المقالات
السياسة
تحية حارة للجبهة الثورية
تحية حارة للجبهة الثورية
11-27-2013 07:02 AM


أرمي قلمك يا صديقي

كسرو و دفق مدادو

و أختف أقرب بندقية

للنضال الناس تنادو

الكلام ده زمنو ولى

و التريث فات ميعادو

ألحق البلد البضيع

بين تماسيح الدميره

بين ركام العنجهية

و الشعارات الفطيرة

أرمي قلمك ما بفيد

أمه مجروحه في ضميره

أرمي قلمك يا صديقي

الوطن ضاعت ملامحو

يا حليل طيبة أهلنا

و يا حليل الله يسامحو

الغدر بي كل حاجه

و باع بلدنا عشان مصالحو

يا شباباً قد تمرد

حاشا ما خيبتو ظنو

بالنضال ترجع حقوقنا

و ما بترجع بالتمني

هدموا بؤر المظالم

و المجازر و الفضايح و التجني

أختف أقرب بندقية

و غني للحرية غني

أرمي قلمك يا صديقي

مدادو ما بيطفي الحريقة

و كل أبواب المحبة

بالهوس مسدود طريقه

و كل أزهارنا الجميلة

يا صديقي ضاع بريقه

و العصافير ما بتغني

قبل ما تمرح طليقه

نضف الدود من أرضنا

قبل ما تزرع حديقة


[email protected]


تعليقات 3 | إهداء 0 | زيارات 1728

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#840318 [adel]
1.00/5 (1 صوت)

11-27-2013 06:18 PM
وانا بديك تحيه حااره لغباءك لانو ماف زول عاقل بحي ياسر عرمان ولا الحلو ولا مالك عقار وباقي الشله البتتاجر بقضايا اهلنا لانو هدفهم الوحيد الكرسي الثور الله يهديك


#839944 [ود السجانه]
0.00/5 (0 صوت)

11-27-2013 12:40 PM
نضف الدود من أرضنا

قبل ما تزرع حديقة

يا سوداني لا تنخدع

بكلام ناس نافع ونفيعه

حرر نفسك من الأوهام

بكرة البلد تصبح رفيعه

قالوا إسلام وهي لله

لامن أكلوا وسرقوا القضية

ونهبوا كل شي حتى أحلامنا

وكل شيء على الأرض الوسيعه

وحتى تقاوي القمح والجريشة

خربوا البلد ومزقوها

ضاع الجنوب وحلايب وشلاتين

والبلدصارت فطيسة

حصلونا يا ناس الثورية

قبل البلد تصبح فريسة

وأخجلوا يا ناس الأحزاب


#839508 [محجوب عبد المنعم]
5.00/5 (1 صوت)

11-27-2013 07:19 AM
تحية حارة لجيشنا ومجاهدينا وشعبنا المناضل ومليون طزززززز لجبهة الثيران


ردود على محجوب عبد المنعم
United States [lwlawa] 11-27-2013 12:32 PM
طظ فيك وفي جيشك ومجاهديك.وحكومتك...........!!


زاهر أحمد
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة