المقالات
السياسة
هِن كم قرآن ؟
هِن كم قرآن ؟
12-03-2013 11:43 AM



هن كم قرآن ؟

إِنكتل الوطن بي طعنة غدر
وصيوان العزا مرفوع
يا تموت مدقوق بالجوع
يا تتلبع وتلحسلك كوع
تاخدلك كمين كف تتعذب
في بيت اشباح الحكم ؟
من زول مرضان جربوع
رفعوك في البوكسي انيق
يلقوك في خور مجدوع
ساقوك كضاب وتهضرب
كيفن تقول إت زول مهموم ؟
فالهم ممنوع ؟
كيف تقتح خشمك تقول تعبان ؟
وكفاية ؟ هرسوها ضلوع
كيف تتجرأ على جلال الحاكم ؟
الخاتي نفسو في شكل إله !!
وقرآن كم نوع ؟
قرآن للسلطة !!
وقرآن للجاه !!
وقرآن الشعب الجوع !!
قرآن للحرب يساوي جهاد
وقرآن للسرقة شفوع
الكضبة الربع القرن
شعار الدين دسم منزوع
الفيلم الديني من تأليف
عصابة الشِرا والبيع
الحاكم الجاهل قايل حكاية الفلم
ضروري تكون ترويع
الصالح العام جزارة شعب ؟
والظلم صنوف مزروع
يا تتكرفس تكون ضبلان
والريس يرقص بي شرع الله ؟
فوق همك بكل ميوع
جلدوها الحُرة عشان الجينز ؟
كشوها الوقدت نيران المنقد
تبيع الشاي ؟
لو باعت ضرعها ما تكون زانية ؟
فضرايب الزنا للوالي عمل مشروع !!
تصدير الحُرة مهيرة لبرة بضاعة
بدل خرفانو تجيب العملة الحُرة ؟
تكون خدامة تغسل تمسح شرف مبيوع
وشرف الامة الكان بالدم محروس
صِبح للحزب العاهر فساد مزيوع !!
الوطن الكان في القمة كسلة !!
بقى للفقر ثالث نوع ؟
الهم ممنوع
الهم ممنوع
هن كم قرآن هن كم نوع ؟

البنشرجي

[email protected]


تعليقات 0 | إهداء 0 | زيارات 785

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبد الحليم الخير محمد الحسن
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة