المقالات
السياسة
يستثمرون..فيك يابلد
يستثمرون..فيك يابلد
12-02-2013 06:10 PM

..فيك يابلد..!!
بخيت زاهر الفكى
مستثمرين..
كان العشم..
يستثمرون..فيك يابلد..
فيك يابلد..يستثمرون..
مستبشرين..
بى الفيك ..يا أرض السعد..
يتوافدون..
جيئة وذهاب..
كان يلقوا رد..
يتأبطون..
مشاريع فى ملف..
حيازات فى ورق..
فدادين من سراب..
مساحات من وهم..
يحلمون..
تصبح حقيقة رؤاهم..
ينعمون..
بخير وفير..
وزراعة فى الأرض اليباب..
مرحب حباب..
المستثمرين..
الجوة بلدنا.. حباب..
الجيرة والأغراب..
ليكم فتحنا الباب..
تعالوا..وبينا مافى حجاب..
لينا سنين..
ناس طالعين..
ناس نازلين..
سامعين جعجعة..
ما شفنا لينا طحين..
مستثمر يجى..واحد يفوت..
مشاريع ضخمة مروية..
سياحية..
صناعية..
حا نعمل وحا نسوى..
حا ..وحا..وحا ..
حا تصبح..
بلدى دولة غنية..
ده السامعنوا ما شايفنوا..
الليلة وفود ..
بكرة حشود..
الليلة هنا..وبكرة هناك..
وزيرنا ذاتو ما موجود..
جانا الليلة..قال..
بلدنا حقيقة مأزومة..
بنيات تحتية ..معدومة..
مليانة نزاع أراضيها..


[email protected]


تعليقات 0 | إهداء 0 | زيارات 740

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكى
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة