المقالات
السياسة
شذاذ أفا ق - قصيدة الثوار
شذاذ أفا ق - قصيدة الثوار
03-12-2014 01:36 PM


أبونا (بعانخي) أبو (تهراقا)
ونبينا الصادق المصدوق
(مهيرة) الشامه في خدودنا
وانحنا رجال ... ويا زول روق
واهلنا كتار زي (سنار)
وزي (ام در) ويا زول فووق
وما بخوفنا لا سجان ولا شيطان
ولا سلطان ولا مخلوق
وما حا نقول في يوم احي
ولا وي وي ولا وروروق
وما بنركب في موج الزيف
ولا بنسيبو لينا يسوق
وانحنا النيل وغرب النيل
وشرق النيل وما حا نروق
ونحنا الأغبش المسكين
ووقت الحارة ما حا نزوغ
بنلبس في ضراعنا سلاح
واقوي سلاح ... سلاح الذ وق
و(مِرق) لو يوم نطق وقال طق
يمين بالله نقول مشقوق
وراس منفوخ ملان اوهام
يا سودان اريتو يطق
ونار بطفوها من ضيفان
ومن جيران اريتا تبق

و(أليس)*لو جاتنا في السودان
حتتعجب وتستعجب من الخازوق
تشوف البغلة في الابريف
تشوف (ابليس) فصيح مطلوق
تشوف النار تطارد الناس
ويطردوا فيها (بالسفروق)
جزيرة و كنز.. وسرقوا رجال
وماتوا عيال عشان صندوق
غراب يستر فعايل الناس
ويرجع يطير ويحلق فوق
ومركب في الكلام غرقان
ولا معطوب ولا مخروق
ونيلاً للجروف مشتاق
يصارع شان يبل الشوق
(جزيرة كنز) وفي صندوقا للمحروم
مزارع للحشا المحروق
وشريك اللص يخالف اللص
ويرفض يظهر المسروق
(جزيرة كنز) وفيها السعد
يواعد للهوي المخنوق
واكيد باكر ببين الحق
وصوت الحق يكون فاروق
ويقول البغلة يا سودان
يمين بالله في (الطايوق)
ويقول البغلة يا سودان
يمين بالله في (الطايوق)

- - - - - - -- - - -


ضياء الدين مدثر رجب (برلين)
[email protected]


تعليقات 0 | إهداء 0 | زيارات 597

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ضياء الدين مدثر رجب
مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة