المقالات
مكتبة كتاب المقالات والأعمدة
شوقي بدري
يا الترابي اركب اول وبعدين لولح كريعاتك
يا الترابي اركب اول وبعدين لولح كريعاتك
02-22-2014 08:23 AM


الترابي بدا في التصريحات . حقد الترابي علي علي عثمان جعله يتنازل عن كل شي لكي يتشفي باهانته . انه مثل الراقصة سالومي التي رقصت للحاكم الروماني اعلانا لتسليمها نفسها له . والثمن كان رأس النبي يحيي المعمدان الذي عمد سيدنا المسيح . وسالومي حقدت علي سيدنا يحيي لانه وصف والدتها زوجة الحاكم بانها عاهرة . ولقد فاق حقد الترابي علي علي عثمان حقده القديم علي كل الشعب السوداني . ولقد قال الترابي علي رؤوس الاشهاد عن علي عثمان ,, انحنا علمناه كل حاجة . بس ما علمناه الوفاء . لانه اتربي بي موز القرود ولحم الاسود ,, وهذه تهمة موجهة الي سوداني بسيط كان يعمل في حديقة الحيوان في الخرطوم . وتعني ان والد علي عثمان يسرق موز القرود واللحم المخصص لاطعام الاسود . ولماذا لم يتطرق الترابي لتلك السرقات من قبل ؟؟ وكل ما كوز ينطرد يبدا في الردحي وكشف الفساد والسرقات . طيب انت زمان شلوفتك مدقوقة جديد . ولماذا صار السودانيون يعيرون بعضهم بالفقركلنا احفاد الترابلة والرعاة والجياع . ومن سكن منا المدن سكن في بيوت الجالوص . لانه لم يكن هنالك غيرها في امدرمان مثلا .
القائمة التي يريد الترابي ان يأكل كبدتها ، طويلة . احدهم عثمان مصطفي شحادين . وطال الزمن ام قصر .......... الخ ولن يكتفي الترابي بطردهم فقط ولكن حيكون فندكه وغربال . وحيشبع فيهم سف وقرش . وستكون هنالك تصفيات نفوس وحسابات .
الترابي بدا يتصرف وكانه الحاكم الفعلي للسودان . والحقيقة انه العن واخبث سوداني . وهو لاعب في مجموعة عالية البراعة مكونة من شخص واحد هو الترابي . لكن مش كان يصبر لحد ما يركب بعدين يلولح كريعاتو . السياسة ما مضمونة ، بالرغم من ان الصادق دائما في جيب الترابي . ولقد رسمت هذه الخطة في اجتماع جنيف بين الصادق والترابي الذي نظمه الفاتح احمد حسن الموجود في الخرطوم والدولة استخرجت شهادة وفاته بسبب مطاردة البوليس الدولي .
ولا تزال هنالك مطبات . الترابي ولع دارفور . ذي المرة القطيتا حرقت وقالت عجبني للمرقوت . الجنجويد قاعدين وديل كل الوكت فهموهم انو الترابي هو العمل كل المشاكل وهو عدوهم الاول . والجنجويد اولاد علي عثمان . فبل كم يوم ادوهم حق الفطور . وبعد ما يخلص ؟؟؟. وثأر بولاد لم يحسم . والعدل والمساواة محاربي دارفور والجبهة الثورية لن يغفروا دماء اهلهم ولن يفتحوا ازرعهم للجنجويد . ولن ننسي قتل 2 مليون من اهلنا في الجنوب . ولن ننسي مذابح جنوب النيل الازرق واهلنا النوبة والنوبيين وشرق السودان.
ولا يكفي الاعتزار . وحتي الشريعة المجغمسة التي اتي بها الترابي مع نميري او مع الانقاذ لاتسقط الدماء المسفوكة . والمرة دي مش ذي اكتوبر غش وخداع ن لعدم التوثيق . كل شئ مسجل الآن . من الشهداء الذين صاروا فطائسا الي حديث الغرباوية . واتهام وزراء البشير بالسرقة والنهب .
اهم حاجة عند السوداني هي كرامتو . وضح بدون اي شك بأن الصادق والبشير والترابي نفسهم ساقطة ذي ما بقولوا في السودان لمن يلقوا السلطة ما بيقدروا يقاوموا . ابو سلمون او المحامي احمد سليمان رجمة الله عليه . كان شيوعيا وصار انقاذيا . قالوا له بانه انسان محبوب خفيف الروح ومحامي ناجح لماذا يشقي نفسه بالجري خلف السلطة ؟؟ رده كان ,, انتو ما عشان ما جربتوها ساكت . السلطة حلوة البضوقا ما بقدر يخليها ,,. ولم اذكر الميرغني لان موضوعه واضح من زمان . ما بحب التعب ولا الاكل الكعب . لقد ظهرت الالوان واضحة . وانتهت الضبابية . اي انسان في خندق الانقاذ تحت اي مسميات هو خائن لدماء الشهدا والمهمشين وللشعب السوداني .
ع . س . شوقي
[email protected]


تعليقات 27 | إهداء 0 | زيارات 5871

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#924443 [ابو خالد]
1.00/5 (1 صوت)

02-24-2014 01:22 AM
التحية لك وموز القرود ولحم الاسود فهمناها الترابى من صرف علية ومن يصرف علية الان وعلى كل حال على عثمان بقى نايب رئيس الجمهورية وهذا فخر لكل ابناء الخفراء والعتالة الذيى وزيك ولك التحية


#924197 [المتفائلة جدا]
3.00/5 (2 صوت)

02-23-2014 06:40 PM
الله يرحم الشريف حسين حين تنبأ قبل أكثر من ثلاثين عاما وقال إنه خايف على الشعب السودانى من فتن حسن الترابى .وقال أيضا أن الصادق سيشبع الشعب السودانى فى الكلام لكنه لن يفعل شيئاللشعب..
عارف ياأستاذ شوقى الترابى ده صدق فيه المثل البقول حبسوه فى كيس مع إبليس طلع إبليس منه يستغيث...
غايتو ربنا يستر ما عارفين حيعوث شنو فى الأيام الجاية؟؟؟


ردود على المتفائلة جدا
[shawgi badri] 02-23-2014 09:41 PM
المتفائلة لك التحية ز الهندي قال ,, انا خيف علي البلد دي من الصادق وصهره الطفل الملتحي ,و وقال ان الصادق يحب الاضواء . وعلشان كده لو شاف جنازة كبيرة يتمني يكون هو الميت


#924149 [حسن سليمان]
1.00/5 (1 صوت)

02-23-2014 05:42 PM
للذين يلعنون في ثلاثي الهم متمنين موتهم وكانه سوف تنتهي ماسأة السودان بوفاة هؤلاء متخيلين الصادق المهدي والميرغني والترابي وقعوا عليكهم من السماء هؤلاء وارثين الحكم اب عن جد يعني الصادق المهدي ومحمد عثمان الميرغني بحكموك قبل ما يتولدو وبعد ما يموتوا حيكموكم وبنفس البضاعة الفاسدة المغلفة بالدين تباع للشعب السوداني أكثر من عشرة مرات خلال 100عام ... مرة باسم المهدي المنتظر (آل المهدي) ومرة باسم احفاد الرسول (آل الميرغني)ومرة باسم الشيخ العصري المجدد للدين (الترابي) كل مرة والشعب يهتف (الله اكبر) (وهي لله) (ولن نصادق الا الصادق) (وعاش ابوهاشم) شعب ساذج لدرجة الغباء قايتو الله يصبرنا على قدرنا


#924136 [عبدو]
3.00/5 (2 صوت)

02-23-2014 05:29 PM
موز القرود ولحم الاسود دي قوية يا عم شوية
هههههههههههههههههههههههههه
اول مره اسمع بيها


#924109 [عصمتووف]
5.00/5 (1 صوت)

02-23-2014 04:49 PM
ي عمنا الترابي من زمان بلوح لينا بقلقاتو


#923750 [ابكررر]
5.00/5 (1 صوت)

02-23-2014 11:07 AM
لا مناسبة للتشبيه بين قصص الانبياء و ما يفعله هؤلاء


#923686 [ود صالح]
5.00/5 (1 صوت)

02-23-2014 10:07 AM
شكراً للأستاذ شوقي بدري وللكتابة بدون غتغتة ودائماً دغري كما عرفناك متّعك الله بالصحّة والعافية وإعادة كتابة تاريخ السودان غير المدغمس في إنتظارك.


#923592 [عادل الامين]
5.00/5 (1 صوت)

02-23-2014 08:12 AM
اقتباس(((اهم حاجة عند السوداني هي كرامتو . وضح بدون اي شك بأن الصادق والبشير والترابي نفسهم ساقطة ذي ما بقولوا في السودان لمن يلقوا السلطة ما بيقدروا يقاوموا ))) انتهى لاقتباس
شفت ده اجمل تشخيص للسودان القديم ومخازيهيا عمنا شوقي الثلاثة ديل وااااااااااااااحد"الفي ايده القلم ما بكتب نفسه شقي"
المشلة في قوى السودان الجديد واليسار المازوم العول عليهم من2005 ولحدي الان بعد تبين الخيط الاسود من الخيط الابيض من الفجر


#923530 [اسامة على]
5.00/5 (1 صوت)

02-23-2014 02:26 AM
لو الترابى هاوز يصفى حساباتو مع زمرة على عثمان هم برضو قد يكون عندهم ملفات خطيرة ضده قديمة وحديثة- لانى قريت لاحد اتباع على عثمان تعليق ساخر فى (سودان نت ) ردا على عنتريات الترابى الجديدة حيث كتب (( الشيخ دا الايام دى مالو صوتو بقى اعلا من صوت الكشكوش؟ )....
....غايتو البعيش بشوف










9


ردود على اسامة على
[shawgi badri] 02-23-2014 10:15 PM
يا اسامة يا اخوي الترابي الكلام ما بيهموا . الترابي مرمط الصادق والصادق قال ختوه في الشمس وبعد تعب دخلوه الضل وسالوه من اسمو . العنده العسكر والسلطة هو البقرر . المثل السوداني بيقول كان الباشا دارك العسكر بتتبارك .


#923504 [كمونية]
0.00/5 (0 صوت)

02-23-2014 01:26 AM
لو مامات الصادق والترابى والميرغنى ماف حل للسودان . ديل سبب كل البلاوى


#923480 [abelazim mekki]
5.00/5 (1 صوت)

02-23-2014 12:38 AM
اي انسان في خندق الانقاذ تحت اي مسميات هو خائن لدماء الشهدا والمهمشين وللشعب السوداني .


#923357 [محمد السر]
5.00/5 (1 صوت)

02-22-2014 09:51 PM
يا ريت لو الشعب السوداني كون حزب سياسي ما عنده علاقة بالسياسة " شفت كيف " .. و كل الناس تنصرف إلي خدمة المجتمع و إحياء السلام و المحبة .. هذا الحزب نسميه مثلا " حزب البهجة " ..
أنا جادي يا خوانا ..
لك التحايا الطيبات عم شوقي ..


#923221 [Dr Abdul Khaliq]
0.00/5 (0 صوت)

02-22-2014 06:27 PM
أيضاً يمكن اتهام مقالك بالجغمسة.. فالحوار مع الحزب الحاكم لا يعني التنازل عن المظالم.. لا أدري من أين أتيت بأن الترابي يتصرف كحاكم فعلي و أن الصادق في جيبه, لأن الواقع يقول أن الأوضاع لم تراوح مكانها بعد و أن الحوار الجدي لم يبدأ لينبئ بما سيؤول إليه الحال


ردود على Dr Abdul Khaliq
United States [shawgi badri] 02-23-2014 01:10 AM
الترابي من الاول بدأ يطالب الناس بالسماح وعفي الله عن ما سلف . ولقد بدا الحوار مع البشير بعد ان طرد البشير علي عثمان ونافع . وكل رجال الامن الذين يناصرون علي عثمان . يعني انحنا الا يشختوا لينا في الواطا علشان نقرا الحاصل . مقالي مش مجغمس المقال كعب . لكن هل يمكن ضحض الحقائق ؟؟ حاول .


#923114 [محسن محمد]
5.00/5 (2 صوت)

02-22-2014 03:56 PM
استاذنا شوقي متعك الله بالصحة والعافية انا من المداومين علي كتابات حقا انها درر وحقيقة انها متنفسنا في الغربة فنسالك بالله المداومة وعدم الانقطاع والتاخير علينا بالاطلالة ولو تعرف قلمك بعمل فينا ايه لكتبت مقال كل يوم ولك الود42


#923087 [خالد حسن]
0.00/5 (0 صوت)

02-22-2014 03:14 PM
المختصر المفيد


#923015 [ELFATIH]
0.00/5 (0 صوت)

02-22-2014 01:49 PM
ممكن لو سمحت تكتب لينا عن الكف الاداهو قاسم بدرى لبت الحفاد الكانت بتتظاهر فى احداث سبتمبر الفات والمقطع بتاع الفيديو موجود ومعروض في اليوتوب مش نظام قالو لى وحكو لى


ردود على ELFATIH
United States [moy ako] 02-23-2014 11:43 AM
الاخ شوقي
لاتحتاج لتدافع عن البروف. قاسم بدري والرد على هذا الهراء (بالمناسبه وينو اليوتيوب ياكذاب؟).
قاسم يقضى يومو خنق من الصباح حتي العشيه من اجل توفير موارد هي شحيحه اصلا لدراسه بناتنا. واعلم كثير من حالات الايتام و بنات الاقاليم الذين يدرسون بالمجان او بمبلغ رمزي نتيجه لامضاء قاسم بدري وبدون ان يبالي ممايدخل حسابات الجامعه في مشاكل كثيره. قاسم بدري نحن كسودانيين نفتخر به مش بس انتم ال بدري. فله منا كل التحيه والاحترام.

United States [shawgi badri] 02-23-2014 01:03 AM
اعيد كتابة الرد الذي لم ينشر ز اجد الامر جد غريب ان اطالب بتوضيح ما قام به الاخرون . انا لم اسمع بكف او روسية ,. قاسم اصغر مني لكنه رأسي ورأس اسرتنا لانه متجرد ومقدام ومعطاء ومتواضع . قدم ملا يمكن ان احلم بالتفكير في عمله . له اخطائه وذنوبه والحمد لله . من آل بدري من كنت ارفض مصافحتهم ومنهم من احتقر .. هل تظن ان موضوع قاسم سيجعلني اخجل .
قاسم لايقبل نقد الصادق . انا اقول ان الصادق اسوأ من الجراد والقحط . بسبب نرجسيته وصل السودان الي ما وصل اليه .

[shawgi badri] 02-22-2014 05:04 PM
الغالي الغالي علي لك كل الاحترام . لقد تعلمت منك ونحن لانزال من زغب الحواصل ان نقول الحق . لقد كتبت انت في جريدتك الحائطية في مدرسة ملكال الوسطي عن تغول ابناء السنة الرابعة علي حقوق الآ خرين في الميادين والمناشط . وكنت ان من اولاد السنة الرابعة . وكنت اري رأيك صحيحا . ولم تخف ولم تتراجع وكنت وقتها رقيق العود . واعجبتني شجاعتك .
انت تركت منصب السفير . ولم تطبل او تجبن امام الانقاذ . لانك اهلك من دار محارب شجعان . لاتخدعهم الدنيا . سنثقول الحق دائما . لان اهلنا علمونا قول الحق . لك اخلع دائما قبعتي


#923009 [من المركز]
0.00/5 (0 صوت)

02-22-2014 01:45 PM
خير الكلام ما قل ودل كلهم فليذهبوا الي ......
الا لعنة الله علي الظالمين


#922945 [ELFATIH]
0.00/5 (0 صوت)

02-22-2014 12:57 PM
الاحزاب السياسية ليست جمعيات خيريه واي زول منضمى لحزب سياسى بالتاكيد وبالبداهة يسعى للسلطه فماهو العيب لشخص يسعى للسلطه عبر الطرق الشرعيه


#922909 [أرسطو]
5.00/5 (2 صوت)

02-22-2014 12:21 PM
يا حبيبنا شوقى - نحن رافعين أكف الضراعة ليل نهار لكى ينصر الله الشيخ الجريح و يمكنه من (حوارى )الامس - لكى نجلس فوق الحيطة و نقزقز تسالى و نستمتع بقسوة الانتقام - قول معاى آمييين .


ردود على أرسطو
European Union [Wadalfa7al] 02-22-2014 02:08 PM
آمييييييييييييييييييييييييييين


#922897 [المسافر عينه قوية]
5.00/5 (1 صوت)

02-22-2014 12:17 PM
اوافقك عم شوقى حتى لو كان على عثمان زول خبيث فى النهاية هو واحد من تلاميذ الترابى الاتربوا على يديه. طموح الترابى نحو السلطة وتثبيت الكيان الذى انشأه قاد لتدمير السودان. هو المسئول الاول والاخير عن كل ما يحدث الان. اثبت اقصاء على عثمان ان صراع الاسلاميين لا مبادئ او قيم فيه. هو صراع كراسى ومكاسب دنيا. الشعب السودانى السمكين لا ناقة له فيه ولا جمل.


#922883 [ابوبكر حسن]
5.00/5 (2 صوت)

02-22-2014 12:14 PM
الله أديك العافية أستاذ شوقي إبراهيم بدري على رأيك الدغري الصحيح الصريح في هؤلاء الأقزام المسلطين على رقاب هذا الشعب الصبور الزاهد الغلبان ! ولولا هذه الصفات لما عاش هؤلاء الدجالون كل هذه السنين يتلاعبون بمصير بلد عظيم يدعى السودان ! متى يصحو العملاق من غفوته... ؟!
دعني أجيب : حتما سيصحو ويلغي بهم إلى الجحيم .


#922812 [osama dai elnaiem]
5.00/5 (2 صوت)

02-22-2014 11:33 AM
اخي الاستاذ شوقي-- لك التحية --- باذن الواحد الاحد كل مكرهم سيرتد اليهم وهناك مكر خير الماكرين جلت قدرته وعظم شانه سيخرج لهم اية تاكل ما صنعوا ولا يفلح الساحر فالشعب السوداني الذي نعرفه لا يستأهل ما يقوم به الترابي وعمر البشير بدم بارد وبلا خوف من عذاب او حتي تانيب ضمير لايقاف العبث-- اللهم عليك بهم


ردود على osama dai elnaiem
[shawgi badri] 02-22-2014 04:05 PM
الغالي الغالي علي لك كل الاحترام . لقد تعلمت منك ونحن لانزال من زغب الحواصل ان نقول الحق . لقد كتبت انت في جريدتك الحائطية في مدرسة ملكال الوسطي عن تغول ابناء السنة الرابعة علي حقوق الآ خرين في الميادين والمناشط . وكنت ان من اولاد السنة الرابعة . وكنت اري رأيك صحيحا . ولم تخف ولم تتراجع وكنت وقتها رقيق العود . واعجبتني شجاعتك .
انت تركت منصب السفير . ولم تطبل او تجبن امام الانقاذ . لانك اهلك من دار محارب شجعان . لاتخدعهم الدنيا . سنثقول الحق دائما . لان اهلنا علمونا قول الحق . لك اخلع دائما قبعتي


#922805 [على حمد ابراهيم]
5.00/5 (2 صوت)

02-22-2014 11:27 AM
تعيش انت ياشوقى وانت تكتب السهل الممتنع من الكلام الدوغرى الغير مدغمس .الديناصورات التاريخية بدأت تحرك ديلها كما يقول اخواننا اولاد بمبة . واملهم ان تتطيح القوى الحديثة بنظام البشير بغتة وتقوم هى بسرقة الثورة مثلما سرقت ثورتى اكتوبر وابريل . لكن هيهات . لقد فتحت الانقاذ عيوننا بما كشفت لنا من عيوب الديناصورات التاريخية وضعفها وخورها وجبنها من المواجهة . الا يسعدك ياشوقى ان اخوك البدوى الذى ضلّ طريقه الى الدبلوماسية صار اول المرتدين . لقد تربى على سجايا أهله الذين يمقتون الجبن والجبناء والممثلين الذين يتغطون بألألقاب المموهة وهم عراة امام الجميع الا امام انفسهم .


ردود على على حمد ابراهيم
[shawgi badri] 02-22-2014 04:03 PM
الغالي الغالي علي لك كل الاحترام . لقد تعلمت منك ونحن لانزال من زغب الحواصل ان نقول الحق . لقد كتبت انت في جريدتك الحائطية في مدرسة ملكال الوسطي عن تغول ابناء السنة الرابعة علي حقوق الآ خرين في الميادين والمناشط . وكنت ان من اولاد السنة الرابعة . وكنت اري رأيك صحيحا . ولم تخف ولم تتراجع وكنت وقتها رقيق العود . واعجبتني شجاعتك .
انت تركت منصب السفير . ولم تطبل او تجبن امام الانقاذ . لانك اهلك من دار محارب شجعان . لاتخدعهم الدنيا . سنثقول الحق دائما . لان اهلنا علمونا قول الحق . لك اخلع دائما قبعتي


#922780 [عزالدين صغيرون]
5.00/5 (1 صوت)

02-22-2014 10:59 AM
دا الكلام .......


#922740 [سوداني وأفتخر]
0.00/5 (0 صوت)

02-22-2014 10:00 AM
كثرة التكرار واللت والعجن والدوران في نفس المكان لا يأتي بأي نتيجة مثمرة أرجو الكتابة فيما ينفع ويفيد الوطن ويخرجه من هذه المتاهة لك ودي وتقديري .


ردود على سوداني وأفتخر
United States [shawgi badri] 02-22-2014 03:39 PM
العزيز سوداني ورينا ما هو الذي يفيد وينفع ا لوطن لكي نكتب عنه . قالو القعونجة قدر نطتها . هذه قدرتنا في الفهم. نعمل شنو ؟؟؟


#922725 [ELFATIH]
5.00/5 (1 صوت)

02-22-2014 09:43 AM
انت لو ماحشرت اسم الصادق ده بطنك مابتبرد


ردود على ELFATIH
United States [عمدة] 02-22-2014 04:54 PM
انت شكلك (المرحوم) الفاتح أحمد حسن

United States [أبوسارة] 02-22-2014 12:37 PM
الصادق جزء من المشكلة. هم الصادق كلو إنو يحكم و يستمر أبناء المهدي يحكمون البلد إلي ما شاء الله و تحديداً أبناءه, لذا عقد حلفاً و إتفاق جنتلمان مع الإنقاذ و بموجبه تم تعيين أبناءه في الحكومة. و الصادق هو مستشار الحكومة و يعتقد حتي الآن أنه رئيس للبلد.
الإتفاق الأخير الذي تم بموجبه إبعاد علي عثمان و نافع و جماعتهم يقضي أن تحكم الطوائف الثلاثة مع بعض و هي ( الأنصار و حزب الأمة بقيادة الصادق المهدي - الختمية و الحزب الإتحادي بقيادة الميرغني - الجبهة الإسلامية بقيادة الترابي ). علي أن يبقي عمر البشير طرطور Figurehead. و المقابل هو حمايته من الملاحقة الجنائية. مسكين هذا الرجل الذي ورطوه في مهمة هي أكبر منه. لن يقدر علي الإستقالة و ينكشف ظهره و يقاد إلي لاهاي و سيبقي ألعوبة في يدي الصادق المهدي و الترابي.

إن مشكلة السودان أننا لا زلنا في مرحلة البداوة السياسية, لذا تتحكم فينا هذه البيوت التي تصاهرت فيما بينها و تعمل علي رعاية مصالحها.
لك الله يا بلدي !


#922723 [Mohammed Makki]
0.00/5 (0 صوت)

02-22-2014 09:41 AM
وانت أيضاً من الممكن اتهامك بالحقد والتعصب...., رغم عدم حبي لاداء الصادق المهدي في الشان العام, إلا أنه ما دخله بموضوعك؟؟؟, لقد أدخله حقدك الاعمى لعلمك أن الاساءة للترابي تجارة رائجة في الاسافير, من حق الترابي والبشير أن يتحالفوا لأن الترابي رأى عدم مبدئية العلمانيين وعدم ايمانهم بالديمقراطية إلا عندما تأتي بهم أو باصدقائهم, لقد رأينا موقفكم من الانقلاب في مصر!!, لقد سقطت ورقة التوت عن الكثير من من كنا نجلهم ونحترم كتاباتهم عن الحرية والديمقراطية, الغريب أن العلمانيين في الغرب رغم مافعله الاسلاميين بهم إلا انهم حكموا ضميرهم, شعر الترابي أن المعارضة اليسارية سوف تقتله وجماعته وسوف لن يطبقوا شيئاً مما يتحدثون عنه من شعارات...!!

ملحوطة:
قام حزب الامة, الشيوعي, حزب البعث والجبهة الاسلامية بانقلابات عسكرية..
قام الحزب الشيوعي بانقلاب لانه كان يدافع عن نفسه من الهلاك بعد ان عطلت الديمقراطية وتم طرد نوابه المنتخبين من البرلمان.
قامت الجبهة الاسلامية بانقلاب بعد أن تدخل الجيش في السياسة وأراد طرد الحزب من الحكومة (هذا بالضبط ما فعله العسكر في مصر بدعم العلمانيين).

الخلاصة:
نحتاج للمبدئية لبناء وطن ما!


ردود على Mohammed Makki
United States [shawgi badri] 02-22-2014 03:52 PM
طبعا يمكن اتهامي بالحقد والتعصب . انا احقد علي من سرقوا الوطن واكتنزوا المال وشنوا الحروب علي الشعب السوداني واتوا بالصالح العام وشردوا الناس . وفتحوا بيوت الاشباح واغتصبوا الرجال قبل النساء . قيام الحزب الشيوعي بانقلاب ادنته . واشتراك الشيوعيين في ود نوباوي وتهليلهم لضرب الجزيرة ابا . ادنته امام الشيوعيين .
الصادق يحشر نفسه في كل شئ والآن لا يحترم دماء شهداء سبتمبر ويضع يده في يد السفاح البشير . ده شي كويس ؟؟ انا ما مسئول عن تصرفات الشيوعيين او البعثيين .انا لست بعضو في احد الحزبين . ولسي عضوا في اي تنظيم سياسي او اي حزب علماني او فرتكاني . سمح .؟؟

[مواطن] 02-22-2014 11:39 AM
الشيوعيون والبعثيون وان صنعوا انقلابات عسكرية ليسوا لصوصا يسرقون أموال الشعب كما فعلت الجبهة الاسلاموية .. لبناء السودان على الكيزان ارجاع كل ما نهبوه من أموال والا القصاص ..


شوقي بدري
شوقي بدري

مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة