المقالات
السياسة
كُل البهانس
كُل البهانس
12-24-2013 06:18 PM



كُل البهانس !!

وانا باقي مني باقي وطن
يموت الزول واقف وناشف
زيفة الشتاء دفيان قرف
مطر الخريف دمعات حُزن
حزب الضياع شبعان لغف
زول الوطن مطحون غُبن
حُكم الوطن عميان كفيف
كل الوطن لابس كفن
حُكم الوطن خِداع وزيف
جرح الوطن زايد نزيف
حزب الكِضِب زايد شغف
كل البلاد رصاص رطن
كل الخلوق تموت هدف
حزب الفساد حزب القصف
كل البلاد أسوأ ظُروف
حلوف حُكم راقص حريف
كل الخلق تموت تمن
حلم الخلق كابوس رغيف
ملصوقة البطون مع الضهر
مجبورة الكسور فرض الصبُر

كل الحزب مليان عفن
صوفان حُكم سارق ولوف
كُرضمة جضوم مليان دِهن
غُسل الجنابة من اني سوداني موية قهر
وكت الصبح صلاة عِشا دون وِتر
مغيرب الوطن وكت الضُهر
رماد الوطن كال ميضنة الله واكبر
أكل الحرام صلاة عصر
وبعد داك تكون لله تكون للجاه
تكون رقصة في انداية كِضِب
كل الحزب شبعان منطرب
كل الوطن مكتح شهفوفة خراب
ربع القرن لون الدم باب الوطن
قتلاً مبرورا وزولاً محشوراً
دماً مهدوراً و موتاً مجبوراً
ربع القرن ريحة الحزن
بُن الوطن جبنة جنازة ضب
جُحر الوطن عقرب اغلف
ريحة الجيوب ختان وطن
موت الوطن جِلد الزول كفن
كل البلاد أسوأ ظُروف
كل الخلوق تموت هدف
كُل البهانس واقفة صف

البنشرجي
[email protected]




تعليقات 0 | إهداء 0 | زيارات 735

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبد الحليم الخير محمد الحسن
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة