6 اقاليم حكم ماتسمى ولايات بالحكومي واطلاق الحريات والعفو العام لجمع السودانببن لكتابة دستور دائم للسودان حنى يتم اختيار الحكام والمسئولين بالانتخاب وليس عن طريق البندقية التي اصبحت اقصر الطرق للوصول للسلطة والمال وهذا ما الفه اهل دارفور


#814896 [cour]
4.07/5 (5 صوت)

10-31-2013 09:27 PM
عزيزى الكاتب الهمام لسنا بغافلين لاكن القيادة تريد كدة فماذا تفيد الوقفة ربما تقتل او تسجن . دار فور اللة يرحمها


#814835 [أبو عبد الله]
4.07/5 (5 صوت)

10-31-2013 07:53 PM
نحن قطيع محل ماوجه توجه لو دا كان حالنا الجنوب ماكان انفصل لأن في ذلك الزمان لو كان يوجدعاقل أو رشيد لتم الوقوف ضد صيف العبور وصيف الشتاء


#814833 [حسرتي]
3.94/5 (5 صوت)

10-31-2013 07:50 PM
كلامك حلو يامعلم
ومفروض
وواجب


بس شنو البنسينا منو الصنع الازمه دي
المسؤليه واضحة
الحركة الاسلاميه السودانيه هي سبب كل هذه البلاوي
وتتحمل الذنب
وانت زاتك منهم ومعاهم
ماتشتت اللعب


#814827 [احمد محمد]
4.00/5 (5 صوت)

10-31-2013 07:47 PM
أحيك ]أخى عثمان أنت وطنى غيور ،إن لم يكن دافعك الأستهلأك وتششتيت الإنتباه؟؟
أولآ :-يتحمل المؤتمر الوطنى وأحده كل هذه البلأوى من شلألأت الدم.
لأنها الحكومه دى الوحيد التى عهدناها دمويه زياده عن الزوم.قل لي بربك لماذا يتقاتلوا
أبناء العمومه والأصهار لأن هى التى تزكى نار الفتنه حتى يخل لها وجه أبيها{لثروات لم يفتح الله بيها علينا من قبل{شئ بترول وشئ معادن وأراضى زراعيه} ولأننا مستجدييين نعمه والأفق مسدود
{كل}منا بضم الكاف} يريد تصفية الآخر مع انها تكفى وتفيض على جيراننا،لكن الحكومه وإدمان الفتن القبليه والفشل معآ{أين مشروع الجزيره أين مشاريع الإعاشه {العبوديه أين مشاريع جبال النوبه اين الغزل والنسيج واين النقل النهرى}اللهم نسألك اللطف.


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة