المقالات
السياسة
يوم رفع العلم (قصيدة)
يوم رفع العلم (قصيدة)
12-31-2013 05:37 PM

يوم رفع العلم
يوم كشف الحساب
كامل عبدالماجد
طلَ يوم رفع العلم
اشدو يا شادي وترنم
بالاناشيد والنغم
وقفه نحي الذكري فيها
بالمواكب والتباريك والقلم
وباجترار أبهي المعاني
والدلالات والفهم
وقفه تدفع للامام
نستعيد فيها المفاخر
وذكري اسلافنا العظام
نذكر الفدا والملاحم
منذ أن هب الامام
جلجل التاريخ جساره
ذلك البطل الهمام
حرر السودان ودمر
دولة الدخلا اللئام
وبرضو يوم رفع العلم
وقفه لي جرد الحساب

ودا الاساسي ودا الاهم
هل خطانا مشت عديل
من بعد مرق الدخيل
ولا خطونا انتظم
هل بنينا بلدنا جنه
وبيها ارتدنا القمم
ام تراجعنا ومشينا
ام تراجعنا ومشينا
في عجل نح العدم
هل تعايشنا وظللنا
زي زمان منذ القدم
ام فككنا عري التعايش
والصدام بينا احتدم
هل جنحنا الي التحاور
بالسلوك المحترم
ام حوارنا بقي السلاح
والمدافع واللقم
وهل بلدنا مكانه فوق
ولا في ذيل الامم
وبرضو يوم رفع العلم
وقفه نجرد فيها ما كان من قيم
هل ظللنا كما نشأنا
ناس سجايا وناس كرم
ولا اتغير طبعنا
والجميل كلو اِنهدم
خلوا يوم رفع العلم
وقفه لي جرد الحساب
وعبره تلهمنا الصواب
لا اسية ولاتباكي ولاندم
فينا ما كلت سواعد
وفينا ما كمل العشم

كامل عبدالماجد
[email protected]


تعليقات 1 | إهداء 0 | زيارات 3349

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#873944 [masood abdlwhab]
0.00/5 (0 صوت)

01-01-2014 12:40 PM
كالعاده عملاق القصيده عميقه شامله لاكن مش تراجعنا تهاوينا وتحاربنا وسقطنا لنا الرحمه اخيك غازي بتاع المورده دكان الشباطه الصرماطي كل السلام والاشواق اتمني ان نتواصل


كامل عبدالماجد
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة