المقالات
السياسة
ام الباسل (قصيدة) اهداء الي ام الشهيدين هزاع وعلاء الدين
ام الباسل (قصيدة) اهداء الي ام الشهيدين هزاع وعلاء الدين
01-29-2014 02:05 AM


ام الباسل الشبل الشبه ابواتو
ماخزلك وقف سند السماء ضراعاتو
(ام هزاع) بشارتك شبلك شفع ببسالتو
ويوم الموقف الاعظم تظل راياتو
***
كم ربيتي باللبن الطهور الصافي
رضعتيهو من جزء عم والاعراف
علمتيهو كيف حب الوطن شئ اساسي
قام شاف الجموع وجواه كان احساسك
***
(ود الجاك) علاء الدين بشارة امك
خنساء الشعروست الشعور والهمة
غص حلقي وبرد قلبي الشلع في ضلمة
وكت شفت اليقين جواك ام الامة
***
سبعتاشرسنة وعلمنا معني الحب
انا معلم صحيح والليلة طالب جد
بخت ايدي واتربع وانكس راسي
واجلس بي ادب مالك علي حواسي
والعلمني ود... سنة اولي
خريج الاساس الراسي
***
ماقبلت القبلناه يوم مرقت جسارة
عريت الكدب والخونة والسمسارة
جرايم الطاغية في دارفوركشفت عوارها
وكل العالم اليوم شاف بطلنا منارة
وكيف من الرجال انصاف رجال تتضاري
***
(ام هزاع) و(علاء الدين) ولدتو حقيقة
يا اخوات (مهيرة) و(مندي) ياصنديدة
يا اخوات رجال بالجد بفكوا الضيقة
***
لاتجوزالتعازي في الحي وخالد فينا
مامات الشهيد, الماتوا حيين بينا
عايشن للكضب وجايين يقول( حجينا)
لا لبيك ولا سعديك تدجل فينا
***
منو الناداك مشيت وسايب الثكالي حزاني
تغش الناس عرفنا... حتي الله يا (سرتانا)؟
***
والله العظيم لو بالمراد يا اخينا
لو في السوق بيتباع (الحياء) كان جينا
دفعنا بي حرمالنا واشترينا هدينا
عشان فاضحنا في العالم تجرس فينا
***

مالسودان عظيم ورضينا ولا ابينا
تراك محسوب علينا رئيس ومعكلت فينا
(ديك العدة) ورطتنا وظلام كاسينا
كان شالوه كان ختوه الخراب راجينا
21 اكتوبر 2013

[email protected]


تعليقات 0 | إهداء 0 | زيارات 909

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




محمد عبد الجليل جعفر
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة