المقالات
السياسة
مكافحة الطنين
مكافحة الطنين
03-11-2014 12:01 AM

والميزانيه من 200 ل 300 مليون في الشهر
والباعوضة تجمعنا في غرفه واحده في الشهر وعادل امام يضحك في "شاهد ما شافش حاجه"

والاّ شنو ياإدارة مكافحة الملاريا !!؟
ونحن معادلتنا في البيوت : البعوضه تزيد يتحول النوم للمراوح داخل الاسقف وينقد الجيب بالكهرباء ونظل نشتاق رقاد الحيشان .. والبعوضة في شبه تلميح للاحتلال .
البعوضه .. عزيزتي انت تبالغين .. الخلوة معك لا ليست مستحبه فقط ولا نرتاحها بل ولا نطيقها حتي .. وانتي تتمددين فينا درجة الوصول لمرحلة القرار (يا أنا يا إنتو) .. وتكسبين فوزاً مبين .
فكيف العمل والي من المشتكي !؟
ادارة الملاريا حسب تصريح مصدر مسئول بوزارة الصحه : (اشكاليه تتعلق ببرامج المكافحه ، ونقص كبير في الكوادر ، وعمال الناموس ، وهذا ما احدث خللاً في المكافحة الارضيه ، هذا بالرغم من ان الولاية قد زادت الميزانية المخصصه للمكافحة من 200 "ميتين" الي 300 الف جنيه "تلتمية مليون" شهرياً) .
وهذا ما ادي بإعترافهم الي ارتفاع اصابات ووفيات الملاريا .
ياناس الحاكومه 300 مليون في الشهر لمكافحةٍ لم ولن تصلنا ونحن نضحك مع عادل امام كل (شاهد ما شافش حاجه) وما اكثرها معكم .. في الشهر !!؟
آآي في الشهر وتذهب لذات الغرفة التي نترك الشقة "كوووولها" ونجلس في غرفه "في الشهر" .
سادتي .. بنصفها كافحوا لنا الباعوضة ارضياً .. نصفها .. وده مطلب اول .
ــ مطلب ثاني : كافحوها لينا سماوياً او فضائياً ونحن لا مانع لدينا حتي لو كان كيماوياً "زاتو" .
ـ مطلب ثالث : اقول ليكم حاجه !! رجعوا قروش الحاكومه ونحن ما عايزين مكافحه .. بدل الجهجهه النحنا فيها دي .. قروش مصروفه ورش مافي .. ريحونا ياخي ما عايزين رش .. وبارك الله في من راح واستراح وكفي الله المؤمنين "والما مؤمنين" شر القتال والحشر في الغرف ومجابدة الملايات ومكابدة جحافل الباعوض ليلاً ومكافحة الطنين .



عبد العزيز الننقة
[email protected]


تعليقات 0 | إهداء 0 | زيارات 492

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عبد العزيز الننقة
عبد العزيز الننقة

مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة