المقالات
السياسة
الناس تفرّغ في الأنين .........
الناس تفرّغ في الأنين .........
01-05-2014 03:54 PM


مرت سنين والعام أطلّْ
وفاتنا عيد راس السنه
الناس تفرغ في الأنين
زفرات مشبّعة بالعناء
وإنت البراك قاعد تراك
ما تمّ ليكا فرد منى
....................
الأيام تمر ..............
تقرض تقصر في العمر
وإنت البراك قاعد تهدهد في الصبر
ما مر بيك يوماً سعيد ..........
قاعد تراك تتمطق اللحظات صبر
ما قالوا ليك المر بمر
وبتعقبُو نفحاتاً تسر
وينو السرور ؟؟؟؟
في الإنتظار مانحن ضيعنا العمر.
............................
ليه يا شباب ....؟؟؟؟
وين الحماس وين النداء ؟!
جيلنا الُمضيّع في الزحام
أصبح ضحية بلا فِداء
أصبحنا نجتر اللي فات
أصبحنا بس ساكت صدى
لي الماضي داك
القالوا كانوا أجدادنا
عايشين فيو ندى
............................
واللهِ نحن مقصرين
ساكتين وعايشين في الهوان
ساكت بنشكي من الأنين
قاعدين ودايرين الأمان
واحدين مشوا............
وخلوا البلد ساااااااكت خراب
واحدين يأملوا في الرهاب
واحدين يساككوا في السفارات
علهم يحظون تاشيرة إغتراب
لا مره يوم هتف الشباب
فد مره يوم ما قلنا لا ..
سودانا ضاع أصبح يباب
والله لا ......
مليون وبليون لالا... لا
لالا .. للذل والهوان والإضهاد
لالا والله لي الفساد
لالا.........
لي الحرموا البلاد مسخو الجهاد
لالا لي سوق السجم
سوق السواد سوق الرماد
ولالا والله لي الشتات
الكنا قايلينو إتحاد
مليون وبليون لالا.... لا
.
............. علي احمد جارالنبي ..............

[email protected]


تعليقات 0 | إهداء 0 | زيارات 461

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




علي احمد جارالنبي
مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة