المقالات
السياسة
راعى الأمانة..على
راعى الأمانة..على
02-13-2014 10:42 AM



يسلم أصلك..
يا على..
تسلم أمك الوالداك..
جاد الرب على ..
أبوك..القبـيل سمــاك..
على..باب العلم..
بالمال الحلال ربـاك..
ساعة الوداع ..
قبال تفـوت وصــاك..
كيف تحـفظ حقـوق الغـير..
كيف تسلك دروب الخـير..
لا تتبع الشيطان..
ما تسمــع كـــلام إنســان..
مهما اداك ..
ياولدى..بالمال الحرام أغــراك..
تخون غيرك..
تخالف شِرعة الخالق..
كنت براك..
يوم سألوك..
عن نعجة..
ما اتساهلت..
ما اتـرددت..
حارس نعيجــاتك..
مبسوط بى قريشاتك..
مرتاح الضمير..شاكر..
منو الشايفك..قلت الله..
منو العارفك..برضوا الله..
كانت اجاباتك..
كافية ما اتعتعت..
هم اغروك..
ما اتهاونت..
شايفين هديماتك..
ما عارفين شنو الجواك..
ما عارفين قناعاتك..
طاعـة ربـى..
هى الجـواك..
خوفك من السواك..
رضيان بالقسموا ليك الرب..
طمعان فى فضل مولاك..
سبحانك ربى..
لا ينسانا لا ينساك..
جاتك تسعى دنيانا..
سيدى الكريم أغناك..
بالمال الحلال..
شان برضك تربى جناك..
زى ما..
جاد الرب على..
أبوك يا على الرباك..
تسلم لينا..
يا راعى الأمانة على..
تسلم بلدى يا على الجايباك..

[email protected]


تعليقات 5 | إهداء 0 | زيارات 1365

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#916023 [محمد الشريف]
0.00/5 (0 صوت)

02-15-2014 11:17 AM
اولا ان الشخص ليس علي جاد الرب بل هو الطيب يوسف الزين احمد وهو من شرق سنار وموجود الان بالسعودية وعملت صحيفة تبوك الحدث معه لقاء يوم الخميس 13/4/1435 يعني قبل يومين وماتداول في قناة الشروق كذب وخداع للحقيقة واوكد انه الطيب يوسف الزين احمد من شرق سنار والصحيفة عملت معه لقاء ومصور على اليوتيوب


#914945 [elrayiss]
0.00/5 (0 صوت)

02-13-2014 07:36 PM
الانحطاط الاخلاقي وفقط هو الذي جعل من صورك يجروء علي مفاتحتك أصلا في موضوع الحرام


#914687 [عماد]
0.00/5 (0 صوت)

02-13-2014 02:56 PM
صح لسانك .. شعر مؤثر بالجد .. اللهم احفظ هذا الانسان البسيط الذي مثلنا خير تمثيل .. وربنا يهدي مسئولينا ويسلكوا طريق ذالك الراعي البسيط


#914680 [محمود]
0.00/5 (0 صوت)

02-13-2014 02:52 PM
جزاك الله خير والله يستاهل المديح جاد الرب علي ابو ضمير مرتاح


#914650 [aboahmed]
0.00/5 (0 صوت)

02-13-2014 02:27 PM
شكرآ على هذه الكلمات ويستحق اكثر ارفع راسك انت سودانى ,ارفع راسك انت اميت


زاهر بخيت الفكى
زاهر بخيت الفكى

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة