المقالات
السياسة
ابراهيم جيفارا ...ليست مرثية ..ومن يرثي الخلود؟(قصيدة)
ابراهيم جيفارا ...ليست مرثية ..ومن يرثي الخلود؟(قصيدة)
11-29-2013 08:37 AM


ابراهيم جيفارا ... ليست مرثية..,ومن يرثي الخلود؟
الي المناضل الراحل ابراهيم جبارة
شعر محمد عبد الجليل جعفر


وجهك سحابة
زيفة مطر
برق ابتسامتك حين ملاقاة البشر
كم التفاؤل الكان يقين جواك زي موية الحفير
لي حولو مخزون بالكتير
نمشي ونجيك
وتروينا يا اخوي ابراهيم
صدقني قسمت البلد نصين عديل
النص هنا وشايل هناك
والباقي بي خاطرو المعاك
لي سكة سفرها المستحيل
جواي كلام من يوم رحيلك
زي حقين الدم علي شريان ذبيح
قافل علي نبض التنفس
ولي مسالك في الشهيق
كلما اعاين في الدروب
القاك شجرواقف علي الجانبين ظليل
وكل مايلاقيني العوج
القاهوكان ايام وجودك بالقليل
وكل ما اقايض يومي بالوقت المعاك
القي الخسارة خسارة والبيع مستحيل
جواي نزيف
لااستني..... , لاقادر يقيف
ياصادق الوعد ياشفيف
يا انقي زول شفناهو لو يقدر يقول زول
لي رقبتو:..( انا الشريف)
آه ..يا ابوخليل
وآهين علي اليوم الحيفتقدك عديل
آهات علي طرق المدارس
والعيادات والشوارع
وفضل ظهرك
يوم تقيف ترفع معاك الراجلين
آه ... يا ابراهيم
يا خرزة العقد الفريد بين الرفاق
نوارة الوعد الاكيد
اصبر مع الايام وحيد
وامشي الدروب الكنت فيها سند
ولافتة وشارة للهدف البعيد
كنا بنجيك
هدينا حيلنا من الكفاح
وتدينا من عزمك رصيد
مفصول, ومحبط من صروح الجامعات
تفتح لنا البيت جامعة
وتدينا المزيد
27 نوفمبر 2011
حاشية
..............................................................................................................................................
*ابراهيم جبارة مواليد الولاية الشمالية عمل واستقر بالولاية الشرقية مدينة حلفا الجديدة عمل بالحقل الصحي
من قيادات الحزب الشيوعي السوداني تعرض للسجن والملاحقة والتضييق من قبل نظام السفاح جعفر نميري ونظام السفاح
الطاغية البشير متزوج واب لابنة وثلاث ابناء التحية لهم وللارملة الباسلة المكلومة(ريا) توفي في مطلع عام 2012له الرحمةومقام الشهداء والصديقين بقدر ماقدم لوطنه وشعبه وبوسع ماوسع رحمته وعدله تعالي

[email protected]


تعليقات 1 | إهداء 0 | زيارات 794

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#841798 [shazaly Mohamed]
0.00/5 (0 صوت)

11-29-2013 01:08 PM
رحيلك ..
زلزل كل كياننا..
وجعلنا نجهل كل أبجديات الصمود ..
فلا لغة في عالمنا تستطيع أن تترجم معاني الألم
الذي خلفه رحيلك عننا..

حتى حروف لغاتنا تعجز عن أنتشال هذا الحزن الأسود
الذي خيم على ارجاء قلوبنا ..
ستظل بدواخلنا يا ابانا
رحمك الله ابي وعمي وخالي وغدوتي ابراهيم جيفارا
التحية لك ايها الشاعر محمد عبدالجليل علي هذه القصيدة الرائعة لانسان رائع


محمد عبد الجليل جعفر
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة