المقالات
السياسة
دناءة وعمالة الهندي!
دناءة وعمالة الهندي!
01-08-2014 09:38 AM


وانا أطالع خبرا منشورا بصحيفة الراكوبة الغراء إقتباسا من صحيفة مصرية اشير اليها في خواتيم المقال ،لم اتمالك اعصابي وانا اطالع ماكتبة المعتوة هذا عن الوطن ومصالحة العليا،
لو ان ماكتبة الهندي هذا في دولة الدستور والقانون لتحركت الهئيات القانونية بفتح بلاغات الخيانة والعمالة والإرتزاق ضد كاتبة ،ولو تجرآ احدا من الكتاب ونصب نفسة وصيا علي الشعب والوطن لنصبت لة المشانق ،لكن لابواكي علي الوطن في زمان المشروع الرسالي والحضاري الذي أهينت كرامة الشعب والتفريط في اراضية.
‏*الكاتب الصحفي الهندي دائما ما يتناول في مقالاتة نقدا للمدونيين او مايسمية مجاهدي الكيبورد لسبب بسيط إنتقادهم ومطالباتهم بإسقاط او تنحي اوخلافة
لكن جاء لنا بحديث لم يأتي بة الأوائل
‏"عبنا مقالة الاستاذة رفيدة ياسين ردا علي رسالة الهندي الذي سعي لابتزازها بنشرخبر إيقاف صحيفتة وأطلق لها لقبا ب(ريري)لكن كانت علي حق ومقالها كان ارفع قدرا من مكانتة الطبيعية ،
سؤال لايجد إجابة؟
هل الهندي هذا بكامل وعية عندما كتب مقالة هذا؟
ام ان وسائل التكسب الرخيص عندما كشف غطاءة بسحب البساط من تحت أرجل اولياء نعمتة ماجعلة يبحث عن بدائل أخر؟
ام نكاية في العسكر الذين اجهزوا علي مشروعهم الذي إستحلبوا شعبنا طاقاتة ومقدراتة؟
ام ان ماكتبة الهندي هذا بداية لعهد جديد من تنازل النظام عن اراضي الوطن (حلايب-لمصر) و(الفشقة-لأثيوبيا)و(هجليج-للجنوب)؟
‏*ذكرالهندي في مقالة بصحيفتة المجهرالسياسي بعد ان حن علية اولياء نعمتة بإستجداءة من رفيدة معاودة الصدور
طفق يرمي ببذآتة وعهرة الكتابي الذي يصيب امة السودان بالغثيان
الامة السودانية اخي الفاضل حكمت مصر الآف السنين
المهدية لقنت اولاد بمبة دروسا لن ينسوها،صحيفة الإهرام التي طردت منها اليس شعارها الإهرام ،هذا تاريخ يمتد لقرون هداك الله
قال الهندي ولم نقل بالطبع أي إنسان سوي لن يقول ماقالة هذا الهندي"‏
مصرخط احمروليس من الحكمة إثارة قضية (حلايب)‏
يجب ان لاتتأثرعلاقات السودان بمصرفي كل الاحوال والحالات والانظمة المتعاقبة،يمكن أن نختلف في التفاصيل والإجراءت والمواقف ولكن لايمكن ان ولاينبغي لنا الإختلاف في الفصول
‏-إن مصرعندنا خط احمرسواء قام سدالنهضة ام لم يقم،الثابت اننالن نتخلي عن مصر،ولن تتخلي عنامصر؟
يامنافق حادثة إغتيال مبارك دي كانت من كوكب آخر؟ومن انت حتي تتحدث بإسم 30مليون نسمة اويزيد ينتمون لدولة السودان؟
اثارة قضية حلايب في هذا الوقت العصيب الإنتقالي من احد وزراء السودان ليس من الحكمة او الفطنة بمكان ولاهذا زمانة ولاهذا مكانة؟بالله عليكم الهندي دة ركب مكنة رئيس كدة والله العظيم؟انتو الرقيب الامني بتاع الصحيفة كان في إجازة ولاشنو ؟ولا حكاية المقال فلت من مقص الرقيب دي حقيقة؟
قضية حلايب ليس مكانها الجامعات(جامعة السودان)وزيرك ذاتو عندنا فيهو رأي لكن برضو كترالله خيرو اللي جاب السيرة اللي سكتوا عنها سنين حتي اهلنا في حلايب السلطات المصرية استخرجت لهم الجنسية وطلابهم إمتحنوا المرحلة الإعدادية وحكومتنا في صمت مطبق
ياخي الجيش في الحدود لن يسمح لة بمرور الماء والتموين الغذايئ الابقدرمعلوم،وكذلك الذخيرة وتخضع مركبات البضائع للتفتيش من اجهزة الامن المصري طيلة الأعوام الماضية؟
‏-مثل قضية الفشقة لايتم في ركن نقاش في جامعة (النيلين)‏
الجامعات مراكزالإستنارة المعرفي؟طلاب الجامعات إذا لم يهتموا بقضايا الوطن مافائدة تعليمهم؟ام تريد من حكومتك ممارسة التغبيش المتعمد والممنهج المستمر لربع قرن من الزمان ان يستمرلكي تجد لك موطي قدم لكن هيهات،الشعب السوداني رب العزة هباة طولة العمر والآباء يورثون الابناء حدود الوطن ؟
ان الهندي ضد إهدار زمن طاقات الشعوب السودانية والجنوب ،واثيوبيا ومصر في نزاعات علي مناطق ليست ذات قيمة إستراتيجية
الذين يتحدثون عن هجليج عليهم ان يتذكروا تنازل السودان عن اراضي شمال اعالي النيل تنتج250‎الف برميل نفط؟
‏-المصريون لم يجدوا ذهبا وبترولافي حلايب ولن يجدوا،ولانحن زرعنا واستثمرنا وانتجنا ملايين الافدنة ‏
ياخي يجدوا ذهب مايجدوا اراضينا مابنفرط فيها؟
اهلنا يزرعوا دمرتم مشروع الجزيرة
مادائرين نزرع اراضينا دي دايرنها كدة صحراء جرداء خالية من البشر حارق روحك في كم؟
كل الدول لن تفرط في شبر من اراضيها تجي انت تقول ليست ذات قيمة
اسرائيل غاصبة فلسطين تمنع اصلاء الدولة من السكن في دولتهم
عشان البترول داير الشعب يتنازل عن هجليج لتملاء خزاين إخوتك وليجوع الشعب
اين النخوة عندما فقدت ارواح المئات من الشعب السوداني من اجل هجليج وارجاعها الي حضن الوطن،‏
دماء قتلي هجليج تصرخ لحديثك الكذوب
تود التنازل عن حلايب والبشاريين وغيرهم المستوطنين باراضيهم تريد إقصاءهم من المسرح السوداني مقابل ضمان تحييد مصر من زعزعة حكمكم الهالك
تريد التنازل عن الفشقة لإضعاف قوة اهل الشرق الذين اصبحوا مصدر قوة تزعج كراسي الحكم التي تبؤتموها في غفلة الزمن الهوان
خير لك يالهندي ان تكتب إطراءا وتلميعا لشيخ علي عثمان ونافع علي نافع اهو جزء من الدور المرسوم لك لتودية بعناية
ارحموا عزيز قوم ذل
شاركوك في مراسم زواجك الذي نشرت فعالياتة في صحيفتك وارغمنا علي مطالعتة لأننا مجبورين بالإطلاع علي الصحف الصفراء التي تصدر برغبة النظام
لكن ان تتطاول وتنصب نفسك حامي حمي الوطن هذا ما لانقبلة
ان لم ترعوي سنطلق حملة لمقاطعة صحيفة المجهر السياسي وكل الصحف التي تمارس التغبش والتضليل
سؤال أخير
القناة الفضائية بتاعت حسين خوجلي عملت ليك نفسيات الظاهر كدة
قلت لي بتحاول إستدرار عواطف ولاحنان المصريين يتبنون فضائية تكون مشرفا لها،لكن كسير التلج دة انت بارع فية بدرجة كبيرة بالجد ‏
لكن راحت عليك
‎ ‎[email protected]


تعليقات 12 | إهداء 0 | زيارات 4274

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#881886 [Mohamed]
1.00/5 (1 صوت)

01-10-2014 01:38 AM
هل نست مصر اننا نقع جنوبها. و- أن السلاح هذه الأيام صار في متناول كل صغير وكبير . نحن شباب الشعب السوداني سنعلق المصري ما يعرف بالهندي عز الدين على الجدار الجنوبي للسد العالي ونطلق عليه القذايف لنرى من الذي يبقى : المصري ما يعرف بالهندي عز الدين ، السد العالي أم مشاغبي الشعب المصري


ردود على Mohamed
United States [خالد آدم إسحق] 01-10-2014 09:01 AM
تسلم يا خي محمد
والله الشعب السوداني مستعد للتضحية والفداء مقابل ارضه
وتقول وين حلايب باخي قبل ما تكمل الباقي الآلاف تجدهم امامك
للتأكيد اغملوا إستبيان وتشوفوا براكم
تسلم اخي محمد
السد العالي عينا ليهم بنقبل منو وين
السد دة جزء من اراضي السودان


#881589 [قاطعوا المجهر]
3.50/5 (3 صوت)

01-09-2014 04:48 PM
أقترح أن يقوم رواد الراكوبة بحملة تنوير لمن حولهم بمقاطعة صحيفة المجهر .. كي ينقطع لسان هذا الهندي الأخرق طالما سكت عنه جهاز الأمن و مجلس الصحافة .. حتي وصل بنا العهر الصحفي لدرجة ترك أراضينا للمعتدين .


ردود على قاطعوا المجهر
United States [خالد آدم إسحق] 01-09-2014 06:38 PM
قاطعوا المجهر شكرا لك
كل فرد يبلغ 10 اشخاص بما تناولة الهندي في مقالة بتنازلنا عن اراضي الوطن وقبائلة لصالح دول اخري
ويجب ان تعلم القبائل والعشائر التي تنكر الهندي لقيمة وطنها المصغر ان الشعب لقنة درسا لن ينساة ولن يستطيع التطاول مجددا
ربما يدعو تشاد لضم دارفور بعد ان سببت لة إنزعاجا وصداع دائم
ياخي النظام دة لو وقف الزول دة من الكتابة يكون رد بعض من حقوق اهلنا الذين اصابهم الهندي في مقتل
ولو ترك الهندي يمارس الخيبة والإذلال والركون فالثابت انة دور مرسوم بعناية يؤدية الهندي إنابة عن النظام
حسبنا الله ونعم الوكيل


#880577 [المتفائلة جدا]
4.50/5 (3 صوت)

01-08-2014 06:05 PM
برغوت فى ظهر قملة بقى مفكر و يفتى فى أمور السودان..هملة السودان هملة ..نقول شنو أحسن نسكت ...
إذا نطق السفيه فلا تجبه *** فخير من إجابته السكوت
فإن كلمته فرجت عنـــه *** وإن خليته كمدا يمـــــوت


ردود على المتفائلة جدا
United States [خالد آدم إسحق] 01-09-2014 12:14 AM
كلامك في الصميم أختي المتفائلة جدا


#880181 [اليمني]
4.50/5 (4 صوت)

01-08-2014 12:05 PM
قاطعوا الخونة يا سودانيين مالي اراكم باردين ولا تحركوا ساكناً لوطنكم
يا سودانيين اتقوا الله في بلادكم
منذ متى يكتب الصحفي عن ولائه لدولة اخرى
عجبي من اهل السودان


ردود على اليمني
United States [خالد آدم إسحق] 01-09-2014 12:16 AM
نحن مع دعوتك للمقاطعة أخي اليمني في زمن الهوان الكاتب يكتب لمصلحة دولة علي حساب وطنة


#880178 [AHMEDJALAL]
4.00/5 (3 صوت)

01-08-2014 12:04 PM
صرخة حلايب
كتبت هذه القصيدة في يوم عيد الاستقلال الماضي نظرت الي خريطة الوطن وجدتها محتفلة ولكن لم اجد حلايب محتفلة بالعيد الوطني فسألتها فردت بهذه الصرخة انقلها لكم بني وطني لعلها تجد منكم الاجابة والنجدة.
صرخة حلايب
حلائب تصرخ آمد الاحتلالي طال
أرهقني وأهرمني الأسر والانتظار
أعيتني وادمتني السلاسل والاغلال
سئمت الذل والهوان والانكسار
سئمت التغريب والبعد عن الديار
سئمت روحي وضعفكم حين استباح الحلب حمايا امام الانظار
سئمت ثباتكم وصمتكم المنه الكل مندهش ومحتار
** **
ياأبنائي هبوا لنجدتي كبار وصغار
ردوا لي شرفي وبدمائكم اغسلوا العار
حلائب تنادي احفاد المهدي وعبداللطيف ودقنه ودينار
والنجومي وكل الشهداء الابرار
وتستنجد بالابطال والاحرار
وبكل ثائر لم يعييه الكفاح والنضال
وتسأل عن جيشنا الما انهزم او صده فار
وتسأل عن المحجوب وخليل السيروا الجحافل
لنجدتها باليل قبل طلوع النهار
وعن بعانخي قاهر الفراعنة الفي القاهرة صال وجال
** **
يا أبنائي نظموا صفوفكم وتجاوزوا العصابة وزعيمها
المن اجل بقائهم وزعوا الوطن بالامتار
فرطوا في وحدته ومزقوا نسيجه واوصاله
وأشاعوا في ربوعه العنصرية والاحتراب والاقتتال
بددوا امنه وسلامه واستقراره وأدعوهوا حضن الاخطار
اوقفوا مسيرة النماء والبناء والاعمار
سنوا سنة الاغتصاب والخراب والدمار
في عهدهم المشؤوم غابت التنمية وكم من مشروع عملاق انهار
عانقوا المغتصبني ومدنسني وكافؤوه بالحريات الاربعه وشريان الشمال
وبرحيل الجنوب احتفل انصارهم وذبحوا الابقار
المحزن والمؤسف متخذين الدين ليهم شعار
والدين براءه من افعال الطغاة والاشرار
** **
يا أبنائي لما الطبول والانوار
لما المهرجانات والاحتفال
بما الانصراف والانشغال
ولما المارشات والأرتال
يا أبنائي كيف تفرحوا ويهنأ لكم بال
وتحتفلوا آمام الملأبعيد الاستقلال
وين الحرية والسيادة واستغلال القرار
وأنا مازلت اسيرة مكبله بالاغلال
وحيدة حزينة بعيده عن الديار
من سنين المصري يرفرف في ساحاتي ومازال
كيف من دوني ينعقد عقد البلد ويكتمل الاستقلال
** **
لكن ماخاب رجائي فيكم وعليكم معقوده الامال
انكم تصحوا وتنتفضوا تثوروا وتحطموا الاغلال
تفكوا أسري تعيدوني لحضن الوطن بأفتخار
من صفوكم وبقوة كفوفكم فجر الحرية يجيني طال
بعدها يحق لي الشموخ والاعتزاز والاعتدال
عندها دقوا الطبول وأشعلوا الانوار
رددوا الاناشيد وعلي بنات مهيره انثروا الفرح والازهار
والبسوا العازة ثوب الشرف الجار
واقبلوا التهاني من كل صديق وجار
وانصبوا الخيام لكل لاجئ وفار
اعدوا الجيؤش لكل معتدى وغدار
لعودة الجنوب أفسحوا المجال
اليوم اكتمل استقلالكم وحققتوا السياده وملكتوا القرار

هذه القصيدة مهداء الي حلائب والفشقة وابيي وكل شبر من ارض الوطن مازال محتل والي شهداء سبتمبر والوطن جميعآ .
احمد جلال الدين بابكر
السعودية.


ردود على AHMEDJALAL
United States [خالد آدم إسحق] 01-09-2014 12:19 AM
اشكرك الاخ
احمد جلال لتدوين قصيدة صرخة حلايب
يجب ان تدرس وتحفظ لكل ابناء الشعب السوداني وهي مسولئة لكل الآباء تجاة الأبناء


#880176 [محمد حسن أحمد]
3.00/5 (2 صوت)

01-08-2014 12:02 PM
ماذا ينتظر من صحافي واعلامي حزب الخنازير حزب العمالة والخيانة والارتزاق أمثال الهندي وفاطمة شاش غير الإنحطاط والدناءة والانكسار والإزلال وانعدم الكرامة فهؤلاء تربوا على ذلك ونهلوا من معين كبارهم في العمالة وخيانة الوطن ألم يكن قائد القطيع الخنزير الرقاص بائع أرضه وعرضه قد سبق هذا النكرة في الإنكسار للمصريين إبان عهد شقيقه قائد قطيع خنازير مصر في إحتلالهم حلايب بينما توجه ملشياته سلاحها إلى صدور شعبه وأشقاءنا في الجنوب الذي إرتحل عن حضن الوطن بدلا عن توجيهه للمحتل لأرض الوطن
هذه شيم خنازير المؤتمر الوثني فكلهم على شاكلة الهندي وفاطمة شاش ويا ليتنا نسمع جديدها عن شعب حلايب هل هو ايضا ينطبق عليه رايها القائل في كل بيت سوداني مدمن وزاني وسكران ألخ أم أنه خارج نطاق رأيها باعتبار أنه أصبح خارج نطاق سيادة الدولة وتابع لدولة اخرى والحمد لله أنه لاوجود لمخانيس ومثليي المؤتمر الوثني في الغالبية العظمى من بيوت أهل السودان


ردود على محمد حسن أحمد
United States [خالد آدم إسحق] 01-09-2014 12:32 AM
سؤالك اللي طرحتة لفاطمة شاش سؤال مشروع لكن ما حتجد اجابة من شاش لان حلايب خط احمر يا اخي محمد احمد
مش كلهم من مدرسة واحدة النتيجة معروفة


#880172 [ود الحاجة]
3.00/5 (2 صوت)

01-08-2014 12:01 PM
هذا الهندي لايدري و لا يدري أنه لا يدري
كان من الممكن النظر الى الثروات الطبيعية المعروفة و اقول المعروفة او المتوقعة لو كان موقفنا هو موقف مصر او اثيوبيا في قضية حلايب و الفشقة أي لو أن الارض ضمن حدودهم منذ استقلالنا و لكننا نعتقد أن هذه الاراضي تتبع للسودان تاريخيا , أما في الحالة التي نحن فيها , فانه يجب أن نلوم أنفسنا لو لجأنا للتحكيم الدولي , فالواجب ان نأخذ أرضنا بكل الوسائل المشروعة فلو لم تكن هذه المناطق مهمة لما احتلها هؤلاء و هذا طبعا لا يفقهه أمثال الهندي


ردود على ود الحاجة
United States [خالد آدم إسحق] 01-09-2014 01:41 PM
اخي ود الحاجة شاكر لك التعليق
ياخي ثروات طبيعية بتاعت ماذا؟
هو عارف اي حاجة ،بس المحيرني دفعوا ليهو كم يعني؟
ياخي الصورة واضحة
الارض والعرض لاتساوي اموال الدنيا قيمة بالنسبة لهذة الكرامة


#880156 [abdo]
3.00/5 (2 صوت)

01-08-2014 11:49 AM
الهندى لا يملك قوته ولا ارادته وهو يكتب حسب الطلب والثمن


ردود على abdo
United States [خالد آدم إسحق] 01-09-2014 01:43 PM
والله اخي عبدة صدقت فيما ذكرت
الكل يتابع مايكتبة كتاب النظام ،حسب رغبة رؤسآءهم


#880145 [teto]
4.00/5 (3 صوت)

01-08-2014 11:43 AM
يا خوانا هندي شنو .... دا ما بستحق يردو عليهو زاتو دا معتوه ونكرة ..... المصريين لما اهديتهم حلايب حقتك الوارثه دي وقلت مصر خط احمر طلعوك مفكر واحد أبرز الكتاب وقالوا صحيفتك من اكثر الصحف الصحف السودانية انتشاراً وتوزيعاً... ابقي راجل واكتب مقال قول بس حلايب مصرية والسودان عندو فيها 5 امتار .... شوف البنفخوا فيك ديل بكرة يكتبو في صحفهم بالخط العريض
صحفي نكرة سوداني يتبع هو وصحيفته للنظام السوداني الذي هو امتداد لنظام الاخوان في مصر يدعي أن للسودان خمسه امتار بحلايب مع العلم أن عز الدين لا يمت للصحافة بأي صله وإنما زج به النظام السوداني ليكتب في صحفه.
توزعو في البلد علي كيفكم يا صحفيي الغفلة انتو واسيادكم الكيزان ولا تعرقوا قيمة تراب البلد وتتكلمو باسم الشعب ... مصر خط احمر ليك انت واسيادك ودي ارض ابناء السودان القادمين .
وعلي قول شبونه أعوذ بالله


ردود على teto
United States [خالد آدم إسحق] 01-09-2014 01:49 PM
الأخ تيتو
فعلا الهندي لايحتاج للرد
لكن كلامة الزي الزبالة اللي كتبوا بحتاج يردوا علية
الشعب عارف الهندي كويس لكن تطاول حتي بلغ عنان السماء بتنصيب نفسة متحدثا بإسم أكثر من30مليون نسمة
لكن ماقصرتو قعدتوة في علبو تمام


#880114 [KODI]
4.00/5 (3 صوت)

01-08-2014 11:26 AM
ده فعلا طاع هندى و ما عنده أى علاقة بأهل السودان و إهتماماتهمو لا بهمه لو البلد دى أتفتت حته حته بس يهمه هو بيلقى كم من الشليع ده و لكن ما ضاع حق وراءه مطالب و دى بلدنا و نحن بنعرف نشيل حقنا كيف طال الزمن أم قصر


ردود على KODI
United States [خالد آدم إسحق] 01-09-2014 01:52 PM
فعلا يا اخي كودي
الزول دة همو حقو كم من الشليع
قابض الثمن الظاهر
هو المصريين ديل من الله خلقك عندهم جميل لي زول
دة الظاهر حصان طروادة الجديد للمصريين في الصحافة السودانية
دة إذا كان في صحافة
وين الميدان،اجراس الحرية،رأي الشعب وووو


#880082 [حمد ابوادريس]
4.00/5 (3 صوت)

01-08-2014 11:00 AM
مفروض جهاز الأمن يعتقله و يحقق معاه فربما كتب ما كتبه إرتزاقاً و ربما حمالة@ و خيانة للوطن ...عل من حق كل منتمي للمؤتمر الوطني يصرح بلا حسيب أو رقيب؟ ما هذه التصريحات المستخفة بالتراب الوطني و هل بمقدور أي حمنك يصرح بما يريد؟
المهم لابد من وقف مثل هذه الخيانة و السلام


ردود على حمد ابوادريس
United States [خالد آدم إسحق] 01-09-2014 01:59 PM
الأخ حمد ابوإدريس
ياخي حرام عليك يعتقلوا منو ؟ ولي شنو؟
ياخي زول ذي دة يعمل لنفسو بطولات فارغة
لو سألوك الهندي دة يمكن مقارنتة بشرفاء امثال
حيدرالمكاشفي،ابوذرعلي الامين،ساتي ،شبونة،وراق،ابوجوهرة،الكنين،رشاعوض،الكاتب الفذ استاذ/أنورعوض الذي تعرض للتعذيب وكان مديرا لصحيفة الاخبار،ويعمل الآن بصحيفة السفير اللبنانية ياخي دة المفروض يوقفوا من الكتابة زي مابيوقفوا ناس عووضة ووو


#880067 [حمد احمد]
3.25/5 (3 صوت)

01-08-2014 10:47 AM
الإخوة الاعزاء
السلام عليكم ورحمة الله
لست ادري الى متى سنسكت عن المسكوت ؟
متى سيتم إثارة قضية حلايب اذا كنا نردد منذ عام 1958 ان الوقت غير مناسب ؟
اتمنى من جميع المواقع الالكترونية القيام بحملة من أجل هذه القضية ونامل من الصحف الورقية التي تهمها مصلحة الوقت التضمامن مع المواقع الالكترونية من أجل تحريك هذه القضية .
والسلام عليكم .


ردود على حمد احمد
United States [خالد آدم إسحق] 01-09-2014 02:07 PM
الأخ
حمد احمد اوافقك الرأي واضم صوتا تأييدا لك


خالد آدم إسحق
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة