المقالات
منوعات
مناشده لكل معجبي الاستاذ ابو عركي البخيت
مناشده لكل معجبي الاستاذ ابو عركي البخيت
02-23-2014 06:39 AM


عندك رغبه تساهم في انشاء موقع جميل ومرتب للاستاذ ابو عركي البخيت؟

عايز تكون واحد من القائمين بي امر الموقع؟

طيب بسيطه

لو عندك اي شئ بخص ابو عركي البخيت

أغنيه او مقال او صوره

او اي شئ انت شايف انو مفيد بس رسلو علي الاميل دا

[email protected]

بس كمان عشان تساعدنا اكتر

اكتب اسماء الاغاني المرسلها في عنوان الرساله

عشان يبقي اسهل للمستلم انو يعرف كل اميل يجيهو فيهو شنو

انت لسع داير تشارك وقاعد؟

طيب منتظر شنو ؟

ياخي رســـــــــــل

ــــــــــــــــ


[email protected]


تعليقات 7 | إهداء 0 | زيارات 2948

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#924304 [أبومصطفى جيفارا]
0.00/5 (0 صوت)

02-23-2014 09:39 PM
أيها المسكون...بحزن الآهة ..المتدفقة...من ...نبض الحشاشة...أيها...المترع...بشمس..البشاشة...
تُورقُ ...فلً...وياسمين..تُشرقُ...مقاطع شدوٍ...حزين...تمجد خطى ...العاشقين...تمَسحُ عن ..الجبين..
جبين ...نبتة ...بكفين ..من ...حنين...ظلم...السنين...
غدا...نعود بنو عذرة... كما كنا...يعود الرحيق لكل زهرة...العبير لكل وردة...والدروب تزهر..بعد جدبها...
عن حبيتي... بحكي...ليكم ... ويمتد...الحنين..عاصفا...والتلهف ..جارفا...وتبقى..عذارى ..نبتة...عشقا
الروح...ونبقى ..كما كنا ...رغم ..النزوح...نخاف ...نخاف.....بعشقنا ..نبوح.....نخاف...تمضي ..عنا..تروح
هذا بعض ..ما سرى..بين ..مسام.. الجسد ...والروح...للساكن دواخلنا ...دوما ...بحسه المرهف....لله در ..نبتة
دوما ...تنجب ...ذوات مشرقة...بالإبداع..مزهرة...مورقة...

(تعالوا نغني غنا الأيام الجايات كتير ونفرح بيها سماء السودان.... نفكر أيه البيحصل في السودان ..الجوع المرض... الخوف ...الشك... عدم اطمئنان.. هد الإنسان )

خاتمة::--
أتت فتلقاها...ودوما المحب لوصل الحبيب يسارعُ
أتت فحياها..بِشِرأ وارتعشت بين راحتيها أصابعهُ
قالت.. لو فرق الدهر... بينا..بربك ما أنت... صانعُ
قال لا أتى دهرُ..يفرقُ..وتسكبُ... فيه....المدامعُ
دونكِ...لا قيل ....شعرُ...ولا صِيغت.......مقاطعهُ


#924279 [الراجل]
0.00/5 (0 صوت)

02-23-2014 09:06 PM
ابو عركى هذا الانسان المعطون بالخير والجمال والحب مفروض نعمل ليه تمثال امام دار الفنانين متعك الله بالصحة والعافية يا ايها الجميل


#924021 [أحمد الرضي]
0.00/5 (0 صوت)

02-23-2014 02:56 PM
ابو عركي الذي يعطينا الأمل والبسمة ويذكرنا أن الجمال لازالت له أماكن في بلادنا له حبي وتقديري ونسأل الله أن يحفظه لنا ولشعبنا أيقونةً للإلتزام والجمال


#923987 [كمبال محمد الامين الريح]
0.00/5 (0 صوت)

02-23-2014 02:20 PM
الاعزاء محرري الراكوبة لكم التحايا
ارسل لكم قصيدتى هذة واتمني منكم النشر --بعنوان
ارض العز)
ارض العز
---
ممجد ونهواهو سودانا عزيز الروح وكل أمالنا
نرعاهو بعينينا ونهتف بيهو في احلامنا وترحالنا
ونلقاهو في دموع سعد افراحنا وحزن أتراحنا
فيهو تتلاقي نسائم النيل البيسعد بيها أطفالنا
وقتين تقوم أماتنا دغش صباح لاح في ديارنا
شا يلين في الجبين الوان الفرح البتجمل أحوالنا
يحلبو ضريع لبن يفك الريق ويعيشوا ويتربوا عليهو جنياتنا
ويكبرو أمام عينينا ما بين حجواتنا ودعواتنا
و ريحة طين الجروف تناديهم لما يفيض موج النيل بأمالنا
والسعادة والعافية تعم في بلادنا
ومناى تدوم لمستقبل أجيالنا
ولما ينزل مطر الخير لرجال يشدو الحيل
يشمرو ساعدهم في همة وأخلاص ويزرعوا الارض وتهدينا زادنا
ونلمح صورتك ياوطن وننسي جراحاتنا
لما تتلاقي السرة مع عم الزين و يشيلوا العرضة فوق بلداتنا
ونشوف مركب رئيسنا حسين جاية من ضفاف جزائر قلب النيل شايلة طيب الارض لضفافنا----
وقت كنا نلهو في صراع مع أمواج تتلاطم
وأيادينا شراع تشق عناد الموج لنرضي شقاوتنا ونريح ارواحنا
وتمازحنا من بعيد الحان منسابة لصوت سواقي حنينة يداعبنا ويزيد أمانينا وفالنا
ا
وتجيك زغرودة ست الجيل تهل وتبشر بسنابل بشائر الخير تسعدنا في ليلة أمنا
وطن بحنانة زائد حياتنا بهجة وريدو شاغل بالنا
مالي صفحة التاريخ عنوان وفي نفوسنا أبد علينا ماهانا
وفي العزة وساعة الحوبة تشهد ليهو طابية امدرمان في وش الطغاة لاتراخى ولا لانا
عمرو ما قصر معاناولاعشنا في مظنة ولا لمناهو ولا هو لامنا
وطن في ربوعة نتلم انشاء اللة لينا يسلم ويتهنا فيهواحفادنا
ويمشى معانا مع الايام وبقدم السعد يزين خطواتنا
ما يفارقنا لحظة ويدوم ترحالة معانا فى أعماقنا طول ايامنا
وطن العز شامخ جوانا عبر التاريخ شموخ نخيلاتنا
لبوا فية النداء بالروح ضد الغزاة اجدادنا
وجادت أرضة بالرجال من بعانخى و للمهدى ابطالنا وهالة عز أمجادنا---الشاعر كمبال محمد الامين
مهداه للفنان ابوعركى البخيت---


#923943 [ابو الشيخ]
0.00/5 (0 صوت)

02-23-2014 01:32 PM
اناغايتو ما عارف لكن واحد قال لى ابوعركى ده ساكن الحتانه

لو الكلام ده صاح انا بمشى ليك ليه فى بيتو لانو انا كمان ساكن الحتانه وحا ألملم ليك منو ما يفيدك

فى مسعاك النبيل ده

ودى


#923807 [Abu sami]
0.00/5 (0 صوت)

02-23-2014 11:53 AM
الحمدلله بسيطه .كنت خايف أصابه مكروه. بخاف أسأل عليك الناس و سر الريده بينا يزيع و اخاف اكتر كمان يا غالى من ايديا انت تضيع..... الخ . هذا الفنان الرائع ندعو الله أن يعطيه الصحة و العافية.


#923612 [factman]
0.00/5 (0 صوت)

02-23-2014 08:43 AM
ياخي خلعتنا بالعنوان قلنا الاستاذ اصابه مكروه -علي المستوي الشخصي - حفظه الله من كل مكروه كان يمكن العنوان يكون بطريقة مباشرة وبسيطة انك او اي مجموعة من المعجبين بصدد انشاء موقع علي الويب يليق بعركي البخيت .علي العموم نشكرك علي طرح الفكرة وتقبل تحياتي وارجو ان يوفقك الله وكل المحبين للاستاذ ابوعركي وليحفظه الله من كل مكروه .


عاطف عبدون
مساحة اعلانية





الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة