المقالات
السياسة
ما عارفين..كيف لحس الكوع..؟
ما عارفين..كيف لحس الكوع..؟
12-20-2013 11:54 AM



أهلنا سلام..
كلها أيام..
نفارق عام..
نستقبل ..آخر..
يلقاكم طيبين..
والناس ماشين..
فى أحلى نظام..
علاجم بالمجان..
ماكلين..شاربين..
ما حاسين ..
أبداً بالجوع..
نفطر بيرغر..
البيتزا غدا..
والعشاء هوت دوغ..
فى كل اسبوع..
شبعانين.
ما ضايقين..
فى حياتنا رهق..
فى يوم..
لا سالت ..
من عينا دموع..
وما لاقيين..
فى الدنيا شقاوة..
أيامنا حلاوة..
ليلاتنا طراوة..
وما عارفين ..
كيف لحس الكوع..
نكتب ..زى ما عايزين..
قول الدايروا..
ما ممنوع..
حالنا رخا..مافى كلام..
يجينا البص قدام البيت..
ولا مليان..
تكييف ..شغال..
شاشات وراء وقدام..
ركاب نائمين..
نواب صاحيين..
خلوها أمورنا تمام..
ليكم شاكرين..
هم تعبانين..
عشان نرتاح..
الراتب ..يكفى البيت ..
قريب شهرين..
معاها ايجار..
وموعودين..
يدونا بيوت..بلا أقساط..
والبنزين..
رخيص بالجد..
جالونا الواحد بى جنيهين..
صحيت مخلوع..
خير إنشاء الله ..
وكلنا..طيبين..

--
الجريدة


تعليقات 1 | إهداء 0 | زيارات 1463

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#862120 [إبن السودان البار ***]
5.00/5 (2 صوت)

12-20-2013 12:04 PM
نافع هو الذي إرتكب أكبر وأبشع جريمة يرتكبها مسؤول حكومي في تاريخ السودان ؟؟؟ لقد أمر وأمامه في أحد بيوت الأشباح بإغتصاب المرحوم المهندس سابقاً بوزارة الإسكان بالخرطوم بدر الدين إدريس والذي نتيجة لذلك فقد عقله وقتل زوجته وعدد من أفراد أسرته وإنتحر رحمهم الله جميعاً ؟؟؟ وإذا أردت معرفة تفاصيل هذه الجريمة البشعة كما رواها الدكتور الوطني المحترم فاروق محمد ابراهيم الأستاذ بكلية الزراعة بجامعة الخرطوم أفتح قوقل وأكتب :- (الدكتور فاروق محمد ابراهيم) فستري العجب وتعرف من هو نافع؟؟؟ ولك التحية والإحترام.


زاهر بخيت الفكي
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة