المقالات
منوعات
إحتجاج شديد اللهجة لما كتبه ودالبدوي عن العماري
إحتجاج شديد اللهجة لما كتبه ودالبدوي عن العماري
11-30-2013 11:13 AM


يمين لو عارف إنت الكيف

كت سفيت مليون سفة
دون تسويف

فسجائرالدخان ده كيفو
مخيف

وامراضو معروفة بدون
تعريف

وما سمعنا بالعماري
جابلو نزيف

ولاشكل خطورة بس
تهديف

من يدنكل سفة
كاربة حريف

طويل مليان وماهو
نحيف

يهدف جوة توش تهديف

خت الكورة في الواطة

وأرجع من سعوطنا ورا

وما تدخل بين السفة
والشفة والقشرة

وده أكبرحزب في السودان
وقول يا لطيف

فودعماري لاهو سجار ولاهو
القات يجيب خبرة

ده تمباك وارد الفاشر
يعدل الكيف

تسفو يمين محل ما تقيف

في القاعات وفي السهلا
وفي المسرح
وعند القيف

ده شغلو نضيف

وسعوط كارب جنب
الضيف

وجبنة مدنكلة وتكييف

وحقة ظريفة كريم نيفيا
ماتخريف

تخت سفة تعدل الكيف

بعد شايا تقيل وخفيف

وتتمدد معلق في ضراعك
سيف

منو الزيك عاد في
الكيف

تجيك الدنيا بي تشريف
منقادة هي المحتاجة
للتشريف

وتشتهر بدون تعريف

تخلف كراع في كراع
وتسرح
هناك في الطيف

وريحة اللوبي ودعاش النيل
في عز الصيف

تقول لي شنو وتقول لي منو

كدي أقيف مرة عند القيف

ودنكل سفة مظبوطة بلا تطفيف

ولايهمك شيخ خفر لاعمدة
هناك في الريف

وتتحكروسط جدول فوق لبقة
تحت نخلة
وتسرح تحاحي الطيف

منو الزيك يدنكل سفة من حقة
ويعدل الكيف

ومنو القدرك يهز ضرعاتو
في الضل الوريف


أقيف لسع وأقيف وأسمع

ده ودعماري أصلي صناعة السودان

ما بيشبه قات اليمن ولاتمباك باكستان

ما زي وارد الدخان من الصين واليابان



يازول هوي أبعد من سماء تمباكنا
ابقه حريف

شوف ناسك شوف ساستك ارعى بي قيدك
اوعك قدام سعوطنا تقيف

قبل ما تجيك قذيفة سفة فوق راسك
تقول ملتوف

تلخبط بدلتك تغير نظرتك
في الخوف

تشوف الدنيا مقلوبة والحيكومة
راكبة الطوف

وتشوف السفة زي دانة
وتبلع دانة جوه الجوف.

[email protected]


تعليقات 5 | إهداء 0 | زيارات 1404

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#843325 [ممغوص.]
4.07/5 (5 صوت)

12-01-2013 12:47 PM
عاده سخيفه ومضره
وماعندها معني متوارثه كشأن
العادات السلبيه من أجدادنا الله يرحمهم
هم جهلاء وأنتم متعلمين نرث منهم الإيجابي
والسلبي إلي المزبله.
كسره:
مغترب جاء ملهلب شاف واحده
عجبته طلب يدها تم العرس مشوا
شهر العسل ،إكتشف إنها بتسف وعندها
حقه كمان،قال ليها ،يا،،،أنا ،،،يالسعوط .
قالت ليهو السعوط إغتاظ وبلعها وبعد لحس
العسل ،،،طلقها.


#842554 [abuadeela]
4.16/5 (10 صوت)

11-30-2013 02:58 PM
خلاص إنتهيتو من حل كل مشاكل البلد وقبلتو على التمباك ؟


#842455 [سايكو]
4.17/5 (11 صوت)

11-30-2013 01:12 PM
يعني خلاص ما لقيت حاجه تكتب فيها غير الصعوت ؟؟؟
غأيتو ربنا يصبرنا بدل تكتبوا لينا عن المهم جأرين ورا الفارغه
هدا الصعوت العفن راقد في المحلات امشي خت ليك سفه و نووووووم لانه لو النخب بتاعننا بتفكر بالطريقه العقيمه دي و بتجري ورا سفاسف الامور يبقي البشير حيكتلنا كلنا و يقعد في الحكم خالدا مخلدا .


#842389 [سوداني]
4.16/5 (10 صوت)

11-30-2013 12:07 PM
والله حكى لي زميل معنا هنا في جدة قال كان بيبصق السفة وماسك شفته السفلى بيدة اليمنى في الطريق العام وصادف مرور ولد صغير مع امه قال والله الولد شافني على طول طرش . وامه لاتدري السبب !


#842378 [عبيد الله]
4.17/5 (14 صوت)

11-30-2013 12:01 PM
هل تعلم ان السفة تغير رائحة الفم لرائحة كريهة وكلما تصلي جنب واحد بيسف تلاحظ ذلك . وان تراب الخرطوم ده كله من السفة اذ يبصق في هذه الارض يوميا حوالي مليونين سفة ويتم طحنه بكفرات السيارات ويطير في الهواء بسبب نفخ دخان عادم السيارات ويدخل في الانوف بسبب التنفس ويسبب التهاب الجيوب الانفية وكثير من الحساسيات ( أسالوا الاطباء ) عليه اطالب بتحديد اماكن وجرادل او براميل مجهزه بأكياس لرمي التمباك عليها ليسهل حملها ويكون ليها عمال يشيلوها وتكلفة العمال والاكياس والبراميل نجيبها من غرامة تفرض على كل من يسف يدفع غرامة شهرية للدولة من اجل تنظيف البئة من تراب التمباك وكذلك ضريبةعلى من يبيع التمباك . ووووو أيه رايكم بالله ؟؟؟


عباس خضر
عباس خضر

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة