المقالات
السياسة
شيخنا ود نفاش (في لعبة التمكين ) _قصيدة
شيخنا ود نفاش (في لعبة التمكين ) _قصيدة
01-25-2014 08:15 AM


شيخنا ود نفاش


يا شيخنا ود نفاش

في لعبة التمكين

ضارب بقولنا طناش

وكايل بمكيالين

وأفيونك الخشخاش

دبلوم تجارة دين

ناصر شرار القوم

ومتناسي للمسكين

لا نظرك الطشاش

دافع عن النيلين

ولا ورعك الخفاش

ورانا حور العين

لا جاتنا ريحة الكاش

لا نيلنا فاض بنزين

لا لسانك الهراش

جعجع وشفنا طحين

وتالله... شبعنا خلاص

من الزفِتْ والطين



يا شيخنا ود نفاش

يا ثعلب التمكين

بي شرعك الغشاش

قول لينا جيت من وين

وما بنقبل اي نقاش

ورينا ماشي متين

ما نهجك الكنكاش

منصوب علينا كمين

وبي دجلك الجياش

أصبحنا جد كافرين

وفي غرفة الانعاش

رقدت بلادنا سنين

لا كبدة لا فشفاش

مكسور قليبا حزين

وبالمدفع الرشاش

مصلية بين نارين

ما ولدك الهماش

باع جيشنا بي قرشين

رقاص ولابس القاش

وعن الحقيقة ضنين

للفتنة رابط الجأش

وابليس معاهو قرين

قرداً غشاهو عَمَاش

وراكبلو فوق سرجين

و(سيدي) الامام الطاش

حالف معاهو يمين

قبة وفكيها قماش

والفتوي بالتخمين

ضامن لولدو معاش

سواق تحت تمرين

وزي (سيدي) فرع القاش

لاعب علي الحبلين




ضياء الدين مدثر رجب (برلين)
[email protected]


تعليقات 4 | إهداء 0 | زيارات 1402

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#895998 [بت البلد]
0.00/5 (0 صوت)

01-26-2014 02:27 AM
يا زول ضياء الدين
أصبر كمان لسنين
ما أصلو الزمن جاري
بسرعة رمشة عين

والشعب كمان راضي
وعارف بلى التمكين
ايه يعني لو عيش مافي
وايه لو كمان بنزين

ما أصلو ماهماهم
ونحن تب عارفين
ما أصلو ساومناهم
الموت وللا التمكين

وماهم كمان عارفين
خدعناهم باسم الدين
ومادام هم كمان ساكتين
واستمرأوا الدرب
الطويل وحزين
يانا كتير قاعدين


#895817 [abo mozan]
0.00/5 (0 صوت)

01-25-2014 08:53 PM
درشتهم لكن مازي درش نافع .


#895271 [ahmmed]
0.00/5 (0 صوت)

01-25-2014 11:17 AM
MUBALAGA


#895170 [عاطف]
0.00/5 (0 صوت)

01-25-2014 10:02 AM
المشكلة جلدو تخين وسمين مابحس ولابشعر وكلو ضلال ودجل وشعوذة باسم الدين تسلم يداك ضياء


ضياء الدين مدثر رجب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة