المقالات
السياسة
من كتب هذا الإعلان؟
من كتب هذا الإعلان؟
11-12-2013 04:39 PM



جامعة من جامعات حكومة السودان أعلنت الآتي: «تعلن أمانة الشؤون العلمية بجامعة.. عن رغبتها في تعيين أعضاء هيئة تدريس بكلية دراسات الحاسوب والإحصاء بدرجة أستاذ مشارك وأستاذ مساعد ومحاضر ومساعدي تدريس في ثلاثة تخصصات هي علوم الحاسوب، تقنية المعلومات، الحوسبة الإحصائية».
بعد أن أسهب الإعلان في شروط المتقدم من شهادات الدكتوراه والماجستير وغيرها من شهادات، وأعجبني شرط الرقم الوطني، بعد كل هذه الشروط والسيرة الذاتية. هنا جاء الذي يجعل الدم يغلي وعروق الرأس تطقطق. «ما في داعي لاستخدام عبارة فقع المرارة».
تخيل يطلب الإعلان من المتقدم أن: «تسلم الملفات لأمانة الشؤون العلمية بجامعة.. مجمع الوسط».
هل مر هذا الإعلان على عدة أيدي أم من الباشكاتب لأجهزة الإعلان. بالمناسبة أتاني الإعلان في موقع نشط اسمه «سودان سيتي». كيف تطلب من أستاذ جامعي متخصص في علوم الحاسوب أو تقنية المعلومات أو الحوسبة الإحصائية أن يأتي بشحمه ولحمه ليسلمك أوراقه يداً بيد في مجمع الوسط؟!
ألا يوجد إيميل لهذه الجامعة؟؟ أم سيكون الإيميل هو أول مهمة يقدمها الموظف الجديد الذي سيجتاز هذا الامتحان بعد أن يكون سافر مئات الكيلومترات ليسلم هذه الأوراق المطلوبة في القرن الواحد والعشرين وأربعة شركات اتصالات عملاقة تقدم خدمة الإنترنت وزيادة عليها تقدم خمسين إعلاناً في اليوم عبر القنوات وعبر الإذاعات وخصوصاً إذاعات الإف إم FM إن شاء الله ناس الجامعة دي يكون سمعوا بموجات الإف إم؟
القضية ليست بسيطة كما يخطر للبعض، فهنا خلل إداري يصل لمرحلة الفضيحة إذا كانت جامعة في هذا الزمن تتعامل بطريقة سلمني الورق يداً بيد في زمن البريد الألكتروني الذي من المفترض أن يستخدم في كل مكاتب الدولة وفي القطاعين العام والخاص حتى يقلل الجهد ويقلل التكلفة ويوفر العمر ويخفض من زحمة الطرق وقلل من استهلاك الوقود الذي أصبح ناراً حمراء.
ربما أجد لهذه الجامعة العذر في أن وكيل وزارة التعليم العالي لا يستخدم اللاب توب ولا يؤمن بالتعليم الألكتروني وليس هناك في رأسه من أنواع التعليم إلا تعليم المواجهة بين المعلم والمتعلم، وفيما عدا ذلك مسخرة أجيال جديدة.
يبدو أن هناك قصوراً في معايير الجودة في كثير من مؤسساتنا التعليمية وغير التعليمية، مثل هذا الإعلان يجب أن يمر على عدة أشخاص ولا يخرج من شخص واحد إذ أن هذه سمعة مؤسسة علمية يفترض فيها ترقية المجتمع ورفع الوعي لا أن تنحدر به وتطالب الناس للرجوع إلى الخلف عقود عدة.
فإذا ما مر هذا الإعلان على أكثر من شخص لفطن أحدهم لحكاية تسلم الملفات بقسم الوسط وعدلها ترسل الطلبات على الإيميل ويكتب الإيميل.
بالله ألم أكن حنيناً بأن لم أذكر اسم الجامعة؟


[email protected]


تعليقات 18 | إهداء 0 | زيارات 3096

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#826348 [m.saleem]
0.00/5 (0 صوت)

11-14-2013 11:34 AM
والله ما عندك موضوع لانه لو كان دا كل همك فما الذي يهم بعد ذلك لا مستوى الجامعات ولا الرسوم الدراسية العالية ولا هجرة الاساتذة يا راجل قل ما هو الاهم والا اسكت


#825934 [نعناع الجنينة]
0.00/5 (0 صوت)

11-13-2013 08:21 PM
ما نحنا دايما مخنا بجى الساعة12


#825451 [ابومحمد]
0.00/5 (0 صوت)

11-13-2013 11:19 AM
يبدو أن هناك قصوراً في معايير الجودة في كثير من مؤسساتنا التعليمية وغير التعليمية !!!!!
شنو ( يبدو ) دي ....
يبدو ان هنالك قصورا في معايير الجودة في كثير ممن يسمون انفسهم صحفيين


#825345 [الطريفى ود كاب الجداد]
5.00/5 (2 صوت)

11-13-2013 09:53 AM
" [احمد المصطفى ابراهيم] 11-12-2013 05:41 PM
يا اخي بسيطة الرقم الوطني استخراجه لا يزيد عن نصف ساعة لو مستنداتك مكتملة.وهو عمل وطني وبنية تحتية حقيقية للوطن وليس للحكومات فحسب. "
نص ساعة قال امكن للمعرصين الزيك بطلعوه ليكم فى نص ساعة
معرص وكمان بتبصم على تعرصتك ياربيب الانتكاسة بتاعت مصفر الاست ود مصطفى دلوكة؟
لعنة الله عليك وعلى ولى نعمتك فنى السلكية واللاسلكية المخدمك وانت حامل لماجستير فى تقنية المعلومات كما تزعم فى انحطاط اكتر من كده
الطريفى ود كاب الجداد عن اولاد الجزيرة التركوا المدارس و الحواشات وبقوا باعة للمويه والهتش بشوارع الخرطوم وخاصة شارع المك النمر


ردود على الطريفى ود كاب الجداد
[كاكا] 11-13-2013 02:08 PM
لماذا هكذا يا الطريفي ولما هذا القول؟؟؟ لم نعهدك هكذا.. ركز على الموضوع وشكراً


#825159 [ردود على دا كلام صاااح]
5.00/5 (1 صوت)

11-13-2013 01:14 AM
(ود الباشا)

الناس ديل بتكموا عن ماليزيا


ردود على ردود على دا كلام صاااح
United States [دا كلام ما صاااااح] 11-13-2013 02:12 PM
اضحك الله سنك يا ود الباشا.. ضحكتنى بالجد
والله تسمع الناس ديل يتكلموا الكلام الكبار كبار دا
تقول خلااااس البلد لا فيها مشكلة مجارى ولا سيول

بلد مازال الناس تعانى من اساسيات الحياة
الموية والأكل .. التعليم والعلاج والأمن

غايتو عالم موهومة كيف ؟؟


#825156 [الكليس]
0.00/5 (0 صوت)

11-13-2013 01:08 AM
تحياتي استاذي الكريم ,, أرجو تجريب الاتي :ــ

ــ موقع جامعة الخرطوم .. ستجد اعلان منتهي الصلاحيه .. والبريد لا يعمل ..
ـ جامعة السودان المفتوحه, لا يوجد بريد يعمل أو يرد على الرسائل والتلفونات ترن ولا ترفع .
ـ خجله والله ..


#825150 [قال مسلمين قال]
0.00/5 (0 صوت)

11-13-2013 01:03 AM
هسي دة موضوع ليك يا جبان (الكطب الاهلان ضة منوه) يا اخي ما تخجل و لي ما يكون النشرو منو؟ انت وكت عندك حس تتكلم ابقى لينا في المفيد. هو لو اعلنوه او ما اعلنوه ح يفيد المواطن بي شنو؟ خليك موضوعي او الله يسكتك بي سكتة قلبية تجي آخر واحد من كيزانك التافهين ديل


#825081 [الشفيع على محمد الطيب]
5.00/5 (1 صوت)

11-12-2013 11:14 PM
يا خوى ما تفقع مرارتك ساى الزول اخدو قبيل وعارف رحو
دى مسالة تعجيزيه لانو ما ممكن دكتور يشيل اوراقو
ومستنداتو ويمشى لى مجمع وسط
دى على منو بالله شفافيه قال


#825000 [سأنشئ]
5.00/5 (1 صوت)

11-12-2013 09:26 PM
شايفك فرحان بحكاية الرقم الوطني دي عندك نسبة من جبايتو ولاشنو عليك الله شفت ليك بلد ما فيها أسامي شوراع ولا عناوين بينفع فيها رقم وطني بلا لمة


#824994 [فرفور الأمنجي]
5.00/5 (1 صوت)

11-12-2013 09:18 PM
من قتل المأتين مواطن في يوم تظاهر واحد يا كاتب الأنتباهة؟؟ مالك زايغ من السؤال الساهل ده؟ مش كفاية أخذت ساتر أيام الموت المجاني؟ و جيت أسع تكتب في نفس المواضيع الباردة بتاعتك دي؟ ضمير لله يا محسنين. ضمير حتى و لو بتعريفة يا صحافي السوء


#824944 [محمد أحمد المغلوب على امره]
3.00/5 (1 صوت)

11-12-2013 08:34 PM
كوادر غير مؤهــلة اتوا بها لتنفـــذ المشروع الحضاري.


#824917 [hajabbakar]
0.00/5 (0 صوت)

11-12-2013 08:13 PM
دكرتنى بيقول باع وبيضبحو فى عيد الضحيةوما عاوز اقول اسمو


#824851 [ود الاسكافي]
5.00/5 (1 صوت)

11-12-2013 07:19 PM
ووين الحكومة الالكترونية الكان شابكنا بيه كمال عبد اللطيف قبل 7 سنوات عندما كان وزيرا لمجلس الوزراء..قالوا نقلوه للذهب..


#824815 [Alczeeky]
5.00/5 (1 صوت)

11-12-2013 06:49 PM
لا لم تكن حنينا وانما جبانا.


#824744 [دا كلام ما صاااااح]
5.00/5 (2 صوت)

11-12-2013 05:40 PM
معايير الجودة ؟؟ هههههههههه
ما تستعملوا المصطلحات الكبيرة ساكت .. جودة مين يااخى ؟؟
جودة وحكومة الكترونية وماعارف شنو ..فى بلد مافيها حتى مجارى

يعنى بالعربى نحن محتاجين بنية اساسية لكل شىء .. من اول وجديد
بعدين نجى نتكلم الكلام الكبار كبار دا


#824736 [رضوان الصافى]
0.00/5 (0 صوت)

11-12-2013 05:34 PM
الاخ احمد
لا تنزعج كثيرا فهذه بسيطه جدا وبما نقرأه نشاهده ونراه
فالجامعات اصبحت جامحات ..
فتطور الدول يبدأ بتطور التعليم .. واذا كان هذا هو حال التعليم فعلى البلد السلام
ولكن قول لى اخى احمد من اين يبدأ اصلاح الوطن ؟
فالمشكلة اكبر واعمق واوسع من مواعين كل الاحزاب ..
فانها ازمة ضمير ورؤيا ومنهج واهداف .. وازمة استراتيجية وطنية .

فربك مثل هذه الجامعة التى لا تعرف تكنولوجيا التواصل هل هى جديرة بتخريج اجيال يحملون مشعل العلم ؟
ولا تنزعج كثيرا اخى احمد فهذه جزء من الازمات التى تجتاح الوطن ..


#824710 [صلاح ابو شيبه]
0.00/5 (0 صوت)

11-12-2013 05:04 PM
ايوه يا استاذ كنت حنين مع الجامعه دي لكن باقي لي عصرت شديد على وكيل وزارة التعليم العالي


#824706 [الفاتح ود امنه]
0.00/5 (0 صوت)

11-12-2013 05:00 PM
طيب الواحد لو كان حاصل علي شهادات الماجستير و الدكتوراه ولم يستخرج الرقم الوطني يعني يبل شهاداته العلميه دي ويشرب مويتها ولا الفهم شنو بالرقم الوطني ؟


ردود على الفاتح ود امنه
United States [عـواطف] 11-12-2013 08:36 PM
اهمية الرقم الوطنى لمعرفــة من أي القبائل أنت.

[احمد المصطفى ابراهيم] 11-12-2013 06:41 PM
يا اخي بسيطة الرقم الوطني استخراجه لا يزيد عن نصف ساعة لو مستنداتك مكتملة.وهو عمل وطني وبنية تحتية حقيقية للوطن وليس للحكومات فحسب.


احمد المصطفى ابراهيم
احمد المصطفى ابراهيم

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة