فطومه
12-17-2013 11:54 PM


هي الأخت غير الشقيقة لعيوشة (كلمات المبدع الهرم المرحوم محمد الحسن حميد, أو قل هي صفحة أخري لعيوشة تحكي قصة معاناه ورهق في وطن أرهقه الزمن ولعب به بنيه)
فطومه فطومه
مسكينه فطومه
حايمة في الحلة
زي أي جرثومه
لا ضاقت حليب يمه
لا بالبزة مفطومه
أبوها مجهول
والوالدة مكتومه
قراية ما شافت
ودارها مايقوما
فطومة فطومه
مسكينة فطومه
-------
فطومه فطومه
مسكينه فطومه
عيوب الزمن
في وشيها مرسومه
تعبانة فترانه
غالبها القومه
وديمة غرقانه
يا أهلنا في همومه
خرقاته وسخانه
ومقطعة هدومه
وديمة في الحاصل
أنحنا بنلومه
الجوع والفقر
البيهو محكومه
ليلها في السهر
ونهارها في حومه
فطومة فطومه
مسكينة فطومه
-------
فطومة فطومه
مسكينه فطومه
نادوها بي حقرة
ناس ستي بسومه
قشي الحوش
والعدة مردومه
أكلي البوش
واللحمه محرومه
بكرة عرسي
والليلة قيدومه
وكمان ما تنسي
البورة عليكي مقسومه
فطومه فطومه
مسكينه فطومه
--------
فطومه فطومه
مسكينه فطومه
بكت بي حرقة
ما الرحمه معدومه
مرقت بي زعل
والناس في
الحفله ملمومه
دغري علي النيل
مكسوره مهزومه
إيديها في القاع
مغسوله من شومه
وناسنا في الحفله
لاشعروا بي فراقها
ولا قبل كان
فرحوا بي قدومه
فطومه فطومه
مسكينه فطومه
-------
فطومه فطومه
مسكينه فطومه
واقع مضي
لي أمه مأزومه
ملعونه البلد
ملعونه حيكومه
فطومه فطومه
مسكينه فطومه
[email protected]


تعليقات 0 | إهداء 0 | زيارات 1949

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراي
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة