المقالات
السياسة

12-15-2013 06:43 PM


أكبر يا خى..ما تبكى..
استغفر..
كفاك بكا..
مادام شالوك..
خلاص أمشى..
منوا الظلموك ..؟
عشان تحكى..
ما نحن..
نحن الفينا ..يكفينا..
مولانا يحمينا..
ليهوا الخلوق تشكى..
تفوت إنت..
يجى التانى..
التانى برضو بفوت..
منوا الخالد..
ما دام مصيرنا الموت..
ما دائم إلا الدائم..
وين هامان وزير فرعون..
موسى..والوزير هارون..
وين قارون..
سيد(المعادن) صاح..
عنده الدهب مفتاح..
بلا تنقيب..
ما تخليك زول بكاى..
ما دام إنت زول سواى..
وما حداث..ليه تعتذر..
هم قالوا ليك باى باى..
ما تنتظر ..
ما برجعوك..
مش كان بكيت..
ما بسمعوك..
كان صحت أو ناديت..
دموع عينيك خسارة..
قلبك أبيض..
إنت قلت برضو طيب..
لكن يا خى الوزارة..
ما بالطيبة..
وما بتنفع معاها شطارة..
بكرة وزير ..وبعده وزير..
كل القصة زى نقارة..
فى قمرا..
تنطط فيها جوة الدارة..
تمرق..يخش غيرك..
جائز تخش تانى..
يمكن لا..
أو زول راكبلو طيارة ..
مصيروا نزول..
خلاص أنزل..
ضوقا كيف عيشة البصارة..
كفاك يا زول ..
ما تبكى..وبطل الجوعارة..

Zahir95@live.com


تعليقات 1 | إهداء 0 | زيارات 1886

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#857991 [خضرعابدين]
1.00/5 (1 صوت)

12-15-2013 07:57 PM
معليش دة زول بكاىىىىىىىىىىىىىىى ساىىىىىىىىىىىىىىىىىىىىىىىىىىىىىىىىىىى


ردود على خضرعابدين
European Union [كباشي] 12-16-2013 06:50 PM
يمكن عشان وطني غيور وسوداني اصيل اكثر من الملاقيط


زاهر بخيت الفكى
مساحة اعلانية





الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة