المقالات
منوعات
" حاجة سيدة " _ (كل الأمهات أمي)
" حاجة سيدة " _ (كل الأمهات أمي)
03-21-2014 09:19 AM


" حاجة سيدة "

رسالة قبل الرحيل بعامين

أمي يا روحي وإهاب
في قلبي كاتب ليك خطاب
مُجمل كلامي .. وبإقتضاب
أفديكي بي زهر الشباب
ما إنتي خيرِك في الرِقاب
ودُعاكِ لا شك مُستجاب
في الدنيا خيرِك لو يذاب
يغمر جبال كل الشِعاب
والفرحة من غيرِك سراب
والروضة من دونِك يباب

داير أتولد بيكْ من جديد
وفي الجنة تفتَحي ليْ حساب
واسمعْ كلامِكْ زي زمان
ومن خيرو ما أضيع ثواب
ولسِواكِ ما أسألْ سؤال
ولكلْ سؤال ألقي الجواب
ما الجنة من تِحتِكْ تراب
ومن غيرو في خشمي التراب
داير أبقي بيك زي الملاك
في الجنه افتحو ليكِ باب

داير أبقي بيكْ طفلاً وديع
وأنوم هناك فوق السِحاب
كل النجوم جنبي وقراب
زي النجوم ناسي وصِحاب
داير ألقي فيكْ سر الوجود
ومن نورِك أقتَبِس الشِهاب
ولو تُهْتَ في دنيا الغياب
لو مره داهمني الضباب
لو مره فارقني الصواب
برضاك أذلل كلْ صِعاب
للفرحه أبلغ للنِصاب
وفي الكون أعمر للخراب
_ _ _ _ _ _ _ _ _
ضياء الدين مدثر رجب
برلين
[email protected]


تعليقات 0 | إهداء 0 | زيارات 579

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




ضياء الدين مدثر رجب
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة