المقالات
السياسة
الشيوعيون وحزبهم ..!!
الشيوعيون وحزبهم ..!!
03-14-2014 07:16 PM


* في نقاش اريحي مع صديق ، خريج جامعة الخرطوم عرج الحديث عن الجبهة الديمقراطية وقال انها غلاف للحزب الشيوعي ، وبدأ بسرد قصص واحداث كانت تحدث في داخليات الوسط ، وكان الحديث شيق لدرجة انني شربت القهوة رغم انني ﻻ مزاج لي فيها ، ومن ضمن ماحكى صديقي عن احد قيادات الشيوعيين على ايام الجامعة الذي قال انه كان يصل لدرجة ان ياتي بزجاجة الخمر للداخلية ، واليوم هو من اشد المنتقدين لهذا السلوك ، وتحدث عن سلوك غير جميل وغير مشرف يبدر من طﻻب وطالبات محسوبين على الجبهة الديمقراطية التي يرى فيها جسد الحزب الشيوعي ، وقال انهم كانوا يفعلون كذا وكذا ويفعلن كذا وكذ والجميع يعرفهم ويعرفهن ويجاهرون بالمعصية من شرب الخمر و سب الاديان والالحاد و الادينية وتعاطي الحشيش والبنقو ، وقال في استغراب ان كوادر طﻻب الجبهة الاسﻻمية على الرغم من انهم يفعلون ما هو اسوأ ولكنهم ﻻ يجاهرون ويظهرون الالتزام والورع حتى ولو كان نفاقا ، فالناس عليها بالظاهر ...
* رغم صراحة النقاش وقوته ولكنه في تقديري اصاب كبد الحقيقة ، ولسنا بصدد الدفاع عن التزام الشيوعيين او انضباطهم التنظيمي وشهامتهم ، ولكن دعونا ننظر للموضوع من زاوية نظر صديقي ، فالمحاباه و شخصنة المواضيع في بعض المواضع في تقديري ﻻ يفيد ، وانا شخصيا عاصرت سلوك طﻻبي كنت انتقده ، وهنا السلوك الشخصي ﻻ عﻻقة له بالانتماء الحزبي ، فليس الحزب هو من يدعو للالحاد او لشرب الخمر او سب الاديان او تعاطي الحشيش ، فكل مايتم على حسب علمي هو بعيد عن نظر الحزب ورقابته ، وكان اصدقاء الطلبة الشيوعيين هم اكثر من شوه الحزب الشيوعي في الجامعات ، لكونهم ﻻ يتعرضون لمساءلة حزبية ورقابة ، فالكادر الذي ﻻيحترم الجماهير عبر المجاهرة باشياء يرفضها المجتمع مكانه الطبيعي خارج اروقة الحزب ...
* مايجب ان يقال ، على التنظيمات السياسية ضبط عضويتها ، ومراقبة سلوكها ، وعليهم ان يعرفوا ان سلوك هذه الكوادر بين الجماهير بالضرورة يعكس افكار وتوجهات الحزب الذي ينتمون اليه ، وعدم التهاون والاستهانة بشريحة كبيرة من الطﻻب غير منظمة ولكنها محسوبة على بعض التنظيمات وقد تسلك سلوك ﻻ يصب في صالح التنظيمان السياسية وخاصة الحزب الشيوعي ، وغالبا مايكون هذا السلوك عن قصد ومع سبق الاصرار لشي في انفسهم ..

مع كل الود ..

صحيفة الجريدة


تعليقات 10 | إهداء 0 | زيارات 1342

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#943511 [حافظ حمد]
5.00/5 (1 صوت)

03-16-2014 02:38 AM
المحير في الامر انو في ناس ادوهم شهادة القيد الصحفي دي كيف انا ما عارف يا اخي بطل القضايا الانصرافية شرب الخمر دي حرية شخصية بطلوا شغل الوصاية القاعد تمارسوا على الناس طالب الجامعة دا زول راشد كامل الولاية القانونية يعني اذا كان في طالب من الجبهة الديمقراطية جاب ليهو قزازة وقعد بيها في الكافتيريا القانون بياخد مجراه سيبكم من شغل الجاسوسية البتعملوا فيهو يا اخ في واحد اغتصب طالبة وحكم عليه تمت ترئته ما سمعنا ليكم راي والله الشيوعيين لو رقصوا عرايا ما يجوي ذرة جنب القاعد يعمل فيهو الكيزان اختشي وشوف ليك موضع حرب وقتل البلد كلها اغتصاب وزواج مثليين


#943261 [عصمتووف]
5.00/5 (1 صوت)

03-15-2014 06:54 PM
لو عاوز تظهر البس اصفر
كم قبضت في سبيل هذا ي نكره هل من اجل التشويه فقط الشئ المدهش لماذا الحزب الشيوعي فقط من دون سائر الاحزاب الاخري اتمني ان يكون مظروفا ثمينا ثمنا لهذا القئ ما اقبخ النكره عندما يتحدث في مواضيع بعيده عن المنطق والعقل


#943066 [رطاني]
5.00/5 (2 صوت)

03-15-2014 02:28 PM
انا قالوا لي قالوا لي ههههههه يا راجل اعقل شويه


#943037 [الصادق]
5.00/5 (2 صوت)

03-15-2014 02:03 PM
ساقط القول


#942971 [Wad albalad]
0.00/5 (0 صوت)

03-15-2014 01:06 PM
يا جماعة قولوا بسم الله، الزول ده كلامو صاح وما قال حاجة غلط. اذكر اثناء سنوات الدراسة مرة جات الاستاذة سعاد احمد جامعة الخرطوم في يوم المراة العالمي وولعت سيجارة وشربتها، انا ناقشت احد كوادر الحزب الشيوعي انو التصرف ده غلط وبيرسل رسالة سالبة ووافقني الراي.الالتزام بقيم المجتمع وعدم الخروج عليها امر مهم في كسر الحاجز بين الناس والحزب وتصخيح الصورة. كمال الجولي عندو كتاب يتناول موقف الشيوعيين من الديمقراطية ومن الدين وكيف ان سلبيتهم في اظهار موقف واضح والالتزام به قد اضرهم وخصم من رصيدهم


#942802 [البرلوم]
5.00/5 (2 صوت)

03-15-2014 10:53 AM
ده شنو الموضوع الوهمي ده ؟
الكيزان والسلفيين بطلوا يقولوا او يتونسوا بي جنس الكلام ده

انت عامل فيها الطيب صالح ؟ وله تجربتك في حركة الطلابية كبيرة وخطيرة كده ؟ مش ياكا القريت دبلوم الاهلية اب سنتين ؟ تنظر لينا التقول عامل بي اتش دي في الحركة الطلابية

اليومين ديل في موت وسط الطلبة وفي مظاهرة الليلة في شمبات فيا اكتب عن المواضيع دي او اقعد في لقيط ريالات السعودية كأي مغترب سلبي ما تقدنا


#942619 [بت مكوك النيل]
5.00/5 (2 صوت)

03-15-2014 07:19 AM
بتشبه ود عمتى شبه لحد التطابق وكل مااشوف صورتك اقول هىئ ود عمتى خلا الشغل فى العربات وبقى بكتب ولاشنو000لكن بعد ماقريت كلامك ده --ودى اول مره اقرا ليك --قلت برى برى ده بشبه هيثم ود عمتى فى الشكل بس 0000ياهيثم تعال تعال عليك الله شوف ده بشبهك كيف


#942579 [حسن سليمان]
0.00/5 (0 صوت)

03-15-2014 03:51 AM
اتشربون الخمر
لألحونكم لحي العود ولاضربنكم ضرب غرائب الابل
حتى تعودوا الى الله وهي لله هي لله والله اكبر ولله الحمد
تهليل تكبير


#942573 [خالد حسن]
5.00/5 (4 صوت)

03-15-2014 03:26 AM
الكاتب لمن يكون قلمه جبان تصبح كتاباته فارغه
يعني هسع مشاكل البلد من حروب وقتل وتشريد وتقسيم وتمكين و60 عاما من عدم وجود دستور دائم
كل هذه المشاكل سببها الشيوعيون وشربهم للخمر ومجاهرتهم بالخطيئه !!
ايه العبقريه دي !! طيب اعدموا الشيوعيين وحلوا حزبه عشان البلد تتصلح والحروب تقيف وعجلة الاقتصاد تدور والقتل يقيف
مافضل ليك الا تقول انه كل مشاكل السودان عقوبه ربانيه بسبب مجاهرة الشيوعيين بالمعصيه
هسع الفرق بينك وبين بتاع البرلمان البقول المرأه معفنه شنو؟
في المقال القادم ارجو ان تحدثنا عن مخاطر زنا الكيزان في رمضان علي مستقبل البلاد الاقتصادي


#942511 [ما عندك موضوع]
5.00/5 (4 صوت)

03-15-2014 12:35 AM
صدقني إنت زول فارغ و ما عندك موضوع و مشكلة البلد ما شيوعين المشكله إنت عارفها زي جوع بطنك هي تجار الدين فبطل إنصرافية و قول للكوز فاسد فاجر في عينو لو بتقدر يا...راجل


نورالدين عثمان
نورالدين عثمان

مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة