المقالات
السياسة
هذا ما طالبنا به
هذا ما طالبنا به
03-10-2014 02:06 AM


الحمد لله.. السيد رئيس الجمهورية المشير عمر البشير أكد ما كتبته هنا مراراً.. قبل عدة شهور كتبت عن (الحل الرشيد).. وقلت يجب إسقاط فكرة حكومية (انتقالية) أو (قومية) وما إلى ذلك من المترادفات اللفظية.. ونصحت تكراراً ومراراً بأن تعتمد نظرية الحل السياسي الرشيد لمشكلة السودان.. على فرضية (إصلاح) ما هو موجود.. في عملية مستمرة.. يجب أن نتفق على أن نقطة البداية فيها هي انتخابات العام ٢٠١٠ الماضية..

الآن السيد رئيس الجمهورية في خطابه في مدينة بورتسودان سار في ذات الاتجاه.. الرئيس قال إنه يرفض الحكومية القومية أو الانتقالية.. وإن انتخابات عام ٢٠١٥ قائمة في موعدها..

حسناً.. أعيد عليكم اقتراحي الذي أطلقت عليه (الحل الرشيد).. اقترحت الاتفاق على إدخال تعديل دستوري واحد فقط.. يغير نظام انتخاب البرلمان إلى نظام التجديد النصفي.. ينتخب الشعب نصف البرلمان كل عامين..

فلتقم الانتخابات في العام القادم لتجديد نصف البرلمان فقط.. على أن يتعهد حزب المؤتمر الوطني بعدم المنافسة في كل الدوائر.. ويترك المساحة خالية لأحزاب المعارضة وحدها.. ستكون النتيجة أن البرلمان يصبح مناصفة بين الحكومة والمعارضة..

البرلمان الجديد سيتولى تعديل الدستور أو وضع دستور جديد.. وقانون جديد للانتخابات..

لا حاجة أبداً للحديث عن محاصصة في مجلس الوزراء.. لأن النظام الرئاسي الذي يعمل به السودان ليست فيه اختصاصات سيادية لمجلس الوزراء بصورة جمعية collectively .. يجب تعريف مصطلح (الحكومة) على أن المقصود به المؤسسة السيادية في القصر الجمهوري التي تتكون من الرئيس ونائبيه ومساعديه فقط.. وهذه المنظومة السيادية هي التي تصدر القرارات المصيرية المتحكمة في السياسات العامة للبلاد.

مناصفة البرلمان تمنح المعارضة فرصة ذهبية لإعادة هيكلة المؤسسات والسياسات.. إعادة بناء الوطن بصورة تشاركية تستوعب كل الإصلاحات المطلوبة. لكن محاصصة مجلس الوزراء لا نفع فيها للأحزاب ولا للمواطن الذي سيجد في الحقائب الوزارية أشخاصا ما أتت بهم كفاءة ولا مؤهل ولا خبرة.. بل مجرد لافتات حزبية ضيقة البصر والبصيرة..

أما ما يسمى بـ(الحوار) فقد كررت أنه مجرد أوهام لا طائل منها إلا إذا فسرنا كلمة (حوار) على نحو يعني فتح الحريات السياسية والتعبير على مصراعيه للجميع.. حوار مفتوح في فضاء مفتوح لكل أبناء الشعب دون التقيد بالبطاقات الحزبية..

لماذا يتحاور الوطني مع الاحزاب وحدها؟.. كم عدد السودانيين في مجمل الأحزاب؟. نريد حواراً مفتوحاً لكل من يملك بطاقة مواطنة في هذا الوطن الكبير الشامخ

اليوم التالي


تعليقات 38 | إهداء 0 | زيارات 4440

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#938101 [الضباب]
1.00/5 (1 صوت)

03-10-2014 10:41 PM
الشعب السوداني غبي وبشهادة .. عمرك شفتو كوز اصبح بني ادم


#938055 [mustafa]
1.00/5 (1 صوت)

03-10-2014 09:31 PM
واذا كانت العلة فى الرئيس ...؟؟؟ يبقى السؤال ما هو الحل ؟؟؟؟


#937966 [حد بيعرف احسن م الحكومه!!]
3.00/5 (2 صوت)

03-10-2014 07:43 PM
" انه النفاق يا صاحب التيار" ...اثبت يا عصمان انك منافق حتى النخاع.. هل نفهم ان البشير اقتنع بما قلتو زمان قبل ما يصيبو ألأمساك المزمن و" يتقبّض" ويطلب من الشعب السودانى "يندغم وينبت" ولا بعدما عرف رايك واستفاد منو وعاوز "يستردف".. بس الموافقين انهم يتردفو هل عرفو البشير حيردفهم وين فى العجله؟ هل على الماسوره (بتاعة العجله بيقدام ولآ على السرج الورّانى)؟ العجله ما فضل فيها محل يشيل زول تانى.. السرج وهو قاعد عليه!!
كلامك دا دليل قاطع انّو ثمن اعادة التيار.. بس لعلمك التيار دى الرجعوها ليك .. موصا اشرب مويتّا .. تلت اللى كان بينباع زمان تانى ما بيلقالو مشترى ؟؟ ورق لف ما حتنفع .. ومافى زولا تانى ماشى يقرالك حرف.. احسن تشوف لك هندسه تنفعك ان فضل منها لى حسّا فى رويسك شىء!!


#937957 [هجو نصر]
1.00/5 (1 صوت)

03-10-2014 07:30 PM
هذه نتيجة دمار المؤسسات ! ان يخرج علينا (سنتور) بافكار لا ندري اتخرج من من نصفه الاعلي وهو انساني ام من الاسفل وهو حيواني ممتنا انه نصح بكذا وكذا ! با عثمان ! متي بنيت دولة من الدول علي افكار فرد او اثنين ؟ يا عثمان ! اّمنا وبصمنا بالغشرة انك عبقري واستثنائي لكن وضعنا هذا والله العظيم اكثر تعقيدا واعلي من عبقريتك واستثنائيتك ! فالزم الجابرة الله يرضيك


#937904 [الأحنف بن قيس]
0.00/5 (0 صوت)

03-10-2014 06:30 PM
معارضة شنو ياعثمان الموديها البرلمان الناس دي قاعدة في الشارع مطلعة إشاعات بفساد الأيدي المتوضئة عايز تدخلهم البرلمان يقطعوها ولا شنو . ده كلام فارغ نحن ماعندنا معارضة بتمشي البرلمان المعارضة عندنا إن تركت الخدور تمش السجون . تاني ماتعمل فيها حكيم عشان تحافظ علي التيار من الودار بعدين رفض الحكومة القوميه والإنتقالية الناس ديل ما أخدوه منك ياعبقري ده كان رايهم من زمان بس مدكنين . تفتكر يافالح الناس دي قلبوها وخجوها بالساهل بدوها طبعا وابدا لا ....


#937820 [التاج محمد احمد]
0.00/5 (0 صوت)

03-10-2014 05:07 PM
كلام يقربك من حكمة البصيره ام حمد شد حيلك عشان توصل لمرحلتها


#937817 [عبدالرازق]
0.00/5 (0 صوت)

03-10-2014 05:05 PM
يا باشمهندس كم سيطول هذا الحوار اذا اخذنا في الاعتبار انه حق كل مواطن ؟ وهل يعقل ان يتم حوار بهذا الشكل ""


#937807 [خرف]
0.00/5 (0 صوت)

03-10-2014 04:49 PM
انت خرفت مبكرا يا عثمان...بختك!!


#937797 [محمد]
0.00/5 (0 صوت)

03-10-2014 04:37 PM
أحترم عقولنا يا عثمان. زدينا على اقتراحك فى حينه ومكانه


ردود على محمد
United States [حدوتة سودانية] 03-10-2014 06:22 PM
هبنقا .. لازم يثبت للجميع انه متملق كبير .. و عليها قدلة بعودة التيار .


#937790 [عبدالرحيم العمده]
5.00/5 (1 صوت)

03-10-2014 04:28 PM
بلا برلمان مناصفة بلا انقاذي واحد في السلطة ، كنس للطيش وذبح وسحل في الشوارع وكلنا اتجهنا للجبهة الثورية !!


#937774 [كفاية]
0.00/5 (0 صوت)

03-10-2014 04:14 PM
none sense


#937721 [مدحت عروة]
5.00/5 (2 صوت)

03-10-2014 03:12 PM
هسع انا ما فهمت من المقال ده سبب خروج المريخ من البطولة الافريقية!!!
هو مش كان بيتكلم عن كده؟؟؟؟؟


ردود على مدحت عروة
United States [hamid] 03-21-2014 11:57 PM
يا عروة بعيدة مدني


#937667 [ودعمر]
5.00/5 (1 صوت)

03-10-2014 02:12 PM
برلمان شنو ياراجل!!!!!!!!؟البرلمان لادور له انت بعظمة لسانك قلت السلطة عند الرئس ونوابه وتقول برلمان!!!!!. كلامك هذا يعني انك مختنع بعدم امكانية ازلة هذا النظام لذا تبحث عن القبول باي شئ والسلام.هذا النظام سيزول في يوم او يومين اذا توحد السودانيين واتفقوا علي السلمية وهذا ما سيحدث قريباُ باذن الله وحينها ستخجل من اقتراحك هذا !!!!!! لذا ارجو ان تلتزم خط الثورة اخي عثمان.


#937639 [هزاع السنهوري]
5.00/5 (1 صوت)

03-10-2014 01:49 PM
ليتك لم تكتب هذا المقال و ( التيار ) علي الابواب ..


#937605 [محمدين]
5.00/5 (2 صوت)

03-10-2014 01:24 PM
يخسي عليك ..... هل هذا ثمن عودة (التيار)
مقال بائس لا يساوى ثمن المداد الذي كتب به!
نقطنا بي سكاتك لو سمحت


#937576 [الزيدابى]
5.00/5 (2 صوت)

03-10-2014 12:57 PM
ابشر بكساد صحيفتك بعد العودة .

انت حقيقة عدو الديمقراطية ، انت اخوانى وتتقاسم الادوار مع آخرين ،تريدون ديكوراً فى البرلمان

القادم ، كى تقولوا للعالم هذه هى الديمقراطية .هذا ليس ذكاء يا عثمان ، كل اوراق التوت التى

كانت تستركم سقطت , وبانت سوءاتكم ، وهى سوءات لا يداريها لبس الدنيا ولو لبستموه .

اكتب فى المفيد ، اكتب ان البلد الذى نزل فيه الوحى اعتبركم جماعة ارهابية .اكتب انكم قسمتم

البلد ، وتديرون حربا مع النوبة فى مسقط رؤوسم ،ومع الانقسنا فى جبالهم ، اكتب انكم جعلتم دارفور

مسرحا عبثياً للاقتتال ،وعدم قيمة للبشر الذى كرمه الله ، فالموت فيه بالمجان ،اكتب عن مشروع الجزيرة

وانسانه الذى تشرّد بعد ان استقر منذ عشرينيات القرن الماضى .


#937539 [يحيي العدل]
5.00/5 (3 صوت)

03-10-2014 12:26 PM
عثمان .. عثمان .. هل أنت بكامل عقلك ؟؟؟؟؟؟
سبحان الله .


ردود على يحيي العدل
United States [بلبل] 03-10-2014 01:39 PM
تيار الطبع غلاب ..


#937516 [شبتاكا]
0.00/5 (0 صوت)

03-10-2014 12:04 PM
طيب يا حريف لمن يقولو للجماعة دايرين نشيل نصفكم وندخل ناس الاحزاب منو البيرضى يتشال ولا نرمى لهم القرعة والقرعة لو شالت السناير الباقين يودو وشهم وين يعنى ناس لحيس الكوع وخلافه ولو ناس الاحزاب الاتمكنو قلو ادبهم شوية وقالو عايزين نحاسب الفاسدين و يا ريس فى اتهام لاخوانك وحريمك مثلا مثلا و الحكاية وجعت الريس ايه الضمان انو ما يفرتق الشغلة
والله يا عثمان انت طيب خلاص ونحن عويرين شديد


#937498 [شلاقة]
5.00/5 (3 صوت)

03-10-2014 11:51 AM
هذا ما طالبنا به .. و السيد الرئيس أكد ما كتبته مرارآ ..

و معقولة دي يا ود ميرغني !!! تكون انقاذي أكثر من الرئيس !!!


#937487 [الخليلة نفر]
5.00/5 (4 صوت)

03-10-2014 11:43 AM
تنظير انقاذي سندكالي ختمي شعبي .. و السيل لا يحيد عن مجري ( تياره ) و ان طال الزمن ...


#937462 [بدر النهار]
5.00/5 (1 صوت)

03-10-2014 11:23 AM
لايصلح العطارالدهر ماأفسده متأسلمو وتجار الدين في السودان مخطئ من يتصور أن من يحكمون السودان ومنتفعيه لهم عهداً أو ميثاق فهذا نظام يبحث عن مخرج بعد الهاوية التي سقط فيها الوطن فما عاد أحداً قادر علي حمل هذه الجنازة بعد جفاف العروق والشرايين منها ليحيا به أركان النظام وسدنته عثمان مرغني تأخرتم كثيراً جداً وفاتكم القطار وارتفع سقف المطالب من المشاركة للمحاسبة والمصادرة كيف كنتم قبل يونيو89 وكيف صرتم في 2014 هل أنتم قادرون علي إعادة مانهب وسرق وتطاول في البنيان والشركات والثراء لخزينة السودان وإنقاذه من الهاوية غير هذا لامخرج للسودان وماتقولونه هو نفخ في الهواء لاقيمة له .


#937372 [سيف الله عمر فرح]
5.00/5 (1 صوت)

03-10-2014 10:18 AM
طوعوك يا ود الميرغنى ، حتى صرت تقول أن الحوار لا طائل منه .

أستاذ ميرغنى ، هل حقآ تعتقد أن الرئيس ونائبيه ومساعديه هم المنظومة السيادية التى تصدر القرارات المصيرية المتحكمة فى السياسات العامة للبلاد ؟ ، هل تعتقد أن الحاج آدم ، ومبارك المهدى ، ومنى أركوى ، وموسى محمد احمد ، وآخرون ، كانوا أصحاب قرار فى القرارات المصيرية المتحكمة فى السياسات العامة للبلاد ؟ .. أفلم تسمع تصريح منى أركوى ، بأن صلاحياته كمساعد لرئيس الجمهورية فى القصر، كانت أقل من صلاحيات مساعد حلة فى لوارى السفر للمناطق المهمشة ؟ .
أستاذ عثمان ميرغنى أفلا تدرى أن صحيفة الراكوبة ، أنها فضاء مفتوح للحوار لكل أبناء الشعب دون التقيد بالبطاقات الحزبية ؟ .
أستاذ عثمان ميرغنى نأمل أن تكون كما عهدناك تطعن فى الفيل وليس ظله .


#937366 [أسمر جميل فتان]
5.00/5 (2 صوت)

03-10-2014 10:15 AM
استاذنا عثمان ميرغني لك السلام والتحية
الكلمة المفتاحية Keyword في مقالك هي"على أن يتعهد حزب المؤتمر الوطني بعدم المنافسة في كل الدوائر"!!!
ماهي الضمانات على الوفاء بالعهد؟؟ - هذا اذا وافقوا عليه اصلاً!!!- وهل هم موافقون على المبدأ من الاساس ام لا؟؟؟ أنت بنيت النظرية بتاعة الحكم الرشيد دي على اساس تغيير سلمي تدريجي و"معول" على السلطة البرلمانية انها هي التي تدير البلاد فعلياً!! وانو هي التي تكون مصدر التشريع الاساسي واذا كان البرلمان قوياً في احكامه سلطته تفرض على الجميع بما فيهم "رئيس الجمهورية نفسه"!!! وده كلام "نظرياً" سليم للحفاظ على السلم النوعي الذي ننعم به الان!!! بس من الذي سيسمح لك بذلك؟؟؟
يا عثمان بكل اسف السودان الان به اكثر من رئيس جمهورية يديرون البلاد كل على هواه ومبتعدين عن التقطعات التي يمكن تسبب بينهم نقاط خلاف -ما أمكن ذلك- وفي "كدايس صغيرونة كده!!! بتخربش تحت تحت!!!" ممكن الرئيس اليوم يصدر قرار الجماعة التحت هم نفسهم بيقولوا "الرئيس بتكلم سااااااكت "وانتقلت العدوي منهم للشعب ...طيب السؤال الذي يفرض نفسه لماذا يرفض هولاء الناس بمبدأ الحكم الرشيد الذي تتكلم عنه؟؟؟
في ناس منهم خلاص تعودوا على الفساد والارتزاق ووعلى مستوي معيشي معين هم واولادهم وعوائلهم الكبيرة وانت طالع للقبيلة!!! وفي ناس منهم مهددين بمحاكم وعاثوا في الارض فسادا سنين عددا!!! ديل خايفين وخوفهم ده خلاهم مستعدين ان يحرقوا السودان كلو وعلى وعلي اعدائي وياتي على راسهم عمك بشه زاتو!!! وهارون والقائمة تطول!!! وفي ناس منهم لهم مارب اخر مثل حب السلطة وحب الظهور وغيرها!!! وبصورة عامة "الفطام" ده صعب خلاااااااص!!! 25 سنة ويجوا يتنازلوا عنها كده ببساطة!!! هم قالوها زماااان العاوزه يجي يقلعها مننا!!!

لذلك اسمح لي ان اخالفك الراي هنا ... مبدأ الحكم الرشيد ده انساه تماما لانو ما حيسمحوا ليك بذلك!!!! ديل عصابة يا عمو عثمان عارف يعني شنو عصابة من المجرمين ممكن يعملوا اي حاجة!!!

الحل في راي المتواضع يكمن في حكومة "انتقالية" حرةوتسمح لجميع الاحزاب بالمشاركة فيها حتىفي واحد عاوز يعمل حزب بوذي!!!خليه يجي ويعمله والاسلاميين اسف الذين يسمون نفسهم اسلاميين ديل خليهم زاتوهم يكونوا موجودين يعني ما يكون في رفض تماما لاي حزي سياسي...

ولكن دي زاته الجماعة الطيبين ما حايسمحوا بيها ابداً للاسباب التي ذكرتها اعلاه !!! اذن لا بديل سوي الاسقاط السلمي للسلطةوذلك بالاعتصام المدني ما عاوزين اكثر من انو الواحد يجلس في بيته!!! وبس وبعدين يكون في لقاءات وطنية بادارة انتقالية تفضي الي انتخابات عامة....

عثمان
الشعب السوداني في تقديري يحتاج الي Refresh "تحديث" في البنية السياسية والاخلاقية "والنفسية" وهذه مستحيل احداثها في وجود الرئيس الحالي لان بكل بساطة الفساد غير بعيد عن منزله!!! وان شئت ان تقول عن غرفة نومه!!! وهنا اقصد الفساد المالي!!! واي تغيير يحدث مع وجوده في مكانه يجعل النجاح اذا تحقق طعمه "مراً" زي فوز الهلال امس على الملعب المالي 2/صفر!!!

محاصصة الوزارات اتفق معك تماما في رايك... لا سيما الكدايس التي تكلمت عنها تجعل الوزراء كخيال الماتة لا بيهش ولا بينش واذا شال البطانه هذه... ووووب واذا خلاها ووبين!!!
ودمتم

كسرة خاصة جدا للاخ "أبوريشة"
افتقدناكم كثيرا في المرور علينا وبس شابكنا تعليقات مع ناس تانين مرة تينا ومرة بت قضيم شنو "يا معلم" نلبس طرحة ونضرب روج ولا كيف؟؟؟!!! وبرضو هيع هيع هيع "بتاعتك دي"!!! وهع هع هع "زي بتاعت" ساب البلد برضو اخونا وكده!!!
وتقبلوا خالص الحب والتقدير بتاعت الطيب عبدالماجد!!!


ردود على أسمر جميل فتان
United States [مسكة] 03-10-2014 01:36 PM
و سمعت ليك كديس حرسوه اللبن يا أسمر !!!


#937365 [ودالشريف]
5.00/5 (1 صوت)

03-10-2014 10:15 AM
الاستاذ عثمان ميرغنى كيف لا للحكومة انتقالية نحن مع الحكومة الانتقالية وليس القومية لعدة اسباب اهمها واجب هذه الحكومة اصلاح ذات البين بين اهل السودان واصلاح الادارة المدنية والعسكرية بالبلاد ومحاسبة المفسدين والقتلة وكل من اجرم فى حق هذا الشعب كيف لنا ان نقبل بمشاركة من قتلونا وشردونا ودمرو مستقبلنا ومستقبل اجيالنا كيف تتحدثون وكيف تساون بين القتلة والضحايا هل هولاء الذين يحكمون يستحقون الحياة هولاء السفاحين وهل مر على الدنيا افسد منهم ونهم عثمان ميرغنى تجار دين ليسو منا ونحن لانريد ان يكونو شركاء لنا اما ان يكون السودان لنا او فليذهبو الى الجحيم هولاء لا مكان لهم فى السودان ابعد كل مافعلوه تتحدث عن مشاركة وتوسيع وانتخابات فى وجود هولاء لن ينصلح حلنا وماتبقي زى حسين خوجلى وعايزين تطلعو البشير وكانه شريف وطاهر انه راس الحية وان لم يقطع لن ينصلح الحال لن نرضى بنظام على راسه القاتل المطلوب للعدالة مجرب الحرب مدمر السودان ولن نرضى بكل الفاسدين نحن نريد سوداننا الذى نعرفه نريد ان نعيد البسمة للشفاه سودان التواصل سودان العزة والكرامة والشموخ اين هو سوداننا يا عثمان ميرغنى من قتله من دمره وهل يمر دون عقاب تبا لك ان قلت مشاركة مع السفاح وتبا لكل مهادن رعديد وتبا لكل سدنة النظام نعم للثورة وكنس الفساد والظلم من الجزور وستنتصر ارادة الشعوب يا عثمان ميرغنى وان طال الزمن ويا نحن يا هم كما هم قالو اما هم او الطوفان والطوفان قادم ليقتلعهم من جزورهم التحية للشرفاء فى بلادى الخزئ والعار للفاسدين والموالين للفاسدين والماسكين العصاية من النص فهمت يا ودميرغنى


#937340 [حمدى]
5.00/5 (3 صوت)

03-10-2014 09:53 AM
لديك نفس جينات الصادق المهدى
كالماء تميلون نحو المنحدر


#937333 [سودانى]
5.00/5 (1 صوت)

03-10-2014 09:48 AM
يارجل هل انت متاكد اتك لا تؤسس لترسيخ بقاء هذا النظام ؟
عفوا سيدى حتى هذه المرحلة فاتت عليكم : المطلوب الان اجتثاث ( فاهم) اجتثاث نظام الانقاذ لا غيره

انتهى وقت المناورات الرشيده


#937317 [محتار والله]
5.00/5 (1 صوت)

03-10-2014 09:41 AM
كلام افلاطوني


#937313 [عصمتووف]
5.00/5 (5 صوت)

03-10-2014 09:37 AM
دائما ساقط انه الثمن بعودة تيارك البيت الائل للسقوط طوب ولا جالوص لا تنفع فيهما الترميمات لا تعميشة ولا قشره ولا زبالة يزال من الاساس وطرح مخلفاتة بعيدا حتي لا تشوه الشارع (مش فكره كويسة)


#937278 [ابوريدة]
5.00/5 (1 صوت)

03-10-2014 09:15 AM
المشكلة يا استاذ ليس في المصطلحات ... المشكلة إنو المؤتمر الوطني كان قد اعلن موافقته علي حكومة (قومية) ... فما الذي إستجد بعد اقل من شهر ليعلن الرئيس رفضه لها ؟؟؟ ان هذا السلوك هو الذي يثير الشك في جدية المؤتمر الوطني في الوصول الي حل سياسي .. للمؤتمر الوطني رصيد ذاخر من عدم المصداقية وتغيير المواقف ... وهنا تكمن العلة .


#937266 [وحيد]
5.00/5 (2 صوت)

03-10-2014 09:09 AM
يا عزيزي الفاضل: سعادة الرئيس برفضه اي حكومة قومية او انتقالية يؤكد رفضه لاي حوار او حل سلمي و يؤكد على مضي سياساته و سياسات حزبه الخرقاء و الاقتصادية .. و مسالة الانتخابات المضروبة المتوقعة لا تغني شيئا و ستكون على نمط انتخابات الخج السابقة .. ما الذي تغير في سياسات المؤتمر الوطني؟ نفس الاقصاء و الكذب و اللعب على الزمن ... نفس اسلوب تكميم الافواه و التقييد على الحريات السياسية ... يريد ان يرمي التنظيما و الاحزاب السياسية مكتوفة في البحر ثم يقول لها عومي في انتخابات الخج القادمة ....الا تفهمون ان السلطة للمؤتمر تمثل مسالة حياة او موت؟ و انهم يتمسكون بها حتى لو دمروا السودان تدميرا؟ كل جرائم القتل و البطش و الاستبداد و التدمير الشامل لمقدرات البلاد و نهب كل ممتلكاته جرائم لن يسكت عليها الشعب؟ هل نسيتم ان الرئيس و كثيرين من متنفذي السلطة عليهم اتهامات و قرارات القاء قبض من المحكمة الجنائية و هم في سبيل نجاتهم يمكن ان يضحوا بكل السودان؟ لذلك لا تتوقعوا من الرئيس قبول اي وسيلة توافق وطني تقلص سيطرتهم على السلطة ... يريدون كومبارس و مرتزقة يشاركهم نهب اموال الوطن و الخنوع و الرضا بمناصب وهمية من اجل الامتيازات


#937248 [المتعافي]
5.00/5 (1 صوت)

03-10-2014 08:57 AM
عصماااااان
برضو محظور من السعودية والامارات
خليك قاعد ترفع في جلابيتك وتنضف لباساتك


#937233 [نيفاشا]
5.00/5 (3 صوت)

03-10-2014 08:40 AM
ديل الكلب عمره ما ينعدل .. آل ايه لا قومية و ولا انتقالية .. عقبال الناطق الصحفي بالقصر ..


#937220 [بلبص عيش]
5.00/5 (3 صوت)

03-10-2014 08:28 AM
( و كيف نتفق علي أن نقطة البداية فيها هي انتخابات 2010 ؟ ؟ و الكل يعلم ما حدث فيها من أحادية و خج .. حتي بعلم مركز كارتر الذي غض الطرف عن التجاوزات بهدف تمرير انفصال الجنوب .. ثم يأتي اليوم الرئيس اوباما مشككآ في مشروعية الانقاذ بعد أن صارت كرت محروق و تمرد عليها الشارع !!!!! و لما الاصرار علي هيمنة مؤسسة الرئاسة علي مقالبد الحكم مرة أخري بعد تجريب ربع قرن من الفشل !!! أم تراك دخلت بين براثن القط و بدأت في دفع مستحقات عودة التيار !!! خسارة العشم يا هندسة .


#937219 [osama dai elnaiem]
5.00/5 (3 صوت)

03-10-2014 08:28 AM
ياخ عثمان--- لك التحية والتقدير --- اقتراحك ده بتاع ( بنشرجية) يعني بالسوداني ترقيع لزوم (دفر) عربية البشير تمشي ليها سنة سنتين الي ان يكتب الله امراكان مفعولا وكل همك هو مخارجة الراجل من وسط الوحل الذي ادخل فيه نفسه--- بالله ياعثمان اخوي اورد لي مرجع واحد بس للاقتراح بتاعك ده--- ياجماعة انتو ليش بتلغوا عقولكم ويبقي كل همكم ان يبقي النميري او البشير في الحكم --- الراجل قضي 25 سنة كفاية يعني اعظم رسالة سماوية في العالمين تم تبليغها خلال نصف ذلك الزمن --- رفقا بالشعب السوداني اخي عثمان وخليك صانع سيارة جيدة وليس( بنشرجي)--- مع تقديري لاجتهادك.


#937187 [كمونية]
5.00/5 (1 صوت)

03-10-2014 07:29 AM
وكدا تكون حليت مشكلة الدولة ياشاطر .مقال خبيث انت ايضا تنفخ فى قربة مقدودة وتغرد خارج السرب. لانريد كلمة بشير لاوطنى لا كسم معارضة على حكومة حريقة فيكم كلكم


#937162 [abass]
5.00/5 (2 صوت)

03-10-2014 05:40 AM
باي حق ياخذ المؤتمر الوطني نصف البرلمان يا عثمان؟ هل لانه جاء غصبا عن الشارع بانقلاب؟؟؟؟؟؟ليس للمؤتمر الوطني اي حق في اي حكم وهو الذي دمر البلاد وعاش فيها فسادا 25 عاما.....عثمان ميرغني ظهرت علي حقيقتك وهل كان هذا ثمنا لعودة التيار ......اخرس انت وصحفيي المؤتمر الهالكين وسيقتلع مؤتمرك وكل الفاسدين والصحفيين امثالك الي مزبلة التاريخ قريبا وستري ذلك وستحضر وتغير جلدك كعادتك كلما مالت السفينة لكن هيهات فشعبنا اوعي ويعلم المرتزقة امثالك.....ولا نامت اعين الجبناء......!!!!


#937135 [امدرماني سوداني]
5.00/5 (1 صوت)

03-10-2014 03:23 AM
خلاص يا عثمان رجعت الي الوساخه واتضهاض الشعب والمعاراضه بعد عودت التيار ولكن سوف نعلق المشانق وسوف تكون منهم ايها الافاق االجبان اللص


#937125 [بت البلد]
5.00/5 (1 صوت)

03-10-2014 02:53 AM
أها وناس الصادق وما شابههم في ياتو نصف وللا في الاتنين معا ؟؟!!!!؟ لا...لا لخلط الكيمان يجب تنظيم الصفوف قبل ضرب الدفوف والدنيا سمع وشوف ...


عثمان ميرغني
عثمان ميرغني

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة