المقالات
السياسة
الي الشهيد محمد موسي بحر الدين (قصيدة)
الي الشهيد محمد موسي بحر الدين (قصيدة)
11-02-2013 12:51 AM

الي الشهيد محمد موسي بحرالدين
تاريخ الاستشهاد 10 فبراير 2010
شعر محمد عبد الجليل جعفر
محمد موسي بحر الدين
مروا اليوم ثلاثة سنن
من يوم ما مرقت علي الفرس دارق
وماختيت حساب لي زول
ولا قلت الخطر قدامي ولا وراي
بس قلت الامل جواي
ابوك قال لينا في اليوتيوب
كيف سواك كيف رباك
فارس من ضهر فارس
حفيد امجاد
رجال فرسان (دروتي) وصفوة الزكار
محمد عاد نقول ونعيد ؟
حقول في شنوواقول في منو؟
لسع كل ما كافحت في شانو
محلك سر
لسع النازحين نازحين
ولسع الخونة هم حاكمين
ودائرة الخراب غير ماشة توسع
لسع مابتضيق
ثلاثةايام قدمنا الشهيد وشهيد
ميتين نفس طاحت بي رصاص الغدرفي الخرطوم
شهد العالم الكان ادان جرائم الخونة في دارفور
والنار ولعت وصلت ولاية كردفان وماشيين
لحدت وين ماعارفين؟
فرسان الجبال صامدين
وحفيد الفونج باني السلطنة الزرقاء
بيتجرع صنوف من موت صنوف من زل
سعيد وبخيت محمد موسي بحر الدين
سلام في الخالدين يازول خلاصة الناس
يامعجون من الزكر العظيم انسان
وابوك رباك وكان اخلاقه في القران
تصدق يامحمد؟ ماسمعتو بقول
عايز ينتقم لي نفسو او لي قبيلة او حتي خشم البيت
سمعتو بيقول قصاص عادل
وبيردد رغم عمق الجرح اي الزكر
والله العظم كبرت واكبرتو
وقفت سالت نفسي وقلت يارب ياعظيم
من ياتونسل عظيم هدا الفارس المغوار؟
ومحمد ..مر... فوقنا بشر
وعاش بيناتنا وما شفناهو ماعرفناهو
ياريت كنت قابلتو وجلست معاهو
سمعت حديثو ولا غناهو
كنت عرفت يمكن كان بفكر كيف
بيقرا شنو بيقرا رواية ولا قصيدة ولا كتاب معاد في الفلسفة التاريخ
كم اسطورة في هدا الوطن عايشين
يقدموا كل يوم ارتال من الخالدين
يقدموا بي سماحة نفس ارواحهم
عشان ما نستمر عايشين
ولا... هم...ولا... زويهم يوم رايناهم
بيجزعوا ولابيكفروا بالقدرصابرين
ناس زي ديل وين في غير بلد تقطر عسل عايشين؟
ناس يتختوا بي فوق الجرح يبرا
يقدموا من نسيج اكبادعشان مايبنوا مستقبل يليق بالارض والانسان
محمد موسي في فبرايرالقبال ثلاثة سنين رحل خلانا
وحتمر يامحمد كم عدد سنوات حقب احقاب كتبت اسمك
حروف من نسج عين الشمس في الخالدين
سلام لي ابوك وسلامي انا ليك
محمد موسي بحر الدين
22 اكتوبر2013


محمد عبدالجليل جعفر
[email protected]


تعليقات 0 | إهداء 0 | زيارات 938

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد عبدالجليل جعفر
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة