أعز الناس
02-19-2014 07:31 AM

(هيج رحيلو مع الغروب)
(إحساس غلبني إتحملو)
قلبي إتحسر عليه
وعيني بالدموع إتملو
ما هان عليك
مشوار ربيعنا تكملو
يا سودانا ليه الطيبين
لفراقنا ديمة يعجلو
مش كان الرحيل
تسيبو شوية تأجلو
ديل فرسان النضال
كِملو وخلاص إترجلو
ورغم قساوة المشوار
ما بح الصوت الحِلو
الدنيا عماها الأسي
وبي سوادها إتكحلو
فارقنا النغم الشجي
وين نلقاه ياخ نتأملو
من بعدك خلاص
ما عرفنا إيه النعملو
وآأسفاي علي الحلوين
من دنيانا راحو وعزلو
ليه إنتو يا الزينين
ديمة تسافروا وترحلو
منو البعدكم بكون غناي
وللشعب ديمة يعلمو
السودان بيهتف ليك
دوام عن حبك أسألو
يا نور العين
إنت وينك وين
يا أعز الناس
حبايبك نحنا
كيف ترحل
تسيبنا في محنه
معاك غنينا
ياما فرحنا
وبعدك كيفن
نداوي جرحنا
غبت الليلة
ومعاكا سمحنا
ضعت وضاع
الوطن وقِمِحنا
وآأسفاي غاب
جميل السِحنه
بعد ما دبنا
في هواهو وسِحنا
ياريتنا رُحنا
زمان و إرتحنا
يا أعز الناس
حبايبك نحنا
بلاك السودان
دوام في محنه
[email protected]


تعليقات 3 | إهداء 0 | زيارات 798

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#920226 [تينا]
0.00/5 (0 صوت)

02-19-2014 03:54 PM
لك الشكر ... قصيدة جميلة جدا ... الله يرحمه ويغفر له ويجعله من أصحاب اليمين ... وردى الوطن ...


#919913 [مدحت عروة]
0.00/5 (0 صوت)

02-19-2014 10:45 AM
حسين شنقراى لك التحية
بالغت عديل كده فى قصيدتك هذه
والله يديك العافية
ويرحم ورى ويدخله فسيح جناته برحمته
واصبح الصبح والسجن والسجان لسع باقين الله ياخذهم اخذ عزيز مقتدر


ردود على مدحت عروة
[حسين شنقراي] 02-19-2014 05:14 PM
تسلم يا مدحت لك التحايا والود زمن فرقنا نسأل الله ان يزيل الغم الكاتم أنفاس الشعب السوداني ونعود جميعا للوطن كما كنا نرتع في مرابعه فرحا وإبتهاجا لك السلام


#919832 [الوجع الخرافي]
0.00/5 (0 صوت)

02-19-2014 09:57 AM
اللهم أرحمه وأغفر له ...

وأرحم كل سوداني حادب على السودان ...

غادر دار الفناء ...

وأرحم السودان الذي كان وطناً واحداً ...


ردود على الوجع الخرافي
[حسين شنقراي] 02-19-2014 05:16 PM
له الرحمه ولك الشكر وهؤلاء هم الوجع الخرافي الله يزيلهم وتسلم من كل شر


حسين شنقراي
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة