كلمات متقاطعة
11-06-2013 12:26 PM


أفقى:
1- صوت يطلقة المريض وهو يقوم بدفع قيمة الكشف – قريبا سيكون 3 بألف جنيه بدلا عن 4
2- يطلب منك وضعها على الطلب – مصدر للروائح الكريهة (غير السوق المركزى) – أداة نصب مكانها الجباه
3- يطلقون عليها تخريبية – إسم مدرسة مكتملة الفصول والأساتذة والكتب (صعبة لكن حاول) – مسؤول يسكن بالإيجار (هههه)
4- لا ينام شبعان وجاره جائع – أصبح شغلها الشاغل البيع بالأقساط (ما البنوك ياااخي)
5- لابد أن تدفع أمنية مليونية لدخوله – أداة ضرب – تسببها الحفر التى تمتلئ بها الشوارع
6- من الأدوات التى ينساها الطبيب داخل بطن المريض – بمعنى تسهيلات – يتناوله المواطن يومياً
7- أول من يخالف القانون – أقرار للمسئولين لا يعمل به – أداة تخدير
8- عندما يلتقيك ليس منه مفر (من كلمتين ويلبس أبيض) – تختفى يوم 5 فى الشهر (مبعثرة)
9- أداة إستثناء (غير المحسوبية) – إسم والى المسلمين الذى منع إبنة من التجارة (هنا الوالى ذاتو بيتاجر)
10- مسؤول صاحب تصريخات مستفزة – لا تذهب فى مصارفها – لها لون وطعم ورائحة (وبنشربا نعمل شنو)
11- أصبحت ترتفع بصورة شبه يومية – لا تقدم حساباتها للمراجع العام – يسمى بالذهب (الأسود علينا)
12- يسافر للعلاج بالخارج عند إصابته بنزلة – حشرة صغيرة الحجم لكنها تستطيع قتل مواطن
13- يتبعون للسلطان (للأسف الشديد) – يعتبرها المسئولون أرخص سعراً من الرغيف
14- عاصمة عربية لا توجد بها مواصلات عامة –تشتريه بفلوسك ويتم تأجيره لك
15- مكان تتكاثر فيه القطط ويقل فيه الأطباء – الحشد الذى يرافق المسئول – المال تلتو ولا …..
16- إختفت من الأحياء بسبب تغول الحكومة عليها – حرف تمنى – تسبب الجلطة والشلل الرباعي
17- إسم هيئة لا يوجد لها (ذكر) إلا فى السودان – يمارسة المواطن يومياً (غير الصبر)
18- ينتشرون أمام شارات المرور والصيدليات – جريمة فظيعة إنتشرت مؤخراً عقابها سنة سنتين سجن وكم سوط كده !
19- مادة تسفلت بها شوارع الظلط الصحى صحى – مشروع زراعى لم ينتج (عجورة) منذ تأسيسه
20- مصدر التشريع خلال الكم وعشرين سنة الماضية (دى عاوزة ليها شطارة) !- من لا يملك قوته لا يملك ………

رأسى :
1- إسم لرئيس يطلق عليه القائد الأممي (حليل الدنيا) – يدفعها المواطن صاغراً – تشكيل شطرنجي وشيك
2- يحتاجها مرضى الفشل الكلوى – حرف تأوه وإندهاش – من شركات أحد المسؤولين
3- يستخدم شعارا للتلفزيون (غير الملل) – سلع منتهية الصلاحية – مرض يصيب الجيوب
4- تطلبه الزوجه عند عدم المقدره على الإنفاق (مكرر) – إيصال (مبعثرة)
5- نوع من أنواع الإستراحات –إسم هيئة تخطئ فى عملها سنوياً – لقب القائل (لو ما جينا كان الدولار حصل عشرين جنيه)
6- يطلب منك إحضاره عند الذهاب إلى المستشفى (غير القطن والشاش والحقن) – اااخ (مبعثرة)
7- يشذ توقيته عن بقية أقطار العالم (معكوس وكده) – رسوم تدفعها إنتا داخل وإنتا كمان طالع
8- أهم سؤال يؤرق المغترب – يمارسها الموظف يوميا قرابة الساعتين (غير الفطور)
9- على المتضرر اللجؤ إليه لينصفه بعد كم سنة كده – تقال للمرتشى (غير فهلوى)
10- يساعد على بقاء المسئول فى كرسيه (غير صباع أمير) – سلعة يرفع عنها الدعم سنوياً (حدو متين)
11- تضع الطالب فى أولى عتبات التعليم (غير الجامعة) – دائماً ما تعترض طريقها الشرطة وتقوم بتفريقها
12- يأتي كل عام فجأتن – إسم ديوان تبرع لقناة فضائية بخمسين ألف دولار !
13- نوع من الطب بقصده المرضى بقصد الشفاء (غير الطب البنعرفو ده) – تتم بعده الترقية
14- تمتلئ بالأدوية الفاسدة المضروبة – عربات لا تقف عند الزحام (غير الإسعاف) – أزمات (متتالية)
15- زواج جماعي (مبعثرة) – أمنية كل خريج – تقوم بعملية فقع المرارة عند الإستماع إليها
16- ينبح والقافلة تسير – يتم تعاطيها داخل الجامعات (طبعن غير المحاضرات إن وجدت)
17- قائل عبارة (خلوها مستورة) – أكثر مكان يرتاده المسئول (غير المطار)
18- من عجائب السودان (غير المدينة الرياضية) – المال العام (مبعثر)
19- سعره فى الخارج أقل من سعره بالداخل مع أننا نصدره (معكوسة)
20- تصيب بالتخلف العقلى (غير برامج الأطفال) – دغمسة (مبعثرة) – خط جوي تمت سرقته وبيعه نهارا جهارا !

تنبيه :
أرسل الحل لتفوز بجائزة قيمة عبارة عن شريط حبوب لإزالة الإكتئآب والقرف الحاصل الأيام دى !!

كسرة :
المجد والخلود للشهداء الأبرار …
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)؟


تعليقات 24 | إهداء 0 | زيارات 8811

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#821287 [ابو نصر الشمالي]
1.00/5 (2 صوت)

11-08-2013 01:33 PM
رئيس يتبرع بعربات للعيبة فريق غلبو بلدو 3 صفر ... رئيس يهب ثلث اراضي البلد الزراعية لدولة جارة ... وزير يهدد شعبه على الهواة اذا حرجتم ف جهزو اكفانكم


#820672 [المريود]
1.00/5 (2 صوت)

11-07-2013 04:12 PM
ياود جبرا، أنا غايتو اجتهدت شديد في حل المسابقة، بس عندي طلب بسيط، ياريت لو تنسي قصة الحبوب دي وتغير لي الجائزة بــ (أيفون5) .. اصلي بعيد عنك لسه تلفوني 3310...!
مع تحياتي .. ياسر المريود

أفقى:
1- صوت يطلقة المريض وهو يقوم بدفع قيمة الكشف – قريبا سيكون 3 بألف جنيه بدلا عن 4
الاجابابات: حشرجة الموت – أنت قاصد جوز الرغيف بألف؟

2- يطلب منك وضعها على الطلب – مصدر للروائح الكريهة (غير السوق المركزى) – أداة نصب مكانها الجباه.
الاجابابات: شنو كده الجريح .. صح؟ – خشم تنفيذي قضيم – كدي أسال يوسف عبدالفتاح ..!

3- يطلقون عليها تخريبية – إسم مدرسة مكتملة الفصول والأساتذة والكتب (صعبة لكن حاول) – مسؤول يسكن بالإيجار (هههه).
الاجابابات: عقول الكيزان الخربة (ثورة الشباب طبعن منزهة عن الكلام الفارغ ده)– مدرسة مريم وشقيقها "أمين خُنفس" لقيتني كيف.. تفتيحه؟ – لو المسؤل سكن في بيت ايجار طيب الشعب الفضل يسكن وين؟ ماتقول لي يسكن في قــ... تي!!

4- لا ينام شبعان وجاره جائع – أصبح شغلها الشاغل البيع بالأقساط (ما البنوك ياااخي).
الاجابابات: حسين خوجلي - بنوك الدم؟

5- لابد أن تدفع أمنية مليونية لدخوله – أداة ضرب – تسببها الحفر التى تمتلئ بها الشوارع.
الاجابابات: مُستراحات "أعزكم الله" الجامع الكبير - مركوب جنينة - بواسير.

6- من الأدوات التى ينساها الطبيب داخل بطن المريض – بمعنى تسهيلات – يتناوله المواطن يومياً.
الاجابابات: بخ بخ .. وهل يمرض الشعب الرسالي؟ - أحيييي انا منه .. ده عمل اسهال مزمن.

7- أول من يخالف القانون – أقرار للمسئولين لا يعمل به – أداة تخدير.
الاجابابات: بتاع القانون زاااااتو - ده زمان لمن كان فِيّ زِمّة - الانشقاقات؟

8- عندما يلتقيك ليس منه مفر (من كلمتين ويلبس أبيض) – تختفى يوم 5 فى الشهر (مبعثرة).
الاجابابات: سارة الضارة بتاعت الحركة (طبعن قطع شك ليست الحركة الشعبية) - نحن رقيق ياود جبرا ما بناخد ماهية.

9- أداة إستثناء (غير المحسوبية) – إسم والى المسلمين الذى منع إبنة من التجارة (هنا الوالى ذاتو بيتاجر).
الاجابابات: "..." الجاز - وهي ياريت لو تجارة فيها فائدة للبلد.

10- مسؤول صاحب تصريحات مستفزة – لا تذهب فى مصارفها – لها لون وطعم ورائحة (وبنشربا نعمل شنو).
الاجابابات: هو في غيرو؟ - الميزانية - موية النيل.

11- أصبحت ترتفع بصورة شبه يومية – لا تقدم حساباتها للمراجع العام – يسمى بالذهب (الأسود علينا)
الاجابة: نمرة 11 دي كولها معناها حاجو واحدة (مجموعة شركات ابوالـ..ـاز) وبلامارة الـ 10 مليون دولار الفي مطار دبي.

12- يسافر للعلاج بالخارج عند إصابته بنزلة – حشرة صغيرة الحجم لكنها تستطيع قتل مواطن.
الاجابابات: بتاع النفايات - برررضو ايصال النفايات.

13- يتبعون للسلطان (للأسف الشديد) – يعتبرها المسئولون أرخص سعراً من الرغيف.
الاجابابات: ياتو سلطان قصدك اب شلاليف؟ - رغيف سنة كم، القصة بقت تفرق؟!

14- عاصمة عربية لا توجد بها مواصلات عامة –تشتريه بفلوسك ويتم تأجيره لك.
الاجابابات: البصات الخدرا دي ما ماليه عينك؟ - دي صعبة دي.

15- مكان تتكاثر فيه القطط ويقل فيه الأطباء – الحشد الذى يرافق المسئول – المال تلتو ولا …..
الاجابابات: مستشفي القلب (ده لو فضل فينا قلب) - معرّصين - مال المواطن والاّ مال المسؤل .. حدّد.

16- إختفت من الأحياء بسبب تغول الحكومة عليها – حرف تمنى – تسبب الجلطة والشلل الرباعي.
الاجابابات: صحيفة الميدان هههه - ثورة سبتمبر - خُطب أبشلاطيم.

17- إسم هيئة لا يوجد لها (ذكر) إلا فى السودان – يمارسة المواطن يومياً (غير الصبر).
الاجابابات: يعني الجماعة كولهم من ذوات الحيض؟ - هو المواطن زاتو وينو ياجبرا ؟ اتلحس من 89.

18- ينتشرون أمام شارات المرور والصيدليات – جريمة فظيعة إنتشرت مؤخراً عقابها سنة سنتين سجن وكم سوط كده !
الاجابابات: مصطفي شحادين - بامانة كده دي جريمة الصدق والشرف والامانة.

19- مادة تسفلت بها شوارع الظلط الصحى صحى – مشروع زراعى لم ينتج (عجورة) منذ تأسيسه
الاجابابات: الصمغ العربي - ياربي كلمة انتاج دي زاتها معناها شنو؟

20- مصدر التشريع خلال الكم وعشرين سنة الماضية (دى عاوزة ليها شطارة) !- من لا يملك قوته لا يملك.
الاجابابات: ظراط وفساء شِلّة اب شلاضيم - لا يملك (كُـــ ... أمو)!!


في انتظار الجايزة - جايز الموت


#820562 [اسماعيل مكة]
2.00/5 (3 صوت)

11-07-2013 02:27 PM
والله محنتنى يااستاذ الفاتح لى عشرين سنة بحل كلمات متقاطعة ودى الوحيدة اللى مااخدت معاى وقت زى الامتحان المكشوف0بس شكللك انت الراسى ر قم 16دا التى يتم تعاطيها داخل الجامعات غير المحاضرات اخدت منها شوية بدون مؤاخذة لانه المواضيع اللى انت بتكتبها ابليس ذاتو مابفكر فيها0 بس نسيت تجيب واحد برقص وبتكلم فى الدين وهو امام المسلمين ومحاط بالشواذ والخايبين البسرقو الكحل من العين ومابخافوا من عذاب رب العالمين وعاملين مسلمين كان عرفتو هديتك بيت طين مع اول مطرة يروح مع الرايحين وتجيك الاغاثة يبيعوها النافذين وتقعد مع الحسرانين المنتظرين عدالة رب العالمين فى هؤلاء القوم الفاسدين الظالمين اميييييييييييييييييييييييييييين يارب العالمين000000000000000


#820299 [من المظلومين انقاذيا]
1.00/5 (2 صوت)

11-07-2013 10:42 AM
(5) رأسى
العشرين جنيه دى يا الفاتح
بقروشهم الحالية بعد رحلة الجنيه
الى دينار ثم العودة للجنيه الحالى
تساوى فقط قرشان لا غير
يعنى (فرينى)
مش فقرى؟


#820144 [سوداني وبس]
1.00/5 (1 صوت)

11-07-2013 06:57 AM
عفوا أستاذي دي كلمات متناغمة لان مصدرها واحد


#820129 [بت أمدرمان]
1.00/5 (1 صوت)

11-07-2013 04:34 AM
عسل و سكر و منقة بالشطة


#820074 [معز محمود]
1.00/5 (1 صوت)

11-06-2013 11:55 PM
المرة دي حبوبك اقوئ من حبوب الوالي


#820001 [محمد علي مصطفي]
1.00/5 (1 صوت)

11-06-2013 10:02 PM
والله ياجبره انا ماعارفك بتجيب الكلام البجيب الهواااااااااااااااااا ده من وين متعك الله بالصحه والعافيه وعدم الإستفرااااش كلماتك المتقاطعه دي زول بحلها ليك مافي إلا تستعين بأحد المستفرشين القرضااانيين


#819969 [ممكون وصابر]
1.00/5 (2 صوت)

11-06-2013 08:56 PM
رائع والأزمات تولد الإبداع لك جائزة هوت دوق فطور وبيتزا غذاء وعشاء يعني الساعة 6مساء


#819921 [محمد]
3.00/5 (2 صوت)

11-06-2013 07:40 PM
عليك الله يا استاذ الفاتح ما تزعل من سؤالي: انت "بتلفها" قبل ما تكتب ؟؟؟!!!!


#819911 [رانيا]
3.00/5 (2 صوت)

11-06-2013 07:14 PM
كنت عايزة اقول إنك ابدعت ولقيت معظم التعليقات بنفس اللفظ وإحترت لكن تقبل منى ان اقول لك انت رائع يا سيدى.


#819875 [التويجري]
2.75/5 (4 صوت)

11-06-2013 05:56 PM
والله يا استاذ كل مره بتجيب كلام احلي واطعم من الاول.والله لو في جائزه تستاهلها انت .مفروض ادوك جائزه الابداع في فن الامتاع.نحن عندنا عقول لكن درب مافي .الله يجازي الكان السبب


#819872 [ابو مازن]
2.50/5 (2 صوت)

11-06-2013 05:54 PM
الاستاذ جبرا انت حا تتسبب فى ذيادة اسعار العجور لانك دائماً تاتي على ذكره . ولو الوالى بيقراء.... كتاباتك دى حا يعرف انت بتحب العجور ويوصى برفع الدعم منه تاديباً لك وتكون انت السبب فى حرمان شريحة كبيرة من المجتمع من الفطور.
الله يديك العافية والحمدلله السودان لسا فيهو اقلام


#819869 [ربش]
3.00/5 (4 صوت)

11-06-2013 05:53 PM
يا أستاذ جبرا ( إنت عسل في الأيام المره دي )


#819865 [ده الزمان دايرنو نحنا]
3.00/5 (2 صوت)

11-06-2013 05:50 PM
1-كرهتونا-الخبز
2-دمغه-الوزارات-علامة الصلاه
3-مظاهرات سبتمبر-مستحيل-لايوجد
4-المسؤل-البنوك
5-المؤتمر الوطني-رفع الدعم-كسر الشاسي
6-المقص-رشوه-الصبر
7-الباحث عن الفساد-اقرار زمه-التعديل الوزاري
8-الموت-الماهيه
9-الضهر-
10-ابو مركوب-المويه
11-الاسعار-الوزارات-بترول الكيزان
12-المسؤل-الباعوض
13-الجيش-اللحمه
14-الخرطوم-
15-المستشفيات-المعرصين وكلاب الامن-كتلتو
16-الميادين-ياريت-تصريحات المشؤلين
17-هيئه الحسبه العامه-الموت
18-حراميه المرور-الاغتصاب
19-مشورع سندس
20-راس الكيزان الفاضي-قراره


#819820 [تختخ]
3.00/5 (3 صوت)

11-06-2013 04:50 PM
تسبب الجلطة والشلل الرباعي ــــ:تصدق الحل الوحيد العرفتوــــ: كلماتك المتقاطعه المابتخلي حاجة فاقعه مرارتنا مابتجيبها.


#819693 [الهادي كلين]
3.00/5 (4 صوت)

11-06-2013 02:27 PM
إبداع حد الكمال ، متعك الله


#819686 [ابوعبدالرحمن]
3.00/5 (2 صوت)

11-06-2013 02:18 PM
الزول دا مبدع للغاية ...كتر خيرك يا جبرا


#819679 [abuamin]
3.00/5 (2 صوت)

11-06-2013 02:11 PM
الأخ جبرة

تحية طيبة

إقتراح:
الكسرة المرة القادمة تكون: واااي عديـــــــل كدة (الناس الما بتحس دي)


#819674 [مجنون فكا قيدو]
3.00/5 (3 صوت)

11-06-2013 02:06 PM
الليلة مالك يا جبرا عاوز تلحس مخنا بالافكار المتقاطعة !!! و نحن ما ناقصين ...

كسرة مؤقتة :
أخبار حكومة نافع الجديدة .. القديمة شنوووو ؟ ؟ ؟


#819648 [بكري]
3.00/5 (3 صوت)

11-06-2013 01:37 PM
ارجو رفع الجائزه الى وجبة هوت دوق او بيتزا حتى تكون مشجعه للمشاركه.


#819609 [الزول الكان سمح]
2.75/5 (4 صوت)

11-06-2013 12:53 PM
يا أستاذ

الله يديك العافية ما دام إختفت من الجرايد البقت تتصدر كل يوم دى...أكتبا لينا كل يوم..عشان الواحد يلقى ليهو حاجة يتسلى بيها


#819604 [عابر]
2.88/5 (5 صوت)

11-06-2013 12:49 PM
وااااو .. مبااااااااااااالغة يا جبرا

بالمناسبة يا جبرا "وااااو" دي حرف استغراش و "نصب"


#819593 [ابوالفياض]
2.94/5 (5 صوت)

11-06-2013 12:37 PM
ياخي بالغت ثاني ما تكتب خلاص كفاك انت الكلام ده بتجيبو من وين ؟!!!!!


ردود على ابوالفياض
[towawa] 11-07-2013 01:12 PM
Curiosity killed the cat


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة