المقالات
السياسة
مهزلة قناة النيلين
مهزلة قناة النيلين
02-16-2014 11:20 PM


* (مهزلة حقيقية وسقوط مهني مريع)، ذلكم أقل وصف يمكن أن ننعت به ما حدث في شاشة قناة النيلين الفضائية عصر أمس، حينما اقتحم الزميل خالد الإعيسر (مدير القناة) الأستوديو مرغياً ومزبداً، ومتهماً قناة الشروق الفضائية بالتدخل لإفساد بث مباراة فريقي كمبالا سيتي والمريخ في دوري أبطال إفريقيا، بعد أن منع النادي اليوغندي تلفزيون بلاده من نقل المباراة، وعاقه عن رفع الشارة إلى قناة النيلين.

* توقعنا من الإعيسر أن يوضح مسببات عدم بث المباراة بهدوء وأناة، وأن يعرض قضيته بموضوعية، لكنه ضرب المثل الأعلى في الهياج، وقدم فواصل مذهلة من الصراخ والهتر، واتهم قناة الشروق بأنها دفعت أربعين ألف دولار لنادي كمبالا سيتي اليوغندي كي تمنع البث!

* أثناء الحلقة تمت استضافة الأستاذ عادل شرفي سفير السودان في يوغندا هاتفياً، بعد أن اتهمه الإعيسر ضمنياً بالتواطؤ مع قناة الشروق، لعرقلة اتفاق قناة النيلين مع التلفزيون اليوغندي، وعبثاً حاول السفير شرح موقفه، واجتهد لتوضيح أنه لا يعلم بالاتفاق الذي يتحدث عنه مدير قناة النيلين، لكن الأخير ظل يقاطعه بغوغائية مفرطة، ويصرخ في وجهه بعنف، بل وصلت به الجرأة حد تهديد السفير بالإقالة!!

* ختم الإعيسر فواصل الهياج العجيبة والغريبة بإعلان استقالته من منصبه على الهواء مباشرة، متحدثاً عن تفشي الفوضى والعشوائية في البلاد، وتعامل مع السفير بطريقةٍ أقل ما توصف بأنها غير لائقة، مع أن الرجل حاول جاهداً أن يوضح موقفه، ويشرح للإعيسر ومقدم الأستوديو التحليلي (العاجز عن السيطرة على مدير القناة) أنه ليس طرفاً في صراع القناتين، وأنه لم يفعل ما يستحق عليه الإساءة.

* حتى وزارة الخارجية بوزيرها الأستاذ علي كرتي لم تسلم من هوشة مدير قناة النيلين، الذي وصف السودان بأنه دولة (لا تحترم الإنسان، ولا تحترم العمل ولا تغلب المصلحة العامة على المصالح الخاصة وقد عم فيها الخبث والحُفر) حسب زعمه!!

* توقعنا من الإعيسر أن يعتذر عن فشله في شراء سلعةٍ من جهةٍ لا تملكها، لكنه أصر على المكابرة، ومارس أسوأ أنواع الفوضى، وعنّف السفير بطريقة قبيحة، سائلاً إياه: (البوديك من وراي للتلفزيون اليوغندي شنو)، وحلف بالطلاق أنه سيقول كلامه ولو تم جره إلى حبل المشنقة، وطالب السفير أن يكون شجاعاً ويقول الحقيقة، وقال له على رؤوس الأشهاد: (المنصب ده ما بتقعد فيهو)!!

* (بلد زي دي ما بتنفع معانا ذاتو).. (إنت ما بتدي الحقائق).. (لمن علي كرتي وداك لي يوغندا قال ليك فاوِض لي قناة خاصة).. (اتفضل أمشي يا زول بلا سفير بلا بتاع)!

* في خاتمة البرنامج رمى الإعيسر المايكرفون على الطاولة بطريقة هزلية، وخرج من الأستوديو أثناء البث مردداً عبارة (أنا استقلت يا حسام)!

* توقعنا من مدير قناة النيلين أن يعترف بفشله، ويقر بأنه اشترى (الترام) عندما ذهب وتعاقد مع التلفزيون اليوغندي لشراء حقوق بث مباراة قارية من دون أن يتفق مع نادي كمبالا سيتي والاتحاد اليوغندي لكرة القدم بصفتهما مالكين لحقوق البث، بحسب لوائح الاتحاد الإفريقي لكرة القدم، لكنه اختار أن يرمي فشله على غيره.

* الغريب في الأمر أن الإعيسر نفسه بادر بصفته مديراً لقناة النيلين بتوقيع اتفاق مع مجلس إدارة نادي الهلال لشراء حقوق بث مباراة النادي مع الملعب المالي في الخرطوم، فلماذا لم يفعل المثل في يوغندا؟

* المهزلة التي حدثت أمس في قناة حكومية لا يسأل عنها الإعيسر وحده، بل تشمل مسؤوليتها مدير التلفزيون الذي أصر على استمرار الإعيسر في إدارة القناة حتى بعد خروج الشريك الكويتي الذي أتى بالمدير الحالي، ودعمه في معاركه الفارغة مع قناة الشروق، ووافقه على فكرة التحول إلى البث عبر قمر (عربسات) وهجر (نايلسات)، وسمح له بالترويج لفكرة أن التحول إلى عربسات سيوفر للقناة انتشاراً أكبر، مع أن راعي الضان في الخلاء يعلم أن الفارق بين القمرين في الانتشار أكبر من الفارق بين السماء والأرض!

* ما حدث في قناة النيلين أمس يستوجب التحقيق مع كل من سمحوا بعرض فصول تلك المهزلة الموجعة.

* مهزلة حقيقية، وفضيحة مكتملة الأركان، عايشنا فصولها وتأذينا بما دار فيها مع ملايين المشاهدين، فما رأي المسؤولين عن الإعلام في الهراء الذي حدث على رؤوس الأشهاد أمس؟

اليوم التالي


تعليقات 48 | إهداء 0 | زيارات 8040

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#923218 [عصام العوض]
0.00/5 (0 صوت)

02-22-2014 06:25 PM
السلام عليكم ورحمة الله وبركاته

يا شيخنا بقت علي هذه المهازل تملأ الدنيا. راعي قناة أم درمان الفضائية يتحدث يوميآ عن المهازل والفضائح والفساد وينسي أياما وليالي كانت ملئيه بالفضائح والمهازل بإيقاعات من أنواع الفسادز والله المستعان


#920613 [محمد]
3.00/5 (2 صوت)

02-20-2014 01:15 AM
كمل كمل ......يامزمل


#919180 [أبومصطفى جيفارا]
0.00/5 (0 صوت)

02-18-2014 01:04 PM
نبتة تحدثين أقف منصتا.. وحين تهمسين أحط ما تقولين ،عقب الفجر نرقيكِ من العين بالإخلاص
المعوذتين ومن شر الحاسدين .... نحن بنوعذرة ...ماذا دهانا تَبتَ يداهم لا تَبتَ يدانا ماذا دهانا
نحن بنو عذرة لا أحد سوانا...ماذا دهانا...

زيفوا ماضينا سرقوا حتى نادينا... زيفوا التاريخ ...سرقوا الهلال والمريخ ...فما عاد لدينا كمال.. ولا التقر
لا بشارة.. ولا شداد سليل الرشاد ...ولا ود الياس يجيب الكأس... أين الكوارتة..؟؟ أين وأين؟ أين أمين وجكسا وعز الدين...بشرى وبشارة.. وكانت كورة كان جيمس كان شرف كان قدورة،كان الإدارة ود عبد الله
وود الياس....كنا أنُاس ....وفجأة بان الوسواس.. الخناس...وبدأ التجنيس ...والتدليس ..والتهليس ..كله لله أموال إبليس ...لله ...قالوا الرئيس ..أمر الوالي جنابه العالي ...كله لله ...بالتمكين قول آمين...حليل البلد
مسكين.... البلد.... مسكين.... وأبدلوا قاقرين بأخر.. قاقرين...وما هو بقاقرين وما عدنا نلعب الدقائق التسعين...عشرين...قل ثلاثين...
كلما أختلف ...هؤلاء على بعض ريعٍ ...من الكعكة ..عجبا يقول هذا الدولة لا تحترم العمل أي دولة ..يا هذا أم ...أنك معتوه ...أم أنك...مُغيب...عقليا....ويضيف لا تحترم ألإنسان....الآن ...الآن لا تحترم
الإنسان ..الآن...والان فقط ..أدركت... هذا...يا هذا... و ألاف الأطنان من القنابل... تلقى يوميا على أهلنا..بجبال النوبة خاصة وجنوب كردفان عامة ....وأهلنا في معسكرات النزوح...اغتيال الشرفاء اغتصاب النساء ...
لم يحرك ساكنا في الإيعسر ..هذا وحين مس أو أن صح تعبيري تلاشت عمولته ...نطق لسانه..( سكت دهرا ونطق ..كفرا.)..كحاج ماجد سوار...أبتلينا ...بالانتهازيين والسلطويين...ومدعي الثقافة ...من دكاترة هذا العصر والأوان ...بروفسيرات ...يريدون من أبناء نبتة أن يروا بأعينهم ويسمعوا بأذانهم ...يبصموا بالعشرة على أرائهم وأفكارهم ....وأبناء نبتة إناث وذكور أكثر وعيا منهم ...وأنضج فكرا ..متفتحي العقول لهم استنارة البصر والبصيرة ...وليس كل دكتور ...دكتور (القلم ...ما بيزيل بلم)....أم عن مزمل ...يكفي ما كتبه...الأساتذة [yasir] وما وريتنا رايك شنو يا مرشد الضلال فى مهزلة خروج العالمى وسقوطه الداوي في امتحانالتمهيدي
[ودالبله]
(انت والاعيسر بتاعك الاتنين رمم وجزم وانت بالزات متملق لسيدك جمال الوالي ياانتهازى ضيعت المريخ انت والرمم بتوعنك ناس ابوشيبة وبقية الطراطير بطرحكم الصبياني والله بتوع المصاطب الشعبية افضل منكم .. كتر خير المريخ الجعلك زول وانت جايي من شندي شايل شنطة الحديد وماتعرف في الرياضة خلاف الكرة الطائرة .. مقالك ده كله تملق للمسؤلين وجمال الوالي كبير الحرامية .. وبعدين المباراة نفسها ما جبت سيرتها يابغل( ونضم صوتنا وننادي أدارة الراكوبة ...كما ناشدناها من قبل...وهذا مطلب ...أكثرية رواد روضتنا
(مزمل وإعيسر والهندي والظافر وغيرهم من كتاب الكيزان ،،، لو كنا بحاجة لهراء هؤلاء لتركنا الراكوبة
وذهبنا لشراء صحفهم ولشاهدنا قنواتهم التي ترفع الضغط وتفقع المرارة وتقطع المصارين)
الأستاذ/ [عبدالرحمن محمد الكنزى] ...تحياتي لك ...فلتسمح لنا بان نرد على تعقيبك الذي أوردناه بين قوسين
(بالرغم من اننى لا اهتم بالرياضه ولا السياسه ولكن شدنى لهذا الموضوع التطاول على قامه دبلوماسيه وعلى رجل ناصع البياض ولاتشوبه شائبه رجل جده احمد شرفى الذى تبرع بالاف الامتار للمقابر والده محافظ الشماليه السابق اخوانه اذا اضفت معهم عادل ثمانيه رجال يتمنى اى سودانى ان ينتمى لهذه الاسره العريقه ولكن هذا هو زمن اغبر للاسف لانسمع فيه الا التطاول على الهامات العاليه)
لم يعد... أستاذ/عبد الرحمن ...يقاس المرء..بأنه.. صهر.. زيد أو أبن عمرو... نعم أنه زمن معتم حالك السواد وكل من أنتسب لهؤلاء المتأسلمين ...أيا كان فيديه ملوثتان ...بدماء شهداءنا...ونهب أموالنا...وتردي الأخلاق
بدار نبتة ...وسقوط القيم...لن يغفر التاريخ لهم ...ولن نغفر...ونصفح لأي من هؤلاء ...الفاسدين المفسدين
المجد للشعب ...المستنير..سلوكا..وفكرا...المجد للشهداء دوما...وأبدا..على مر العصور...المجد لرجال الجبهة الثورية ...ولكم أنتم رفاق... دربنا يا من تزينون..(الراكوبة)... روضتنا بالإبداع ...والفكر الثاقب..

خاتمة::- الخليج يواسيني..يفرد ذراعين من حنينِ ... مُوجهُ رذاذ يبلل الجبين... يهديني وردة حمراء...
طيفكِ...يلازم الصدود والجفاء...بعد طول ...عناء ....المس بعضه... وبعضه..يتلاشى والوردة الحمراء
......مع تحيلتي


#919094 [ود شندي]
5.00/5 (2 صوت)

02-18-2014 11:48 AM
يا مزمل معروف دفاعك عن ولي نعمتك الكوز الحرامي الوسخ جمال الوالي وانت واحد من الناس الدهورو الكورة في البلد دي انتا والرشيد عشان تتسمسر واصبحت بقدرة قادر من ( ركوب العجلات في شندي) لركوب البرادو في حي الصفا


#918791 [ود البلل]
0.00/5 (0 صوت)

02-18-2014 02:01 AM
توقعنا من مدير قناة النيلين أن يعترف بفشله، ويقر بأنه اشترى (الترام) عندما ذهب وتعاقد مع التلفزيون اليوغندي لشراء حقوق بث مباراة قارية من دون أن يتفق مع نادي كمبالا سيتي والاتحاد اليوغندي لكرة القدم بصفتهما مالكين لحقوق البث، بحسب لوائح الاتحاد الإفريقي لكرة القدم، لكنه اختار أن يرمي فشله على غيره.

انتهى الاقتباس.

يا مزمل التلفزيون اليوغندي هو الناقل الرسمي للمباراة يعني اشترى كل الحقوق من النادي والاتحاد اليوغندي والافريقي. واصبح المالك لكل حقوق البث. يعني العايز يشتري يشتري منه وبس.

الآن أي جهة تود بث الدوري الاسباني أو الانجليزي في الشرق الاوسط وافريقيا فعليها التوجه للجزيرة ولا أي جهة غيرها.

لماذا لم تذكر في مقالك هذا أن الاعيسر قد أبرز مستنداته ليعلم الجمهور الحقيقة وأن الاعيسر قد أكمل تعاقداته منذ 14 يناير 2014 وما من قوة يمكنها التأثير في ذلك سوى السفارة بصلاحياتها.


ردود على ود البلل
United States [سودانى قرفان من الحثالة امثال مزمل ابوالقاسم] 03-01-2014 08:55 AM
من المؤسف ان تكون المنابر حرة و متاحة للسفلة و الحثالة امثال مزمل , اما امثال خالد الاعيسر الذى اثبت نجاحه دولياً كأعلامى متميز يجد من يعوّقه من حثالة الاعلاميين امثال مزمل الثرى جداً , و الاعيسر يقف وحيداً ليحاول اصباغ التميز على قناة النيلين ...
و يقول مزمل ان خالد الاعيسر اساء للسفير !!!!
سفير ؟ سفير ؟؟ و هل هذه تصرفات سفير ؟؟ ترك عمله و ذهب بعد اتفاق الاعيسر مع التلفزيون اليوغندى ليفسد ما نجح فيه الاعيسر .... انه زمن السفلة و الحثالة ... هؤلاء سفراء الانقاذ التى افسدت كل شىء ...


#918766 [سودانى ساكت]
5.00/5 (1 صوت)

02-18-2014 01:19 AM
لحظة انتظرتها بفارغ الصير لانى قرفان من كتاباتك.عايز اسألك بصراحة انت مصدق نفسك صحفى؟عشان ما اظلمك عاود قراءة الموضوع اذا كان اصلا موضوع واحكم على نفسك؟غايته من صورتك وما تكتبه قيمتك زول اهبل بنى امبراطورية من النميمة.ربنا يشفيك..


#918727 [abumohamed]
3.00/5 (2 صوت)

02-17-2014 11:58 PM
والله انت اول واهم عنصر في فشل تادي المريخ . الزول البتكم كلام ذي ده مفروض علي الاقل يكون نظيف لكن للاسف الشديد البلد مليانة زبالة وانت اكبر برميل يا ارزقي . اللهم اهدنا واياه


#918700 [yasir]
0.00/5 (0 صوت)

02-17-2014 11:21 PM
دي تصفية حسابات ولا شنو يا مزمل ابوالقاسم ما الزول طلع كل الورق البثبت انو اشتري حقوق البث


#918446 [google]
5.00/5 (2 صوت)

02-17-2014 05:53 PM
التلفزيون القومي والشروق والنيلين وبقيةالعقد البغيض تبا لكم ياخي


#918401 [ابو خنساء]
5.00/5 (1 صوت)

02-17-2014 05:16 PM
في العاده في مثل هذه الاحوال الاعلامي يساند زميله الاعلامي ضد بغي الجهات الاخرى والاستاذ الاعيسر اعتقد ان حديثه حديث المظلوم وصاحب الغبن احيانا تنفلت العبارة من فمه من جراء الظلم الذي وقع عليه كان الاولى ان تدافع عنه وتذكره بالاعتذار عن القول الغليظ لكن لانك تكتب وفي بالك حماية جهة اخرى غلب على حديثك الانحياز والله اعلم


ردود على ابو خنساء
United States [مسكين] 02-17-2014 08:38 PM
...
أتفق معك أبو خنساء


#918382 [علي حسين]
5.00/5 (2 صوت)

02-17-2014 04:53 PM
مزمل انت مطبلاتي وجريدتك داعمها والي تعمتك جمال الوالي اللص الظريف


ليك حق تدافع عنه ممشي كل أمورك سيذهب الحرم من حيث أتى


#918364 [سوداني]
5.00/5 (1 صوت)

02-17-2014 04:35 PM
الاعيسر غلطاااااااان وكعب , صدقنا وآمننا , بس على الأقل راااجل , قدر يقول كلمة حق , الله يقدرك انت على قول الحق, هيثم مصطفى ( رغم اختلافنا معه) قال فيكم اصدق كلمة, بتبيعو ذممكم بي صحن فول , فما بالك بي عربية برادو.


#918258 [جاكوما]
0.00/5 (0 صوت)

02-17-2014 03:02 PM
الاعيسر لديه عقد مع التلفزيون الاوغندى مش كان الافضل والاولى ان يقاضى
التلفزيون الاوغندى الذى غدر به ؟ اذا كان هناك اثبات على حركة الشروق
البايخة يجب عليه ان يقاضيهم بدل الهياج والبهدلة دى . انت فى منصب ادارى حساس
يتطلب الهدوء والحنكة


#918250 [كتاحة]
5.00/5 (3 صوت)

02-17-2014 02:57 PM
انت يا سيد مزمل ملك التطبيل و النفاق و التملق لسيدك جمال الوالي

و انا احلف لو كانت قناة الشروق مملوكة لطه علي البشير مثلا لأختلف حديثك و لسمعنا العجب العجاب عن شجاعة الاعيسر و توضيحه للحقائق و و و و

ارجو من اعماق قلبي ان تغوروا انت و جمال الواطي من المريخ و من السودان كلو لنتنفس هواء نقيا


#918165 [ابوسوسو]
5.00/5 (1 صوت)

02-17-2014 02:01 PM
عشنا وشفنا لاحسى الاحذية يتحدثون عن الفشل و الفضائح الاعلامية يا مزمل ابو البالع خليها مستورة وما تفتكر انو نحنا عندنا زاهايمر نحن لسة متذكرين مساجلاتك مع دسوقى وابراهيم عبد الرحيم وفضايحك الموثقة فانت اخر من يتكلم يا مزمل ابو البالع (بينى بينك هسى مقالك اخدت فيهو كم) عالم وهم!!!!!!!!!!!!!!!!!!!!!!!!!!!!!!!!!!!!!!!!!!!!!!!!


#918139 [وليد معروف]
0.00/5 (0 صوت)

02-17-2014 01:36 PM
جمال الوالى – خالد الاعيسر – السفير شرفى
خير امثله للكذب والفساد والتكبر والوقاحة، ونشكر المريخ لفضحهم على الهواء. كم حزنت لخروج المريخ، لكن لكى نقدم مصلحة السودان على حزننا لفريق كره نقول.
كلكم ابناء هذا النظام فلولا النظام لما سمعنا بالوالى ولا الاعيسر ولاشرفى. اما عن كفاءتكم بالجلوس على الكراسى فحديثكم على الهواء خير دليل على الفشل وخير دليل على تعيين الوساطات وليس الكوادر السليمة للمنصب.
الاعسير قمة الوقاحة
والسفير شرفى قمة الكذب
والوالى خير مثال للراسمالية الفاسدة.
اختوا دربنا وجعتوا قلبنا.
وابداً سوف يظل
السودان فى حدقات العيون


#918136 [momin]
0.00/5 (0 صوت)

02-17-2014 01:33 PM
كل ماذكره الاخ الاعيسرصحيح والرجل مقبون عرفناك رجل مطبلاطي ي مزمل دمرته المريخ والاعيسر رجل شجاع واشجع منك


#918083 [بريش منصور]
5.00/5 (1 صوت)

02-17-2014 12:55 PM
خلاص عايز تأجج النار في الموضوع........والله كل القاله الاعيسر كلام صاح ولو ما قاله بأنفعال ما كان في زول سمعه......مؤسسيه شنو وأعلام شنو العايز تتكلم عنو هي وينا ذاتو مؤسسيه البلد الخراب الخلتكم تتكسبو من تخلف معظم البشجعوا الكوره ويقرؤا مثل هرجكم ومكايداتكم الفارغه البتكتبهوا في الجرايد يا مزمل مقالات معظمها خاويه من المواضيع الهادفه وكلها هبل في هبل لحدي ما دخلتو ثقافه عقيمه علي عقول الناس انت واشباهك من الفريق السجم التاني......انتو المفروض تتحاسبوا علي الجرم الاخلاقي الثقافي والبدع القبيحه البقت متداوله في الوسط الرياضي وكل الغرض منها الكسب المادي الرخيص لانو انت ومن علي شاكلتك عارفين انو دي المهنه الوحيده التي تجيدونها وغير كده ما عندكم معني ولا وجود.....أتقوا الله في الخبث وسوء النيه وصب الزيت علي النار لانو الناس ما ناقصه هبل وكلام فارغ ولو عندك شغله تانيه امشي عليها (لكن ما اظن يا مزمل).....
اي انسان ما عاجبو الحال المايل بعبر بالطريقه البفدر ينفث بيها عن مكنون غليله ولو الاعيسر ما عايش الوسخ وحس بدونيتكم وجشع واليك ما كان عبر بالطريقه دي وانت اعجز من ان تلفت انتباه القائمين علي امر التلفزيون القومي للطريقه الاتكلم بيها الاعيسر والحكايه ما عايزه ليها مقال وصب زيت علي النار لانو الدنيا كلها شافت الحصل بمن فيهم مدير التلفزيون .....لكن انت نواياك وسط السطور واضحه وراعي الضان في الخلاء لو قرأ هشاشه مقالك ح يعرف قصدك شنو....المفروض تغيروا هبلكم انتو الاول وبعدين اتكلموا عن الباقين
دمرتو البلد الله يدمركم....................... (مبروك)


#918074 [قهر النساء]
4.50/5 (2 صوت)

02-17-2014 12:47 PM
سبحان الله ! الاستاذ (متزمت ابو القاصم ظهر الإعلام)
يتحدث عن المهازل والفضائح ويستغيث (بالمسؤولين)


نحنا نختلف مع الاستاذ الاعيسر فى طريقة طرحو وانفعالوا
ونتفهم ونحس بحجم وعمق الحزن والغضب والمرارة التى
عاشها بسبب (كيد) الوالى وامثالك من التبع
لان الجميع يعلم خسة وخبث ابناء قبيلة المؤتمر الوطنى

( دولة لا تحترم الانسان ولا تحترم العمل ولا تغلب المصلحة
على المصالح الخاصة وقد عم فيها الخبث والحفر)

الكلا دا فى رايك (زعم)وكذب وبهتان..
سبحان الله.. خليك بايع نفسك وضميرك وكرامتك وشرفك من اجل
حفنة من الدولارات ونظرة رضى فى عيون اسيادك فى المؤتمر الوطنى

الا ستاذ الاعيسر ..نختلف معك فى الكثير
لكن ثق ان المواطن يعرف مدى حجم الوسخ والخبائث والقذارة
والمؤامرات والحفر فى دولة الكيزان
ويعرف تمامآ امثال هذا المتزمت المستفيد من هذا الوضع.


#918070 [بؤريش منصور]
1.00/5 (1 صوت)

02-17-2014 12:45 PM
الأستاذ مزمل أبوالقاسم/ يقولون (كلنا ذلك الرجل)، فقد شاهدنا ما حدث على قناة النيلين ولكن يبدو أن المشاهدة شئ والفهم شئ آخر، فما فهمته أنا وفهمه معظم الشعب السودانى مما حدث يختلف جملة وتفصيلاً عما فهمته أنت مع كامل إحترامنا لطريقتك فى الفهم، الأعيسر الذى وصفته بأنه كان هائجاً ويرغى ويزبد حق له أن يهيج وأن يرغى ويزبد لأنه نظيف فى دواخله غيور على المبادئ والمثل محب لوطنه، إنه بحق فى نظرى ونظر الكثيرين من الأحرار فى وطننا المغلوب على أمره بطل بمعنى الكلمة ورجل والرجال قليلون، من يتجرأ هذه الأيام ليقول للأعور أنت أعور، يا سيدى الأستاذ البطل الاعيسر قال ولازال يقول أن لديه مستندات ولم يكن يتحدث من فراغ، لديه ما يفيد ويؤكد أن ذلك السفير الضعيف الذى تحدث وما كاد يبين لعب دوراً قذراً فى هذه القضية رغم ان هذا ليس من مهامه، ولديه مستندات تفيد بأن قناة الشروق تعلم علم اليقين بانه تعاقد لنقل المباراة ورغم ذلك حضروا بعده بل ودفعوا مبالغ كبيرة لكى لا يسمح لكاميرات قناة النيلين بالدخول لأرض الملعب !!! فماذا تريد أن تقول لنا يا أستاذ مزمل ابوالقاسم ، نقول لك أن أى سودانى حر وشريف لا بد له فى مثل هذا الموقف أن يهيج ويزبد ويرغد..ولا تثريب عليك أيها الاعيسر وأتمنى ويتمنى الكثيرون من اهلنا الطيبين أن يسخر الله لهذه البلد من أمثال الاعيسر لينصلح حالنا المعوج، ويا أستاذ مزمل أبوالقاسم مع إحترامى الكبير لك وعلمى التام بسعة صدرك ولكن الله سبحانه وتعالى يقول( ولايجرمنكم شنآن قوم على ألا تعدلوا أعدلوا هو أقرب للتقوى) صدق الله العظيم ، كان لزاما عليك يا أخى يا مزمل أن تقول الحق وليس غيره وألا تؤثر عليك مريخيتك وعلاقاتك بصاحب قناة الشروق على ألا تقول الحق..


#918062 [كفاية]
3.00/5 (2 صوت)

02-17-2014 12:37 PM
( الذي وصف السودان بأنه دولة (لا تحترم الإنسان، ولا تحترم العمل ولا تغلب المصلحة العامة على المصالح الخاصة وقد عم فيها الخبث والحُفر) حسب زعمه!! )

في دي كلامه صاح 100%

ثم تانيا يامزمل يابتاع الشروق انت الا يعلم التلفزيون اليوغندي عندما وقع مع الاعيسر العقد الا يعلم انه ليس له حق التوقيع والموافقة على النقل وان ذلك سيدخله في مساءلة قانونية مع المالك الذي زعمته ؟


#918053 [samani]
3.00/5 (2 صوت)

02-17-2014 12:29 PM
مزمل انتم من الذين تزينون الباطل يمكن الاعيسر قد فشل في توضيح الحقائق بصورة مثلى ولكن تظل الحقيقة هي المهمة وليس طريقة توصيلها للمشاهد الراجل لايمكن ان يقول شيء وبهذه العصبية وإلا هناك شيء يحدث من وارء الكواليس...كما اعتدنا على ذلك في ظل هذا النظام الذي تدار من خلف الستار كثير من الاحداث..


#918039 [عبدالرحمن محمد الكنزى]
5.00/5 (1 صوت)

02-17-2014 12:17 PM
بالرغم من اننى لا اهتم بالرياضه ولا السياسه ولكن شدنى لهذا الموضوع التطاول على قامه دبلوماسيه وعلى رجل ناصع البياض ولاتشوبه شائبه رجل جده احمد شرفى الذى تبرع بالاف الامتار للمقابر والده محافظ الشماليه السابق اخوانه اذا اضفت معهم عادل ثمانيه رجال يتمنى اى سودانى ان ينتمى لهذه الاسره العريقه ولكن هذا هو زمن اغبر للاسف لانسمع فيه الا التطاول على الهامات العاليه


#918006 [د. معز]
4.00/5 (3 صوت)

02-17-2014 11:56 AM
هذا زمان المهازل مثل مزمل اصبح ينتقد انت لا تستطيع ان تقدر مثل هذا الموقف فانا لم التقي بالاستاذ / الاعيسر ولا اعرفه لكن مثل هذا الموقف لا يخرج الا من الرجال في زمن قل فيه الرجال واصبح امثال مزمل ابوالقاسم وحسين خوجلي يملكون امبرطوريات صحفية ويحركون الراي العام ويحكمون على الناس فانت لازم تدافع عن قناة الشروق وعن سيدك جمال الوالي صاحب نعمتك . واصبح مثل موقف الاعيسر الذي يقلب المصلحة العامة على الخاصة هو الشاذ لازم كل انسان يصبح بلا ضمير ويبيع نفسة باي ثمن .


#917993 [dafori]
3.00/5 (2 صوت)

02-17-2014 11:44 AM
ايها المزمل بثوب الوالى انت ومن يدعى الاعيسر وجهان لعملة واحدة كلكم كلاب للدولة الفاشية عد الى مكانك و اكتب واضحك على غلابة المريخ حتى يرضى عنك واليك واترك راكوبة الشرفاء فهذا ليس مكانك مكانك هو صالون الوالى المتخم بالاطعمة والظروف الملئة بدلار الغلابة وقبل ان يذهب خيالك المريض فانا مريخى قبل تولد انت وتاتى للمجتمع الرياضى الذى كان من انضف المجتمات قبل تلجه انت ومن هم على شاكلتك وتدنسونه باقلامكم القذرة حتى جعلتم الهوة كبيرة وكبيرة جدا بين الاشقاء فى البيت الواحد
الفرق بينك وبين الاعيسر انه عرف اخيرا قدر الدولة او قدر الكيزان فقرر ان يترك لهم الجمل بما حمل كما فعل الملاين من الشرفاء وللاعيسر قضية وقضية واضحت المعالم والفصول و لو ان لنا حكومة شريفة لوضعت الامور فى نصابها لكن دولتنا يحكمها الراسمالية الذين يديرو اموال نساء الرئس ونوابه فكيف يستقيم الظل والعود اعوج
قل لنا بربك كم دفع لك اسيادك مقابل هذا الهرا الذى اتيت به فى راكوبتنا التى لاتتشرف ان يكمون تحتها من هم من امثالك ايها المزمل بثوب الراسمالية


#917990 [بكرى عبدالماجد]
5.00/5 (1 صوت)

02-17-2014 11:41 AM
اول حاجة رجعواالقناة لنا يل ساتو ولن نتحول الى عرب سات حتى ولو نقلتو الدورى الانجليزى


#917977 [شخلول]
4.25/5 (3 صوت)

02-17-2014 11:29 AM
عشانك خلينا المريخ داير تكرهنا فى الراكوبة


#917921 [محمود]
5.00/5 (1 صوت)

02-17-2014 10:48 AM
ما عندنا عربسات عشان كده ما شفنا لا احكم على شئ غائب


#917909 [esam]
5.00/5 (1 صوت)

02-17-2014 10:36 AM
المشاهد السودانى كان عاوز يشاهد المباراة سواء ان كانت من الشروق او النيلين والمنافسة بتكون بالعمل وليس المهاترات والتلفزيوانات دى كلها يحقو يتم وقفها لانها ما عندها كوادر وما عندها قروش


#917883 [تاج السر عبداللطيف عثمان]
5.00/5 (2 صوت)

02-17-2014 10:11 AM
الأستاذ الإعيسر إتهم الشروووق علانيةً لماذا يأتى الأستاذ مزمل مدافعاً بقلمه عن الشروووق؟؟
هل لأن الملياردير جمال الوالى هو صاحب القناة؟؟ أم لأمر يعلمه المزمل؟؟
دعك عن الكتابة حتى نرى التحقيق إن كان هناك تحقيقاً وأكتب للإخوة المريخاب لماذا سقط العالمى ؟؟؟
فى أول المشوار وماذا كتب مزمل تحديداً عن العالمى والعالمية بعد البايرن والإعلام الأحمر وماعليه؟؟!!
الكتابة عن الإعيسر لا تنفى الحقيقة ومنتظرين


#917822 [سودانى]
5.00/5 (1 صوت)

02-17-2014 09:35 AM
خالد الاعيسر : هل لديك اقوال اخرى؟


#917774 [المشتهي الكمونية]
4.88/5 (4 صوت)

02-17-2014 08:50 AM
أرحمونا يا ادارة الراكوبة
مزمل وإعيسر والهندي والظافر وغيرهم من كتاب الكيزان ،،، لو كنا بحاجة لهراء هؤلاء لتركنا الراكوبة وذهبنا لشراء صحفهم ولشاهدنا قنواتهم التي ترفع الضغط وتفقع المرارة وتقطع المصارين


#917767 [نبض التعب]
4.83/5 (7 صوت)

02-17-2014 08:33 AM
هذا المزمل ينتقد كل منْ يريد إلاّ كفيله جمال الوالي وأدواته التابعة له كالشروق .. وبما أن مزمل في فمه ماء فإن الحقيقة التي جعلها أحد مفردتي زاويته لا يقترب منها طالما أمرها متعلق بالوالي (الغالي) .. مزمل يعلم جيداُ أن الوالي هو من أفشل نقل المباراة بدغدغته مشاعر ناس كمبالا سيتي بالمال وقدره 40 ألف دولار من مال الشعب الطيب .. في صراع الأنا والشوفونية فاز جمال علي الأعيسر وهزمه بضربة قاضية جعلته بتوارى عن المشهد للأبد .. لكن جمال نفسه مهزوم هزيمة ساحقة حتى لو حاولت دروعه القلمية أمثال هذا الإنتهازي مزمل الذي يدعي الشرف والنزاهة تغطية عورة فضيحته بخروج فريقه من الدور التمهيدي لكبرى بطولات الكاف للأندية وصرفه لمبلغ مليون ونصف مليون دولار لملاقاة بايرن ميونيخ لعبث لا يتجاوز زمنه الت 90 دقيقة بينما إنسان السودان لا يجد مأكلاً ولا علاجاً ولا تعليماً !! .. و .. طبّل .. طبّل يا مزمل .. وعما قريب سيتم فتح ملفك أنت وشراكة شركتك مع جهاز الأمن الدموي وإحتكارها تركيب أبواب وشبابيك عماراته ــ أي جهاز الأمن ــ والتي إستطالت لتفرغ أطفالنا الجوعى علي وسخ الرصيف!!.


#917766 [نبض التعب]
4.25/5 (3 صوت)

02-17-2014 08:30 AM
هذا المزمل ينتقد كل منْ يريد إلاّ كفيله جمال الوالي وأدواته التابعة له كالشروق .. وبما أن مزمل في فمه ماء فإن الحقيقة التي جعلها أحد مفردتي زاويته لا يقترب منها طالما أمرها متعلق بالوالي (الغالي) .. مزمل يعلم جيداُ أن الوالي هو من أفشل نقل المباراة بدغدغته مشاعر ناس كمبالا سيتي بالمال وقدره 40 ألف دولار من مال الشعب الطيب .. في صراع الأنا والشوفونية فاز جمال علي الأعيسر وهزمه بضربة قاضية جعلته بتوارى عن المشهد للأبد .. لكن جمال نفسه مهزوم هزيمة ساحقة حتى لو حاولت دروعه القلمية أمثال هذا الإنتهازي مزمل الذي يدعي الشرف والنزاهة تغطية عورة فضيحته بخروج فريقه من الدور التمهيدي لكبرى بطولات الكاف للأندية وصرفه لمبلغ مليون ونصف مليون دولار لملاقاة بايرن ميونيخ لعبث لا يتجاوز زمنه الت 90 دقيقة بينما إنسان السودان لا يجد مأكلاً ولا علاجاً ولا تعليماً !! .. و .. طبّل .. طبّل يا مزمل .. وعما قريب سيتم فتح ملفك أنت وشراكة شركتك مع جهاز الأمن الدموي وإحتكارها تركيب أبواب وشبابيك عماراته ــ أي جهاز الأمن ــ والتي إستطالت لتفرغ أطفالنا الجوعى علي وسخ الرصيف!!.


#917736 [Abu algaK omean]
4.75/5 (4 صوت)

02-17-2014 07:16 AM
يامزمل خالد بمقاييس زمنكم وصحافتكم ماذا كنت تتوقع منه وخريج ثانوي لا يحمل اي موهل او حتي دبلوم الخطاء ليت خطا الاعيسر الذي عرف اخيرا ان هذه الدوله لا تحترم الانسان لما جاءت فيهو ولعبوا بيهوا زي الكوره خالد ماقال الكلام ده لماذا ايام كان يحمل الكاميرا ويصور كل مناسبات الموتمر الوطني القذره في لندن حتي اتهم بين اقرانه في لندن بانه غواصه ا السفاره للسودانيين في لندن واصبح مكروه للكل. يامزمل الكيزان المخانيث جعلوا من شخص مثلك ومثل الاعيسر ابواق فاشله ونكرات مثلكم يظهروا في الاجهزه الاعلاميه لافهم ولا دراسه ولا خبره وكاان لابد ان تكون دي النتيجه فلا تستغرب انا شايف اللموضوع عادي ويناسب موهلاتكم


#917712 [مريم الاخرى]
3.00/5 (2 صوت)

02-17-2014 05:12 AM
ما حدث في قناة النيلين أمس يستوجب التحقيق مع كل من سمحوا بعرض فصول تلك المهزلة الموجعة.

_________________________________________________________________________________________-
بالله البلد بقى فيها قانون فجاة ونحن ماعارفين ؟ لو حصل تحقيق بالله عندنا قضايا بالكوم محتاجة تحقيقات يامزمل ابو القاسم ...
ثم اللعبة دي مكشوفة قناة الشروق هي قناة جمال الوالي وانت بتسبح بحمد الوالي تحمد سيدك ...يعني القصة لا مصلحة عامة ولا الاعيسر ولا يحزنون ....


#917710 [مريم الاخرى]
5.00/5 (1 صوت)

02-17-2014 05:01 AM
متحدثاً عن تفشي الفوضى والعشوائية في البلاد، حتى وزارة الخارجية بوزيرها الأستاذ علي كرتي لم تسلم من هوشة مدير قناة النيلين، الذي وصف السودان بأنه دولة (لا تحترم الإنسان، ولا تحترم العمل ولا تغلب المصلحة العامة على المصالح الخاصة وقد عم فيها الخبث والحُفر) حسب زعمه-------------------------------------------------------------------------------------------------------------
الله يسالك يامزمل ابو القاسم ...الغلط في كلام الاعيسر شنو ؟ اى كلمة قالها سليمة مية في المية /انت شكلك عاوز تغطي على فشل المريخ بمحاولتك الحديث عن الاعيسر .....يامزمل نحن شبعنا من اللف والدوران وخليك دوغري والفيل ياهو الطعنه الاعيسر بغض الننظر عن الطريقة


#917690 [ودالبله]
0.00/5 (0 صوت)

02-17-2014 03:22 AM
انت والاعيسر بتاعك الاتنين رمم وجزم وانت بالزات متملق لسيدك جمال الوالي ياانتهازى ضيعت المريخ انت والرمم بتوعنك ناس ابوشيبة وبقية الطراطير بطرحكم الصبياني والله بتوع المصاطب الشعبية افضل منكم .. كتر خير المريخ الجعلك زول وانت جايي من شندي شايل شنطة الحديد وماتعرف في الرياضة خلاف الكرة الطائرة .. مقالك ده كله تملق للمسؤلين وجمال الوالي كبير الحرامية .. وبعدين المباراة نفسها ما جبت سيرتها يابغل..


#917684 [yasir]
0.00/5 (0 صوت)

02-17-2014 02:57 AM
وما وريتنا رايك شنو يا مرشد الضلال فى مهزلة خروج العالمى وسقوطه الداوى فى امتحان التمهيدى


#917683 [اش]
2.00/5 (1 صوت)

02-17-2014 02:57 AM
خلاص عايز تأجج النار في الموضوع........والله كل القاله الاعيسر كلام صاح ولو ما قاله بأنفعال ما كان في زول سمعه......مؤسسيه شنو وأعلام شنو العايز تتكلم عنو هي وينا ذاتو مؤسسيه البلد الخراب الخلتكم تتكسبو من تخلف معظم البشجعوا الكوره ويقرؤا مثل هرجكم ومكايداتكم الفارغه البتكتبهوا في الجرايد يا مزمل مقالات معظمها خاويه من المواضيع الهادفه وكلها هبل في هبل لحدي ما دخلتو ثقافه عقيمه علي عقول الناس انت واشباهك من الفريق السجم التاني......انتو المفروض تتحاسبوا علي الجرم الاخلاقي الثقافي والبدع القبيحه البقت متداوله في الوسط الرياضي وكل الغرض منها الكسب المادي الرخيص لانو انت ومن علي شاكلتك عارفين انو دي المهنه الوحيده التي تجيدونها وغير كده ما عندكم معني ولا وجود.....أتقوا الله في الخبث وسوء النيه وصب الزيت علي النار لانو الناس ما ناقصه هبل وكلام فارغ ولو عندك شغله تانيه امشي عليها (لكن ما اظن يا مزمل).....
اي انسان ما عاجبو الحال المايل بعبر بالطريقه البفدر ينفث بيها عن مكنون غليله ولو الاعيسر ما عايش الوسخ وحس بدونيتكم وجشع واليك ما كان عبر بالطريقه دي وانت اعجز من ان تلفت انتباه القائمين علي امر التلفزيون القومي للطريقه الاتكلم بيها الاعيسر والحكايه ما عايزه ليها مقال وصب زيت علي النار لانو الدنيا كلها شافت الحصل بمن فيهم مدير التلفزيون .....لكن انت نواياك وسط السطور واضحه وراعي الضان في الخلاء لو قرأ هشاشه مقالك ح يعرف قصدك شنو....المفروض تغيروا هبلكم انتو الاول وبعدين اتكلموا عن الباقين
دمرتو البلد الله يدمركم.......................


#917658 [الحوري]
5.00/5 (1 صوت)

02-17-2014 01:50 AM
مهزلة مين يا مزمز المهزله والبهدله الاتبهدلها المريخ اولي ان تكتب عنها لانك المسئول الاول عنها وذلك لانك نفخت في ارواح اشباح اسمهم لاعبي المريخ واقنعتهم قبل الغلابه بانهم عالميين ووقعت الطامه .. وجيت زي المشاطه عايز تفتن (الفتنه نائمه لعن الله من ايقظها) انا شخصيا حضرت البرنامج وكان واضحاًان هناك من قام بعرقلة نقل المباراه لخوفه من بهدلة المريخ بكمبالا والزول دا كلامو مثبت بالمستندات وكان شجاعاًوقدم استقالته ..لان السفير طلع كذاب وما بيستحق المنصب دا .اما انت يامزمز ياتمهيدي قوم بوووووول ..يااااااخ


#917648 [عارف عيدروس]
5.00/5 (2 صوت)

02-17-2014 01:19 AM
يا استاذ خلاص تركت العالمي وقبلت على قناه النيلين.. ماذا عن مهزله المريخ وخروجه من الدور التمهيدى


#917632 [محجوب عبدالمنعم حسن معني]
5.00/5 (1 صوت)

02-17-2014 12:52 AM
ياتو اعلام، الله يرحم الاعلام والاعلاميين، لمن كان عندنا اعلام وجرائد وصحافة واذاعة وتلفزيون ووكالة انباء ومراسلين، الاعلام امانة قبل كل شئ يا استاذ مزمل ابوالقاسم.

بلداً مافيها تمساح يقدل فيها الورل


مع مؤدتي


#917600 [العوض نميري]
0.00/5 (0 صوت)

02-17-2014 12:17 AM
ما حدث من مدير قناة النيلين من عدم احترام للقناة بالصياح والألفاظ الحادة ضد سفير السودان في يوغندا والحديث سمعه ملايين المشاهدين وانفعالات لاتليق بمسؤول كبير في قناة كبيرة ز

يجب اسماع ما دار للمسؤولين وايقاف هذا العبث الذي لايليق بمدير محطة مسؤولة أن يصل الى الصياح في قناة مبثوثة للعالم كله--- ما هذا العبث -- لابد من التحقيق والمساءلة فليست البلد فوضى حتى يصدر مثل هذا اللغو على الأثير--

لابد من التحقيق والمحاسبة فليس الاعلام سوق للفوضى والعنتريات .

ما لنا كل يوم ننحدر الى القاع ؟ اليس فينا رجل رشيد؟


#917585 [انصاري]
5.00/5 (2 صوت)

02-16-2014 11:56 PM
الغريب شنو..في ظل عصابة مسيطرة علي بلد وزعيم العصابة السفاح البشير مجرم حرب ومطلوب للمحكمة الجنائية الدولية بتهم الإبادة الجماعية والتطير العرقي..وإنت وأمثالك والإعسر وسليمان حاكم.. صحفي الغفلة بكثروا في التلج .. ما ياهو دة وشكم القبيح البشبهكم..والقادم أقبح...


#917584 [الصادق صديق الصادقين]
5.00/5 (1 صوت)

02-16-2014 11:54 PM
" سائلاً إياه: (البوديك من وراي للتلفزيون اليوغندي شنو)، وحلف بالطلاق أنه سيقول كلامه ولو تم جره إلى حبل المشنقة، وطالب السفير أن يكون شجاعاً ويقول الحقيقة، وقال له على رؤوس الأشهاد: (المنصب ده ما بتقعد فيهو)!!

* (بلد زي دي ما بتنفع معانا ذاتو).. (إنت ما بتدي الحقائق).. (لمن علي كرتي وداك لي يوغندا قال ليك فاوِض لي قناة خاصة).. (اتفضل أمشي يا زول بلا سفير بلا بتاع)!"
---------

دا شغل المديدة حرقتني!
المهزلة منكم فايته وين؟ إنت وخالد الأثنين من أسباب التردي الرياضي في البلد


#917578 [ابزرد]
0.00/5 (0 صوت)

02-16-2014 11:45 PM
فعلا الاعيسر كان غير موفق في ابداء وجهة نظره اعتقد ان عامل السن وحداثة التجربه لها اثر في اندفاعه ارجو له التوفيق في مجال اخر


#917569 [ماجد]
5.00/5 (1 صوت)

02-16-2014 11:29 PM
انته وربيبك الوالى ح تغطسو حجر المريخاب المساكين يابياع الوهم عاوزين تلغفوا قروش البلد تجيبوا بيها كاسات وبطولات وياناس الراكوبة ماتجيبوا لينا المرض امثال مزمل تانى......


ردود على ماجد
[ودام درمان] 02-17-2014 02:00 PM
عليكم الله الفرق شنو بين الاعيسر ومزمل؟ياخى ما شوف فضيحة خروج المسمى عالمى؟؟والله مقالتك فطيرة

United States [عمر] 02-17-2014 11:49 AM
نحن المريخاب راضين بي مزمل حارق فشفاش الصفراب والوالي رئيس طوالي . .
الراكوبة دي انت اشتريته عشان تقول يجيبو ده ويخلو ده يا صفرابي . .


مزمل أبو القاسم
مزمل أبو القاسم

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة