المقالات
السياسة
وردة للسودان - ......( القديم)
وردة للسودان - ......( القديم)
01-01-2014 08:18 AM


شايلنو ريدك يا وطن
زي وردة ما بتعرف ذبول
حافظين مكانتك في القلب
وعارفنو طبعك يا خجول
شايلينو همك يا بلد
داسينو في جوة العقول
كاتمنو وجعك زي دموع
العزة حامياها النزول

تتذكر ايامنا القبيل؟؟
يوم كنا في كنفك شتول
نيلك سمين دافئ وحنين
وجروفو ما بتعرف نحول
وسماك رحبة وبالحبور
شمسك تغازل للحقول
ليلك لباس تقوي وستار
ونجوموا ما بتعرف افول

تتذكر ايامنا القبيل؟؟
يوم انت وريتنا الاصول
لا بينا حاسد لا عزول
في الدنيا سايقنا الفضول
وراكبين امان الله الخيول
كل المواسم والفصول
وهاجرنا منك يا عزيز
والقدوة في الهجرة الرسول
والعودة باكر للحنان
كنا بنقول ونرجع نقول
ليكا بنجيب المستحيل
ذادنا في هواك نجد القبول
ننساكا كيف وكل يوم يمر
نلقاهو يعدل الف حول
وبقت المطارات الدجي
وكل النجوم صالات وصول
واعيتنا سكرات الخروح
بكتنا اسقام الدخول
خايفين عليك تبقالنا زي
خلاً وفي وعنقاء وغول
خايفين عليك يا بلدنا
من فعل الجهول

تتذكر ايامنا القبيل؟؟
خلينا نسكت وانت قول
ما نحنا حار بينا الدليل
وملينا أنصاف الحلول
قول لينا أرضك راح
تعود ترجع ذلول
هامينا نيلك يا وطن
خايفنو يغرق في الزهول
راجينو فرحك يا بلد
ان شاءالله اتراحك تزول
راجينو فرحك يا بلد
ان شاءالله اتراحك تزول

ضياء الدين مدثر رجب - برلين
[email protected]
http://www.youtube.com/watch?v=4Irtw...feature=relmfu





تعليقات 0 | إهداء 0 | زيارات 585

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ضياء الدين مدثر رجب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة