المقالات
السياسة
هناك من هو اولي ياكيزان بدل هذا الصرف البزخي
هناك من هو اولي ياكيزان بدل هذا الصرف البزخي
11-21-2013 06:46 PM

ياربي قروش ناس الجمارك دي بتجي من وزارة الماليه .. والا مجنبه ؟؟ لو ما منها مصيبه ، ولو منها بيقدروا يطلعوها كيف والمصيبة اكبر
ـــــــــــــــــــــــــ
ملايين بل مليارات الجنيهان "لا يسالني احدكم أبالجديد هي ام بالقديم" ولا قبل رفع الدعم ام بعدها .. مباني الحاكومه .. لا حتي اكون اكثر دقه مباني بعض الجهات وللأسف اغلبها من تلك التي تشير اليها اصابع اتهام كل التقارير والمحاسبات بانهم يجنبون ، وانهم يكوِّنون امبراطوريات بعيداً عن اوراق واعين الخزينة العامه وانهم .. وانهم . وما دعاني لإيراد هذه المقدمة هو مباني بعض الاجهزه والصرف البزخي وغير المراعي نهاااائي لواقع وحال البلد .. ومنها مباني هيئة الجمارك حقيقه المباني الكلو زمن قايمه عماره دي تحير الزول مباني كلو قادم فيها اكبر من سابقه وافخم واكثر صرف وقطع شك أكثر حاجات اخري . حاجه تدعوا للنظر .. واعادته وسيرتد اليك خاسئاً وحسير (وود ميتين لذينا كمان) . وبجيبوا القروش الكتييييره دي من وين الله اعلم (طبعاً ما الله بس) الله وفلان وفلان وفلان ـ والكلام ده ما كفر ؟؟ لو بتجي من وزارة الماليه .. تبقي المصيبه كبيره .. وهي زاتا الوزاره قاعده تديهم قروش قدر دي وبالصوره دي كيف ؟؟ ولو ما من الخزينه العامه .. يبقي هي بتصرف من اموال مجنبه .. وهنا المصيبة اكبر والكارثه أعمق حقيقه مباني ادارة (او هيئة) الجمارك الواقعه في الخرطوم في موقعها الكائن المعروف ده .. وبغض النظر او بعدم الخوض في تفاصيل واحاديث جدوي وجودها وبهذا الحجم في مكان كهذا ، وكان يفترض توزيعها في اماكن الجمارك والابقاء علي اداره في شكل مبني صغير والحاجات دي .. غض النظر .. المباني تحير وتلفت نظر كل مار .. والمتابع اللصيق لقرب مكان عمله وديمومة المرور من امام هذا المكان تلفت نظره العمارات ، والانشاءات والعربات وال.... وهذه المليـــ.....:هذه المبالغ التي لا نستطيع حسابها ولا حتي تخيلها" ألم يكن هناك جهات اولي بها !؟ مرضي "او اهل" الغسيل الكلوي وكل يوم تترا اخبارهم بما لا يسر عدو ولا حبيب بل ويقطع قلب كل ذو قلب .. الم يكونوا اولي من عمارةٍ تكون مقر عملٍ لعدد لا يتعدي اصابع اليدين باكثر من مره !؟ وأطفال السرطان وواقعهم الماساوي .. ألا يكفيهم ثمن عربةٍ او بخشيش يتم دفعه لمقاول او واحد من اهل العمل ال"بيني بينك" !!؟ مريضان الناسور .. وسرطان الكبار .. و... و.... وياخي صرف برنامج واحد "مافي داعي ليهو" يرسم الابتسامه علي عشرات الخدمات التي يبكي فاقدها ويفترش بلاط ابواب المستشفيات طلباً لها وعدم استطاعه و... وعاش السودان حراً مستقل


عبد العزيز الننقة
[email protected]


تعليقات 2 | إهداء 0 | زيارات 2357

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#834352 [الماعاجبو العجب ولا....]
1.42/5 (12 صوت)

11-21-2013 10:24 PM
حسب معلومات الناس الحايمة فى البرندات أنو قروش كل أدارات الداخلية (ومنهاالجمارك)تورد فى حساب خاص من زمن العمارة الوقعت وقتلت الغفير، والبناها ولد الوزير ،وبعدين ناس المراجع العام لما حاولوا أنو يشوفو الحاصل شنو رفضت الوزارة أياها المراجعة والى يومنا هذا والجماعة أخدوا تاكسى ورجعوا ومافى حد بيجيب السيرة دى الفضيحة والسترة متباريات. و دة كلام قديم من زمن ناس حمدى القال أنو المالية لاتعلم إلا عن 15%من قروش السودان.


#834343 [خالد ود الوزير]
3.00/5 (2 صوت)

11-21-2013 10:02 PM
استاذي العزيز عبد العزيز ان حكومه الكيزان عليها اللعنه عودتنا دائما علي الاهتمام بالكماليات و اهمال الضروريات و تركيزها علي الثانويات و غض الطرف عن الاوليات وذلك ناتج من سياسه الفساد التي عمت القري و الحضر خاصه من الطبفه النافذه و الموالين للعصابه الحاكمه اعلم استاذي العزيز ان رياح التغيير بدأت تهب و المارد الجبار بدأ يتململ خاصة في اعقاب موجه انعدام الخبز التي ضربت العاصمه القوميه انها الثوره التي سيشعلها الجياع خاصه بعد ان فقدنا الامل في قوي المعارضه بشقيها السلمي و المعارضه المسلحه ولكن املنا مازال معقودا علي ابناءنا الشباب الوطنيون الشرفاء المنضوون تحب لواء قواتنا المسلحه اعلم بأنهم قله لا تذكر ولكن بقليل من التنسيق مع القوي الثوريه الاخري يمكن ان نخرج بنتيجه ايجابيه ........عاش نضال الشعب السوداني


عبد العزيز الننقة
عبد العزيز الننقة

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة