المقالات
مكتبة كتاب المقالات والأعمدة
الفاتح يوسف جبرا
المفاجأة
المفاجأة
01-28-2014 12:01 PM


كل الشعب السوداني الفضل كان منتظراً خطاب الرئيس الموعود .. العبدلله كان خارج المنزل ومعه إبنه (10 سنوات) يقضيان بعض الحوائج وعندما إقترب موعد الخطاب سارع بالعودة حتى لا تفوته تلك اللحظة المفصلية في تاريخ هذه الأمة ..
- يا بابا إنتا مستعجل كده ليه ؟
- عاوزين نحصل خطاب الرئيس عشان عندو خطاب فيهو مفاجأة
وجلسنا أمام التلفاز نستمع إلى الخطاب وما أن إنتهي حتى إلتفت لي (ناجي) قائلاً :
- يا بابا أنا عرفتا ليك المفاجأة وين؟
- وين؟
- المفاجأة يا بابا إنو مافيش مفاجأة !!

كسرة :
هات الحبوب يا ولد !!
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)+و+و؟

كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)+و+و؟


تعليقات 38 | إهداء 0 | زيارات 10298

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#900805 [تينا]
0.00/5 (0 صوت)

01-29-2014 01:21 PM
يا ((( كدروك المتمة ))) ... انت شكلك ياها شمس ذاتا ... نصيحة شنو انتوا يا ناس مسلمين ولا كفار ... وكان انت كان المدعوة شمس بتقولوا كلامكم دا وهسى بعد قريتوا كلامى دا حا تستنوا يوم الجمعة بفارغ الصبر عشان تحضروا البرنامج ... بطلوا حلركات وعاملين فيها مصلحين ... اظنكم من هبلكم فاكرين برنامج جبرا تيوب عبارة عن برنامج للأغانى عشان فى قناة انغام ؟؟؟ والا مافى ايى تفسير لحملتكم دى تجاهى بس عشان هنئته ... وأكيد لو جات من زول ثانى ما كنتوا شنيتوا عليه الحملة الشعواء دى لكنها منى أنا أكيد حملتكم تجاهى مستمرة ومن مدة ويوميا ... كرهتونا الراكوبة دى ذاتو ما عندكم زول تفرغوا امراضكم فيه غيرى ؟؟؟ وطبعا هدفكم لحملتكم تجاهى عارفاها عشان اسيب ليكم الراكوبة نهائى لغرض فى نفسكم ... وموتوا بغيظكم لما خلاص اقتنع براى اسيب الراكوبة حتى اسيبها مش بيحربكم ... وحسبنا الله ونعم الوكيل على كل من ظلمنى ...


ردود على تينا
United States [حسن] 01-29-2014 02:54 PM
لا دخل بكلام المدعو (كدروك المتمة) والمدعو (شمس) لكن انا متأكد انك امرأة مسطحة
ومن النوع الذي ينخدع بسرعة عشان كده انت مغشوشة في عمك جبرا وقايلا القبة وراها فكي!!!
عمك جبرا ناس (ربيع عبدالعاطي الملقب بالخبير الوطني) اخير منه مية مرة لأنهم واضحين ما عندهم لف ودوران كما يلف هو ويدور ويظن انه بذلك يكسب الجميع (المجرم والضحية)!!
واضح من اسلوبك يا (تينا) انك امرأة ما صغيرة (يعني كبيرة) ولكن تنقصك حاجات كتيرة
لا تشترى بالقروش!!! هل فهمت قصدي؟


#900626 [البانوشى]
0.00/5 (0 صوت)

01-29-2014 11:23 AM
يا جبرا انت الخطاب ده موجه( لسبويه ) ولا الشعب الفضل ؟ لانو مافهمنا حاجة
ويبدو لى انو مترجم بالقوقل
لوفهمت الخطاب ده اعملى مسكول عليك الله ..


#900595 [السيد موسى البدرى]
0.00/5 (0 صوت)

01-29-2014 11:12 AM
والله تركنا الدوام عشان نسمع الخطاب والتوقعات انو الرئس سوف يستقيل من الوطنى ويكون رئىس لكل الناس وبشريات تقليل الضغوض المعيشية والله العظيم كل مغتر ب يفكر ان ياتى باهله ويعيش بالسعودية من الحالة التى وصل اليها الاقتصاد السودانى.والله لم نفهم الا كلمة كل الناس


#900146 [izzeldin]
0.00/5 (0 صوت)

01-29-2014 01:16 AM
والله انا زعلان زعلان

لانى حرمت بنتى من حضور المسلسل التركى


#900145 [sahar]
0.00/5 (0 صوت)

01-29-2014 01:13 AM
يا استاذ جبرا مقالك الليله هو المفاجأة ذاتها السمعناهاامس ؟؟؟؟؟؟؟؟؟!!!!!!!!!!!!


#900133 [تينا]
0.00/5 (0 صوت)

01-29-2014 12:57 AM
يا المدعوة ((( شمس ))) ... انتى ناطة من ياتو جحر ؟؟؟ مداهنة شنو ومصانعة شنو ؟؟؟ ويعنى انتى بتورينى جبرا ولا شنو ؟؟؟ والله حكاية تحير ... اسمعى هنا فعلا والله البرنامج شفتو بالصدفة وعجبنى وهنتته عليه بربك هسى المداهنة والمصانعة الجابا شنو ... وكمان تقولى لى مع تحياتى بعد كلامك دا ؟؟؟ ما عاوزة معاك أيى تحية وانتى واحدة حسودة لا أكثر ولا أقل ...


ردود على تينا
United States [ردود على تبنا] 01-29-2014 01:39 PM
(ودالباشا)

الناس الايام دى مالم معاك دى ماكانت ( مفاجأة )دى والا يمكن مزعلتم الاسم دا كدى سمى نفسك ست النفر او ام زين يكمن وعسى ولعل

European Union [كدروك المتمة] 01-29-2014 10:16 AM
ماتزعلي منها عشان قالت لك النصيحة...النصيحة حاااااره ما اي زول بتحملا


#900128 [هندسه]
0.00/5 (0 صوت)

01-29-2014 12:48 AM
المفاجأة يا جبرة انو سخريتك البنعرفا ما شايفنها فيما يخص هذا الخطاب وسطورك الكتبتها عبارة عن نكنته من كلمتين سبقوك بيها الناس... وين سخريتك ولا مكتفنك


#900049 [تينا]
0.00/5 (0 صوت)

01-28-2014 10:38 PM
أخى الفاضل ((( ابو الهول )))... البرنامج بيبث يوم الجمعة لكن الساعة كم بالضبط بيبدأ ما عارفة ...لأنو أنا بالصدفة فتحت القناة ووجدته بادى وحضرته كان الوقت بعد المغرب ... يعنى انت حاول اترقبه من الساعة السادسة مساء يوم الجمعة كما سأفعل أنا كذلك ... لنحضره من البداية لعدم علمى بمواعيد البداية بالضبط ... وأتمنى لك مشاهدة ممتعة وأنا واثقة من ذلك ... تحياتى ...


#899908 [ود كركوج]
5.00/5 (2 صوت)

01-28-2014 07:39 PM
تعرف يا استاذ جبرة انو انا حزين على السودانيين لانهم سذج وبسطاء للغاية...فى خارج السودان بضحكوا على طيبتنا وبساطتنا لانها لدرجة الغباء احيانا...حتى الترابى الشيخ بتاعهم صدقهم وشرب المقلب...أى مفاجأة يتكلم عنها البشير؟والناس منتظرين يقولهم تعالوا استلموا السلطة انا تعبت منها...والله عجايب.


#899885 [Ahmed Alhajj]
0.00/5 (0 صوت)

01-28-2014 07:04 PM
المفاجأة كانت تواجد الشيخ الترابي وتلاميذه الذين عزلوه في مكان واحد..


#899883 [فتح الرحمن السر]
5.00/5 (3 صوت)

01-28-2014 06:59 PM
تكلم اليشبر كثيرا ولم يقل اي شئ وهذا هو الابداع


#899876 [حد بيعرف احسن م الحكومه!!]
0.00/5 (0 صوت)

01-28-2014 06:50 PM
يا استاذ المستغرشين .. اعطر التحبات اليك "تنداح" مع "اندغامة" سكرى تاخذ بقدر من قبلة بازرعا .. اما تنفكو فاتحا للجبرا متوقفا عندها دون "سيرورة" الى الهندسة او اللوغريتمات او "انبتات" نحو حساب المثلثات اوالى تكامل وتفاضل الأدوار مع المرتكزات ذات الحضور الواسع لمشروطية التفاعل مع المفاجآت التى لم تستوعبها احابيل مكنونات بنات افكارك فى حينها وقد استلهمها ابنك عندما سعيت الى اعتساف رغباته فى تمدد بقائه خارج الدار مزيدا من الوقت
يا سيد ياللى نرجو الآ تظل وما تفتأ مصرا على استغراشك مشاركا الفعاليات السياسيه ألأندهاش لخلو خطاب الرئيس من المفاجاة المرتقبه.. وان غابت عنك الروية والرؤيا عن مضامين الخطاب الذى تلمس وتحسس امهات القضايا الوطنيه كحزمة معالجية وخط دفاع اول عن سيرورة تامين احتياجات البناء الوطنى وبقاء المؤتمر الوطنى فى مواقع القيادة والرياده ذات التأثير الفاعل فى كافة مناحى خياة اهل السودان ألأوفياء للمؤتمر الوطنى المساندين لسياسته والمنافحين عن ثوابته عبر استتراتيجاته النافذه لأنزال وانفاذ مشروعاته الخدميه الى ارض الواقع فى اطار مسارات تقرب الرئيس الى الله سبحانه وتعالى وعبادة ناس المؤتمر الوطنى .. وكل الناس!!
المفاجأه يا استاذ يا فاتحا للجبرا كانت تكمن فى وصول السد جعفر الصادق ألأمير غنى للمشاركه فى الحوار العريض الذى سيعم كل الفعاليات خاصة وان الحسيب النسيب لم يتمكن بعد من اكمال كل الفحوصات الموؤجله واللى لا بد ما استكمالها قبل مغادرة مقر اقامة ابنه الدائمه..يبدو ان قوة تركيزك قد اصابتها بعض احابيل ألأستغراش ,, كيف يعنى ما يسترعى نظرك حضور السيدين الجليلين القبسين النيرين سيدى منظومة مساعدى رئيس الحمهوريه.. القدامى منهم والمحدثين وهما يرتديان لباسا وان اختلف نوضوعا الآ انه كان متطابقا لونا.. شع ألاثنان سوادا فى ملبوسيهما بين مرتديات المدعويين اللى 98 % منهم كانوا فى"بياض الفل.. ياخى جننى" معقول بس ياسيد يا فاتح الجبرا ما يكون الموضوع دا استرعى انتباهك!!! الى جانب ما كان دائرا من حوار بين "قائد حيش ألأمه" وزوج عمته الشيخ حسن ..بس جلوس "حلاتو" بينهما لم يمكن عبرحمن وشيخ حسن من تواصل الحوار بالظريقة المثلى.. كان المنتظر والمتوقع ان يتحاصف "الشريف حعفر" المساعد الغائب ويبادر بمببادلة المساعد المقيم الكراسى.. وهو الذى كان صامتا ويخلو وجهه من اى تعبر.. (على كووول حال نواصل فى فرصة اخرى . فابق معنا .


#899871 [عبدالحميد عبدالله عبدالحميد]
0.00/5 (0 صوت)

01-28-2014 06:48 PM
ياجماعه سؤال الناس الحضروا الخطاب دة وكانوا جالسين في القاعه قدام البشير دحين ديل ماكلهم الضيعوا السودان٠ حتي كان كلهم اتوافقوا مابصلحوا البلد الضيعوها. حايتوافقوا علي مصالحهم تاني ويتقاسموا الكعكه مع المؤتمر اللاوطني ٠ ويتواصل ضياع الشعب السوداني وفناءه٠ ياشعب قوموا لرجمهم كلهم يرحمكم الله


#899757 [حمزة محمد]
0.00/5 (0 صوت)

01-28-2014 04:54 PM
الغريبة انا مامتوقع اى مفاجا الا انى كنت اول الجالسين امام التلفاز وبعد الخطاب عرفت المفاجا وهى ان يجلس كل الناس امام التلفزيون والنتيجة هى ماذا حدث اثناء القاء الخطاب اذن المفاجا ليس معنى بها الشعب السودان والمعنى الحقيقى هو ناس المؤتمر خاصة وكان منهم روؤس كبيرة لم تحضر يعنى هناك شى ما حدث فى غفلة من الناس هؤلاء استمرو الغش والكذب والاغراب انه نجد من يصدق وينجر خلف خلف كذبهم


#899731 [جعفر النميري]
0.00/5 (0 صوت)

01-28-2014 04:36 PM
الحمد لله وبفضله ومنِّه وكرمه بأنني نائم من الساعة السابعة والنصف حتى الساعة الثانية وعشر والنصف لا سمعت لا شفت لا رأيت ولا انفقعت من المفاجأة ..
الشيخ حمد بن خليفة أمير قطر صرّح بتنحيه من منصبه منذ شهرين أو ثلاثة شهور ، علماً بأنه لم يطالبه قطري واحد بالتنحِّي ، والبشير مطلوب بالتنحي وزمرته ولكنهم ماسكين كالأسد للفريسة..


ردود على جعفر النميري
[hamid] 01-28-2014 10:00 PM
حااااااااااااااسدك


#899683 [مستغرش]
0.00/5 (0 صوت)

01-28-2014 03:45 PM
عدم احتواء الخطاب علي مفاجاه هو في حد ذاته مفاجاه بعد الهيصه الاعلاميه التي سبقته


#899681 [Abu Areej]
0.00/5 (0 صوت)

01-28-2014 03:44 PM
غلطان ثم غلطان.. اي مفاجأة تنتظرها يا استاذ؟؟ مفترض بحسك الصحفي تكتشف ان ذلك تسويق ليس الا فليس هنالك مفاجأة ولا يحزنون .. ولكن من حقك ان تحلم فقط ان تحلم.. واهي النتيجة


#899669 [حمدالنيل]
0.00/5 (0 صوت)

01-28-2014 03:38 PM
وماذا كنت تتوقع يا هذا؟ وهل كان البشير إلا خذولاً.
رقع قرن ولم تتعلموا شيئاً , حتى البشير صار يفهم وانتو لسه!
تستاهلوا


#899667 [محمد احمد]
4.50/5 (2 صوت)

01-28-2014 03:37 PM
دي يا جبرة اسمها محاضرة بسيطة في علم الدغمسة التي لا يجيدها إلا هذا الرقاص اب جاعورة، فهو خطاب مدغمس مثله مثل دغمسةالاقتصاد والصحة والتعليم وأصول الدولة السودانية ووحدة اراضيها وامنها ومواردها الطبيعية والبشرية وحتى خطوط طيرانها والبقية تأتي ... وحسبنا الله ونعم الوكيل


#899663 [محمد احمد]
5.00/5 (1 صوت)

01-28-2014 03:34 PM
دي يا جبرة اسمها محاضرة بسيطة في علم الدغمسة التي لا يجيدها إلا هذا الرقاص اب جاعورة، فهو خطاب مدغمس مثله مثل دغمسةالاقتصاد والصحة والتعليم وأصول الدولة السودانية ووحدة اراضيها وامنها ومواردها الطبيعية والبشرية وحتى خطوط طيرانها والبقية تأتي ... وحسبنا الله ونعم الوكيل


#899650 [صنيت أضاني عن المفاجأة]
5.00/5 (2 صوت)

01-28-2014 03:26 PM
أنا شخصياً (شفت) المفاجعة في عوينات كم سفير قبل ما أقفل التلفزيون - منهم واحد آسيوي ! المساكين عزموهم لسماع خطاب بالعربي وما أدوهم سماعات ترجمة (هو كان في ترجمة من أصلو؟) فكان لسان حاله: كان فاهم حاجة يفهمني البلا !!
يمكن يكون عاوز يفاجئنا بالوثبة - ياربي حا ينط بينا ياتو حفرة؟


#899588 [تينا]
0.00/5 (0 صوت)

01-28-2014 02:47 PM
والله صدق ابنك ناجى ((( المفاجأة يا بابا انو ما فيش مفاجأة ))) ... أستاذنا جبرا أحب أن أهنئك على برنامجك الجميل جدا والناجح ((( جبرا تيوب ))) الذى تقدمه بقناة أنغام ... وقعت عينى عليه بالصدفة ولكنى تسمرت أمام الشاشة واعجبت به أيما اعجاب وسأواصل متابعته ان شاء الله ... لما فيه من مشاهد غريبة وفيه امتاع وشد باسلوبك الساخر الظريف ... متعك الله بالصحة والعافية ولك الشكر عليه ومزيد من النجاحات ...


ردود على تينا
[شمس] 01-28-2014 10:25 PM
عندك موهبة كبيرة في المصانعة والمداهنة لكنك تنكبت الطريق لان جبرا راجل غلبان
والافضل ان تخليهو في حالو.. مع تحياتي..

European Union [ايو الهول] 01-28-2014 05:34 PM
ارجوافادتنا عن موعد تقديم البرنامج (جبرا تيوب)...لو سمحت\ي


#899562 [ودالباشا]
0.00/5 (0 صوت)

01-28-2014 02:36 PM
عارف ياجبرة فى بعض المقالات التى تتحدث عن المفاجأة كان تعليقى اقرب لكلام ابنك هذا ربنا يحفظه وقلت (المفاجأة نخن الراجين المفاجأة).. شفت الاستخفاف دا كيف من الناس ديل وبعدين الناس انساقت وراء هذه وبقى كلام الناس وشغلها الشاغل والاعلام مدور وزملائك يكتبوا ويحللوا مش نحن نتساهل هذا الاستخفاف واخيرا الشغلة طلعت زى قصة احد المعلقين بتاعة الجمبلق


#899516 [alzift algraf]
0.00/5 (0 صوت)

01-28-2014 02:14 PM
والله العظيم دي عباطة بس..كلامك دة قولو(لصاحبك جنب الدكان في الحلة ياخي)...لو مافي حاجة مفيدة يكتبوها(حافظ علي وضعك ياخي (علي الأقل))


#899505 [alzift algraf]
0.00/5 (0 صوت)

01-28-2014 02:09 PM
والله العظيم دي عباطة بس..كلامك دة قولو(لصاحبك جنب الدكان في الحلة ياخي)...لو مافي حاجة مفيدة يكتبوها(حافظ علي وضعك ياخي (علي الأقل)


ردود على alzift algraf
United States [ساب البلد] 01-28-2014 10:20 PM
******* يا اخ انت ما مضطر ولا مجبور تقرا الكلام ده ******** الناس دي كلها معجبين بالاستاذ جبره ******* شكلك كده جداده ****** الجداد اليومين ديل محرج من (الوثبة) ما قادر يكاكي *****




**** متعك الله استاذ جبرا ****** دمت لقرائك الميامين *******


#899480 [nasr]
0.00/5 (0 صوت)

01-28-2014 01:57 PM
الغريبة أنه حبوبى ماعملت لى حاجة .....والله بختك ياجبرا


#899473 [ود نقد]
0.00/5 (0 صوت)

01-28-2014 01:54 PM
والله يا استاذ جبرا كنت وزوجتى فى واجب اجتماعى وعدنا مسرعين الى التلفزيون لمشاهدة المفاجاة...وفوجئنا بانه لا توجد مفاجاة...السؤال المحيرنى...ياربى ده الخطاب واللا فى جنى غيرو ودخل فى جيب الرئيس خطاب تانى..بالذات بعد ما عرفنا انو السادة الوزراء يستعينون بالجن والاناطين للاستمرار فى الكراسى..بس والله الجنى باااااالغ...!! لا حكومة وفاق,,ولا تنحى,,,ولا مشاركة من الوان الطيف السياسى..بعدين شنو لزوم دعوة الدبلوماسيين الى لا شيئ...لو كنا فى شهر ابريل كنا نقول......ابريل. لكن ده يناير...ولدى قالى لى مش احسن كان تخلينا نشوف توم اند جيرى....عموما انتظروا المفاجاة القادمة فى يناير القادم وكل سنة وانتو طيبين...اكثروا من تناول التوم وحبوب الضغط وحبوب السكر وحبوب امراض القلب حتى تنتظروا يناير القادم....


#899459 [alphag]
0.00/5 (0 صوت)

01-28-2014 01:47 PM
انا والله حسيت زي كأنوا في واحد نشلتي
ساعة من الزمان ضاعت مني في الاستماع لهذا التافه الحقير


#899417 [دي قويه]
4.50/5 (4 صوت)

01-28-2014 01:27 PM
الشعب السوداني لسه بصدق البقره دي يعني الدنيا بخير


#899392 [نبض التعب]
4.50/5 (2 صوت)

01-28-2014 01:17 PM
للمافهم خطاب بشّه عليه إتباع التالي:ــ
للغة العربية اضغط 1
للغة الإنجليزية أضغط 2
للغة الفرنسية أضغط 3
للهجة النوبية أضغط 4
للأمهرية أضغط 5
للرجوع لقائمة الفساد والجهل والامية والمحسوبية اعمل وثبة.


#899379 [صنيت أضاني عن المفاجأة]
0.00/5 (0 صوت)

01-28-2014 01:06 PM
كلام البشير في الباقير - عاوزين مفاجأة أكتر ؟


#899373 [حاتم علي]
0.00/5 (0 صوت)

01-28-2014 01:02 PM
يا الفاتح انت كبير علي ان تحلم و انت صاحي. ده اسمو فليم توم و جيري و الشعب السوداني غفل كتير و جمعتك بتبجحوا و لا يعرفون ان هنالك موت ابدا مهما شافوا من موت إخوانهم في محن كبيره و الله يمهل و لا يهمل


#899366 [الطيب عثمان]
0.00/5 (0 صوت)

01-28-2014 12:59 PM
يا ناجى ود جبره المفاجئة فى المفاجئه والمفاجئة انو فجأة يتفجع بن اى واحد مفجوع وتصير المفاجئة تفجع الواحد ثم يموت فجأة بسبب المفاجئة اللفظيه للخطاب الميت اصلا من المفجآت التى تتفاجه الشعب السودانى المفجوع فى مفاجآته التى تفوج كل شعبنا المفجوع الى القبور وفجأة تجد نفوس الشعب السودانى الميته تحتاج الى دفع رسوم مقابر الى ان تحصل مفاجأة اخرى استودعكم الله والذى لاتضيع وداعئه .


#899365 [Sudani]
0.00/5 (0 صوت)

01-28-2014 12:59 PM
عليك الله يا جبرة فهمت الريس قال شنو امبارح
لو فهمت فهمنا- افادك الله

ياخي انا زول متلعثم زي دا في القراية ما قابلني لي زمن
قال وثبة ال


ردود على Sudani
European Union [ودالباشا] 01-28-2014 02:42 PM
المشكلة الخطاب مكتوب بلغة اكبر من راس العساكر تعرف دى ذكرتنى حكاية المواطن على حسن سلوكه


#899358 [Waiting for Godot]
0.00/5 (0 صوت)

01-28-2014 12:52 PM
من غوجز وابلغ المقالات التي كتبتها إن لم تكن ابلغها..متعك الله بالعافية


#899326 [برعي]
0.00/5 (0 صوت)

01-28-2014 12:31 PM
كان ممكن تمط الموضوع شوية يعني وضع الشارع لحظة اذاعة الخطاب وهكذا


#899315 [pipo]
5.00/5 (2 صوت)

01-28-2014 12:24 PM
استاذي الفاضل الفاتح جبرة
فاقد الشي لا يعطيه . وهذا الرئيس لا يحمل فكر وكاريزمة القائد . فانا له بالافكار التي تبني الامم . صدقني انه لا يحمل فكر رجل الشارع العادي فكيف برجل الدولة الحصيف صاحب الفكر الكبير والقلب الكبير والادراك الا متناهي . فانا شخصياً غادرت السودان منذ 15 عاما بعد ان تاكد لي تماماً بان هذا الوطن الحبيب يسير الي الهاوية في ظل هذا الرئيس الذي يري في نفسه الكمال ونراه انه لا يحمل فكر يقود قرية ناهيك عن دولة . فلك الله يا سوداني الحبيب ولنا الله جميعا فهو نعم المولي ونعم النصير .
تلميذك بدرالدين


#899298 [موجوع شديد]
3.00/5 (2 صوت)

01-28-2014 12:14 PM
هذه تسمي كتابة من اجل الكتابه


ردود على موجوع شديد
European Union [التاية الغناية] 01-30-2014 04:51 PM
يا ولد خالتك التاية بتقول ليك ألعب بعيد .. جبرا ده خط أحمر

European Union [ودالحاجة] 01-30-2014 04:33 PM
كاااااااااااااااااااااااك


الفاتح جبرا
الفاتح جبرا

مساحة اعلانية






الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة