المقالات
السياسة
مرثية لروح الراحل المقيم العم هشام سوركتي
مرثية لروح الراحل المقيم العم هشام سوركتي
11-26-2013 01:52 PM


فت مالك يا أبونا؟
وشلت كل القدرة من حيلنا ومشيت
والباقي من لحظة عمر
قسمتو للحبان
وأبيت تستنى مننا قول شكر
ورحلت بي ألمك سعيد

يبدو لي إنك عرفت متين تموت
واخترت قبرك في جفونا
شان نبقى لي طهرك شهود
ما غيبت دعواك حبيب
ما لازم الترحاب جحود
بكّيت
وبكّيت قبل خلك عدوووك
وزي ما درت تحي رتبت كيفن ياخ تموت.
ما رخيت رسنك لغي
ولا حنيت ضهرك لفي

ننساك كيف ؟
يا الكنت لي لمتنا طيف
ننساك كيف ؟
يا الكنت لي قريافنا كيف
ننساك كيف ؟
يا الما لويت حاجبك لضيف
ورحلت زي الضو نضيف
وأقسمنا (وحلفنا ) حلمك ما بقيف

فتناك بخير بخير
فتناك بخير ياخير
المتنا نحن
وانت
بهناك لسه حي
كلمنا عن ناساً هناك
مين كان شهيد
مين مات وحيد
مين قاوم الطاغوت عنيد
فتناك بخير يا خير


تعليقات 5 | إهداء 0 | زيارات 1002

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#840269 [ابكر ود الداخله]
0.00/5 (0 صوت)

11-27-2013 05:20 PM
هاشم مثل هاشم هاشم ديمه باسم
هاشم مثل غيمه
تدي للعطشان جغيمه
وتدي للجوعان لقيمه
هاشم ليه رحلته
والقضيه هي هي


#840178 [جمال مسبل حنيطير]
0.00/5 (0 صوت)

11-27-2013 03:50 PM
شكرا ايها الشاعر المرهف مجاهد عيسي وانت ترثي ابو النضال السوداني الرجل الصادق الشجاع السوداني القح عمنا هاشم سوركتي عليه سلام الله في الخالدين.
هاشم سوركتي نبي للرحمة والخلق الرفيع في زمن اللا انبياء هاشم سوركتي من الرجال الذين امتحنتهم الايام في ايام عصيبه ايام(يا يوليو القلم والسيف ويا تار البلد جوزيف) تلك الايام التي رقم قسوتها علي حزب الطبقه العامله وعلي الشعب السوداني الا ان مواقف الرجال اثلجت صدور شعبنا ومنهم هاشم سوركتي الذي واجه السفاح نميري حينما تحد الذين بمجلسه وقال لهم ان كان بينكم شيوعي فليخرج علي يميني فانحنت الهامات وطؤطات الرؤوس الي هاشم خرج وتحدي السفاح وقال له نعم انا شيوعي ونصير للطبقه العامله والكادحين فهمهم السفاح وارغي وازبد ولكنه لم يخف هاشم بل زاده رباطة جاش واصرار علي ما يؤمن به. لم يتلجلج كما تفعل النعاج ولكن وقف موقف بطوليا كانما شاعر الشعب محجوب شريف عناه جينما تغني ببطولة ودالزين(العودو خاتي الشق وحاتك ما قال طق...ماوقف بين بين لموته اتقدم00000قالوا له ناسكم*****ورينا شان تسلم)
فله الرحمه كان شامخا كما الطود وحق لنا كسودانيين وكادحين ان نفخر بسيرة رجال رجال لم يخدعونا ولم يسرقونا ولم يبيعوا لنا برقا خلبا.بل قدموا ارواحهم في سبيل وطن يتساوي فيه الناس ويعيشوا تحت رايات الحريه والعدالة الاجتماعيه فلهم منا التحية. حدثني عنه استاذي وزميلي الرجل الخلوق الاستذ فتح الرحمن الصادق حديث افرحني وانا في موقف حزن عن الراحل المقيم ومواقفه الصادقهة الشجاعه فله الرحمة والمغفرة. ولك منا اخي مجاهد النشيد.


#839425 [jini]
0.00/5 (0 صوت)

11-27-2013 12:55 AM
..



عليك سلام الله هاشم بن سوركتى
.... ورحمته ما شاء أن يترحّما

فما كان هاشم هُلكُه هُلكُ واحدٍ
.... ولكنه بنيانُ قومٍ تهدما


#839297 [حى التمرجيه/الداخلة]
0.00/5 (0 صوت)

11-26-2013 09:53 PM
سوف تظل ذكراك الى الابد ياهاشم


#839074 [بعشوم]
0.00/5 (0 صوت)

11-26-2013 04:47 PM
فتناك بخير يا عم هاشم


مجاهد عيسى ادم
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة