سؤال وجواب
12-12-2013 05:48 PM


س: بماذا تنصح التشكيلة الجديدة من الوزراء والمسؤولين؟
ج: عدم التصريحات المفضية إلى الهلاك (هلاك الشعب طبعن)
س: ما تعليقك؟ إذا علمت أن «30%» من سكان العاصمة أجانب
ج: نحتاج إلى سفارة سودانية بالخرطوم
س: هل نحن دولة زراعية أم صناعية أم بترولية ؟
ج : دولة رعوية .. (إي زول يرعي زي ما عايز)
س: ما تعليقك لو علمت أن أكثر من 20% من المواطنين يكلمون أنفسهم وهم نائمون
ج: عادي .. ما الـ «80%» الباقون يتكلمو مع روحهم وهم صاحين
س: هل يمكن للمرتب أن يكفي حتى آخر الشهر؟
ج : نعم إن كانت معه مخصصات
س: ما هو الفرق بين المستشفى الحكومي والمستوصف الخاص؟
ج: الزمن الذي تقضيه وانت بتطلع في الروح
س: من هو أكثر شخص يؤدي عمله في همة ونشاط في البلد دي؟
ج: رجل المرور
س: إلى أين يذهب مواطن مصاب بإنسداد في الشريان التاجي؟
ج: إلى (فكي) طبعَن.
س: ما هو الفرق بين (الرقص) في الحفلات والرقص في الإحتفالات .
ج: الصالات بتكون مغلقة
س: لماذا نجد أن قانون (النظام العام) مفعل أكتر من قانون (محاربة الفساد والإختلاس)؟
ج: حتى لا تشيع الفاحشة بين الناس.
س: هل تعتقد أنو ح يجي يوم نتعلم مجاناً؟
ج: ما أهو هسه نحنا بنتعلم مجاناً
س: هل ستتم معاقبة من قاموا بإستيراد التقاوى الفاسدة؟
ج : نعم .. يوم يفر المرء من أخيه
س: لماذا اتجهت البنوك لبيع العربات للمواطنين (وخلت شغلا)؟
ج: لأن العربة هي الشئ الوحيد الذي ينقص المواطن.
س: متى نستطيع أن نأكل من فواكه (سندس)؟
ج: في الجنة طبعَاً.
س: أذكر واحدة من عجائب الدنيا التي لم تذكرها الكتب؟
ج: المدينة الرياضية
س: ما هو دليلك على ارتفاع نسبة العنوسة عند (النساء)؟
ج: ارتفاعها عند (الرجال)
س: هل نجحنا في مسألة (الإكتفاء الذاتي)؟
ج: أيوه مش (الفينا مكفينا)
س: ما الفرق بين الزوجة والسكرتيرة؟
ج: 30 كيلوجراماً على أقل تقدير
س: متى سوف تنتهي ظاهرة تزايد أعداد الفنانين؟
ج: عندما يصبح هنالك فنان لكل مواطن.
س: ما هو تبريرك لإنتشار باب تفسير الأحلام في الصحف؟
ج: إنتهاؤنا من تفسير الواقع.
س: لماذا يطلق الأزواج على زوجاتهم لقب (الحكومة)؟
ج: لصعوبة تغييرها مهما تسببت في كوارث.
س: هل توافق على أن يكون لأحد المسؤولين مصنع لإنتاج اللحوم؟
ج: نعم على أن تكون مذبوحة على الطريقة الإسلامية.
س: ما هو سر إمتلاء الأسواق السودانية بالمنتجات الصينية؟
ج : الجودة طبعَاً.
س: ما هو الفرق بين الشرعية الثورية والشرعية الدستورية؟
ج: ممكن تديني فرصة أفكر وأنحت مخي عشان أجاوب.
س: هل صحيح إنو (المال تلتو ولا كتلتو)؟
ج: بيعتمد على الجهة المعاها المال.. لو الحكومة طرف في الموضوع يبقى صحيح تلتو ولا
كتلتو
س : ماذا سوف يعمل الذين تمت تنحيتهم في التشكيلة الجديدة ؟
ج : طبعن في الاستثمار .. هو دي عايزه ليها كلااااااام
كسرة :
س : هل أنت متفائل بأن التشكيلة الوزارية الجديدة سوف تنجح في (نجدة) البلاد ؟
ج : أنا متفائل بأنها سوف تقوم (بإنقاذ) البلاد ….. تااااااني

كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)+و؟


تعليقات 19 | إهداء 0 | زيارات 6894

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#856491 [بت ام الحسن]
0.00/5 (0 صوت)

12-14-2013 05:26 AM
لماذا يطلق الازواج على الزوجات لقب (الحكومة)

ده كلام يااونكل جبرا مالن الزوجات والله ماقاعدات يتسببن فى كوارث لكن بس هن الحيطة القصيرة

وانتو يامعشر الازواج عينكم فى الفيل وتطعنو فى ضلو

الكلام ده داير ليهو اعتذار سريع مالينا احنامعشر الزوجات لكن على الاقل اعتذار للمدام

و(بجانب) كل رجل ناجح وعظيم امراة وانت اكبر دليل
والا انت من الجماعة البقطرو المره وراهم وهم ماشين فى الشارع فاكرين دى الرجالة


#856183 [Ali]
0.00/5 (0 صوت)

12-13-2013 03:44 PM
تأمـل فيهو مـره .. وشــوف دلّ الـعـذارى
تـجـد الـصـوره تـحـلـف .. يوسـف فـي اطارها
اللألاءة عـيـونو .. والبيضاء سنونو
كم يغريك ثغـرو .. كم يسبيك سـحـرو
هالكنا الامـيـر .. !!
:
صدقنـي .. إنك وسـيـم
وسيم .. وكلك شـعـور .. أرق مـن النسيم
رشـاقه وخـفـة روح .. جبيـن .. دوام مـطـروح
لو شـافـك المـجـروح .. يـطـيـب ولـو كـان عـلـيـل
:
ســاحر لونو أسـمـر .. كل الشافو أنكر
غيرو يكون في سكر
سكر .. سكر .. سكر
وحات عيني سـكـر واكـتـر
أحلى نـغـم في منظر

أول مرة يظـهـر .. فـي أعـماقنا فـجـر
ألوان مـن مـحاسـنـو ظـلال نـغـم فـي مـنـظـر

في واحات عيونو .. رقيق أشواقنا فـسـر
آمالنا خطاهو .. لامن جانا يخطر

والحيرنا أكـتـر .. كـيـف الـجـو تـعـطـر
من رقـة حـديثو .. وهـمـسـو الفينا أثـر

والعلمنا نسـهـر .. لونو العاجبو اسـمـر

امـا وسـط عـيـونـو وحـاتو عـسـل تـقـطـر

يوم لي رمـشـو أشـهـر .. لـو مـا اللـه قـدر
كان من لـحـظـو نـعـتـر .. ونـقـول ياريتو كـتـر
كل الشافو انكـر غـيـرو يكون في سـكـر .. !!
:


#855877 [ابو نصر الشمالي]
0.00/5 (0 صوت)

12-13-2013 08:21 AM
متى ح يعمل إقرار ذمة للوزراء الجدد . . طبعاً بعد 25 سنة


#855782 [Abu Areej]
0.00/5 (0 صوت)

12-13-2013 01:49 AM
طيب ما دام البتنحى بشتغل في الاستثمار لماذا بكى الوزير المعروف ويوصف يومه كله؟؟


ردود على Abu Areej
European Union [ام الحسن] 12-13-2013 03:53 PM
لانو الشغل فى الاستثمار داير ذول تفتيحة وخبرة وداير تعب وتفكير ومثابرة ومااى ذول بنجح فى الاستثمار والبزنس خصوصا فى بلاد العجائب الاسمو السودان وبقولو التجارة شطارة
اما جماعتك الوزراء الجوعارين البكايين ديل ببكو لانهم عارفيين انو شطارتهم فى الهبر والسرقةبس
ولو دخلو السوق بماهبرو بفلسو فى ثوانى لانو السوق ليهو ناسو المابنداسو
عشان كدا ببكو على النقاطة المويتها باردة وساهلة والثعلب رقد على قفاهو وفتح خشمو تحت سدرة النبق وقال مافى داعى اتعب النبق براهو بقع فى خشمو ولما ماوقعت نبقة واحدة جوه خشمو زهج وقام زعلان وقال راحة مافى عيشة الدنيا دايره ليها اتلباجة

فياحضرات الوزراء البكايين كفاكم خلاس وعيشة الدنيا دايره ليهااتلباجة ادو فرصة لغيركم يهبر كما هبرتم


#855759 [دا كلام ما صاااااح]
5.00/5 (1 صوت)

12-13-2013 12:50 AM
متى تقوم القيامة ؟؟
لما تزول الأنقاذ


#855754 [الوزارة في العمارة!!]
5.00/5 (1 صوت)

12-13-2013 12:34 AM
متي سيقتنع بشه انو هواء لاهاي احسن من كافوري!!!
علي الاقل مافي ضبان ولا ناموس!!!!
والعلاج مجان واوربي كمان ومافي داعي للجري للسعوديه!!!!
والجكس خواجات ذي اللبن!!!
وهل الوزراء الجداد شبعانين وعندهم مزارع ومثني ورباع!! وله نفرح السكرتيرات!!!
وهل عربات الدفع الرباعي عندهم وله نكلم ناس الكرين!! زباين جداد!!
وهل الوزراء الجداد في ماتبقي من انتخابات الخج حيشتغلوا للوزارة وله للعمارة!!!وياتو الاقرب ليهم والاسرع!!!
وهل بشة جادي في محاسبة كل من اعتدي علي المال العام!! ياتم الجوداد وله التم اعفائهم!!!
وهل التم اعفائهم ديل تمت مراجعة اقرارات الذمه ومطابقتها معا الاولي!!(امك واحد كان مؤجر وواحد كان ساكن عشؤائي!!مادايره ليها نضارة)


#855724 [مخلوعة]
5.00/5 (1 صوت)

12-12-2013 11:24 PM
انقاذ تاااني .. ألحقونا يا مجلس الأمن .. يالجنائية .. سجمنا و بكري هجمنا ..


#855723 [نور الهدي]
0.00/5 (0 صوت)

12-12-2013 11:24 PM
ياعمو ماتجننا بكسرتك دي
الراجل بالواضح كدا قال العندو مستندات تثبت اى فساد يجيبها
بالله ياتشوف لينا مستندات خط هيثروا دي ولا تنسي كسرتك دي
و تاني ما تقول توجيهات السيد الطلب المستندات بالله
وشايفك المرة دي خليتا بقيت علي كسرتك البايتةالقديمة


#855627 [س: من الذي صار ينافس البشير في الكوارث كلما ظهر !]
0.00/5 (0 صوت)

12-12-2013 09:33 PM
. ج : أوباما طبعاً !


#855604 [Nader]
5.00/5 (1 صوت)

12-12-2013 09:02 PM
س : من ينقذ اهل السودان من الانقاذ : حتى الان لم يتقدم احد لانقاذهم


#855572 [نائل]
0.00/5 (0 صوت)

12-12-2013 08:01 PM
- لماذا تريد الحكومة أن تعيد أي حاجة سيرتها الأولى الجواب هو أن هذه الحاجة جميلة مستحيلة
-لماذا يكثر المسؤولون من قول إن شاء الله وتعالي والجواب هو أنهم موقنون من فشلهم مع الله


#855565 [حد بيعرف احسن م الحكومه!!]
4.75/5 (3 صوت)

12-12-2013 07:48 PM
يا استاذ يا فاتح يا جبرا ..اعطر التحيات اليك تنداخ.. ممكن تدينا وجهة نظر ونجاوب معك بعضا من اسئلتك اللى طرحتها وجمعتها الصباح دا:
(1)النصيحه للوزرا الجداد لنج: ما يصرحوا كيف يعنى؟ امال الناس يعنى يشوفوهم وين ويعرفوهم كيف
انهم بقوا وزرا!! "كاتم السر ألأتحادى موش قال انهم ما معروفين عند المراغنه وألأتحاديين .. هو يعنى كان فى حد عارف انو فى وزير اسمو "مكوار" و كمان حلف ما يستقيل ويفضل ألأقاله المرغنيه الختميه اللى هى اكرم عندو من ألأستقاله!!! بس لازمة نذكر الوزرا المستجدين انهم برضو يجهزوا انفسهم للنواح والعويل .. الدنيا ما دوّامه .. موش جايز الباب يفوّت الجمل للداخل موش للخارج ويحصل توسيع لدائرة المشتاركه فى الحكومه العريضه يقوم التوسيع دا يمرق ناس ويدخّل آخرين.
(2)الفرق بين الشرعيه الثوريه والشرعيه الدستوريه.. خير من يجيب على هذا السؤال هو ألأمام الحبيب الرمز فهو صاحب ملكيتها الفكريه طبعن واول من حاول ان يتعاطاهما فى بروجرام واحد وهو حالق وراكب عجله!! وما تنسى انو منح جائزة القواسى الفلبينيه لحنكتو ومهاراتو فى ادارة الدوله ذات ألأنقلابات والشرعيات الثوريه المتعدده خاصة ألأخيره المتنوعة المرتكزات التوعويه.
(3)الى اين يتجه المصاب بألأنسداد فى الشريان التاجى: اقترح اما الى واحد اسمو "مصطفى" او الى من اسمه "مكى" بجامع ابوتهما لمن كان اسمه التاج وصفته "التاجى".. اما ان اردت ألأستفسار عن "الشريان" فما عندك من دليل اليه لن تجده الآ فى ألأجهزة العليا اللى ما فى زولا بيعرف ليها وصول ألآ قائد ألأسطول اللى بتحضع ليه الفرسان ( جمع فارس)بالكسرة على حرف الفاء وسكون الراء)..ذوو الفخار والطول!! بس كلمة الفخار ما يقومن مذيعات ألأخبار الحاتميه السليمانيه يقرنّها (بقلقلة شدة على الخاء.. وما يقرن كلمة "الطول" على اعتبار انها هى تلك الكلمه اللى هى ذات صلة رحم بالعرض!
(4) اخيرا وين وليه اختفت الكسره التانيه بتاعة السؤال عن مصير توجيهات الرئيس يخسوس ضياع خط هيثرو اللى ما اتعرفت ليهو جيهه ..تكونش الكسرة دى يا ربى حصّلت الخط زاتو ولآ لحقت امّات طه !! بس طه دا ما عرفناه منو فيهم؟ هل هو طه المريض فى "المشفشفا" ولآ طه العيفه (العاوز تعريفه) ولآ طه "جد" منو فيهم؟


#855551 [8855]
0.00/5 (0 صوت)

12-12-2013 07:21 PM
شكرا للمبدع جبرة متعك الله بالصحة والعافية
بس في حاجة واحدة انا ما بوافق عليها دي طبعا:
س: من هو أكثر شخص يؤدي عمله في همة ونشاط في البلد دي؟
ج: رجل المرور ؟؟؟؟؟


ردود على 8855
United States [JAHMAN] 12-14-2013 05:08 AM
جبره قال رجل المرور انت مفتكرها بوليس حركه اههههههههههههه ما عشان كده بشه ح يترشح المره الجايه

European Union [اسير الشوق] 12-12-2013 11:01 PM
اقرا الكلام كويس وحا تعرف جبره قاصد شنو خليك مفتح


#855550 [المتألم حتى العضم]
5.00/5 (1 صوت)

12-12-2013 07:19 PM
الناس دى عبيطه ولى بتتعابط يعنى بشيل حراميه مجرمين بتجيب حراميه مجرمين

س: ما الفايدة من ذللك ؟
ج: عشان اتمو الناقصه وستعبدونا 24 سنه تانى.
س: من هو الجاهل الذى سيحكمنا بعد الخط الاول من العصابه الفاتت ؟
ج: الحمار الاكبر والله ظلمنا الحمار بكري حسن صالح .



لك الله يا اعز شعب فى الدنيا


#855549 [ودالباشا]
5.00/5 (1 صوت)

12-12-2013 07:19 PM
يا استاذ جبرا انت مالك الايام دى نفسك مابيا الاكل


#855546 [ياسر عبدالرحمن حاج الخضر]
0.00/5 (0 صوت)

12-12-2013 07:15 PM
الكسرة واللاي بقت هرسة ولا حياة لمن تنادي!


#855522 [تهانى موسي]
0.00/5 (0 صوت)

12-12-2013 06:37 PM
هل تتوقع أن يأتي يوم وتجد فيه أن كابوس الإنقاذ قدإنزاح, هل تتوقع أن يحدث ذلك ؟


#855521 [أزرق]
5.00/5 (2 صوت)

12-12-2013 06:36 PM
ياخ عليييييييييك الله قاعد تجيب الدوكو ده من وين


#855520 [lama]
4.88/5 (4 صوت)

12-12-2013 06:33 PM
وين الكسرة الثانية ولا الصنف ضارب اليوم


الفاتح جبرا
الفاتح جبرا

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة