المقالات
السياسة
مستصغر النار من ابو حمد ..!!
مستصغر النار من ابو حمد ..!!
11-12-2013 03:36 PM


نهار امس زار الدكتور نافع علي نافع مدينة شندي لوضع حجر الأساس لمشروع السكن الشعبي الذي يشرف عليه من المركز الصندوق القومي للإسكان..عاد نافع من مشروع المستقبل دون ان يرهف السمع الى أزمة ناشبة في مدينة ابو حمد..ليس علينا ان نلوم مساعد الرئيس لان والي نهر النيل نفسه انصرف من المناسبة الجامعة في شندي لحضور اجتماع مهم مع رجال اعمال إسبان ..ترك الوالي مهمة تهدئة الخواطر للفريق صلاح الشيخ *وزير الحكم المحلي الحالي ومدير الجمارك الأسبق الذي اتضحت قدراته الدبلوماسية في برنامج تلفزيوني تحدث فيه عن التفاح الامريكي مما اضطر الرجل للاعتذار علنا وعلى الهواء.
منذ ايام اشتعلت مدينة ابو حمد غضبا وخرج الناس للشوارع وتوقف السوق وتوجهت جماعات في عز*البرد للاعتصام في ميدان عام..حدث هذا عقب محاولة مواطن وافد للمنطقة اغتصاب احدي طالبات المدرسة الثانوية..انتهت جريمة محاولة الاغتصاب بطعن الطالب المسكينة والتي مازال تتلقى العلاج في مدينة عطبرة.
في تقديري ان الحكومة على مستوى المركز والدامر تحاول استسهال الامور ووضعها في نصاب حادث فردي يجد الإدانة من كل صاحب وجدان سليم ..واقع الامر ان هنالك وميض نار في نهر النيل منذ وقت طويل.. الأمن الاجتماعي في هذه الولاية أصابه التصدع وباتت التكوينات العشائرية والقبلية تطل برأسها .. منذ ايام قرأنا ان امين عام الحركة الاسلامية ينشط للتوسط بين عشيرتين ..احتجاجات القبائل وصلت أبواب الوالي في الدامر ..فيما السكان المحليين يشكون ان ولايتهم تصدر الذهب والإسمنت ولا ينوبهم من ذلك الا الغبار.*
ليس دقيقا ان حكومة الولاية التي بعثت نصف معتمديها في دورة تدريبية الى تركيا تتحمل كل المسئولية..سكان ابو حمد عليهم ان يعوا انهم يعيشون في مدينة تتمدد كل يوم ..المدن ليست كالارياف حيث يحتاج العبور بين أزقتها الى إذن مرور من الأهالي..المدن دائماً ترحب بالغرباء والأجانب وأصحاب الحاجة..وان من حسن حظ هذه المدينة انها باتت حاضنة لإنتاج الذهب..هذا النشاط الجديد يضخ العافية في اقتصاد المدينة ويستفيد منه كل المواطنين العابر منهم والمقيم ..لهذا السبب يحب على سكان مدينة ابو حمد ان يتحلوا برحابة الصدر.. ويستبعدوا الشعارات التي تنفر من الاخر وتطالب بطرده من البلدة الطيبة.
في تقديري ان علي الحكومة الاتحادية ورصافتها في الدامر ان تتحرك قبل ان تستفحل الأزمة التي بدات تسقى بدماء المواطنين..ما يحدث في ابو حمد يحتاج الى احتواء عاجل حتى لا يكون الحلقة الاولى في مسلسل كراهية يضاف الى مصائب امتنا..التحرك يجب الا يكون قاصرا على المستوى الرسمي على اصحاب النفوذ الطائفي وبويتات الصوفية ان يتحركوا لإطفاء الحريق..وفد شعبي فيه العميد صلاح كرار والدكتور البخاري الجعلي وجعفر الميرغني ومحمد الشيخ مدني وكمال عبد اللطيف والفنان اللحو مطلوب ان يكون بين الناس اليوم قبل غد.

الأهرام اليوم*
[email protected]


تعليقات 3 | إهداء 0 | زيارات 4181

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#824984 [تينا]
0.00/5 (0 صوت)

11-12-2013 09:11 PM
الأخ ((( بعشوم ))) الجاب العنصرية شنو كلام أستاذنا الظافر صحيح بلدنا أصبح كل من هب ودب فيها ونعم فى وافدين ليه تنكر القصة دى ومال التهاب الكبد دا جانا من وين ياخوى الأجانب جونا ونهبوا ثرواتنا والدهب بدل كان نعمة أصبح لينا نقمة الناس الغربا يستفيدوا منو ونحن مايصيبنا منو الا الغبار والمرض زى ما قالوا أهلنا خدمات ساكت فى بلدنا مافى ليه ما يكون لينا منو نصيب نصلح بيهو ولايتنا المهمشة من زماااان وزول بجيب سيرتا مافى وكمان الناس عادنها منعمة وانتا قلت ناس ابو حمد مادايرين المعتمد وناس الأمن وناس المؤتمر الوطنى ليه ما عشان بسببهم اتسرقت ثرواتهم ودخلت عليهم ثقافات وافدة من الأجانب وانفرط عقد الأمن وكمان اخرتها الوافدين ينطو الداخليات عشان يغتصبوا ليهم بناتهم ؟؟ ولايتنا الوحيدة المستباحة وقاعدين فيها الأجانب . بعد كدا لابد من مواجهة الحكومة المهمشانا لتوقف هذا العبث على أهلنا الرباطاب . أشكرك أستاذنا الظافر وكتر خيرك الطريتنا .تحياتى لكما


#824864 [سوداني]
0.00/5 (0 صوت)

11-12-2013 07:26 PM
هذا النشاط الجديد يضخ العافية في اقتصاد المدينة ويستفيد منه كل المواطنين العابر منهم والمقيم ..لهذا السبب يحب على سكان مدينة ابو حمد ان يتحلوا برحابة الصدر.. ويستبعدوا الشعارات التي تنفر من الاخر وتطالب بطرده من البلدة الطيبة.
يعني الظافر بقول ليكم مافي مشكلة لو اغتصبوا بناتكم عادي يعني عشان اقتصاد المدينة يستفيد ( هل كل الكيزان بلدة واغبياء ؟) ... ارعى بقيدك يا كوز يا معفن ... ونحنا ما بقشونا باللحو وحثالة الكيزان ... والغريب لو فعد بادبوا ما في زول بسألوا والبلد بلدوا نحن اكتر ناس ما بنعرف العنصرية واسالوا الناس المشوا ينقبوا في بلاد تانية غير منطقة الرباطاب حصل ليهم شنو ؟ مع انو المنطقة ما مستفيدة حاجة
والبقل ادبوا يرجى الراجيهو
مطالبنا مادايرين معتمد وما دايرين ناس الامن وناس المؤتمر الوطني وبس


#824667 [بعشوم]
5.00/5 (3 صوت)

11-12-2013 04:24 PM
هوي يا الظافر مين القال ليك مواطن وافد للمنطقة ؟
السودان ده حق ابوك انتا ؟؟ أمشي اعيش في اي مدينة على كيفي !!
عايز تميّع القضية ؟؟
ناس ابو حمد كلامهم واااضح .. مادايرين معتمد وما دايرين ناس الامن وناس المؤتمر الوطني
الجاب الوافد شنو ؟؟ ارعى بقيدك يا الظافر وخلّي ترويجاتك العنصرية دي .


عبدالباقي الظافر
عبدالباقي الظافر

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة