المقالات
منوعات
احظر يا طيف ...
احظر يا طيف ...
01-27-2014 12:40 PM


بسم الله الرحمن الرحيم

احظر يا طيف
ما اهمك كيف ..
احظر أنغامك
وألوان الطيف ..
احظر بي الخاطر
القول الزيف
والحِس الروَّح من قلبك
والقلب الضل في دربك
احظر خطاويهو البقن
وامسح خيالاتو المشن
موجوعة بي ضجر المواعيد السراب
صادق ليالي الوحدة
وأبكي على أمانيك الخراب
النبض الببكي على الصورة ..
فاحت آهاتو المستورة ..
الذكرى الحلوة الفي بالو ..
من حظرك ما بقدر إزورا ..
خليهو اقاسي من حظرك ..
وإكتم أشواقو المقهورة ..
وإكتم حساً بنم آهات
وإروَّح في الأماني سُبات
قـَاسى الليل
عشان حرفاً
إقيسو هواك
وازن حسو بي قسوة غلاة الشوق
وفك الطوق ..
وأتمدد أماني عُراض
وإضارى بي طيف العيون
ممحون ..
بفتش عن حنيناً فات
زمن حبوبة بتلوَّن
ليالي الصيف
بتفتِّح في شبابيك القمر
نفَّاج ..
واحظر تاج
قفَّل بالقساوة رتاج
بقت بعدك
بحظر نفسي من طيفك
طيوف زيفك
مَحَل صيفك
عُشَر قيفك
شبابيك القمر
فيهن ملامح حبوبة والطيبين
بلمح ذاتا في ذاتي
وبستوطن دعاش الليل
وحُضُن صوتاً وَفيِ ونديان
زمن الحجاوي الطالعة من جوف المطر تريان
مقام شتان
بين حظراً بعيشو اليوم
وبين زمناً ملاني يقين ..

عروة علي موسى ،،،
[email protected]


تعليقات 2 | إهداء 0 | زيارات 644

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#899692 [محمد ودالمرضية]
0.00/5 (0 صوت)

01-28-2014 04:51 PM
تمام ابا الحسين ... الى الامام والمزيد من التأنق والتألق


#897766 [AHMEDJALAL]
0.00/5 (0 صوت)

01-27-2014 02:36 PM
جميل جدآ


عروة علي موسى
عروة علي موسى

مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة