المقالات
السياسة
تمخض فولد فأرا قراءة سريعة لخطاب البشير
تمخض فولد فأرا قراءة سريعة لخطاب البشير
01-28-2014 02:18 AM



حقا انها وثبة ووثبة كبيرة ولكنها في الهواء فالخطاب المرتجي ترديد وتكرير شعارات لم يقييم البشير الحضور الغير نسبوق والنادر جدا للقيادات والمعارضة وغياب قيادات الحركات المسلحة كانت هي مؤشرا باكرا وواضحا لعدم الجدية والجديد لمن يفهم . فكيف تختزل السودان في الترابي والميرعني والصادق ياسيادة الرئيس !!!
خيب وخذل آمال الناس بخطاب انشائي ليس فيه خطوة او إجراء عملي واحد بل كرس وأكد علي استمراره في الجلوس علي سدة الحكم
أغفل الحديث عن العدل تماما كقيمة افتقدها السودان منذ وثبة الاسلاميين علي الحكم
اغفل ايضا الحديث عن محاربة الفساد ومسالة قومية الخدمة المدنية وبلاء التمكين
أغفل افتراضية وقوفه علي مسافة واحدة من جميع الاحزاب بمافيهم جزب المؤتمر الوطنى
لم يقدم او يعلن اي خطوة عملية في اطار دعوة (النطه) بمعنى فتح ابواب حرية الاعلام والاحزاب واطلاق سراح المعتقلين السياسين تحجيم سطوة اجهزة الامن والمخابرات
الدعوة للحركات المسلحة للتفاوض ياريس الدعوه دي من ما الجماعات والحركات حملت السلاح اتقدمت زي مليون ونص مره
بالله واحد عاقل يفهمنى تعقيب الصادق المهدي سندرس الخطاب ونرد عليه هو الخطاب الجديد فيهو شنو عشان ترد عليهو ؟؟
البروف غندور قال(وذكر ان الوثيقة اشتملت علي مرتكزات اساسية لاجراء أعمق حوار وطني في التاريخ السياسي للبلاد من اجل ايجاد حلول للقضايا الوطنية المختلفة. ) وقال (الوثيقة بتاعت النطه دي البشير معتكف من يونيو عشان إعدادها ياراجل ياراجل اين هي المرتكزات الاساسية دي ؟؟
الخلاف واضح مطالب الشعب ووالاحزاب واضحة وهي :
ا تشكيل حكومة قومية / صياغة دستور يشارك فيه الجميع بلا إستثناء/لحريات /والمعتقلين /وانهاء مشكلة دارفور وجبال النوبة والنيل الازرق/ محاربة الفساد والمفسدين ودي اهم نقطه . اعتقد ان الخطاب جري تعديله فماذكره البشير اليوم إنشاء في إنشاء وخطاب كالضريع لايسمن ولايغنى من جوع ويبقي علي الناس تشوف ليها درب تانى فلا رجاء ولا حتى بصيص امل يُرتجي من أولئك القوم


esam_dablouk@yahoo.com



تعليقات 0 | إهداء 0 | زيارات 743

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عصام علي دبلوك
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة