الله يهون
01-22-2014 12:16 AM


من نورك ونارك
الله يهون
زي الدنيا
بقيت متلون
للحابينك ديمه
أنحنا ندون
مرة تفضي
ومرة تشون
والله يهون
------
الله يهون
ياخي علينا
مرة ضحكنا
ومرة بكينا
سافر أمشي
وبس خلينا
أمتي حتمطر
بس يا عينه
للخير البيهو تمون
والله يهون
------
الله يهون
وشوفتك زادنا
خلاص رحت
وراحت أعيادنا
حليلك لمن
كنت قصادنا
كل الشافك
رادك ورادنا
وبقي للفكرة
الحلوة يكون
والله يهون
------
الله يهون
أحمر خدك
ولادن جسمك
حلوة عيونك
وضحكك وبسمك
نرسم شخصك
ونحمل رسمك
وسطرا سطرا
نكتب أسمك
وليهو ننون
والله يهون
يهون يهون

[email protected]


تعليقات 0 | إهداء 0 | زيارات 595

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




حسين شنقراي
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة