المقالات
السياسة
نفير السجم والرماد في شمال كردفان (3)
نفير السجم والرماد في شمال كردفان (3)
11-23-2013 11:37 AM


وجع الدماغ وفلقة القادة راسنا وجيب اهلنا بشمال كردفان للمسمي بنفير نهضة شمال كردفان الظاهره التي بدأ يتحدث فيها الشارع الشمالي كردفاني بان هناك ظلم اريد بالولاية من قبل المركز والسياسة المتبعة اتجاة الولاية هي سياسة الكيل بعدة مكايل بينها وبين نظيراتها في جمهورية السودان وسؤال الذي يدور في الشارع عن التنمية هل التنمية التي انتظمت الشمالية ونهرالنيل قامت علي اكتاف المواطن البسيط ومن عرقة وخصما من لقمة متوجهة الي فم طفلة الصغير و التنمية التي عمت ولايات الشرق كسلا والبحر الاحمر تمت بخصم مرتبات العامليين بالدولة كمثل الذي حدث في شمال كردفان والتنمية التي انتظمت ولايات دارفور هل كانت هي محصلة فرض رسوم اضافية علي المواطن في استخراج المستندات الهامة ولا زيادة دمغة ولائية والتنمية التي عمت اطراف السودان كانت من ظهر التلاميذ في المدرسة كمثل الحالة عندنا ... طبعا الشارع الكردفاني واعي ومدرك بان كل التنمية الوهمية في السودان كانت من الخزينة العامة الا في الولاية القندولها شنقل الريكة .
*** شاهدنا جميعا الاموال التي استلمتها ولاية البحر الاحمر التي تخص المياة ولم نسمع بان مواطنيين البحر الاحمر عملوا شوبش (الخطة) عشان مشروع الموية هنا في شمال كردفان حتي الصغير اليافع فرضوا علية رسوم وطبعا الكيزان ديل بارعيين جدا في الحكاية بتاعت القروش في الايام دي والسكر زمان . ياجماعة المدرسيين ديل ما تعلموا الكذب والجبن يجي المعلم الفصل ويقول لتلاميذة انتو مش دايرين الجامع والموية وطبعا الجامع دي بدخل الجنة يوم القيامة عشان كدي كل واحد فيكم يجيب جنية .
** انشاءالله الجن اليركب مؤتمر الرباطة المغتصب للسلطة وخرابة الوكر المهجور ياخي الله جعل التراب طهور والارض المسجد .. نرجع لنفير النهضة المزعوم الخلي المواطن باع الهدوم والاكل في البيت بقي معدوم والطفل بقي مهوم والوالد اصبح محوم السبب الجباية والشركات التي جات تعمل وما عارفيين ليها راس من قعر .
*** شركات وعربات ولموزينات ضاقت بها مدينة الابيض والسكن في افخم فنادق مدينة الابيض وما معروف العروض بتاعت الشركات دي لانو ما كات بعطاءات ولا مناقصات يعني بطريقة كدي غريبة ومريبة ولابد من فتح ملفها الامر ليس بهذه البساطة والسهولة هي ليس اموال حكومة ولاحزبها (الصحن المصفون) مش ياجماعة الناس ديل قالوا هم الوعاء الجامع يعني صحن طلس ولا بلاستيك ما بفرق ولامي اي حاجة كمونية وكوارع والجداد (ضبحوا الله) عشان كدي مصفون ولم يدفعوا مليما واحد دي حقتنا ومن جيوبنا ومن عرقنا ودمنا واخذت غصبا منا ومن اهلنا واقع الحال يحتم لنا السؤال ويحتم علي الولاية الاجابة كيف ولماذا احضرتم هذه الشركات وهل يحق لكم التصرف في اموالنا بهذه الطريقة دون التعامل بالاسس والنظم المتبعة في التعاقد مع الشركات ؟
باي وسائل تم اختيار شركات بعينها لتنفيذ نفير النهضة الذي سحن عظم المواطن.
*** وبعدين وين المؤسسات الولائية التي اقرها الدستور المامستور طبعا البلد دي مدورنها نفرين الوالي ووزير المالية يعني مافي حكومة ولا البرلمان حق اخصم مني واديني الباقي السجمان
......المقال القادم عن النفير القلع من كل والاستفادة للجزء.. عدم تشيكل قيام مؤسسات رغم حيادية ساهم في الغموض والضبابية ... الشركات الجات تعمل للنفير.

(نواصل)


[email protected]


تعليقات 1 | إهداء 0 | زيارات 3674

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#836673 [كردفان يا حبيبتي]
0.00/5 (0 صوت)

11-24-2013 02:53 PM
ربنا ينصر دينك يا ود اب كر ........ الزول الملطخه اياديهو بالدماء و( كتال الكتله ) اصلا ما منو رجاء لانه ملعون وملعون ...... حرامي وعينو قويه كمان .... باع ارض الولايه لاسياده ناس الخرطوم وسماها الميناء البري ......... والله مهزله وضحك علي الدقون ....يا ود اب كر الجماعه دول شعالين بنظريه اقطع لي واقطع ليك ..... مصو دماء مواطني الولايه ..... نحن ناس ولايه كردفان مكتوب علينا نخلص ديون المشاريع التي اقيمت بالولايات الاخري كالسدود والكباري والطرق والمستشفيات والمساجد والابراج والعمارات التي استطالت وافرغت اطفالنا الجوعي علي وسخ الرصيف ( بالمناسبه جميع المشاريع التي اقامتها الانقاذ ديون علي الشعب السوداني الفضل ) وبعدها نقوم نجمع قروش العوافي من لقمه عيش اولادنا لبناء ما يلزمنا ولكن برضو علينا ندفع 90% للحراميه وال10% نبني بيها بعض التفاهات .... والله للذين لا يعلمون ان اكبر التجاوزات حصلت في منح الارض التي تقع شمال الجامعه لشركه زادنا وسميت اعتباطا الميناء البري ..............؟؟؟؟؟؟؟؟


عمر محمد عمر ود اب كر
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة