عصام الصديق ... معقباً
02-25-2014 07:23 AM


::(الأخ رئيس التحرير، السلام عليكم ورحمة الله.. أورد الاستاذ الطاهر ساتي ارقاما لدراسه قال انها اعدت اول اغسطس ٢٠٠٠ اوصت بتقديم وقت العمل ساعه صيفا ليبدا (6:30 صباحا) بالتوقيت الدولي، اي دون الحاجه الي (جر الساعه)، وطيب ما ده مطبق منذ بدا البكور في عام ٢٠٠٠ وحتي اليوم، وهو ما اوصي به مؤتمر المواقيت، وقدمت فيه ( ١٦ ورقه علميه) لفضل البكور علي مجمل النشاط الانساني وتراسه عصام صديق وهو اقرب لما ظل يقوله ببدا العمل مع الشروق صيفا، والمحير ان دراسته التي اوردها تقول ارقامها بعدم جدوي البكور ورغم ذلك اوصت الدراسه بالاستمرار فيه يعني ثبتت ما نفذته الحكومه صيفا وهو ٧ اشهر في السنه..

:: والاختلاف بين توصيه تلك الدراسه وتوصيه مؤتمر المواقيت هو بدا العمل شتاء ٨٣٠ص(٧٣٠ بالقديمه )بدلا عن ٨ ص (٧ بالقديمه) و هذه الدراسه لم تنتظر مرور شتاء كامل (نوفمبر- مارس) لتستطلع اراء الناس عن شتاء جزئي (١٨يناير-مارس) وحين كان العمل ٧٣٠ص لاول شتاء وده خطا تحريك الساعه اماما شتاء ساعه كامله والذي عدلته الحكومه سريعا في الشتاء التالي اي ٢٠٠١ ليصبح العمل ٨ ص بدلا عن ٧٣٠ص واستمر حتي اليوم دون اي تزمر، ولقد اوضح عصام رايه الشخصي فيه منذ ذلك الوقت فوصفه ب " العكننه الحميده" لم تستمر اكثر من شهر ، قل بعدها البرد وبكرت الشمس بالشروق فضاعت حيله البرد والظلام !؟

:: وبالطبع ذاكره النخب السودانيه المتثاقله لا تنسي العكننه ؟ وحتي لا يلقي القول علي عواهنه، دعونا نتامل مزاعم الظلام ، اولا لاضرر البته من الخروج او السفر بالظلام فهو يحدث ليلا اما الظلام بعد الفجر فقليل ومنحسر، ففي العاصمه تتثاقل الشمس لتشرق ٧٢٠ص (٦٢٠بالقديمه ) ففي ذلك الشتاء الاول للبكور يوم ١٨/١/٢٠٠٠ اشرقت الشمس ٧١٣ص(٦١٣ص) والعمل والدراسه بدا ٧٣٠ص اي في الابصار وهذا هو المهم ( وجعلنا النهار معاشا) فما قولك حين اصبح العمل في الشتاء ٨ صباحا بعد ٤٠ دقيقه من الشروق؟..ومن ناحيه دينيه الفجر في الخرطوم قبل ساعه وحوالي ٢٠ دقيقه من الشروق، أي قبل ساعتين من العمل، و( اقيموا الصلاه واتوا الزكاه) ركنان مقدمان في الاسلام علي اي نشاط اخر وافضل وقت لها قبل الفجر ( ورتل القران ترتيلا) ويمكن ان تكون التلاوه في الوقت الخاص بين الظهر والعصر ، فالنهار المبصر للكسب والعمل ًوبدونه ينتفي ركن الزكاه الثاني وقد ردينا علي هذه الحجج في وقتها..

:: ثم ان عصام لم يقل ابدا ان البكور يحقق زياده الانتاجيه وحده، بل قال ان البكور كفطره انسانيه غير قابل للتقييم كالنوم ليلا والاكل واكبر دليل علي جدواه ان الدراسه التي اوردها كحجه علينا قالت به ، اما خبراء التربيه فقد قالوا لحمايه المستهلك ان ٧٪ من التلاميذ يحضروا نايمين ودي دليل نجاح ان ٩٣٪ قالوا نعم، و٧٪ قطعا بنوموا متاخرين ولو ناموا بدري كما يفعل كل اطفال الفطره وصحوا واكلوا بدري لاصبح السودان من الدول التي يشار اليها بالبنان، واذا نسيت تراثنا السوداني فتامل قول الانجليز (نوم بدري واصحي بدري يجعلك صحيح وغني وحكيم)، ثلاثه فوائد ما محتاجين لاموال واستثمارات عصيه وانما لقرار كقرار البكور يكمل ليبدا العمل مع الشروق صيفا وبعد ٣٠ دقيقه بعد الشروق شتاءا وليس كما اقترحت دراسه اغسطس ٢٠٠٠ تثبت العمل في ٨٣٠شتاءا لنفقد ساعه كامله بعد الشروق، يعادل العمل خلالها ٣ ساعات في الظهيره الحاره و(مع الشياطين)، فانها لاتقيل كما يقول المصطفي (ص)، ونمنع فطور النهار الكارثي علي الصحه والعمل ، والصلاه اثناء العمل ؟ وهذا يحقق ٣٠ساعه فقط ويومين (سبت واحد) عطله ( لا ثلاثه كما يفتري ساتي ) للاسبوع بدلا عن ٤٢ ساعه لم يحلم بها اتحاد العمال.. د.عصام صديق)

:: من إليكم ..
:: شكراً للدكتور عصام الصديق على المتابعة والتعقيب .. أولا، الدراسة المشار إليهالم تطالب بالبكور، بل طالبت ب(إعادة النظر في البكور )..ثانيا، لقد عقدت - أنت شخصياً- مؤتمراً صحفياً موثق - راجع أرشيف وموقع وكالة سونا - وطالبت فيه الحكومة بعطلتين ( السبت والأحد)، وضف عليهما (الجمعة)، فكم يصبح عدد أيام العطلة في الأسبوع حسب إقتراحك ؟..ثالثاً، لم - ولن – يرفض الشارع السوداني البكور حتى تسهب في ذكر فوائدها، ولكن رفض - ولا يزال - بدعة ( جر الساعة)..فليكن البكور بالتوقيت القديم، وكما إجتهدت - أنت يا د. عصام - في جر تلك الساعة، فإجتهد اليوم مع الناس والصحف في إرجاعها (كما كانت)..وشكراً.. ساتي
________
السوداني

[email protected]


تعليقات 19 | إهداء 0 | زيارات 4875

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#927168 [محمد]
0.00/5 (0 صوت)

02-26-2014 05:04 PM
الزول دا داير يقول (ان قرءان الفجر كان مشهودا) قال (ورتل القرءان ترتيلا)


#927101 [المشتهى السخينه]
3.00/5 (1 صوت)

02-26-2014 03:34 PM
نقول لدكتور عصام ..انتم تحبون اذلال الناس بالبكور والتحكم فيهم ولن تجدوا الا من يعملون فى خدمة خليفة المسلمين المشير الاعرج والطلاب المساكين لتنفيذ حقارتكم ..انا بصحى من النوم الساعة عشره بالقديم وبصلى الصبح الساعة حداشر ونص بالقديم.وبنوم الساعة اتنين صباحا بالقديم .. ولما يكون عندى غرض فى مكاتبكم بمشى بعد صلاة الصبح طوالى يعنى الساعة اتناشر بالقديم .. على راحتى .وموظفيكم بيكونوا منتظرنى من الساعة سته ونص بالجديد .نحن ما بتلقو فينا فرصة الا كان تعملوا لينا دفاتر حضور فى المساجد وارجو ان تتبنى هذا الاقتراح ..عشان الشعب كله يدخل الجنة لانه بيصحى بدرى يصلى ..


#926395 [ساب البلد]
4.50/5 (3 صوت)

02-25-2014 09:31 PM
****** ما لقيت كوز في حياتي اعترف بغلط ارتكبه ****** جنهم مغالطة و كوار و مكابرة ****** من الله خلقنا توقيت السودان معروف غرينيتش +2 ********


#926388 [متابع]
0.00/5 (0 صوت)

02-25-2014 09:15 PM
فكرة جر الساعة هو على عثمان طه يا الطاهر ساتى


#926256 [مسطووول]
5.00/5 (2 صوت)

02-25-2014 05:38 PM
الجنيه بالقديم .. و الساعة بالقديم .. و المنهج الدراسي بالقديم !!! طيب ماترجعونا محل ما لقيتونا


#926117 [قصه وآخرا لسع]
3.00/5 (1 صوت)

02-25-2014 02:34 PM
اشترك وتسابق هؤلاء في تمدير هذا البلد بشتى انواع الوسائل والبدع
ودا ما لقا لي حاجه يعملا قام جر الساعه وحير العقلاء والمجانين
انا بعرف ناس خلو ساعتم على التوقيت القديم ظنا منهم ان هذه الخزعبله ستنتهى ( كان مالليله بكره )
ولم يخطر عى ذهن كائن كان من البشر او الجان او حتى مخلوقات الفضاء الآخرى ان تستمر هذه المهزله الى يومنا هذا
والمحيرني اكتر ان دولة جنوب السودان ورثت كل ماهو سيئ منا حتى الساعة المقدمة بجهل مدقع

ياخوانا كثير من الخراب الذي حصل يصعب تصحيحه وبعضه يستحيل تصحيحه, الساعه دي جرتا صعبا ؟؟؟؟ ولا دايره ليها 16 ورقه ؟؟؟ ياأخوانا استهدو بالله دي قمة المهازل. وياريت عصام يقرا الكلام دا وبدل مايرد عليهو يجري جري يكفر عن سيآته ويرجع الساعه في محلها . ياخ مالقيت ليك بدعه تعملا غير موضوع الساعه دا. خجلتنا وفضحتنا مع باقي العالم. معقوله الناس كلها مربوطه بنظام UTC وموقعك في خطوط الطول تجي تقول لي البكور. لو داير تقوم بدري ماتقوم , الساعه علاقتا شنو؟ معقول الواحد يقوم من جده الساعه 7 يصل الخرطوم الساعه 7 في نفس الزمن ؟؟ راكب آلة الزمن ولا شنو . يعني لو ركب لي طيارة سابقة صوت يصل امبارح . عليك الله ياعصام صديق استخفر وارجع اقنع هؤلاء انك كنت بتطظر معاهم


#926040 [مراقب]
3.00/5 (2 صوت)

02-25-2014 01:36 PM
الملاحظ في رد د.عصام الأسبق قبل اسبوعين تقريبآ.. و تعقيبه أعلاه أنهما يفتقران الي التناغم العلمي و المنطقي الذان يجب اتباعهما في ايصال المعلومة أيآ كانت !!! خاصة و يفترض فيه أن يكون من قبل قد كتب أطروحة الماجستير تليها الدكتوراة !!! و الأغرب أن كاتب المقال أعلاه يعطيك الانطباع بأنه يدافع عن فكر د.عصام .. و ليس هو عصام شخصيآ !!! مع أن المقال مذيل بأسم عصام !!!


#925988 [انصاري]
5.00/5 (3 صوت)

02-25-2014 12:58 PM
د. عصام الصديق الدكتوراه بتاعتوا دي في "المغالطة الملصقة بالصمغ العربي ولا شنو".. يعني الخرطوم بتقع في خط طول واحد مع مكة ولا القاهرة.. لماذا أختلف التوقيت بينهما..


#925931 [عصام جهلول]
4.50/5 (2 صوت)

02-25-2014 12:16 PM
لم أفهم ما يرمي اليه الكاتب من مغالطات .. رغم اصراره علي زج القرآن ( كعادة الانقاذيين ) في اقناعنا بخطرفته متناسيآ أن للدين رب يحميه و ليس بكور عصام المخالف للطبيعة و مبادئ علم الجغرافيا و خطوط الطول .. اذ عليه الاجابة علي تساؤل كيف يستقيم عقلآ ان يتساوي الزمن بين مكة و الجنينة بالسودان ؟ ؟ ( مكة علي خط طول 40 بينما الجنينة علي خط 22 ) .. اي بفارق ( 18 * 4 = 72 دقيقة ) !!!


#925914 [دا كلام ما صاااااح]
5.00/5 (2 صوت)

02-25-2014 12:04 PM
الأخ الطاهر
من متابعة التعليقات يلاحظ ان الناس غير مختلفين فى البكور من حيث هو .. انما جر الساعة

الدول التى تهتم بتوقيتين مختلفين صيفى وشتوى ، تنظر للموضوع من ناحية ان تستفيد الإستفادة القصوى من ضوء الشمس المحدود حتى تقلل فواتير الإضاءة فى المكاتب . وفى احدى الدول ، كان اقتراح عدم لبس الكرافتة فى موقع عمل المسؤولين الحكوميين فى الصيف ليقللوا من استعمال المكيف او الإستعاضة بالمروحة ، توفيراً لفاتورة الكهرباء (المقترح قام على دراسة وحدد الفائدة بالأرقام).

كما علق أحد الأخوة عن المشكلة الأساسية ليست البكور وانما العمل المؤسسى المفقود .
وان كنت ارى الموضوع من ناحية اجتماعية أكثر .. وهى التواصل الإجتماعى الأسرى وايجاد وقت الدافورى والنشاطات الأخرى . فمع اختفاء هذه الأشياء ظهرت ظواهر سلبية كثيرة فى المجتمع.

ودمتم


#925766 [abu shawarib]
3.50/5 (2 صوت)

02-25-2014 10:36 AM
كلام ساتى والدراسة التى اشار اليها واضح وضوح شمس البكور ( الاصلى )
رد أو تعقيب عصام صديق ليس اكثر من تكرار ولجلجة

اللهم اعنا على كنس الكيزان عن بكرة ابيهمفانهم قد بدلوا حال الناس والبلد الى اسوأ حال
اللهم اعنا على كنس الكيزان عن بكرة ابيهمفانهم قد بدلوا حال الناس والبلد الى اسوأ حال
اللهم اعنا على كنس الكيزان عن بكرة ابيهمفانهم قد بدلوا حال الناس والبلد الى اسوأ حال
اللهم اعنا على كنس الكيزان عن بكرة ابيهمفانهم قد بدلوا حال الناس والبلد الى اسوأ حال
اللهم اعنا على كنس الكيزان عن بكرة ابيهمفانهم قد بدلوا حال الناس والبلد الى اسوأ حال


#925758 [سوداني و بس]
4.00/5 (2 صوت)

02-25-2014 10:34 AM
ﻳﺎ ﺍﻟﻠﻪ، ﻭ ﺍﻟﻠﻪ ﺍﻟﻤﻮﺿﻮﻉ ﺩﻩ ﺳﺒﺐ ﻛﻞ ﺑﻼﻭﻳﻨﺎ، ﺍﺣﺴﺎﺱ
ﺳﺎﻱ ﺑﺎﻧﻚ ﻣﻼﺣﻖ ﺑﺎﻟﺰﻣﻦ ﻳﺨﻠﻴﻚ ﺍﻟﻴﻮﻡ ﻛﻠﻮ ﻧﻌﺴﺎﻥ ..
ﻳﺎﺥ ﺍﻟﻠﻪ ﻳﻨﺘﻘﻢ ﻣﻦ ﻋﺼﺎﻡ ﺻﺪﻳﻖ ﺩﻩ ﻭ ﻣﻦ ﻣﻌﻪ ﻻﻧﻬﻢ ﻗﻠﺒﻮ
ﺣﻴﺎﺗﻨﺎ ﺟﺤﻴﻢ ﻻ ﻳﻄﺎﻕ .. ﻭﺍﻥ ﺷﺎﺀ ﺍﻟﻠﻪ ﻳﻘﺮﺃ ﺍﻟﻜﻼﻡ ﺩﻩ ..
ﺍﻟﻠﻬﻢ ﻫﺬﺍ ﻋﻤﺮ ﺣﺴﻦ ﺍﺣﻤﺪ ﺍﻟﺒﺸﻴﺮ ﻭ ﻋﺼﺎﻡ ﺻﺪﻳﻖ ﻭ ﻣﻦ
ﻣﻌﻬﻢ ﻭ ﻣﻦ ﺷﺎﻳﻌﻬﻢ، ﺍﻟﻠﻬﻢ ﺍﻧﻬﻢ ﺷﻘﻮﺍ ﻋﻠﻴﻨﺎ ﻓﺎﺷﻘﻖ
ﻋﻠﻴﻬﻢ، ﺍﻟﻠﻬﻢ ﻫﺬﻩ ﺍﻟﺤﻜﻮﻣﺔ ﺍﻟﻈﺎﻟﻤﺔ ﻛﻤﺎ ﻳﺘﻤﺖ ﺍﻻﻃﻔﺎﻝ ﻭ
ﺍﺟﺎﻋﺘﻬﻢ، ﻭ ﺭﻣﻠﺖ ﺍﻟﻨﺴﺎﺀ ﻭ ﺍﺯﻟﺖ ﺍﻟﺮﺟﺎﻝ، ﺍﻟﻠﻬﻢ ﺍﻧﻬﻢ ﻻ
ﻳﻌﺠﺰﻭﻧﻚ، ﻳﺎ ﺟﺒﺎﺭ ﺍﻟﺴﻤﻮﺍﺕ ﻭ ﺍﻻﺭﺽ ﺍﻧﺖ ﺍﻋﻠﻢ ﺑﺤﺎﻟﻨﺎ
ﻣﻨﺎ، ﺍﻟﻠﻬﻢ ﺍﻗﻠﺐ ﻧﻬﺎﺭﻫﻢ ﻧﻜﺪﺍ ﻭ ﻟﻴﻠﻬﻢ ﻫﻤﺎ، ﺍﻟﻠﻬﻢ ﺧﺬﻫﻢ
ﺍﺧﺬ ﻋﺰﻳﺰ ﻣﻘﺘﺪﺭ ﻭ ﺍﺭﻧﺎ ﻓﻴﻬﻢ ﻋﺠﺎﺋﺐ ﻗﺪﺭﺗﻚ، ﻭ ﺍﺷﻒ
ﺻﺪﻭﺭﻧﺎ، ﺍﻟﻠﻬﻢ ﻗﺪ ﺗﺠﺒﺮﻭﺍ ﻋﻠﻴﻨﺎ ﺑﺴﻠﻄﺎﻧﻬﻢ، ﺍﻟﻠﻬﻢ ﻛﻤﺎ
ﺃﺧﺬﺕ ﻓﺮﻋﻮﻥ ﻭ ﻫﺎﻣﺎﻥ ﻭ ﺟﻨﻮﺩﻫﻤﺎ، ﻓﺨﺬﻫﻢ ﻳﺎ ﺍﻟﻠﻪ، ﺍﻟﻠﻬﻢ
ﻛﻤﺎ ﺍﺣﺘﺠﺒﻮﺍ ﻋﻦ ﻛﻞ ﺳﺎﺋﻞ ﻣﻨﺎ ﻣﺤﺘﺎﺝ، ﺍﻟﻠﻬﻢ ﻓﺄﺣﺠﺐ ﻋﻨﻬﻢ
ﺭﺣﻤﺘﻚ ﻳﻮﻡ ﻳﺒﻌﺜﻮﻥ، ﺍﻟﻠﻬﻢ ﺍﻧﻬﻢ ﻭ ﺍﻫﻠﻴﻬﻢ ﻭ ﺯﻣﺮﺗﻬﻢ ﻭ
ﺗﺎﺑﻌﻴﻬﻢ ﻭ ﺍﻟﺴﺎﻛﺘﻴﻦ ﻋﻦ ﺍﻟﺤﻖ ﻣﻨﻬﻢ، ﺍﻟﻠﻬﻢ ﺍﻥ ﺍﻫﻞ
ﺍﻟﺴﻮﺩﺍﻥ ﺧﺼﻮﻣﻬﻢ ﻳﻮﻡ ﺍﻟﻌﺮﺽ ﻋﻠﻴﻚ، ﻳﺎﺭﺑﻲ ﻛﻞ ﻟﻘﻤﺔ
ﺍﻛﻠﻮﻫﺎ ﻭ ﺷﺒﻌﻮﺍ ﺑﻬﺎ ﻭ ﻫﻨﺎﻙ ﻃﻔﻞ ﺟﺎﺋﻊ ﻭ ﻣﺤﺘﺎﺝ ﺍﻟﻠﻬﻢ
ﺍﺟﻌﻞ ﺍﻟﻨﺎﺭ ﻣﺜﻮﻱ ﻟﻬﻢ .. ﻳﺎ ﺍﻟﻠﻪ ﻳﺎ ﺍﻟﻠﻪ ﻳﺎ ﺍﻟﻠﻪ


#925724 [المتجهجه بسبب الانفصال]
5.00/5 (2 صوت)

02-25-2014 10:14 AM
يبدوا أن عصام صديق مصاب بالارق فليس من عاقل فعل فعلته هذه ونؤيد كلام الاستاذ الطاهر لم لا تتركوا الساعة كما هي وتغيروا زمن الدوام في الشتاء 8 صباحا وفي الصيف 7 صباحاً مثلا كما في بعض دول الشام، ما رأيك يا عصام صديق أن الدوام في المؤسسات الرسمية في البنوك وشركات الطيران والمحاكم في دولة الهند يبدأ الساعة العاشرة صباحا ويستمر حتى الساعة الخامسة مساءً عدا المدارس والجامعات فهي تبدأ بكورا دون زحمة فيها الرحمة،، أما المزارعون وأصحاب الحرف الخاصة فساعات دوامهم بايديهم،،، ولكني أؤكد لك أستاذ الطاهر أن فكرة البكور كان مقصود بها تحقيق هدف محدد لا علاقة له بتنمية أو فائدة للمواطن والعندوا شك في هذا التبيان يراجع علي عثمان ،، مضت تقريبا 16 سنة على البكور فهل زادالزرع وسال الضرع جداول؟ أم أن المستوى التعليمي لطلاب المدارس فاق الاجيال السابقة، لقد جعل البكور خصوصا مع ضعف مقومات وجبة الفطور التلاميذ في حالة هل تدري يا نعسان ما الحصة كانت ،،، إن البكور في حوجة الى مراجعة وكشف سر إصرار مهندس البكور فالكون كلوا بيدور حسب الساعة الحقيقية الطبيعية أما إذا كان عصام صديق يريد تلتلة الناس ساي فليعلم أنه لا الانتاج زاد ولا الناس فطروا الساعة 6 صباحا مثل الشعوب الاخرى وذهبوا للعمل بل بالعكس تأخرت وجبة الفطور في المكاتب حتى الساعة 10 و 11 بينما تضاءلت وتقهقرت وجبة الغداء إلى الرابعة والخامسة في المدن والثالثة والرابعة في الاقاليم دون مراعاة لفروق الوقت،، فما هذا البكور بالله عليكم يبروكوا فوقكم خنق ،،،


#925703 [وحيد]
3.00/5 (3 صوت)

02-25-2014 09:59 AM
قلنا ان ربائب الانقاذ تاخذهم العزة بالاثم و لا يقرون بالخطأ و يعملون براي فرعون " ما اريكم الا ما ارى".
لماذا تتفنن الانقاذ و كواديكها الاغبياء في تعذيب الناس بدلا من النظر الى تجارب الدنيا الواسعة و الاستفادة منها؟ لماذا تعمل الانقاذ بحكاية " خالف تعرف" حتى لو كانت تلك المعرفة بانك فاشل و فاسد و بليد؟؟؟؟!


ردود على وحيد
European Union [كلام عجيب] 02-25-2014 06:01 PM
الناس ديل شغالين لحساب ناس تانين هم اعداء السودان
لو امريكا جهزت ميزانيه عاتيه جدا وجات ضربت السودان باسلحة الدمار الشامل ماممكن توصلو للوصليهو دا

United States [الحقاني] 02-25-2014 05:33 PM
فعلا وحيد وفي تعقيبك الذي اصاب عين الحقيقه لماذا يصر ويكابر الانقاذين برأيهم حتى بعد ان يستبين انه غير صايب وعايب وجالب للمصايب والاعجب انهم يلبسونه ليك لباس الدين لاحول ولاقوه الا بالله اللهم انا نعوذ بك من ناس النهب (المسلح والمصلح)


#925623 [الراصد]
3.50/5 (5 صوت)

02-25-2014 09:10 AM
عصام صديق التقيت به شخصيا اكثر من مرة...ورغم نشاطه الواضح في الصمغ العربي الا ان الموضوع المحبب لكل من يلتقيه البكور وتوابعه حتي تراه وكأنه اصبح اسيرا له...والملاحظ ايضا علي الاقل بالنسبة لي انه يدافع وباستماته عن موضوع البكور...دون انتباهة للموضوع الاهم المصاحب وهو جر الساعة المخالف لكل القواعد العلمية والعالمية...حتي يبدو وكأن ذاكرة الدكتور عصام لاتحتوي علي موضوع جر الساعة ( فالكل ينكر مسئوليته عن هذا القرار اللاشرعي مثله واللقيط)...لذا لن تجد عنده الاجابة ولوعلقت السؤال علي رقبته...


#925609 [ابوالمكارم]
3.50/5 (3 صوت)

02-25-2014 08:57 AM
سبحان الله ياود ساتى عصام ده دكتور فى شنو!!!!! ما بستحى ولا بفهم بعد الغلطة التاريخية التى جعلت مواقيت السودان نشاذ وستين الف غلط يكابر ويعقب تعقيب اتضح انه لم يفهم ما ترمى اليه...غايتو الفهم قسمة ونصيب وهذا ما اتت به الانغاذ او كما قال عقرينا الطيب صالح له الرحمة من اين اتى هؤلاء؟؟؟؟؟؟؟؟؟؟؟!!!!!!!!!!!!!!!!!!!!!


#925580 [الحقيقة المرة]
3.50/5 (5 صوت)

02-25-2014 08:36 AM
الاستاذ الطاهر .. هل انت متأكد من أن كاتب هذا التوضيح هو الدكتور عصام صديق ... ربما كتبه آخر لعصام وكل الكلام المذكور يحتاج الي ترابط في المعني والمفهوم حيث أنني قرأت الموضوع لأكثر من مرة ولم أفهم ما يرمي اليه الدكتور ليس جهلاً ولكن كلام الدكتور غير منظم ومرتب .... تحياتي


#925560 [yasir]
4.00/5 (3 صوت)

02-25-2014 08:03 AM
وكما إجتهدت - أنت يا د. عصام - في جر تلك الساعة، فإجتهد اليوم مع الناس والصحف في إرجاعها (كما كانت)..


#925551 [meoheh]
5.00/5 (2 صوت)

02-25-2014 07:51 AM
فكيتوها لينا شنو 6 ونصف بالقديم وسبعة ونصف بالجديد انا داير اقول حاجة مش السودان دا لوالناس اشتغلت 24 ~7 يعنى لوالناس اشتغلت 24 اعة سبعة يوم فى الاسبوع حايكون فى سجمو ورمادو لاباختصار شديد مافى موسسية بلد عايرة ساكت بالذات القطاع العام 0شكرا لكما


الطاهر ساتي
الطاهر ساتي

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة