المقالات
السياسة
جمعية إبراء الزمة السودانية مشروع جديد من بنات أفكار حسين خوجلى يؤمن المليارات للنظام
جمعية إبراء الزمة السودانية مشروع جديد من بنات أفكار حسين خوجلى يؤمن المليارات للنظام
02-09-2014 05:03 PM



وحديث البلال عن السلام والصيف على الأبواب حيث وعد الرئيس بحسم التمرد نهائيا فهل الحديث عن السلام ولقاء غندور وعرمان قصد به طرطشة موعد دحر التمرد الذى وعدنا به
يا نافع الناس منتظره وعدك بالصيف الساخن
حسين خوجلى منظر الإنقاذ - الفئة الخامسة - طلب من الشعب السودانى الفقير المعدم أن يتوجه لجمعية إبراء الذمة التى ينتوى تأسيسها مع حزبه - حزب السودانيين - حسين خوجلى قال علماء السعودية أصدروا فتوى تبيح لكل من تحصل على مال حرام من مواطن أو الدولة ويريد أن يبرىء ذمته دون فضيحة بجلاجلها أن يودع هذا المال لدى جميعة إبراء الذمة التى توزعه على الفقراء
كيزان السودان أكلوا مال الأوقاف ( مال الله ) وأكلوا مليارات الزكاة عاوزننا نجى نديهم المال السرقناه منهم - مع العلم أنى لم أسرق شىء بس خايف يشيلوا العده
لحسن حظى فقد عملت بالدولة لأربع أشهر فقط ثم إغتربت وعدت وعملت فى كافتيريا خاصة ودكان أسبيرات خاص - يا حسين خوجلى عددت عشرات المشاريع التى دمرها الكيزان ولم تذكر أسمهم من الخطوط البحرية للسكة الحديد لسودانير لمشروع الجزيرة لشركة الصمغ لشركة الأقطان للحبوب الزيتية للمخازن والمهمات والنقل الميكانيكى - طيب يا كيزان الشوم السودان دا فضل فيهو شنو عشان تحكموه وعاوزين نورد ليكم أموال فى جميعة البر وأنتم تتولون توزيعها على الفقراء - فقراء التمكين - حقيقة مافيش أفقر منكم على الأطلاق
يا حسين خوجلى أنت يا بتهطرف يا خرفته - سجين شنو البتصرف عليه الدولة مليون جنيه فى اليوم أصلوا منزلنه فى حيات ريجنسى بالله يا حسين قبل الكلام ماتطلعه وتفقع بيه مرارتنا لوكه وأقصع جرته
قلت جمعية إبراء الزمة السعودية أمنت المليارات وحلت الكثير من المشكلات
تفتكر لو كل حرامية السودان ديل ضميرهم صحاء وجابوا اللى سرقوه كيزانكم ديل بيجيبوا السرقوه أم حيسرقوا ايرادات جمعية إبراء الزمة يكبروا بيها كومهم
يا حسين اللى سرق السودان ولم يشبع لن يؤتمن على مال الفقراء وأنت بنفسك شفت بطاطين الإغاثة بيعت فى السوق
بعدين يا حسين كلم فردتك البلال وقول ليهو ماتضيع زمنك مع برمه وشيخ العرب عن السلام خلاص الريس حزم أمره وقال ليكم دحر التمرد نهائيا فى الصيف القادم ونحن بيننا وبين الصيف شهر واهد بس مافيش داعى للكلام عن السلام الموضوع حسم والصيف الحار جاي وبعدما يصلى الريس فى كاودا نعدين نشيف
[email protected]


تعليقات 3 | إهداء 0 | زيارات 1706

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#911367 [daim mitry]
0.00/5 (0 صوت)

02-10-2014 12:33 PM
قال لقد ظلمك بسؤال نعجتك الى نعاجه وان كثيرا من الخلطاء ليبغى بعضهم على بعض الا الذين آمنوا وعملوا الصالحات وقليل ماهم ....الآية صدق الله العظليم


#910885 [علي]
0.00/5 (0 صوت)

02-09-2014 10:49 PM
أخطأ صاحب المقال في هـجاء كلمة (ذمة) فأراحني من قراءة مقاله مشكورا..


ردود على علي
United States [الدنقلاوي النوبي] 02-10-2014 05:04 PM
المقال يغلب عليه الطابع العامي ياعلي.
صياغته بالعامية وليست بالفصحى.

كدي طيب خاطرك وارجع اقراهو (الكلام الاخير بالعامية ما تقوم تعمل.....)


#910742 [سافر زمان]
0.00/5 (0 صوت)

02-09-2014 06:29 PM
عفواً يا باشمهندس
الصحيح الذمة وليس الزمة.


المهندس سلمان إسماعيل بخيت على
المهندس سلمان إسماعيل بخيت على

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة