المقالات
مكتبة كتاب المقالات والأعمدة
د. محمد بدوي مصطفى
"العماري" – هل هو سبب من أسباب التأخر الاقتصادي بالسودان؟
"العماري" – هل هو سبب من أسباب التأخر الاقتصادي بالسودان؟
11-29-2013 12:31 PM


في حديث طريف مع زميلة، كتبت لي عن مآسي العماري الممتاز في المجتمع السوداني، فقلت من الأفضل أن تُطرح القضية على الملأ لتعميم المعرفة عن مساوئ هذه الآفة التي ألمت بأهل السودان وصار يتعاطاها الرجال والنساء صغارا وكبارا.

- هل هناك احصائيات ودراسات علمية جديدة عن أضراره الصحية عدا سرطان اللثة المعروف؟

- ما هي إحصائيات الأضرار الاقتصادية التي يسببها هذا الطاعون في إطار العمل المهني – من خمول، الخ مقارنة بآفة القات باليمن؟

- ما هي الأوجه الخفية التي يجب أن ينتبه لها أرباب الأسر؟

الكل على علم بأن العماري أفيون الشعب (إن صحّ التعبير) فساعدونا لجمع بنك معلومات عن العماري وأضراره الاقتصادية بالبلد - الخ.

تجدون طي هذه العاجلة قصيدتين لالتقاط بعض اللوحات من عالم "نادي العماري الثقافي".

أتيكيت نادي العماري الثقافي

(ديوان: نحن شنو؟ د. محمد بدوي مصطفى )

خلاص أسكت!

نحن شنو ونحن منو؟

نحن الشين وفينا الزين

ونحن السفة والتنباك

عندك سفة يا عمران؟

سوري والله ...

بزغتها هسي في امدرمان!

هديك ليها

تراري تقول بعر بزران

دودة تقول خضار خسران

نحن الحقة وأم دلدوم

نلوك تمرات نكد الدوم

صعودنا نلوكو للبلعوم

بزاقو يسيل وفيهو نعوم

يلصق في زلط خرطوم

وفي الردمية عند الحوم

وفوق عراقي حاج التوم

وجنب طبلية أم كلتوم

حجة ظريفة ما بتلوم

مريضة كروب تخت وتقوم

تبيع بصلات تبيع التوم

خسارة الله يا قيوم

خضاري الجاتو سفة شوم

ما بنباع ومين بتلوم؟


________


سفة عابرة للقارات(٢)



خلاص ما تقول!

نحن شنو ونحن منو؟

ونحن الشين وفينا الزين

ونحن السفة والتنباك

انحن صعودنا ما بتلاك

صّعود كارب وصُعود سارب

دقار السفة فيو حادب

ومنو المابسف كاذب

وفيو سلك العقل ضارب

عماري شديد وكيفو حديد!

سفة دقار تحت شلوفة ذي الطار!

من الطاقة من شباك

مافيش عيب ده بس تمباك

تحت الزير وفوق البير

جغمة موية تجري تسير

تفكها ظوط من الأمجاد

قنبلة عابرة للقارات

تقع في توب، تحت طبلية فوقها سماد

وفوق صلعة أبو الأولاد

وجنب راكبوة في الأعواد

ولزم طفاية القاعات

وفي صالاتنا في الأعياد

عماري رهيب وشعبو غريب

بدون إتكيت بدون تهذيب

مبالغة، كيسو لونو عجيب

وعطرونو البريدو يجيب

مأسي شديدة يا حبان

فضائح فاتت الأزمان

قولوا كلام يكون ميزان

واخلفوه بعمل فنان

أصحو وسوو للأوطان.

Mohamed-Badawi.com


تعليقات 2 | إهداء 0 | زيارات 1927

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#841870 [سجمان]
2.53/5 (9 صوت)

11-29-2013 03:07 PM
اخف الضررين من السجائر شعوب كثر تتناول الصعود ولم يوقف تقدمها حتي الامريكان . والخوف اذا ما منع التمباك ان يتجه اصحاب السفه الي صنف اخر أخطر .
كسره.... ايش رأيكم ان نتضامن مع الفاتح جبرا وكل واحد يضع تعليق يضمنه بكسرة اخبار مطار هيثرو شنوووو حتي لا تضيع هذه القضيه والراجل شايل القضيه وحده ارجو التضامن معه


كسرة... اخبار قضية مطار هيثرو شنووووووو


#841831 [الانترنت لعمارى السوبر]
2.58/5 (8 صوت)

11-29-2013 02:10 PM
حكومة ما نافعة معاكم, تجاهد معاكم بالكلمة مافى مشكلة
بس تهبشونا فى ود عمارى دا بجيب ليها حرب عدييييييييييييييل


د. محمد بدوي مصطفى
د. محمد بدوي مصطفى

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة